中文一分鐘，呢個節目係由［香港電台電視部］製作，以每日一分鐘形式嘅電視教育資訊節目。由陳永明教授主持，喺1996年至2000年期間製作同播出。節目喺1996年同類節目《英語一分鐘》播放完之後接住播出。
節目係以唔同嘅主題，深入淺出咁介紹中國語文嘅文字、文學、同埋文化，令觀眾對中國語文有更深入同更多角度嘅認識，亦會討論大陸同香港語言嘅文化差異，同埋有關粵語正音 、錯別字等嘅常見中國語文問題。節目由1996年9月開始播出至2000年5月，總共播出755集。
香港電台《中文一分鐘》網上重溫［陳永明版本］
主持：陳永明
監製：李耀明
製作：香港電台電視部
＊＊
順便介紹下個主持人
陳永明，香港語言學者，喺香港中文大學新亞書院中文系畢業，之後到美國耶魯大學攻讀哲學碩士，重喺威斯康辛大學東亞研究系攻讀博士，曾經擔任香港浸會大學中文系主任同香港教育學院語文教育學院院長。
陳教授喺1996年開始喺電視台同電台主持文化節目，曾經喺亞洲電視主持〔優勝之道論孔子〕，又喺香港電台主持〔思前後想〕、〔詩韻詞情〕、〔文化．com〕同〔中文一分鐘〕節目。佢曾經喺《信報》［繁星哲語］專欄、《香港聯合報》［望遠集］同［摘藝］專欄撰稿。
＊＊
陳教授嘅著作涉獵面好闊，由中國文學至哲學，以致音樂，都有獨特嘅見解。
著作：
。《中國文學散論》
。《哲學子午線》
。《音樂子午線》
。《哲人哲語》
。《原來孔子》
。《五線譜上的躑躅》
節目主持：
。《中文一分鐘》香港電台
。《優勝之道論孔子》亞洲電視本港台配音劇《孔子》解說
＊＊
香港語文。廣東話資料館
沒有留言:
張貼留言