畀、俾、比，有乜分別？

畀、俾、比，呢三個字嘅讀音都係〔bei2〕／〔 pei²²〕，佢哋究竟有乜分別？

＊＊

［畀］：廣州音〔bei2〕

〔１〕給；付，付畀［交託］； 賦畀［給予］。
　　　例：畀本書我。〔給我一本書。〕
　　　　　你話畀佢知。〔你告訴他／她。〕　　　
　　　古：彼姝者子，何以畀之。《詩。鄘風。幹旄》　　
　　　　　分曹衛之田以畀宋人。《左傳。僖公二十八年》。

〔２〕介詞。被；受；讓；用。
　　　例：畀人睇見。〔被人看見。〕
　　　　　畀嗰個人煩咗成日。〔受那個人干擾了整天。〕
　　　　　畀佢入嚟。〔讓他／她進來。〕
　　　　　佢畀墨水筆寫。〔他／她用鋼筆寫。〕

〔３〕連詞，常與〔着〕連用，表示假設。
　　　例：畀着你係主角，你會點做？
　　　　　〔假設你是主角，你會怎做？〕

＊＊

［俾］：廣州音〔bei2〕

〔１〕使，使用；讓。
　　　例：俾便考查。
　　　　　唔好俾度門關埋。〔不要讓門關上。〕
　　　　　唔好俾架車停。［不要讓汽車停駛。］

［２］門役。《說文》：「俾，門侍人」。

＊＊

［比］：廣州音〔bei2〕

〔１〕比嘅字義較廣，一般用喺較量或者譬喻嘅意思。
　　　例：比附，比較，比照，比試，比喻，比價。

［２］比為比鄰，親近友好之意。
　　　例：起兵興師後同群之人為「比」。

［３］比卦，六十四卦中第八卦。

＊＊



畀，俾，比，三個字基本上各有所指，其實都唔係太容易會混淆。不過，由於香港嘅報刊同雜誌，經常將［畀］嘅意義嘅字寫成［俾］呢個字，所以先至做成有呢種混亂嘅情況出現。

［畀］嘅意思係：「給」、「付與」。
　　　《爾雅》：「畀，賜也。」
　　　《玉篇》：「畀，相付也，與也。」
　　　《說文》：「畀，相付與之。」

［俾］嘅意義係：「使」、「讓」。
　　　《廣韻》：「俾，使也」。
　　　《爾雅》：「俾，使也」。
　　　《說文》：「俾，門侍人」。

所以嚴格來講，我哋日常用嘅「bei2」字，正寫應該係［畀］。

但係點解我哋會用咗［俾］來代替［畀］呢？
［俾］讀音係〔bei2〕，同粵語嘅〔比、彼〕同音。
［畀］讀音同〔bei2〕，同粵語嘅〔俾、比〕同音。
　　　又讀音〔bei3〕，同粵語嘅〔庇、秘、臂］等同音。

由此可見，我哋常用嘅「bei2」字，同［俾］同音，但係又同［畀］同義。由於［俾］、［畀］音近，而［俾］嘅現今書面語仍然保留著，所以經常用咗［俾］來代替［畀］。

文：井底蛙．2007年12月13日
https://www.facebook.com/CantoneseMuseum/photos/a.573500885993461/754695007874047/?type=3&theater

＊＊

其他［畀，俾，比］嘅同音字：

貏：貏豸豸［zaai6］
　　。山勢漸平嘅樣貌。
　　　南朝梁。蕭子云《玄圃園講賦》：其山則峛崺貏豸，硱磳誳詭。
　　。枝干盤曲伸展貌。
　　　宋。吳潛《暗香。用韻賦雪》詞：貏豸老松，別樹平欺爛柯折。

崥：崥崹［山势］漸入平緩，例如：既乃琼巘嶒崚，金岸崥崥。
　　峽崥［山腳，山貌］，例如：崔嵬不崩，賴彼崥崥。

鞞：刀劍鞘，去毛同經過加工嘅獸皮，用來做刀劍嘅套。

髀：髀骨［大腿骨］
　　髀髖［大腿及臀部］
　　髀樞［髀骨外側嘅凹陷部分］
　　髀肉［大腿上嘅肉］
　　搏髀［拍打大腿］
　　廣東話有句：膝頭對上就係［髀］。
　　脾：而呢個係讀［pei4］，脾氣，脾胃，脾臟。
　　睥：而呢個係讀［pei5］，睥視，睥睨。

彼：彼此［對稱詞，指你我、雙方，彼與此相對］
　　彼此彼此［客套說話，表示大家一樣］
　　　　　　《孫子。謀攻》：知彼知己，百戰不殆。
　　彼岸［另一邊，對岸］
　　彼等［佢哋］

柀：樹木名，即［榧］樹。
　　解：離析
　　解：一部份

匕：甲骨文字形，似湯匙形。
　　匕箸；匕［匙羹］，箸［筷子］。
　　匕首；匕讀［bei6］，雙刃嘅短刀或短劍。

朼：古代祭祀入面使用嘅［大木匙］。

疕：頭瘡；《說文》：「疕，頭瘍也，从疒匕聲」。
　　白疕［皮膚上起白色厚屑］

妣：母親；形聲字，從女，比聲。
　　考妣，先妣，祖妣［已身故嘅母親］

秕：中空或者唔飽滿嘅穀粒。
　　秕稗，秕謬，秕糠，秕政，秕滓，糠秕［虛有空殼嘅穀物］

沘：沘源［地名，喺河南省泌陽縣］
　　沘江［河川名，喺河南省地區］

毗：形聲；從田，比聲，本義解［人嘅肚臍］。
　　毗倚［親近倚重］
　　毗連［相連接］

毘：同［毗］字

媲：媲美［比美，美好嘅程度差不多］
　　取青媲白［用青色配白色，比喻詩文對仗工整］

＊＊

肶：同［髀］讀［bei2］，例如：雞髀，大髀。
　　同［膍］讀［pei4］，即係牛肚［牛百葉］。
　　《廣韻》：膍：牛百葉也。
　　《說文》：膍：牛百葉也，又鳥膍胵也。

＊＊

香港記憶［清潔海灘1986］廣告



＊＊

香港語文。廣東話資料館