香港嘅粵語流行曲並冇一個確實嘅起源時期，其實都係由好多人一路喺唔同方向試吓試吓咁演變出嚟嘅，而多數人都認為係喺五十年代左右開始，最初嘅廣東歌根本就冇人聽，所以唔講得上係流行。
廣東歌最初都係由粵曲開始，由1930年開始就有好多人作歌，外省人就叫呢啲歌做廣東音樂，不過廣東人就唔叫呢啲做廣東音樂，而叫佢做〔小曲〕，呢啲小曲都係喺啲粵曲入面抽一細段仔出嚟改篇，所以粵劇粵曲界都對呢類小曲唔會當係正宗。一面對早期廣東音樂作曲同演奏等方面都有重大貢獻嘅音樂家有［呂文成］、［尹自重］、［何大傻］、［程嶽威］、［何浪萍］等。
到咗四、五十年代，開始有人將小曲放入粵劇粵曲入面，但係始終只係用嚟做點綴，唔會當係堅嘢。但係咁樣亦都令到小曲開始有人識，於是又有啲人將啲英文歌變成小曲，好似披頭四嘅 Can't buy my love《行快啲啦喂》、I saw her standing there《一心想玉人》，又有人將粵曲改編，好似《帝女花》入面嘅《妝台秋思》，畀鄭君綿改編咗做《冇錢買面包》，即係「落街無錢買面包，靠賒我又怕被人鬧.....」嗰隻歌，跟住有好多歌都畀人改咗做〔廣東小曲〕。
＊＊
。行快啲啦喂〔Can't buy me love〕1965
https://www.youtube.com/watch?v=EyYthoaEJAY
填詞／主唱：上官流雲
行快啲啦喂 喇喂 行快啲啦喂
我招呼果個丁老八 佢就夠肥夠辣塌
週身鮮癩一撻撻 佢學啲狂人披頭髮
一身污糟 不怕失禮 把口鬼咁滑
睇真果對腳似鴨 佢條腰肥褲又狹
痞響街邊揾野擦 佢唔食燒鵝食燒鴨
切的又燒 斬隻豬腳 蝦碌點芥辣
行快啲啦 喂 一於走去揾野擦
行快啲啦 喂 大注挾喇
死咯一對燒乳鴿 佢話最平四元八
擦左呢餐揾拖拍 佢就連咀都唔抹
幾蚊身家 一晚輸晒 皆因中發白
行快啲啦喂 喇喂 行快啲啦喂
＊＊
。一心想玉人〔I saw her standing there〕1965
https://www.youtube.com/watch?v=96rBNFCLIdM
填詞／主唱：上官流雲
佢成日對我鬼咁親 講真就冇句真
睇佢咁斯文 真係想到我失魂
談情共說愛 認真風韻
噢！ 我一心想玉人
呢 佢個名叫阿珍 我愛佢珍珠都冇咁真
睇佢咁銷魂 著條鴛鴦繡花裙
郎情共妾意 心心相印
噢！ 我一心想玉人
學唱相思引 大跳周身印
夢裡高聲嗌 叫句阿珍 唔......
相親愛不變心 托亞三姑去說親
佢話呢趟弊 亞珍已經嫁咗人
情人實已嫁 心都灰哂
噢！ 一於走去轉個運
噢！ 一於走去轉個運
＊＊
。鹹沙梨〔〕1965
https://www.youtube.com/watch?v=J7BIKpS2b5M
填詞／主唱：上官流雲
我個花名叫做鹹沙梨，三餐食飯都係餸鹵味，今年計埋都有四十四呀，但係未曾置家就無屋企。有晚去海皮，想話食沙爹啦，撞啱隔離枱有位摩登嘅靚女，睇落好似我十幾年前嘅知己，叫做歐陽摩妮喎。
講起阿摩妮呢，同我係有段歷史嘅。嗰陣佢住響街頭，我就住響街尾。周不時兩個就偷偷哋，唔係去拍拖呢，就係去睇戲喇。嗰啲愛情嘅熱度升到，一百就零幾喎。真係快活就唔知時日過，樣樣都好少理。但係開講都有話啦，樂極會生悲喎，諗起上嚟確係有道理。嗰陣撞岩啲卡佬派嚟幾架博命嘅轟炸機，今日就炸街頭，明日就炸街尾。聞得話炸正摩妮嘅屋企，咁就唔知佢生定死啦。
而家事隔咗廿幾年，係人都已斷生死喇。唉 ~ 唔知點解我咁鐘意佢喎，見親女人我就唔想追，唔係摩妮我就唔想娶。誰知呢次會撞啱佢喎，咁就走埋去攬住佢啦。想話唱番幾句哭相思，吟番兩咀就離情淚。點知突然間幾條大漢就標埋嚟喎，打到我扒落地。有啲話要拆骨，有啲話要剝皮。知我者話係認錯人，唔應打到就咁犀利啦。
真係好事不出門，壞事就傳千里。呢件冤枉嘅嘢咁就傳到個衰經理，佢話我係斯文嘅敗類，立即就將我份工作就嚟辭退。呢次你話抵死唔抵死呢，你話抵死唔抵死？
＊＊
。落街無錢買麵包〔帝女花．妝台秋思〕1968
填詞：〔？〕 主唱：鄭君綿
落街無錢買麵包 靠賒我又怕被人鬧
肚飢似隻餓貓 受了飢寒我開聲喊
皆因肚中飢餓 我裡面似係戰鼓敲
最衰平日結交埋一班損友任性來胡鬧
亞爹勸極我完全唔受教
皆因懶 趕出校 我嘅頭毛電到以花棚
整得週身衰格扮到唔似男人貌
錢一多週身咬 總之係猛洗
若無錢個陣 返家中即刻抄
搵衫當 拎氈賣 更糾黨惹事去打交
更好尊車大砲 平素學到品質撈咁攪
我信用已失 又怕我難容在世
必要自少應當管教
奉勸人人萬大要關防
免使子女學我咁胡鬧
＊＊
。行快啲啦喂〔合唱版〕〔Can't buy my love〕196x
主唱：梁醒波＋鄭幗寶＋鄧寄塵
梁：打令啊！打令啊！
鄭：做乜嘢喎？
梁：睇妳行成蟻躝咁慢，妳點搞架？唏啊真係。
梁：行快啲啦喂！喇喂！行快啲啦喂！
梁：皆因我整積塊髮好又捉蟲要負責啊。
鄭：應該等我修吓甲似係頻能恤頭髮。
鄭：你聲聲吹迫，搞到無塊肉沖得不能。
梁：戚胸修咩鬼嘢甲？妳行歪嚟去先至夾嘅。
鄧：妳應該吹乾吓髮，我知人啊鬼怕。
鄭：係啊！
鄧：佢不應答吹，好似鬼殺終於趕到啊。
梁：行快啲啦喂！衝衝趕到去火箭塔。
梁：行快啲啦喂！大步YOUNG喇！
梁：吓死喇終於倒理髮將妳仆前就無得發晒喇！
鄭：你到底不應當趕客我哋原本飛人塔啊。
鄭：一心應仆，想去考察不能失人格啊！
梁：行快啲啦喂！雖則講嘢非塔八我話到含追兼喉插喇。
梁：應為得知升空，妳又夠韌即刻開把塔。
鄧：行快啲啦喂！喇喂！
梁：行快啲啦喂！
鄧：喂！
梁：喇，聽吓，馬達都開咗，摩打開咗架喇！
鄭：哎吔，我依家唔係啱啱趕到囉！
梁：唉，怕妳喇怕妳，嚟喇快啲一齊上太空倉喇！
＊＊
粵語流行曲〔五十年代〕
喺五十年代初，開始有正式嘅廣東歌出現，不過都只係〔電影插曲〕，之後又出現〔跳舞粵曲〕，但係呢啲所謂廣東歌，其實都係用粵曲嘅方法唱，其實都係屬於〔廣東小曲〕，而且全部都係改篇粵曲、國語歌或者英文歌而嚟，唱嘅人都幾乎係粵曲界嘅人，好似芳艷芬、周聰、呂紅、鄭君綿、何大傻、廖志偉咁。
。檳城艷 Belle of Penang〔1954〕
填詞：王粵生 主唱：芳艷芬
馬來亞春色綠野景緻艷雅，椰樹影襯住那海角如畫。
花蔭徑風送葉聲夕陽斜掛，你看看那艷侶雙雙花蔭下。
馬來亞春色綠野景緻艷雅，瞭眼底那綠柳花裡便掛。
芬芳吐花與樹香美艷如畫，我最愛那春日裡鮮花幻化。
情侶們互吐情話於椰樹下。若兩情深深相印，睹春光芳心更愛他。
馬來亞春色綠野景緻艷雅，椰樹影襯住那海角如畫。
春風送一片綠香野外林掛，春風鮮花，心內覺舒暢，樂也！
若午夜互訴情話於椰樹下，情侶在芭蕉曲徑，一雙雙相偎怕看他。
馬來亞春色綠野景緻艷雅，椰樹映襯住那海角如畫。
心輕快只見艷花萬綠叢掛，春風吹花，心內覺舒暢，樂也！
＊＊
。懷舊〔1954年〕電影檳城艷插曲
。懷舊〔1954年〕電影檳城艷插曲
填詞：王粵生 主唱：芳艷芬
嬉戲於沙灘，日影已漸殘，
淺水碧波染泳衫，一雙一對樂忘還。
輕快於心間，共君興未闌，
眼裡春光往事翻，低低聲唱愛郎顏，
纏綿恩愛，倆拋心煩，
綠柳花間，到黃昏未願返。
嬉戲於花間，互相掃滌煩，
嫁與君雖淡飯兩餐，一生一世慰紅顏。
拋擲果花間，共一掃滌煩，
似燕雙雙愛未減，哥心妹意倆呢喃。
哥印妹心間，並肩漫步行，
眼裡春光往事翻，哥哥聲說愛紅顏，
倆心相印笑開顏，寺觀祝福，我郎心愛未減。
哥怕妹衣單，夜色已漸闌，
怎得一生愛付與君，犧牲一切也無憾。
＊＊
粵語流行曲〔六十年代〕
由50年代去到60年代，廣東歌都係以〔小曲〕為主流，即係用粵曲方式唱嘅流行曲，不過廣東歌唱片市場係喺星馬而唔係香港。而呢啲廣東歌都幾乎係電影插曲，不過都有例外，就係鄭君綿，佢可以出一啲電影插曲之外嘅廣東歌而又有人買，不過當時廣東歌始終係改編英文歌或者粵曲，幾乎係無原創嘅。
另外，新加坡歌手上官流雲將披頭四 Can't buy my love、I saw her standing 分別改編做《行快啲啦》同《一心想玉人》亦大受歡迎，不過啲披頭四迷就頂佢唔順。當時呢啲廣東歌嘅特式就係啲歌詞好粗俗下。
雖然廣東歌以粵曲味為主，不過亦有人希望廣東歌可以擺脫粵曲味，其中周聰就喺呢方面嘅貢獻最多，當時佢慫恿商台喺廣播劇度用廣東歌做主題曲，呢批廣東歌風格都係以〔摩登〕路線為主，完全無粵曲味，而且重好受歡迎，代表作有《勁草嬌花》、《痴情淚》、《曲終殘夜》等等，但係唱片公司始終對廣東歌無乜信心，所以呢啲廣播劇主題曲都無出過碟。
另一個例外嘅係電影《一水隔天涯》同名嘅主題曲《一水隔天涯》，用咗國語歌唱法唱廣東歌亦都大受歡迎，呢隻歌亦成為廣東歌嘅經典，原唱係韋秀蘭，之後仲俾好多人翻唱過添，好似崔妙芝、森森、鄧麗君等等。
喺60年代嗰時興起歌舞片，歌舞片梗係要唱歌跳舞啦，亦因為咁而多咗好多廣東歌，其中最紅嘅係陳寶珠同蕭芳芳，佢哋都唱咗好多電影插曲，蕭芳芳唱得比較有西洋味，而陳寶珠就唱得有粵曲味，不過當時啲人反而係鍾意陳寶珠嘅粵曲味廣東歌多過蕭芳芳嘅西洋味廣東歌，同而家啲人覺得粵曲味老土啱啱相反，不過都有例外，就係蕭芳芳唱咗隻改編英文歌 Shakin' All Over 嘅《一郁手就聽打》，〔原歌名叫．夜總會之歌〕，以壓倒性銷量贏咗陳寶珠嘞，又不過當年最紅都係佢兩個鬥來鬥去，唔係你就係佢囉。
＊＊
。勁草嬌花〔商台歌集第一輯〕1969
。勁草嬌花〔商台歌集第一輯〕1969
作詞：周聰 作曲：鄺天培 主唱：莫佩文
我願似花嬌美 願明月皎潔常圓
看芳草青青 那堪嬌花快謝 明月不常圓
你莫說花嬌美 莫提落花最淒酸
那春風輕吹 青青芳草滿地 為何又偷自怨
落花令人魂欲斷 桃李爭春競誰艷
自覺是苦也是甜 捱盡相思腸斷
我亦愛花嬌美 莫提落花最淒酸
那春風輕吹 青青芳草滿地 為何又偷自怨
你莫說花嬌美 奈何落花最淒酸
那嬌花生嬌 那比芳草翠綠 同求度春日暖
＊＊
。一水隔天涯〔電影同名廣東歌〕1966年
。一水隔天涯〔電影同名廣東歌〕1966年
作曲：于鄰 作詞：左几 主唱：韋秀嫻
妹愛哥情重 哥愛妹丰姿
為了心頭願 連理結雙枝
只是一水隔天涯 不知相會在何時
綣戀驚回夢 醒覺夢依稀
獨語癡情話 聊以寄相思
只為一水隔天涯 不知相會在何時
小別相逢多韻味 長別無期那不悲
往日歡笑難忘記 你不歸來我不依
預計歸來日 哥劫末知歸
舊約煙雲逝 勞燕各分飛
只恨一水隔天涯 不知相會在何時 不知相會在何時
＊＊
。一郁手就聽打〔Shakin' All Over〕1967
。一郁手就聽打〔Shakin' All Over〕1967
曲：F. Health 詞﹕蘇翁 主唱：蕭芳芳＋呂奇
歌聲鼓聲歡欣舞若狂 瘋瘋顛顛打手四面望
兩對眼核放光 推推踢踢似頭野狼
歌舞玩弄惡黨 郁親手就聽秧
想捉蝙蝠休想說夢話 幾許奸魔失手智勇下
小子氣燄太差 應該懲戒受捉拿
歌舞戲弄惡黨 郁親手就聽秧
歌聲鼓聲歡欣舞若狂 瘋瘋顛顛打手四面望
兩對眼核放光 推推踢踢似頭野狼
歌舞玩弄惡黨 郁親手就聽秧
想捉蝙蝠休想說夢話 幾許奸魔失手智勇下
蝙蝠千面化裝 今番戲弄野狼
休要作反 郁親手就聽打
郁親手就聽打 郁親手就聽打
＊＊
粵語流行曲〔七十年代〕
粵語流行曲〔七十年代〕
喺70年代初仍然係以英文歌為主，當時香港嘅歌星或者樂隊都係唱英文歌，好似許冠傑首 Time of the season，陳美齡首 Circle Game 都喺當時好受歡迎，仲有啲台灣歌星唱嘅國語歌，好似姚蘇蓉、鄧麗君、青山、尤雅，都係香港樂壇嘅主流。
但係同時喺馬來西亞嚟咗個唱廣東歌嘅鄭錦昌，出咗首《禪院鐘聲》，受歡迎程度同陳美齡首 Circle Game 差唔多，以當時計真係算勁。之後因為李小龍電影《唐山大兄》大賣又唱咗首《唐山大兄》，鄭錦昌嘅歌即時紅到爆燈，但係廣東歌畀人嘅印象始終都係粗俗，唔值得欣賞，玩玩吓就得。
之後新加坡歌手麗沙又嚟香港發展，唱咗首廣東歌《相思淚》又紅到爆燈。不過當時廣東歌有一個現象，就係紅歌唔紅人，有一隻歌叫《分飛燕》紅到爆，但係就無人噏得出邊個唱嘅，而翻唱過嘅人又好多，但係無一個有人識，真係好神奇。
廣東歌紅歌唔紅人，呢種現象一直去到許冠傑出現就開始唔同，60年代後期，許冠傑喺TVB 主持一個音樂節目叫《Star Show》，而許冠傑亦因為個節目受歡迎而紅咗，但係嗰陣許冠傑都係一直唱開英文歌。後來佢主持《雙星報喜》，有日佢無啦啦唱咗隻廣東歌叫《鐵塔凌雲》，由於隻歌反應唔錯，於是佢又創作多幾隻廣東歌，因為當時佢已經係好受歡迎嘅大明星，加上佢又係大學生，所以真係唔得了，佢唱廣東歌就立即令廣東歌形象提升，改變咗原本廣東歌俾人覺得粗俗嘅印象，結果令好多睇唔起廣東歌嘅人都開始鍾意聽廣東歌添。
除咗許冠傑，另一個突破嘅係顧嘉輝，一路以來廣東歌都係粗俗同制作粗糙，只係用嚟搞下笑，唔會有人特別去欣賞，而且全部都係改編英文歌或者粵曲，不過顧嘉輝幫 TVB 創作嘅電視劇主題曲，幾乎都係原創，佢出咗隻《啼笑姻緣》由仙杜拉唱，就開始咗廣東歌以嚴謹同認真嘅方式制作，而《啼笑姻緣》亦都爆紅。
許冠傑同顧嘉輝提升咗廣東歌形象，令好多原本抗拒唱廣東歌，只係肯唱英文歌嘅歌星，都開始改唱廣東歌，例如關正傑、林子祥、羅文、甄妮、譚詠麟等等，都係由原本唱開英文歌改晒唱廣東歌做主力，而且重紅到爆燈。
到咗1977年，黃霑發起成立作曲家同作詞家協會。而喺1979年，香港電台舉辦咗第一屆十大中文金曲選舉，亦都係對粵語流行曲嘅肯定。
＊＊
。鐵塔凌雲〔就此模樣〕1972年
。鐵塔凌雲〔就此模樣〕1972年
作曲：許冠傑 填詞：許冠文 主唱：許冠傑
鐵塔凌雲，望不見歡欣人面，
富士聳峙，聽不見遊人歡笑，
自由神像，在遠方迷霧，
山長水遠未入其懷抱，
檀島灘岸點點燐光，
豈能及漁燈在彼邦？
俯首低問何時何方何模樣，
回音輕傳此時此處此模樣，
何須多見復多求，
且唱一曲歸途上，
此時此處此模樣，此模樣。
＊＊
。啼笑姻緣〔電視劇主題曲〕1974年
。啼笑姻緣〔電視劇主題曲〕1974年
作曲：顧嘉輝 作詞：葉紹德 主唱：仙杜拉
為怕哥你變左心 情人淚滿襟
愛因早種偏葬恨海裡 離合一切亦有緣份
願與哥你倆相親 情人共印心
最驚恩愛一但受波折 難望偕老恩消愛泯
藕絲已斷 玉鏡有裂痕 恩愛頓成怨恨
生則相聚 死也化蝶 幾許所願稱心
莫嘆失意百感生 難求遂寸心
赤絲千里早已繫足裡 緣份天賜不必怨憤
赤絲千里早已繫足裡 緣份天賜不必怨憤
＊＊
粵語流行曲〔八十年代〕
廣東歌形象提升咗之後，好多填詞人都開始寫一啲嚴肅同比較藝術性嘅歌詞，唔再只係得啲搞笑嘢，其中幾個代表人物有黃霑、鄭國江、盧國沾、黎彼得等等。
廣東歌形象提升咗之後，好多填詞人都開始寫一啲嚴肅同比較藝術性嘅歌詞，唔再只係得啲搞笑嘢，其中幾個代表人物有黃霑、鄭國江、盧國沾、黎彼得等等。
喺70年代尾，台灣興起咗一股民歌熱潮，好多後生仔都用自己作嘅歌去表達自己嘅諗法，呢個風吹到嚟香港，仲興咗成兩年嘅台灣民歌熱添。
廣東歌成為咗香港樂壇嘅主流，啲歌星亦開始要求包裝，於是出現好多偶像歌星，幾個代表人物有譚詠麟、張國榮、梅艷芳，都係以形象同包裝突圍，紅到爆燈。呢個時期亦係香港樂壇嘅全盛時期，連大陸同埋台灣嘅人就算唔識廣東話，亦都會聽廣東話歌，甚至識唱翻幾句。其他歌星好似林子祥、羅文、甄妮、徐小鳳、陳百強、鍾鎮濤等，都唱到幾乎所有中文地區度度都有歌迷。
第二次樂隊熱，喺86到89年嘅期間又興起一股樂隊熱潮，唱片公司簽咗好多樂隊出碟，呢個時期亦出咗好多新人，幾乎每兩日半就有一隻新碟出，不過最後留低嘅就唔多。樂隊之中嘅代表有Beyond、太極、達明一派，另外仲有好多歌星，好似有葉蒨文、彭羚、林憶蓮、關淑怡、陳慧嫻等。呢個時期嘅粵語流行曲，無論喺作曲作詞同唱歌方面，都多咗好多新血，例如林振強、林夕、陳少琪、小美等等。
紅館演唱會熱，由1983年開始，香港歌星興起去咗紅館開演唱會，1989年譚詠麟創出咗一口氣連續開38場演唱會嘅記錄。不過，同時亦有好多當紅嘅歌星宣佈退出，好似張國榮、梅艷芳、陳慧嫻等。又不過，好多喺後來都復出。
＊＊
猛虎樂隊［斤兩十足］1986
＊＊
廣東話資料館
很好。請繼續。
回覆刪除