2018年12月4日 星期二

廣東話[最多鬼嘅歌]



人對[鬼]一般都好忌諱,一般解釋係[人]死咗之後留低嘅靈體,又叫鬼魂、亡靈、亡魂、幽靈、幽魂,等等。有啲恐佈啲嘅叫邪靈、鬼怪、妖怪、魔鬼、吸血鬼等,總之鬼喺人嘅心目中總係面目猙獰、陰森恐佈嘅。但係廣東人講嘅[廣東話]入面用嘅鬼字就多不勝數,變化多端,主要係甪嚟做助語詞嘅[虛詞],純粹係加強語氣,冇咩實質意義嘅。

喺部份帶有[鬼]字嘅詞語度,如果將個[鬼]字省略,佢哋嘅意思係完全冇變過嘅,例如:黐鬼線、死鬼咗、激鬼死、麻鬼煩、把鬼火........等等。不過,加上個[鬼]字之後嘅構詞,大部份都生動傳神咗好多,如果轉用官話嘅[書面語]嚟表達,說話嘅準確度就好難達到,會遜色好多架。

[歡迎提供修正]

**

[最多鬼嘅歌]


《天才與白癡》
 作曲:許冠傑 作詞:許冠傑/薛志雄

 呢個世界上,有精仔、有懵仔、有叻仔、散仔、賭仔、重有戇居仔,
 有衰仔、有好仔、反骨仔、癲仔、蠢仔重弊過敗家仔,
 細蚊仔、臭飛仔、招卿仔、靚仔、打仔亂咁出刀仔,問你點敢亂生仔。
 邊個係天才[天才],邊個係白癡[白癡],
 扮懵定蠢才,冇咁易會知[阿茂至知],
 天才與白癡,你黐定我黐,天才與白癡,冇咁易會知,天才與白……癡。
 
 呢個世界上,有冤鬼、有嘩鬼、有奸鬼、賭鬼、盞鬼、重有鹹濕鬼,
 有衰鬼、有煙鬼、攝青鬼、生鬼、撞鬼撞著個冒失鬼,
 醉酒鬼、吊靴鬼、醜死鬼、假鬼、真鬼、亂咁鬼打鬼,問你究竟攪乜鬼。
 乜鬼係天才[天才],乜鬼係白癡[白癡],扮懵定蠢才,冇咁易會知,
 天才與白癡,你黐定我黐,天才與白癡,冇咁易會知,天才與白……癡。

 呢個世界上,有堅嘢、有流嘢、有精嘢、喎嘢、喳嘢、重有大鑊嘢,
 有衰嘢、有好嘢、有筍嘢、貴嘢、賤嘢、最驟忌就賴嘢,
 醒胃嘢、林嬸嘢、正斗嘢、靚嘢、傑嘢、最爽就撈粗嘢,確係認真唔少嘢。
 乜係天才[天才],乜係白癡[白癡],扮懵定蠢才,冇咁易會知,
 天才與白癡,你黐定我黐,天才與白癡,冇咁易會知,
 天才與白癡,天才與白癡,天才與白癡。

**

。鬼
意思係指人死咗之後無咗個身,只係留低落嚟嘅靈魂。有啲人又認為[鬼]係生物死亡之後遺留落嚟嘅靈體。

。鬼咩

。鬼佬、鬼婆
比較學術嘅係指[高加索人],一般嘅就係形容啲西方人。廣東係最先接觸西方人同西方文化,廣東人嘅觀念認為西方人全部都係紅鬚綠眼,所以就叫佢哋做[鬼佬],連帶西方女人就叫[鬼婆]。喺以前,呢啲詞語係帶有貶意,但喺依家,好多西方人都已經唔係好介意,有好多都會加上笑容而自稱做[鬼佬]、[鬼婆]添。

。鬼妹、鬼仔
西方人嘅大人就叫[鬼佬]、[鬼婆],咁佢哋嘅細路咪叫做[鬼仔]同[鬼妹]囉。

。鬼妹仔
唔係解鬼妹有個仔,而係泛指曾到過外國留學或者喺外國長大嘅女仔,佢哋性格好似外國人咁比較開放,唔會太介意啲凡文俗節咁啫。

。鬼馬
意思唔係一隻做咗鬼嘅馬,廣東話嘅意思係機智、有小聰明、狡猾、多怪主意、靈巧、古靈精怪等等。

。鬼鬼馬馬

。鬼馬雙星
喺1974年,許冠文自編自導,同細佬許冠傑拍檔演出嘅喜劇片名,重有埋首主題歌添。
 [曲/詞:許冠傑]
 為兩餐乜都肯制前世 撞正輸曬心翳滯無謂
 求望發達一味靠搵丁 鬼馬雙星綽頭勁
 亂搏蒙撈偏門確唔曳 做慣監躉經已系成例
 求望發達一味靠搵丁 鬼馬雙星眼瞏瞏
 人生如賭博 贏輸都無時定
 贏咗得餐笑 輸光唔駛興
 做老千梗好搵過皇帝 扮蟹賴野真正系滑稽
 求望發達一味靠搵丁 鬼馬雙星怕現形
 求望發達一味靠搵丁 鬼馬雙星眼瞏瞏
 人生如賭博 贏輸都無時定
 贏咗得餐笑 輸光唔駛興
 做老千梗好搵過皇帝 扮蟹賴野真正系滑稽
 求望發達一味靠搵丁 鬼馬雙星
 鬼馬雙星 鬼馬雙星
 唔…真系有型嘅唧

。鬼整
意思係強調一啲一塌糊涂嘅嘢,好像畀鬼整蠱一樣。通常喺畀人整蠱之後,用嚟鬧啲捉弄你嘅人。借鬼嚟責備對方,不過責備嘅意思就唔係好強烈嘅。
例如:[鬼整你咩?]

。鬼打鬼
意思係內訌、自己人打自己人,多數係指啲壞人。

。鬼畫符
意思係胡亂塗抹,好似鬼畫嘅符咒,通常用嚟形容字體寫得潦草而難以辨認嘅字。

。鬼頭
從前香港警隊入面稱呼啲洋人警官做[鬼頭]。

。鬼頭仔
原本係指以前香港警隊入面可以用英文直接同洋人警官[鬼頭]溝通嘅華人。後來就泛指嗰啲打小報告嘅人、奸細等之類。

。鬼頭鬼腦
意思係形容人陰險狡詐,行為舉止詭祕,同[鬼鬼祟祟]相似。鬼頭鬼腦可以用嚟形容人嘅長相,而鬼鬼祟祟就唔可以。

。鬼食泥
意思係話人一直喺度喃喃自語、喋喋不休,而講嘅嘢又含糊不清,依依哦哦,唔知佢噏啲乜。

。鬼食泥咁聲
聽過人講,傳說話有一隻窮鬼,因為在生嘅親人冇錢燒香燭畀佢,佢冇得食,只好食泥。而啲泥實在又好難吞,隻窮鬼只好喺個口度一直嘴嚼,就一直發出[依依哦哦]嘅聲音。

。鬼都怕
意思係指連鬼遇上都怕,形容好難應乎,令人頭痛。
例如:[人唔要面鬼都怕],[窮到連鬼都怕].........

。鬼都驚

。鬼都唔怕/鬼都唔驚

。鬼都好驚/鬼都好怕

。鬼上身
上身,意思就係[附體],鬼上身,即係人嘅軀體畀靈體附身,畀佢暫時控制著,而之後又講出或做出同平常唔一樣嘅言行舉止。

。鬼知咩
咩,意思係[什麼],係[乜嘢]兩字合音而成。鬼知咩嘅意雖近似[邊個知道],除咗有[邊個知]嘅意思外,重強調人唔知道,鬼先知曉。
例如:[荔枝我就知,黎姿我鬼知咩!](黎姿,靚女嚟架!)

。鬼唔知咩

。鬼掹腳
掹,即係[拉],係話有鬼拉腳,通常係形容人匆匆忙忙,好急趕著去某個地方,就好似畀鬼拉著走咁。

。鬼掩眼/鬼黯眼
明明就喺眼前就係睇佢唔到,就好似畀鬼遮著眼一樣,意思相近[鬼迷心竅]。

。鬼鼠
意思係閃閃縮縮,偷偷摸摸,唔見得光,同[鬼鬼祟祟]。

。鬼鬼鼠鼠
形容人做事唔夠光明正大,同[鬼頭鬼腦]相似。鬼鬼鼠鼠可以指唔易察覺嘅行為,而鬼頭鬼腦就唔得。

。鬼殺咁嘈
形容吵吵鬧鬧,高聲叫嚷,大發牢騷。隻鬼被殺時,係咪喧嘩得咁犀利,就真係不得而知嘞。

。鬼五馬六
形容古靈精怪,調皮狡猾,令人唔能夠理解,亦有亂七八糟嘅意思。

。鬼咁靚
形容人好靚,有幾靚?咪[鬼咁靚]囉。佢嘅比較級形容詞係[靚過鬼]。

。鬼咁得意

。鬼咁好食
同[鬼火咁靚]相似,都係比較級形容助語詞,意思就係非常好食、好好食。

。鬼火

。把鬼火



。鬼火咁靚
即係非常之靚,同[鬼咁靚]一樣意思。係比較級形容助語詞,冇鬼怪嘅意義。用呢個模式組成嘅詞句,標題係[鬼咁?]、[鬼咁??]等,都係咁嘅解釋,呢啲都係地道廣東話嘅講法。
例如:[鬼咁醜]、[鬼咁衰]、[鬼咁蠢]、[鬼咁叻]、[鬼咁勁].........
   [鬼咁多事]、[鬼咁無聊]、[鬼咁賤格]、[鬼咁消魂]等等.........

另外,又有標題調轉係[咁鬼?]、[咁鬼??]等,意思大致相同。不過就比較有蔑視或者鄙視嘅意味。
例如:[咁鬼靚]、[咁鬼賤]、[咁鬼豬]、[咁鬼流]、[咁鬼急].........
   [咁鬼麻煩]、[咁鬼得閒]、[咁鬼衰格]、[咁鬼風騷]等等.........

。鬼影無隻
意思係一個影都冇,呢句嘢表面上講[鬼],其實係話[人],即係冇半個人影。

。鬼影重重

。鬼拍後背枕
意思係指明明唔承認嘅嘢,唔知點解神不守舍咁,將自己嘅心底話講咗出嚟,招認晒,好似畀鬼喺腦後面操控著一樣。

**

。走鬼
意思唔係一隻周圍走嘅鬼,幾十年前[走鬼]喺香港幾乎係人都知。嗰時啲小販違法擺檔時,為要避開唔好俾市政食環同警察拉而互相通報嘅暗語。

。走鬼檔
意思指嗰啲冇牌嘅流動小販,係由[走鬼]引申出嚟嘅[冇牌小販]代名詞。

。衰鬼
意思亦唔係一隻好衰嘅鬼,一般係喺[打情罵俏]嘅時候用嘅,或者係比較親昵嘅人用嚟打招呼,近似北方話嘅[冇心肝的;冇良心]。
例如:[你個衰鬼,咁耐都唔嚟睇下我。]

。衰鬼痘
舊時嘅人有用[衰鬼痘]或者[衰鬼豆]呢個詞嚟形容人嘅,意思同[衰鬼]一樣,[衰鬼痘]已經被淘汰咗好奈。

。盞鬼
意思係有趣、風趣、得意、過癮、可愛、滑稽,等等。
例如:[佢講嘢幾盞鬼嘅啫。]

。冤鬼
本義係[枉死而成]嘅鬼魂。但係多數人都係指成日[纏著人唔放]嘅人。

。冤鬼氣
冤氣,係解因為受冤枉而產生嘅冤枉氣;冤鬼氣,係指對人黐纏唔放嘅意思。
例如:[您真冤鬼氣嘅啫。]

。冤氣鬼
意思同[冤鬼]一樣。
例如:[你唔好跟住我呀,算我怕咗你隻冤氣鬼嘞。]

。撞鬼
正解係[遇到鬼魂]。廣東話[撞鬼]係用嚟鬧人近似[見鬼],有感嘆自己倒霉、行衰運、邪門等嘅意思。
例如:[撞鬼你咩!撞到我碌地。],[今日真係撞鬼,跌咗個荷包。]

。嘩鬼
嘩,係指嘈吵、喧嘩;嘩鬼,純係指調皮、吵鬧、搞搞震嘅細路或者後生仔。
例如:[成班嘩鬼,嘈喧巴閉!]

。搞鬼
意思係暗中使用詭計[搞詭計]。

。搞乜鬼
乜,係[什麼]嘅意思,搞乜鬼,就係[搞什麼鬼]嘅意思,同鬼冇乜關係。

。搞咩鬼[咩鬼都有]

。整鬼

。整乜鬼/整咩鬼 

。醜死鬼
醜,係表示唔好睇,唔光彩,可恥等等。醜字重有[羞]同[臊]嘅意思,即係害羞、羞怯、難為情、唔好意思等。
例如:[鬼唔知醜],[真係醜死鬼].........

。孤寒鬼/孤鬼寒
就係一毛不拔嘅[吝嗇鬼]。廣東話[孤寒]係解[吝嗇]。

。吊靴鬼
原本係形容喜歡跟著人尾行嘅鬼,通常畀人跟尾都會感覺得到,但係擰轉頭又乜都冇。好廳啲就同[寃氣鬼]差唔多,衰啲講就話佢係[跟尾鬼/跟尾狗]之類。

。為食鬼
為食,即係[饞嘴],為食鬼就係[饞嘴鬼],可以理解為貪食嘅鬼。鬼字只係個助語詞,冇咩實質意義。

。奀過鬼
奀,係瘦小、單薄嘅意思,而鬼相傳係唔會再大,好單薄,容易畀風吹走。奀過鬼就係話睇起來又瘦又矮,外形唔討好,比鬼重輕、重細,細到極嘅意思。又可以用[好奀]嚟形容少得可憐。

。大頭鬼
意思係形容嗰啲有財有勢嘅人。

。充大頭鬼
就係話嗰啲無財無勢嘅小人物,但佢哋又冒充有財有勢,同[打腫塊面扮肥佬]嘅意思相同。

。大嘥鬼
意思係指浪費嘢嘅人。

。老鬼

。老友鬼鬼
係好朋友嘅加重親切詞,未知源頭。

。隔夜油炸鬼
係一句歇後語[冇火氣]嘅前段,比喻完全冇脾氣。用油炸過嘅嘢都有火氣,但係程度會隨著時間而消減,油炸鬼隔咗一夜之後,就咩火氣都冇咗嘞。

。懶鬼
係指好懶惰嘅人。

。鹹濕鬼/咸濕鬼
你指好色嘅人。

**

。畀鬼磧
呢個係[被鬼壓]嘅廣東話講法。意思係瞓到半夢半醒時,突然全身肌肉癱瘓,唔郁得,但係個腦就好清醒嘅睡眠障碍現象。就因為個腦清醒而郁唔到,恐懼就油然而生,潛意識就以為係俾鬼壓住而唔郁得。

。扮鬼嚇人
形容古古怪怪,裝神弄鬼,通常係畀識穿扮嘢之後嘅鬧人說話。

。扮鬼扮馬
意思係指人古古怪怪,裝模作樣,詼諧有趣之類。

。扮鬼晒嘢

。餓鬼投胎
專門用嚟形容嗰啲食嘢係急不及待,狼吞虎嚥嘅人,好似畀[餓鬼]投胎轉世嚟咁。

。水鬼升城隍
形容人事上嘅特殊升遷,由低微驟升至高貴嘅身分地位。同[山雞變鳳凰]相近。但係比佢有更多嘅貶意。

。呃鬼咩
形容對人嘅說話極唔信任嘅同義詞,用嚟揭穿一啲好明顯同好容易識破嘅呃人講法。



。呃鬼食豆腐
其實意思即係[呃鬼]。有個傳說,話從前有隻好耐冇食人嘅鬼潛入到書生屋企,想食個書生。個書生面不改容就同隻鬼講:[我已經好多日冇沖涼嘞,我啲肉又酸又臭,唔好食架。不如你食個煲入面嘅豆腐啦,豆腐比我啲肉嫩得多啦。]呢隻鬼好蠢,信晒書生講嘅嘢,果然放過佢而食晒個煲入面嘅豆腐。第二日,嗰書生將佢嘅經歷再加油加醋講畀啲村民知。嗰啲村民就話:[你啊,真係連鬼都畀你呃到唔食人,改食豆腐。]

。氹鬼食豆腐
[呃]同[氹]雖然一樣有欺騙嘅意思,但係亦有分別,[氹]嘅程度同[呃]嘅唔一樣,[氹細路仔]就唔等於[呃細路仔]。

。人細鬼大
意思係年紀細而頭腦精明,鬼主意多,為人機靈;形容人年紀唔大,但係識得大人嘅事,不過始終略帶貶意。

。做乜鬼嘢/做乜鬼啫

。關你鬼事

文:蕭南仁。2018年12月

**

《萬水千山總是情》



美國女歌手[唐伯虎]用廣東話唱《萬水千山總是情》

作詞:鄧偉雄 作曲:顧嘉輝

莫說青山多障礙 
風也急風也勁
白雲過山峰也可傳情 
莫說水中多變幻
水也清水也靜 
柔情似水愛共永

未怕罡風吹散了熱愛 
萬水千山總是情
聚散也有天注定 
不怨天不怨命
但求有山水共作證

未怕罡風吹散了熱愛
萬水千山總是情
聚散也有天注定
不怨天不怨命
但求有山水共作證
未怕罡風吹散了熱愛
萬水千山總是情
聚散也有天注定
不怨天不怨命
但求有山水共作證

但求有山水共作證
但求有山水共作證

我愛廣東歌。廣東話資料館

**

香港語文。廣東話資料館

2018年11月4日 星期日

尋人[任我行]笑傲江湖!


尋人[任我行]笑傲江湖!

天下風雲出我輩,一入江湖歲月催,
皇圖霸業談笑中,不勝人生一場醉。
提劍跨騎揮鬼雨,白骨如山鳥驚飛,
塵事如潮人如水,只嘆江湖幾人回。

作品:人生江湖
别名:任我行/江湖行
年代:近代
出處:笑傲江湖之東方不敗
體裁:古詩詞
作者:任我行

**



衡山派劉正風宣佈退出江湖,重廣邀各方英雄出席佢嘅金盆洗手儀式。但係呢件事就發展到竟然係血腥收埸,因為五嶽劍派盟主嵩山派掌門左冷禪同佢嗰班所謂嘅正派人士,認為劉正風同日月神教(魔教)長老曲洋交往係對五嶽劍派嘅侮辱。最後劉正風受嵩山派嘅脅迫,同曲洋一齊喺受重傷之下自盡身亡。兩人喺臨終前將合作編寫嘅《笑傲江湖》琴譜簫譜,交咗畀令狐沖,祈求佢可以搵到一個懂音律嘅人嘅繼承呢套曲譜。於是,令狐沖就展開呢個江湖大搜查[尋人]嘞!

**

滄海一聲笑。


電影《笑傲江湖》插曲
曲詞/創作:黃霑

滄海笑 滔滔兩岸潮
浮沈隨浪記今朝
蒼天笑 紛紛世上潮
誰負誰勝出天知曉
江山笑 煙雨遙
濤浪淘盡紅塵俗世知多少
清風笑 竟惹寂寥
豪情還賸 一襟晚照
蒼生笑 不再寂寥
豪情仍在痴痴笑笑

**

五嶽劍派


係江湖中五個武林派別嘅合稱,包括:嵩山派、泰山派、華山派、衡山派同恆山派。五個派別各自獨立又互有聯繫,所謂「五嶽劍派,同氣連枝」,各門派間之人會互以長幼輩分稱呼;之後併派改稱為[五嶽派]。

**

五嶽劍派[華山派]



華山,亦稱[太華山],五嶽之一,又稱[西嶽]。位於陝西華陰城南,係秦、晉、豫黃河三角洲交匯處,南接秦嶺,北瞰黃河,扼西北進出中原之門戶。華山山體倚天拔地,四面如削,更有千尺幢、百尺峽、蒼龍嶺、鷂子翻身、長空棧道等險峻之地,被譽為[奇險天下第一山]。華山共有五峰,即東峰朝陽,西峰蓮花,中峰玉女,南峰落雁,北峰雲台。南峰落雁,為太華極頂;西峰最險,北峰最低。另外,南峰落雁、東峰朝陽,西峰蓮花,合稱[天外三峰]。

姓名:風氏
門派:華山派(開山祖師)
兵器:劍

姓名:岳肅
門派:華山派(氣宗祖師)
兵器:劍

姓名:蔡子峰
門派:華山派(劍宗祖師)
兵器:劍


姓名:風清揚
綽號:劍術通神
門派:華山派(劍宗)
徒弟:令狐沖(徒孫侄)
絕技:華山劍法、玉女劍十九式、獨孤九劍
兵器:劍



姓名:岳不羣
綽號:君子劍
門派:華山派掌門(氣宗)
徒弟:令狐沖、勞德諾、梁發、施戴子、高根明、陸大有
   陶鈞、英白羅、舒奇、岳靈珊、林平之
家庭:寧中則(妻)、岳靈珊(女)、林平之(婿)
內功:紫霞神功
絕技:華山劍法、太岳三青峰、奪命連環三仙劍、辟邪劍法
兵器:劍


姓名:寧中則
綽號:華山玉女、寧女俠
門派:華山派(氣宗)
徒弟:令狐沖、勞德諾、陸大有、岳靈珊、林平之
家庭:岳不群(夫)、岳靈珊(女)、林平之(婿)
絕技:華山劍法、玉女劍十九式、寧氏一劍
兵器:劍



姓名:令狐沖
門派:華山派大弟子(被岳不羣逐出師門)
   恆山派(掌門)
師父:岳不羣、風清揚(太師叔)
家庭:任盈盈(妻)、任我行 (岳父)
內功:吸星大法、易筋經
絕技:華山劍法、嵩山劍法、泰山劍法、衡山劍法、恆山劍法
   太岳三青峰、沖靈劍法、寧氏一劍、獨孤九劍
兵器:劍



姓名:岳靈珊
門派:華山派(岳不群弟子/獨女)
家庭:岳不群(父)、寧中則(母)、林平之(夫)
絕技:華山劍法、沖靈劍法、玉女劍十九式
兵器:碧水劍


姓名:林平之
綽號:小林子
門派:華山派(岳不群弟子)
家庭:林遠圖(曾祖父)、王元霸(外祖父)、林震南(父)、王夫人(母)
   岳靈珊(妻)、岳不群(岳父)、寧中則(岳母)
絕技:翻天掌、華山劍法、辟邪劍法
兵器:劍

姓名:勞德諾
綽號:薩老頭
門派:華山派(岳不羣二弟子)實為嵩山派嘅臥底
兵器:劍

姓名:梁發
門派:華山派(岳不羣三弟子)藥王廟中畀黑衣人斬首
兵器:劍

姓名:施戴子
門派:華山派(岳不羣四弟子)
兵器:劍

姓名:高根明
門派:華山派(岳不羣五弟子)
兵器:劍


姓名:陸大有
綽號:六猴兒
門派:華山派(岳不羣六弟子)畀奸細勞德諾殺死
兵器:劍

姓名:陶鈞
門派:華山派(岳不羣七弟子)
兵器:劍

姓名:英白羅
門派:華山派(岳不羣八弟子)畀岳不羣殺死
兵器:劍

姓名:舒奇
門派:華山派(岳不羣弟子)
兵器:劍

姓名:封不平
門派:華山派(劍宗弟子)
兵器:劍

姓名:成不憂
門派:華山派(劍宗弟子)畀桃谷四仙撕成四塊
兵器:劍

姓名:叢不棄
門派:華山派(劍宗弟子)
兵器:劍

**

五嶽劍派[恆山派]



恆山,又名[元岳]、[常山]、[北嶽],明代之前指河北[大茂山],清代順治時因改祭北嶽於山西渾源縣玄岳山,遂稱渾源玄岳山為[恆山]。恆山山脈為東北至西南走向。恆山主峰[天峰嶺],主廟[北嶽廟],供奉着恆山神,即[北嶽大帝]。

姓名:
法號:曉風師太
門派:恆山派(開山祖師)
兵器:劍


姓名:
法號:定靜師太
門派:恆山派(恆山三定之一)
絕技:恆山派劍法、萬花劍法、天長掌法
兵器:劍

姓名:
法號:定閒師太
門派:恆山派掌門(恆山三定之一)臨終前遺言令狐沖接任恆山派掌門
絕技:恆山派劍法、萬花劍法、天長掌法
兵器:劍

姓名:
法號:定逸師太
門派:恆山派(恆山三定之一)
絕技:恆山派劍法、萬花劍法、天長掌法
兵器:劍


姓名:
法號:儀琳
門派:恆山派掌門(定逸師太弟子)
徒弟:田伯光(不可不戒和尚)
家庭:不戒和尚(父)、啞巴婆婆(母)
絕技:恆山派劍法、萬花劍法
兵器:劍


姓名:
法號:不戒和尚
門派:恆山派()
家庭:啞巴婆婆(妻)、儀琳(女)

姓名:
綽號:啞婆婆
門派:()原為尼姑,後裝聾作啞,扮作僕婦,隱於恆山
家庭:不戒和尚(夫),儀琳(女)


姓名:田伯光
綽號:萬里獨行
法號:不可不戒
門派:恆山派[儀琳弟子)
兵器:刀


姓名:
綽號:桃根仙、桃谷六仙之一
門派:恆山派()
絕技:肢解[類似五馬分屍]

姓名:
綽號:桃幹仙、桃谷六仙之二
門派:恆山派()
絕技:肢解[類似五馬分屍]

姓名:
綽號:桃枝仙、桃谷六仙之三
門派:恆山派()
絕技:肢解[類似五馬分屍]

姓名:
綽號:桃葉仙、桃谷六仙之四
門派:恆山派()
絕技:肢解[類似五馬分屍]

姓名:
綽號:桃花仙、桃谷六仙之五
門派:恆山派()
絕技:肢解[類似五馬分屍]

姓名:
綽號:桃實仙、桃谷六仙之六
門派:恆山派()
絕技:肢解[類似五馬分屍]
兵器:劍

姓名:
法號:儀光
門派:恆山派(定逸師太弟子)
兵器:劍

姓名:
法號:儀和
門派:恆山派(定逸師太大弟子)
兵器:劍

姓名:
法號:儀清
門派:恆山派(定逸師太二弟子)
兵器:劍

姓名:
法號:儀質
門派:恆山派(定靜師太弟子)
兵器:劍

姓名:秦絹
門派:恆山派(定靜師太關門俗家弟子)
兵器:劍

姓名:
法號:儀真
門派:恆山派(定靜師太弟子)
兵器:劍

姓名:
法號:儀靈
門派:恆山派(定閒師太弟子)
兵器:劍

姓名:
法號:儀文
門派:恆山派(定閒師太弟子)
兵器:劍

姓名:鄭萼
門派:恆山派(俗家弟子)

姓名:于嫂
門派:恆山派(定閒師太弟子)

**

五嶽劍派[泰山派]


泰山,原名[岱山]、亦名[岱宗]。位於濟南、長清、肥城、泰安之間。南麓始於泰安城,北麓止於濟南。主峰位於泰安[玉皇頂]。

姓名:
綽號:東靈道長
門派:泰山派(開山祖師)
兵器:劍

姓名:
綽號:天門道人
門派:泰山派(掌門)與青海一梟同歸於盡
兵器:劍

姓名:
綽號:玉磯子
門派:泰山派(天門道人師叔)被左冷禪收買,最後畀左冷禪斬斷兩手一腳
兵器:劍

姓名:
綽號:玉磬子
門派:泰山派(天門道人師叔)被左冷禪收買,死於華山思過崖山洞
兵器:劍

姓名:
綽號:玉音子
門派:泰山派(天門道人師叔)被左冷禪收買,死於華山思過崖山洞
兵器:劍

姓名:
綽號:玉鐘子
門派:泰山派(華山思過崖山洞中觀劍法者之一)喺思過崖山洞畀左冷禪殺死
兵器:劍

姓名:
綽號:天松道人
門派:泰山派(天門道人師弟)喺衡山城迴雁樓畀田伯光刺傷
兵器:劍

姓名:
綽號:天乙道人
門派:泰山派()與天門、天松同輩,畀令狐沖劍法嚇暈
兵器:劍

姓名:
綽號:遲百城
門派:泰山派(天門道人弟子)畀田伯光殺死
兵器:劍

姓名:
綽號:建除道人
門派:泰山派(天門道人弟子)
兵器:劍

**

五嶽劍派[嵩山派]

嵩山,古名又稱[外方]、[嵩高]、[崇高],位於河南中部,屬伏牛山系,地處登封西北面,係五嶽嘅[中嶽]。嵩山又分為[少室山]同[太室山]兩部分,共有72峰,最高峰有[連天峰],[峻極峰]。古詩曰:「嵩高維岳,峻極於天」,[中嶽]嵩山無論係自然地質定係文化遺存上,都堪稱為[五嶽之尊、萬山之祖]。



姓名:左冷禪
門派:嵩山派(掌門,嵩山十三太保之一)
徒弟:史登達、狄 修、勞德諾
家庭:左 挺(左飛英)
內功:寒冰真氣
絕技:寒冰神掌、大嵩陽神掌、快慢十七路、嵩山劍法、大陰陽手
兵器:劍

姓名:丁勉
綽號:托塔手
門派:嵩山派(左冷禪二師弟,嵩山十三太保之二)
兵器:劍

姓名:陸柏
綽號:仙鶴手
門派:嵩山派(左冷禪三師弟,嵩山十三太保之三)
兵器:劍

姓名:費彬
綽號:大嵩陽手
門派:嵩山派(左冷禪四師弟,嵩山十三太保之四)
兵器:劍

姓名:鄧八公
綽號:神鞭
門派:嵩山派(左冷禪五師弟,嵩山十三太保之五)
兵器:劍

姓名:高克新
綽號:錦毛獅
門派:嵩山派(左冷禪六師弟,嵩山十三太保之六)
兵器:劍

姓名:湯英鶚
綽號:紅白劍
門派:嵩山派(副掌門,左冷禪七師弟,嵩山十三太保之七)
兵器:劍

姓名:鍾鎮
綽號:九曲劍
門派:嵩山派(左冷禪八師弟,嵩山十三太保之八)
兵器:劍

姓名:樂厚「孝感」
絕技:大陰陽手
門派:嵩山派(嵩山十三太保之九)
兵器:劍

姓名:卜沉
綽號:白頭仙翁
門派:嵩山派(嵩山十三太保)
兵器:劍

姓名:沙天江
綽號:禿鷹
門派:嵩山派(嵩山十三太保)
兵器:劍

姓名:趙四海
門派:嵩山派(嵩山十三太保)
兵器:劍

姓名:張敬超
門派:嵩山派(嵩山十三太保)
兵器:劍

姓名:司馬德
門派:嵩山派(嵩山十三太保)
兵器:劍

姓名:史登達
綽號:千丈松
門派:嵩山派(左冷禪弟子)
兵器:劍

姓名:狄修
門派:嵩山派(左冷禪弟子)
兵器:劍

姓名:萬大平
門派:嵩山派(左冷禪弟子)
兵器:劍

姓名:勞德諾
門派:嵩山派(左冷禪弟子)畀左冷禪派去華山派做臥底
兵器:劍

**

五嶽劍派[衡山派]

衡山,又稱[南嶽],係五嶽之一,南嶽始封於唐虞,係古代帝王巡狩祭祀嘅地方,亦係道教同漢傳佛教嘅聖地之一。主景區全稱[衡山風景名勝區]位於衡山縣。


姓名:莫大(莫大先生)
綽號:瀟湘夜雨
門派:衡山派(掌門)
絕技:衡山劍法、迴風落雁劍、衡山五神劍、百變千幻衡山雲霧十三式
兵器:劍



姓名:劉正風
綽號:劉三爺
門派:衡山派(副掌門)
家庭:劉夫人(妻)畀狄修殺死
   劉公子(長子)畀狄修殺死
   劉 菁(女)畀萬大平殺死
   劉 芹(幼子)
徒弟:向大年、米為義、另有七名弟子
兵器:劍

姓名:方千駒
門派:衡山派()
兵器:劍

姓名:魯連榮
綽號:金眼鵰、金眼烏鴉
門派:衡山派()
兵器:劍

姓名:向大年
門派:衡山派(劉正風弟子)畀丁勉用銀針殺死
兵器:劍

姓名:米為義
門派:衡山派(劉正風弟子)
兵器:劍

**

[少林派]



少林,係唐朝嵩山少林寺發展出來囓武術門派,少林派係中原武術中流傳範圍最廣、歷史最長、拳種最多嘅武術門派,源自於[中嶽]嵩山嘅[少林寺]故名。


姓名:
法號:方證(方證大師)
門派:少林派(方丈)
內功:易筋經、少林九陽功
絕技:千手如來掌、金剛禪獅子吼

姓名:辛國樑
門派:少林派(方生師姪)畀任盈盈殺死

姓名:易國梓
門派:少林派(方生師姪)畀任盈盈殺死

姓名:
法號:方生
門派:少林派(方證師弟)

姓名:
法號:覺月
門派:少林派(方生師姪)畀任盈盈殺死

姓名:黃國柏
門派:少林派(方生師姪)畀任盈盈殺死

**

[武當派]



武當山,本名[仙室山],又名[太岳山]、[太和山]、[譧上山],東晉咸和中,歷陽人謝允(謝羅公),辭掉羅縣縣令之職,隱遁喺此山,故亦名[謝羅山]。位於湖北西北部十堰丹江口。漢江南岸,西北至東南走向,為大巴山脈東段分支,起自湖北、陝西兩省邊界,止於襄陽南,隔漢江同大洪山遙對。


姓名:
法號:沖虛(沖虛道長)
門派:武當派(掌門)
內功:武當九陽功、純陽無極功
絕技:梯雲縱輕功、兩儀劍法、武當長拳、神門十三劍、繞指柔劍
   虎爪手、虎爪絕戶手、綿掌、震天鐵掌、天地同壽、太極劍法
兵器:劍

姓名:
法號:清虛
門派:武當派(沖虛師弟)
擅長:機器削器

姓名:
法號:成高
門派:武當派(沖虛師姪)
擅長:製炸藥

**

[丐幫]



宋元話本小說,就有稱乞丐首領做[團頭],多數係由當地黑幫頭目或者地痞流氓充任。團頭以[杆]為權力象徵,藉以懲罰違犯幫規嘅乞兒[打死無怨]。

姓名:解風
門派:丐幫(幫主)

姓名:張金鰲
門派:丐幫(副幫主)劉正風金盆洗手賀客之一。

**

福州[福威鏢局]


姓名:林遠圖
法號:渡元
門派:福建莆田少林寺(紅葉禪師弟子)
   還俗後創立(福威鏢局)
絕技:辟邪劍法

姓名:林仲雄
門派:福州福威鏢局(第二代傳人)

姓名:林震南
門派:福州福威鏢局(第三代傳人)少林派,畀余滄海虐待致死
家庭:王夫人(妻)、林平之(子)

姓名:王夫人
門派:洛陽金刀門(王元霸之女)觸柱殉夫
家庭:金刀門王元霸(父)、林震南(夫)、林平之(子)

姓名:史鏢頭
門派:福威鏢局鏢頭()死於青城派摧心掌

姓名:鄭鏢頭
門派:福威鏢局鏢頭()死於青城派摧心掌

姓名:富鏢頭
門派:福威鏢局鏢師()死於青城派摧心掌

姓名:錢鏢頭
門派:福威鏢局鏢師()死於青城派摧心掌

姓名:吳鏢頭
門派:福威鏢局鏢師()死於青城派摧心掌

姓名:高鏢頭
門派:福威鏢局鏢師()死於青城派摧心掌

姓名:褚鏢頭
門派:福威鏢局鏢師()死於青城派摧心掌

姓名:崔鏢頭
門派:福威鏢局鏢師()死於青城派摧心掌

姓名:祝鏢頭
門派:福威鏢局鏢頭()死於青城派摧心掌

姓名:季鏢頭
門派:福威鏢局鏢師()死於青城派摧心掌

姓名:霍鏢頭
門派:福威鏢局鏢師()死於青城派摧心掌

姓名:狄鏢頭
門派:福威鏢局鏢師()

姓名:白二
門派:福威鏢局(趟子手)死於青城派摧心掌

姓名:陳七
門派:福威鏢局(趟子手)死於青城派摧心掌

姓名:林福
門派:福威鏢局(男僕)死於青城派摧心掌

姓名:華師傅
門派:福威鏢局(廚子)死於青城派摧心掌

姓名:黃先生
門派:福威鏢局(帳房)

姓名:劉鏢頭
門派:福威鏢局(浙江杭州分局主持人)

姓名:易鏢頭
門派:福威鏢局(江西南昌分局主持人)

**

洛陽[金刀門]


姓名:王元霸
綽號:金刀無敵
門派:金刀門(掌門)
家庭:福威鏢局王夫人(女),林平之(外孫)
兵器:金刀

姓名:王伯奮
門派:金刀門(王元霸長子,王夫人之弟)
兵器:刀

姓名:王仲強
門派:金刀門(王元霸次子,王夫人幼弟)
兵器:刀

姓名:王家駿
門派:金刀門(王仲強長子,王元霸之孫)
兵器:刀

姓名:王家駒
門派:金刀門(王仲強幼子,王元霸之孫)
兵器:刀

姓名:易師爺
門派:金刀門(帳房師爺)酷愛音律
兵器:刀

**

[日月神教]



日月神教,前稱[朝陽神教],中原武林人士又稱佢哋做[魔教],但係冇任何證據顯示佢咃喺中原地區入面度傳教。總壇[黑木崖],位於河北石家莊西柏坡。



姓名:任我行
綽號:絕頂高手
門派:日月神教(教主)
家庭:任盈盈(女)
內功:吸星大法
隱疾:年老體衰
兵器:劍



姓名:任盈盈
綽號:聖姑、任大小姐
門派:日月神教(教主)
家庭:任我行(父)、令狐沖(夫)
絕技:疑似魚腸劍法
兵器:長短雙劍



姓名:東方不敗
綽號:天下第一
門派:日月神教(光明右使、教主)
內功:葵花寶典[殘本]
隱疾:斷背山縱合症
兵器:繡花針



姓名:向問天
綽號:天王老子
門派:日月神教(光明左使、教主)
絕技:吸功入地小法
兵器:軟鞭


姓名:黃鍾公
綽號:江南四友之一
門派:日月神教()隱居杭州[梅莊]

姓名:黑白子
綽號:江南四友之一
門派:日月神教()隱居杭州[梅莊]

姓名:禿筆翁
綽號:江南四友之一
門派:日月神教()隱居杭州[梅莊]

姓名:丹青生
綽號:江南四友之一
門派:日月神教()隱居杭州[梅莊]

姓名:鮑大楚
門派:日月神教(長老)

姓名:秦偉邦
門派:日月神教(長老)

姓名:王誠
門派:日月神教(長老)

姓名:桑三娘
門派:日月神教(長老)第三版改為日月神教天風堂香主

姓名:文長老
門派:日月神教(長老)畀嵩山派、泰山派、衡山派圍攻而死

姓名:丘長老
門派:日月神教(長老)離奇死於甘肅

姓名:葛長老
門派:日月神教(長老)桃谷中設陷阱捉岳不羣者之一,被岳不羣殺死

姓名:杜長老
門派:日月神教(長老)桃谷中設陷阱捉岳不羣者之一

姓名:莫長老
門派:日月神教(長老)桃谷中設陷阱捉岳不羣者之一,畀岳不羣殺死


姓名:曲洋
門派:日月神教(長老)酷愛音律,作《笑傲江湖》琴曲

姓名:曲非煙
門派:日月神教(曲洋孫女)畀嵩山派費彬殺死


姓名:綠竹翁
門派:洛陽篾匠(任盈盈師姪)

姓名:盧大哥
門派:日月神教()畀令狐沖殺死

姓名:史老三
門派:日月神教()畀令狐沖殺死

姓名:閔老二
門派:日月神教()畀令狐沖殺死

姓名:賈布
綽號:黃面尊者
門派:日月神教(青龍堂堂主)恆山翠屏山畀方證大師殺死

姓名:上官雲
綽號:鵰俠
門派:日月神教(白虎堂堂主)

姓名:羅長老
綽號:鵰俠
門派:日月神教(朱雀堂堂主)畀童百熊一刀殺死

姓名:童百熊
門派:日月神教(風雷堂堂主)畀東方不敗以繡花針刺死


姓名:楊蓮亭
門派:日月神教(東方不敗男寵)畀任我行頭撞而死


姓名:包某
門派:日月神教(假扮東方不敗者)

姓名:史香主
門派:日月神教()

姓名:薛某
門派:日月神教(桃谷中設陷阱捉岳不羣者之一)

姓名:張乘雲
綽號:白猿神魔(兄弟二人)
門派:日月神教(戰五嶽劍派十長老之一)喺華山思過崖山留下破華山劍法字
兵器:熟銅棍(破華山派劍法)

姓名:張乘風
綽號:金猴神魔(兄弟二人)
門派:日月神教(戰五嶽劍派十長老之一)喺華山思過崖山留下破華山劍法字
兵器:熟銅棍(破華山派劍法)

姓名:范松
綽號:大力神魔
門派:日月神教(戰五嶽劍派十長老之一)喺華山思過崖留下破恆山劍法字
兵器:斧頭(破恆山派劍法)

姓名:趙鶴
綽號:飛天神魔
門派:日月神教(戰五嶽劍派十長老之一)喺華山思過崖山留下破恆山劍法字。
兵器:雷震擋(破恆山派劍法)

姓名:傅義
綽號:鐵臂神魔
門派:日月神教(戰五嶽劍派十長老之一)

姓名:徐斬
綽號:血刃神魔
門派:日月神教(戰五嶽劍派十長老之一)

姓名:於彬
綽號:雪掌神魔
門派:日月神教(戰五嶽劍派十長老之一)

姓名:丁凌
綽號:銀蠍神魔
門派:日月神教(戰五嶽劍派十長老之一)

姓名:黨隆
綽號:青蛛神魔
門派:日月神教(戰五嶽劍派十長老之一)

姓名:薛旭
綽號:絕影神魔
門派:日月神教(戰五嶽劍派十長老之一)

姓名:姜濱
綽號:追風神魔
門派:日月神教(戰五嶽劍派十長老之一)

**

雲南[五毒教]


五毒教,又名[五仙教],五毒係指蛇、蜈蚣、蠍子、蜘蛛同蟾蜍五種毒物,裏面多數用毒較多。五毒教地處苗疆「五毒嶺」,係個神秘而恐怖嘅組織。五毒教信奉嘅原則係「利益決定敵友」,只要有利可圖,就可以為人所用,唔理是非、對錯、正邪。五毒教另一個信條就係「誰得罪五毒教,誰就死無全屍」,同五毒教為敵嘅人都會莫名其妙咁死。

姓名:
綽號:五毒神君
門派:五毒教(開山祖師)



姓名:藍鳳凰
綽號:苗族女子
門派:五毒教[教主]
   華山派[令狐沖掛名徒弟]
隱疾:單戀令狐沖
絕技:金蛇劍、鐵蜈鈎、軟虹蛛索、蠍尾鞭、含沙射影
兵器:劍

姓名:江飛虹
門派:五毒教()

**

新疆[崑崙派]

崑崙山,西起帕米爾高原東部,東到柴達木河上游谷地,東處與巴顏喀拉山脈同阿尼瑪卿山(積石山)相接,北鄰塔里木盆地同柴達木盆地。西窄東寬,一般認為最高峰稱為崑崙山嘅[慕士山],位於新疆維吾爾自治區同田地區南面,但係實際係[公格爾山]最高。



姓名:震山子
綽號:乾坤一劍
門派:崑崙派(掌門)

姓名:譚迪人
門派:崑崙派(弟子)中毒而死。

**

四川[青城派]

青城山,係道教嘅發源地之一,屬道教名山之一。位於四川都江堰西南,古稱[可韓山]、[丈人山],東距成都,處於都江堰水利工程西南處。主峰老霄頂。四川名山中與劍門之險、峨嵋之秀、夔門之雄齊名,有[青城天下幽]之美譽。

姓名:長青子
門派:青城派(余滄海師父)


姓名:余滄海
門派:青城派(掌門)畀林平之殺死
師父:長青子
絕技:摧心掌


姓名:余人彥
門派:青城派(掌門,松風觀觀主余滄海幼子)畀林平之殺死

姓名:賈人達
門派:青城派(余滄海弟子)畀被林平殺死

姓名:方人智
門派:青城派(余滄海弟子)畀林平之殺死

姓名:黎人才
門派:青城派(余滄海弟子)

姓名:彭人騏
門派:青城派(余滄海弟子)畀田伯光殺死

姓名:侯人英
綽號:青城四秀之一
門派:青城派(余滄海四大弟子之一)畀林平之殺死

姓名:洪人雄
綽號:青城四秀之二
門派:青城派(余滄海四大弟子之二)畀林平之殺死

姓名:于人豪
綽號:青城四秀之三
門派:青城派(余滄海四大弟子之三)畀林平之殺死

姓名:羅人傑
綽號:青城四秀之四
門派:青城派(余滄海四大弟子之四)被令狐沖所殺】

姓名:吉人通
門派:青城派()畀林平之殺死

姓名:申人俊
門派:青城派()

姓名:皮師哥
門派:青城派()

姓名:蔣師哥
門派:青城派()

姓名:馬師哥
門派:青城派()

**

四川[峨嵋派]



峨嵋山,係佛教四大名山之一,佛教聖地[華藏寺]就位於峨嵋山境內嘅[金頂]。峨嵋山地勢陡峭,風景秀麗,有[峨嵋天下秀]嘅美譽。


姓名:郭襄
綽號:小東邪
門派:峨嵋派(開山祖師)
師父:郭靖(父)黃蓉(母)金輪國師
徒弟:風陵師太
家庭:黃藥師(外公)馮衡(外婆)
   郭嘯天(亞爺)李萍(亞嫲)
   郭靖(父)黃蓉(母)郭芙(姊)郭破虜(弟)
   耶律齊(姐夫)
內功:龍象般若功全真教內功峨嵋九陽功
絕技:峨嵋劍法四象掌法金頂綿掌佛光普照
兵器:倚天劍

姓名:
綽號:松紋道人
門派:峨嵋派()畀向問天嘅「吸功入地小法」嚇倒
兵器:劍

**

雲南[點蒼派]


點蒼派,係武俠經常出現嘅門派,因位於雲南大理蒼山(點蒼山)而得名。

姓名:
綽號:點蒼雙劍「點蒼雙劍,劍氣沖天」
門派:點蒼派()畀向問天掌擊而死
兵器:劍

**

其他



姓名:夏老拳師
門派:鄭州六合門(掌門)劉正風金盆洗手賀客之一

姓名:鐵老老
門派:川鄂三峽神女峰()劉正風金盆洗手賀客之一

姓名:潘吼
門派:東海海沙幫(幫主)劉正風金盆洗手賀客之一

姓名:白克
綽號:神刀,曲江二友之一
門派:()劉正風金盆洗手賀客之一

姓名:盧西思
綽號:神筆,曲江二友之一
門派:()劉正風金盆洗手賀客之一

姓名:張大人
門派:()推薦劉正風為參將者之一,宣讀聖旨

姓名:何三七
門派:()浙江雁蕩山賣餛飩為生

姓名:聞先生
門派:(陝南人)
兵器:判官筆



姓名:木高峰
綽號:塞北明駝
門派:(蒙古人)畀林平之殺死
兵器:彎刀、駝劍

姓名:陳歪嘴
門派:(洛陽無賴)同令狐沖賭錢

姓名:平一指
綽號:殺人名醫
門派:(醫一人,殺一人;殺一人,醫一人)死於五霸岡上

姓名:平夫人
門派:(平一指之妻)

姓名:祖千秋「本名宗、字千秋」
綽號:黃河老祖之一
門派:()

姓名:老頭子「本名爺,字頭子」
綽號:黃河老祖之一
門派:()
家庭:老不死(女)

姓名:老不死
門派:()
家庭:老頭子(父)

姓名:諸草仙
綽號:毒不死人
門派:百藥門(掌門)與五毒教並稱江湖兩大毒門

姓名:計無施
綽號:夜貓子、無計可施
門派:()



姓名:
綽號:白熊
綽號:漠北雙熊之一
門派:()身材高大,膚色白淨,嗜食人肉

姓名:
綽號:黑熊
綽號:漠北雙熊之一
門派:()膚色黝黑和尚,嗜食人肉

姓名:仇松年
綽號:長髮頭陀
門派:()恆山懸空寺上畀玉靈道人殺死
兵器:半月形虎頭戒刀

姓名:張夫人
門派:()恆山懸空寺上畀游迅殺死
兵器:兩尺長短刀

姓名:
法號:西寶和尚
門派:()恆山懸空寺上畀嚴三星殺死
兵器:純鋼缽鈸

姓名:
綽號:玉靈道人
門派:()恆山懸空寺上畀「桐柏雙奇」殺死
兵器:八角狼牙錘

姓名:嚴三星
綽號:雙蛇惡丐、雙龍神丐
門派:(肩上盤兩條三角頭青蛇)恆山懸空寺上畀「桐柏雙奇」殺死

姓名:周孤桐
綽號:桐柏雙奇之一
門派:(瞎左眼)
兵器:黃金拐杖



姓名:吳柏英
綽號:桐柏雙奇之二
門派:(瞎右眼)
兵器:黃金拐杖

姓名:游迅
綽號:油浸泥鰍,滑不溜手
門派:()恆山懸空寺上畀任盈盈殺死

姓名:司馬大
門派:長鯨島(島主)

姓名:黃伯流
綽號:銀髯蛟
門派:天河幫(幫主)

姓名:何某
門派:()
兵器:飛錐

姓名:丁堅
綽號:一字電劍
門派:杭州梅莊(家丁之一)
兵器:劍

姓名:施令威
綽號:五路神
門派:杭州梅莊(家丁之一)
兵器:紫金八卦刀

姓名:吳天德
門派:()河北滄州游擊,被調往福建泉州府升任參將,畀令狐沖劫去衣衫坐騎

姓名:
綽號:白剝皮
門派:()浙閩交界某鎮大財主,令狐沖帶領恆山眾人向佢「化緣」

姓名:
法號:清曉師太
門派:龍泉水月庵(住持)向恆山派借出龍泉寶劍

姓名:易堂主
綽號:長江雙飛魚之一
門派:九江白蛟幫()

姓名:齊堂主
綽號:長江雙飛魚之一
門派:九江白蛟幫()

姓名:
綽號:驪山仙姥
門派:()

姓名:
綽號:青海一梟
門派:(白板煞星弟子)封禪台上畀天門道人扭斷頸骨而死

姓名:于老拳師
門派:()居住江湖,一家二十三口畀魔教活釘喺大樹上

姓名:趙登魁
門派:濟南府龍鳳刀(掌門)

姓名:郝老英雄
綽號:漢陽英雄
門派:()

**

只記今朝笑


電影《笑傲江湖之東方不敗》插曲
作詞/作曲:黃霑

滄海一聲笑
白雲俏,艷陽照,襯我逍遙調;
自由是我,心裡只記,今朝的歡笑。
開心的感覺,傾心的快樂,今天開了心竅。

落霞如血,紅日如醉,我抱擁奇妙。
(浮塵隨浪,只記今朝)今朝的歡笑。
熱情和唱,縱情傲嘯,看透江湖玄妙。
自由來去,不盡逍遙,瀟灑得不得了。
笑面向,滔滔啊,他朝有誰能料?
(浮塵隨浪)只記,今朝的歡笑。
開心的感覺,傾心的快樂,今天開了心竅。

滄海一聲笑
白雲俏,艷陽照,襯我逍遙調;
自由是我,心裡只記,今朝的歡笑。

瀟灑得不得了[瀟灑得不得了]
瀟灑得不得了[瀟灑得不得了]
瀟灑得不得了[瀟灑得不得了]
瀟灑得不得了[瀟灑得不得了]
**

編:男人隨筆.2018年11月

**

大陸氣功[金像獎]2017



開場表演,[我要真氣功]!

呢啲國寶級嘅表演,再加上一啲特技效果之後,呢位氣功大師嗰招[隔山打牛]嘅威力,就更上一層樓嘞。真係[無卵得頂],假到[無曬朋友]!不過,呢種咁嘅大師到處都係,不論國籍人種同膚色,全世界都有。喺亞洲地區比較有市場嘅有大陸、日本、台湾、馬來西亞、泰國等.........

參演招式:
。[隔住青山打西牛]
。[螺旋丸 vs 廬山升龍霸]
。[太極旋風氹氹轉]
。[真正宗。龜波氣功]
。[雷遁。千烏]

氣功嘅種類好繁多,又有悠久嘅歷史,喺古代通常分為吐吶、行氣、布氣、服氣、導引、煉丹、修道、坐禪等等。練氣功,好多時都係配合武術或者靜坐一齊練。

氣功主要可以分為[動功]同[靜功]。動功係指以身體活動為主嘅氣功,特點係強調同意氣相結合嘅肢體操作;而靜功係指身體唔迶動,只係靠意識、呼吸嘅自我控制來進行嘅氣功。大多數嘅練氣功方法係動靜相間嘅。

喺宗教之中,道教嘅道士經常會練習導引、內丹術氣功,而佛教裡面就會練習禪定、靜坐所包含嘅氣功。

**

廣東話資料館