《步步高》係廣東音樂名家呂文成嘅代表作，亦係廣東音樂之中比較具特色，同代表性嘅一首。呢首曲嘅樂譜出自一九三八年，由沈允升編著嘅《琴弦樂譜》入面，喺當時期亦係好流行嘅樂曲，吕文成就係喺呢個基礎上改编。樂曲為Ｄ宮調，2/4拍，採用反覆嘅手法，以積聚力量，或漸次高漲，或漸次下落，有張有弛，表現步步高升嘅情緒。
呢首曲旋律輕快而激昂，層層遞增，節奏明快，音浪疊起疊落，一張一弛，音樂富有動力，畀人感覺有奮發上進嘅積極意義。後來由中國當代音樂指揮家彭修文改編，以現代民族管弦樂團演奏。
《步步高》係一首廣東嘅傳統樂曲，由廣東音樂名家呂文成創作。喺1972年香港電台播出嘅電視劇《獅子山下》，就係用咗《步步高》呢首曲來做主題音樂。乘著電視劇集《獅子山下》嘅迴響，葉紹德將首曲填上粤語歌詞（大食懶），歌詞輕鬆寫實，紀錄當時民生狀況，由徐小明唱出，歌名亦叫做《獅子山下》。
不過當時香港電台並冇採用到呢首歌，冇用嚟做劇集《獅子山下》嘅主題歌。而到咗1979年，香港電台改用主題曲，由顧嘉煇作曲同編曲，黃霑填詞，羅文主唱嘅同名歌曲《獅子山下》，就成為咗電視劇集《獅子山下》嘅主題歌曲。
＊＊
呂文成（1898年3月12日－1981年8月22日）
粵曲、粵劇演員、樂師、作曲家、樂器工藝家，祖籍廣東中山，後移居上海。1920年代喺上海同司徒夢巖發明高胡，高胡係廣東音樂重要嘅領奏樂器。1932年一二八事變後移居香港。曾裂做過粵劇演員，擅唱子喉，工旦行，曾經同薛覺先等錄製粵劇唱片。呂文成能夠演奏提琴、二弦、喉管、椰胡、古箏、二胡、秦琴、木琴、小提琴、鋼琴、吉他，曾經錄製器樂合奏同獨奏唱片。
音樂作品：
《平湖秋月》、《步步高》、《蕉石鳴琴》、《青梅竹馬》、《燭影搖紅》、《岐山鳳》、《漁歌晚唱》、《醒獅》、《鳥驚喧》
＊＊
廣東音樂《步步高》呂文成作品
https://www.patreon.com/posts/68548006
＊＊
廣東音樂。廣東話資料館
