2017年9月30日 星期六

男人的浪漫[人生成就,就係六舊]


六舊腹肌,簡直就係男人夢寐以求嘅嘢成就!朋友話,佢曾經同自己嘅六舊腹肌擦身而過,真係可惜...…一層又一層嘅脂肪,一次又一次咁令佢哋[不見天日],更成為金剛不壞嘅[六神合體]。究竟呢啲神聖不可侵犯嘅[六嚿腹肌],除咗能夠吸引眾人嘅目光之外,重有咩嘢其他作用呢?

**

腹肌對身體有以下嘅作用:



第一:腹肌可以保護脊椎,尤其係腹直肌可以穩定腰椎嘅曲線。

第二:腹內外斜肌可以幫助腰部轉動,使身體能夠向左右彎曲。

第三:腹肌可以增強腰椎嘅穩定度,而腹橫肌呢方面就最重要。

**

腹肌訓練動作:



鍛鍊腹肌嘅動作大致可分為四類:

第一:捲腹(Crunch)

   係訓練腹直肌最有效嘅動作。

   。捲腹(Basic crunch)

   。懸掛捲腹(Hanging crunch)

第二:舉腿(Leg raises)

   。抬腿(Lying leg raise)

   。懸掛舉腿(Hang leg raise)

第三:腹部轉向動作(Rotational core movements)

   想要得到人魚線[腹內外斜肌],轉向嘅腹部動作一定要識。

   。單車式捲腹 (Bicycle crunch)

   。俄式扭(Russian twist)

第四:核心肌群動作(Core muscles workout)

   。平板支撐 (Plank)

   。側平板支撐(Side plank)

以上嘅資料都係網上面睇返來參考下嘅,未必完全適合所有人士,如果想完全打敗閣下嘅[六神合體],咁就要去搵返個專業嘅教練來協助下嘞。



六神合體。雷霆王[GODMARS]身高50M,重量1050t。

喺明神武[Mars]有危機嘅時候,佢嘅腦電波將會傳送到喺明神礁嘅岩石上,劈开岩石,基因[Gaia]從空中現身。當明神武同基因不敵巨大嘅侵略機械嗰時,身後嘅五個守護機械人將會挺身而出,同基因合體成為地球最强嘅守護神嚟抵抗敵人。呢六個機械人係為咗抵抗族鲁嘅邪惡暴行而誕生嘅,佢哋喺地球上六個唔同嘅區域之中,等待發射。



。基 因[Gaia]身高15m,重量250t。

。人頭獸[Sphinx]身高25m,重量300t。

。天 神[Uranus]身高15m,重量100t。

。巨人神[Titan]身高15m,重量100t。

。真 神[Sin]身高25m,重量150t。

。地 神[Ra]身高25m,重量150t。

**

海像都要做 Sit-ups[仰臥起坐]練腹肌!



仰臥起坐(Sit-up),係一種腹部耐力訓練,用嚟加強同調節腹部肌肉嘅。類似於緊縮[仰臥起坐,直接腹直肌,又可以作用於外部和內部),但仰臥起坐有更多的運動範圍和條件來增加肌肉。



仰臥起坐(Sit-up),係常見嘅健身運動,主要係鍛鍊腰部同腹部嘅肌肉。準備動作係躺喺地板上面,彎曲膝蓋同放鬆背肌同脊柱,兩腿併攏並伸直,然後身體抬起,但臀部唔可以離地,腳部都唔可以移動或者抬起,直到身體同底面成 90° 為止,然後重複做。依家嘅仰臥起坐通常要求雙手抱頭,起身之後額部要掂到膝蓋為準。

男人隨筆。2017

**

香港風情。廣東話資料館

2017年9月29日 星期五

香港人的浪漫[南亞青年見工記]



我之前係做送食物[外賣]嘅,依家想轉行做送文件,高級少少吖嘛.........

**

香港嘅少數族裔,係指一啲住喺香港非華人嘅少數族裔,佢哋大多數係來自南亞、東南亞或者非洲地區,例如係尼泊爾、印度同巴基斯坦等等。香港開阜嘅初期,呢啲少數族裔都係喺香港度生活同建設嘅,而佢哋嘅下一代都係同我哋一樣,喺香港度出生同成長,都係講同一樣嘅〔廣東話〕嘅。 ** 跟住......


穆罕明,一個少數族裔嘅新移民,之前係做送外賣嘅,依家走去一間速遞公司度見工,結果間公司嘅經理請咗佢。,穆罕明好開心喺呢間公司做嘢,做咗個半月之後,經理又要再見佢,原來有個壞消息... ...

**

香港人口,係全世界人口密度最高嘅地方之一,平均每平方公里有6千幾人。


但係呢個數目其實只係一個平均數字,個別地區嘅人口密度可以差別可以好大。而簡單嚟講,喺市區嘅人口密度就比新界地區高,但係隨住新市鎮發展引起嘅人口遷移,依家香港市區同郊區嘅人口密度差別已經比起1970年代時嘅比例減低咗好多。

香港嘅人口組成係以華人為主,佔總人口接近9乘。早期嘅人口統計亦有計算過人口之中各省籍嘅比例,其中香港華人有過半數係喺香港出世,而大多數都係廣府人,其次係四邑人、潮汕人、閩南人同客家人,重有少數嘅浙江人、江蘇人同山東人。

而自從大陸改革開放之後,來自其他省市嘅移民開始增加,包括北京人同四川人。香港華人人口唔係全部都係漢人,亦都包括好多少數民族,例如係回族、滿族等等。除咗華人之外嘅種族,跟住就係菲律賓人最多,之後嘅係南亞人、印尼人、泰國人、英國人、日本人同韓國人等等等。

**

香港南亞裔人士見工記

一個 HKPIP 演員(韋羅莎 Rosa)扮南亞裔人士[穆罕明 Muḥammad]去速遞公司見工!



片段:潮性辦公室舞台劇[2009年]
製作:HKPIP

**

韋羅莎 Rosa Maria Velasco



韋羅莎,台灣出世,香港成長,係香港舞臺劇演員。佢阿爸係美國籍西班牙人,阿媽係台灣人。佢係香港演藝學院戲劇系一級榮譽畢業,曾經憑《木馬屠城後傳》得到香港舞台劇獎最佳女主角提名,喺2007年到2009年加入咗香港話劇團表演,之後又入過其他劇團發展。佢亦有幫電影做配音。

**

男人隨筆。2017

**

1980年代。香港[當年的社會]



小莫小於水滴,匯成大海汪洋;細莫細於沙粒,聚成大地四方.........

**

廣東話資料館

2017年9月28日 星期四

天干地支 tin1 gon1 dei6 zi1


天干 tin1 gon1,係古時嘅一種文字排序符號,一共有十個字,分別係甲、乙、丙、丁、戊、己、庚、辛、壬、癸,循環使用。古時成日用來命名、排序、記時等。

地支 dei6 zi1,亦係古時另一種文字排序符號,一共有十二個字,即係子、丑、寅、卯、辰、巳、午、未、申、酉、戌、亥,循環使用。亦都係古時用來命名、排序、記時等。



天干用喺紀時超出10就會重複,地支用喺紀時超出12亦會開始重複,用[天干]同[地支]組合紀時可以減少重複而避免混淆。古時採用咗一種類似拉鏈嘅[干支組合],一邊鏈齒係循環嘅天干,一邊鏈齒係循環嘅地支,最後可以出現兩個嘅最小公倍數即係有60個組合。

。天干,係十進位,容易直接計算。

。地支,係十二進位,喺記錄時辰同月份方面有優勢。

。干支組合,係六十進位,適合間隔較密嘅[紀日]同唔好混淆嘅[紀年]情形。



古時嘅人就使用天干同地支嘅[干支組合]來表達[年]、[月]、[日]、[時辰],咁樣就出現咗所謂嘅生辰八字。干支紀年,一個周期為六十年,叫做[甲子],甲子亦用來形容六十歲嘅老人。

**

六十干支表

 1
 2
 3
 4
 5
 6
 7
 8
 9
 10
 11
 12
 甲子
 乙丑
 丙寅
 丁卯
 戊辰
 己巳
 庚午
 辛未
 壬申
 癸酉
 甲戌
 乙亥
 13
 14
 15
 16
 17
 18
 19
 20
 21
 22
 23
 24
 丙子
 丁丑
 戊寅
 己卯
 庚辰
 辛巳
 壬午
 癸未
 甲申
 乙酉
 丙戌
 丁亥
 25
 26
 27
 28
 29
 30
 31
 32
 33
 34
 35
 36
 戊子
 己丑
 庚寅
 辛卯
 壬辰
 癸巳
 甲午
 乙未
 丙申
 丁酉
 戊戌
 己亥
 37
 38
 39
 40
 41
 42
 43
 44
 45
 46
 47
 48
 庚子
 辛丑
 壬寅
 癸卯
 甲辰
 乙巳
 丙午
 丁未
 戊申
 己酉
 庚戌
 辛亥
 49
 50
 51
 52
 53
 54
 55
 56
 57
 58
 59
 60
 壬子
 癸丑
 甲寅
 乙卯
 丙辰
 丁巳
 戊午
 己未
 庚申
 辛酉
 壬戌
 癸亥

**

十二[時辰]同現今[時間]嘅對應關係

十二辰
現今時間
子時
23時 至 01時
丑時
01時 至 03時
寅時
03時 至 05時
卯時
05時 至 07時
辰時
07時 至 09時
巳時
09時 至 11時
午時
11時 至 13時
未時
13時 至 15時
申時
15時 至 17時
酉時
17時 至 19時
戌時
19時 至 21時
亥時
21時 至 23時

**

[年干]同[月干]嘅對應關係

年干
月干
寅月
(一月)
卯月
(二月)
辰月
(三月)
巳月
(四月)
午月
(五月)
未月
(六月)
申月
(七月)
酉月
(八月)
戌月
(九月)
亥月
(十月)
子月
(十一月)
丑月
(十二月)
甲或己
乙或庚
丙或辛
丁或壬
戊或癸

**

[日干]同[時干]嘅對應關係

日干
時干
子時
丑時
寅時
卯時
辰時
巳時
午時
未時
申時
酉時
戌時
亥時
甲或己
乙或庚
丙或辛
丁或壬
戊或癸

**

過時過節



 **

香港語文。廣東話資料館

2017年9月27日 星期三

他來自江湖外傳[清潔版]


清潔香港運動,係香港全港性嘅公眾教育同宣傳活動,由政府通過唔同嘅渠道宣傳清潔環境嘅信息,包括:電視宣傳短片、電台聲帶、海報同橫額、報章特稿嘅報道、清潔比賽、巡迴展覽、重有多種語言文字嘅小冊子等。香港社會將亂丟垃圾嘅人叫做[垃圾蟲],亦都係沿自呢個宣傳活動嚟嘅。另外,有唔少當時受歡迎嘅明星藝人亦都有協助宣傳清潔香港,先至引起比較多嘅市民注意。

節目:他來自江湖外傳[清潔版]
演出:周星馳、萬梓良、梅小惠、恬妞、毛舜筠、劉德華
製作:他來自江湖



清潔香港宣傳人物:

1959年至1969年,政府曾經舉行過連串嘅地區清潔運動,[平安小姐]呢個宣傳人物,就係喺六十年代嘅清潔運動之中推出嘅。[1959年平安小姐宣傳海報]





**

其他[1969年宣布海報]



**

1972年8月,政府又展開宣傳同教育活動,呢段期間設計咗唔少海報同一啲象徵標誌,畀市民留低比較深刻印象嘅包括[一雙怒目而視嘅雙眼]、人見人憎嘅[垃圾蟲]同埋嬌俏可人嘅[清潔小姐]。





**

1990年代,政府委任咗形象正義嘅清潔龍家族嚟做清潔香港嘅代言,佢哋分別係[清潔龍]、[沙灘龍]、[郊野龍]同兩條小龍[小清]同埋[小潔]。



**

2016年,食物環境衞生署又委任咗清潔龍[阿德]成為清潔香港大使,重設立清潔龍阿德個人 Facebook 專頁、電視宣傳短片、海報等。



**

清潔香港運動形象大使:



。平安小姐     。垃圾蟲      。清潔小姐     。清潔龍

**

清潔香港宣傳歌曲:

1970年代,清潔香港宣傳物[垃圾蟲]嘅宣傳告歌曲[葉麗儀]

 垃圾最可怕,垃圾最討厭, 人人都憎佢,呢個垃圾蟲
 垃圾蟲,垃圾蟲,製造垃圾損市容
 垃圾蟲,垃圾蟲,協力消除垃圾蟲



**

1981年,清潔香港宣傳歌曲[關正傑]

 步步是美景,地方清潔無限美
 東方之珠顯光輝,推廣好風氣
 善用垃圾箱,垃圾不可以隨地棄
 今天香港的清潔,真的有賴你
 將手裡的廢物,通通拋進垃圾箱
 香港清潔顯新姿,人人好首尾
 香港變清潔地,家家安康笑嘻嘻
 香港清潔好安居,人人都鍾意
 香港清潔好安居,人人都鍾意

**

1987年,清潔香港宣傳歌曲[譚詠麟]

 你與我與香港 創出美好印象 維繫理想 清潔香港
 (許冠文旁白:有冇人響應吖?我有吖!)
 你與我兩手牽 叫香港添美善
 群力眾心 響應欣賞
 一起響應 盡力盡本份
 一於響應 清潔香港
 趕走污穢 盡力盡本份
 香港清潔 理想家鄉
 家家響應 衷心響應
 悉心響應 清潔香港
 一於響應

**

香港風情。廣東話資料館

2017年9月26日 星期二

男人的浪漫[男人五十去見工]!


一個男人的浪漫!

50 歲嘅男人,喺社會度立足嘅本錢就係事業,工作對佢哋來講,可以體驗佢哋嘅能力、才華同埋價值,使佢哋充分咁運用自己嘅優勢去獨擋一面而取得成績。因為咁,工作就係身為男人嘅精神寄託,係佢哋嘅事業,係佢哋生命入面最重要嘅一部分,亦係佢哋驕傲嘅資本。

但係,世事嘅嘢.........



男人,到咗 50 歲,真係冇乜工可以揀,好多時去 interview 都係得個見字!以前嘅 CV、學歷,通通變得冇用,因為依家肯請你嘅公司同埋工種,基本上都唔多再睇呢啲嘢架嘞。其他嘅... ...

做嘢唔開心,份人工包咗架喇嘛... ...

**

重有... ...



重要唱埋歌仔去... 氹老世... ...

**

香港男人五十見工記
演出:翟凱泰(泰臣)
   扮一個中年文青去大公司見工!

**



片段:潮性辦公室舞台劇[2009年]
製作:HKPIP

**

翟凱泰 Tyson Chak



翟凱泰,藝名「泰臣」,係香港舞台劇、電視同電影演員。依家係無綫電視基本藝人合約藝員。2007年獲得香港舞台劇獎「最佳男配角(喜/鬧劇)獎」提名;曾經係劇場全職演員,參演作品包括[潮性辦公室]舞台劇同埋電影版本。

**

香港風情。廣東話資料館

2017年9月25日 星期一

千福壽司,愛你一萬年!


塵世間最痛苦嘅事莫過於此!



曾經有一份壽司擺喺面前,但係我冇珍惜,等到我失去嘅時候先後悔莫及,塵世間最痛苦嘅事奠過於此!如果上天可以畀我多啲時間,我或者會去食,我真係好愛香港。

如果要喺呢份愛加上一個期限,我希望係一萬年。



**

夏千福,同你講[壽司]Sushi!

壽司主要嘅材料係[白飯]。整壽司用嘅係肥細帶啲甜味嘅[珍珠米]。啲飯煮熟咗就加少少壽司醋、糖、鹽呀咁用來調味,等攤凍之後至用來整壽司。


**

卷壽司:Makizushi


卷壽司做法係喺竹簾上面鋪一層紫菜,再鋪一層米飯,中間擺啲餸,捲起做成一條長卷,然後切成細細段。

** 太卷:Futomaki



太卷係比較大嘅一種卷壽司,通常有幾種配料。[太]喺日文係解「粗」或者「肥」。

**

細卷:Hosomaki



細卷係比較幼細嘅卷壽司,通常只係有一種配料。[細]喺日文解做「幼」。

 **

 手卷:Temaki



手卷係將壽司捲成圓錐體、即係雪糕筒咁嘅形狀,比較難用筷子挾,所以通常用手食。

**

裏卷:Uramaki



裏卷嘅做法係掉返轉,用紫菜包住入面啲餸,外面自至再包飯;喺最外面度糝一層芝麻、魚籽或者蟹籽等。

**

軍艦卷:Gunkanmaki



軍艦卷係將啲飯用紫菜包成橢圓形,再將啲餸擺喺面頭。

 **

 押壽司:Oshizushi



 押壽司,又叫做[木條壽司]或[一夜壽司],主要流行喺日本關西。係用長型嘅木盒仔[押箱]來整嘅壽司。師傅會先將配料鋪喺押箱嘅最底層、再擺飯,然後用力將押箱個蓋壓落去。整出嚟嘅壽司會變成四方形,最後切到一嚿嚿[一塊塊]咁上碟。

 **

 握壽司:Nigirizushi



握壽司嘅做法,係用手將飯握到一啖就食到咁大塊,搽一層山葵[wasabi],最後鋪餸。視乎餸嘅種類,有時會用一塊紫菜將餸同飯綁埋一齊。喺日本,如果冇講明,講「壽司」多數係指握壽司。 ** 稻荷壽司:Inarizushi



稻荷壽司係用餸來裝住啲飯。一般常見嘅餸有油炸豆腐皮、煎雞蛋、椰菜等。

**

散壽司:Chirashizushi


散壽司同上面幾款壽司有啲唔同。
。江戶前散壽司:喺關東地區好常見嘅,啲餸糝喺裝落碗嘅飯上面。
。五目散壽司: 喺關西地區比較常見,啲餸會撈埋入裝落碗嘅飯上面。

**

夏千福 Clifford A. Hart, Jr.
2013年7月30日至2016年6月30日出任美國駐香港總領事。

**

順便介紹下兩位美國領事:

夏千福 Clifford A. Hart, Jr.,係美國外交官,喺2013年7月30日出任美國駐香港總領事,負責美國政府喺香港同澳門嘅事務。喺之前,佢畀[奧巴馬]委任為大使級別出任[六方會談]特使。夏千福喺2016年6月30日正式離開佢喺美國駐香港及澳門總領事館嘅工作,由美國首席副助理國務卿[唐偉康]接替。

唐偉康 Kurt Tong,亦係一位美國外交官,喺2016年8月起接任美國駐港澳總領事。佢出生喺俄亥俄州,喺馬薩諸塞州長大。唐領士喺[普林斯頓大學]畢業,曾經喺[國際基督教大學]進修,佢可以講流利嘅中文同日文。

**

香港風情。廣東話資料館