演出：尚明輝、卓樂、鄧世昌
製作：林尚武
＊＊
卓：話說有兩個人啱啱相識！
尚：呢位兄台，請問貴姓大名呀？
鄧：唔講住呀，兄台貴姓大名呀？
尚：你講先呀，兄台貴姓大名呀？
鄧：唔講住呀，.........
［吳廣嗣］與［李廣先］
＊＊
廣東話保存有好多嘅原音，例如［我］同埋［餓］，兩個字嘅脷根鼻音聲母［ng-］保留咗中古時期嘅原始發音。
喺聲調方面，標準粵語係好完整咁保留咗中古漢語入面嘅，［平］、［上］、［去］、［入］同埋各分［陰］、［陽］嘅調類格局，而且重喺［陰入］之中衍生出一個［中入］調，完整保留古漢語［入聲］嘅聲調，呢啲係有利專家去研究歷朝嘅文學。
標準粵語包含咗［-p］、［-t］、［-k］、［-n］、［-m］、［-ng］六種韻尾，冇北方話所有嘅［兒化］、［輕聲］呢啲現象，而呢啲北方話嘅特徵都係喺中古時期之後先至出現嘅。
＊＊
人物介紹：［林尚武］
林尚武，1950年於香港出生，職業係演員、演藝課程導師。年青時以四優成績入讀［香港浸會書院］中文系，之後修讀傳理系廣播電視製作，喺1978年畢業之後加入［香港話劇團］。1989年獲藝術家聯會頒發舞台組最佳演員獎，之後加入［無線電視］，參與不同劇集。1994年患上鼻咽癌，康復之後由幕前退居幕後，擔當節目編劇、編審、演藝教育、舞台監督嘅工作。1997年至2004年，重返香港話劇團，做教育同拓展部嘅工作。喺2005年，曾經擔任［香港演藝人協會］演藝課程導師。
＊＊
香港語文。廣東話資料館
沒有留言:
張貼留言