廣東話［常用語氣詞］拼音

廣東話［常用語氣詞］拼音—————————————————————————————————
語氣助詞喺粵語〔廣東話〕語句情貌嘅表達上，有非常重要同不可或缺嘅
作用。粵語嘅語氣助詞非常之豐富，用法亦都幾複雜，有單式、二覆疊式、
三覆疊式同埋多覆疊式等嘅形式。
—————————————————————————————————




單式
—————————————————————————————————

吖：表示同意，強調，呢個字一般都唔會用喺疑問句
　〔aa1〕 係吖！你講得冇錯。
　〔aa3〕 唔係吖！

呀：表示驚訝或者疑問嘅感歎詞
　〔aa1〕 你想點呀？
　〔aa1〕 呀！嚇死人。

　〔aa3〕 係真唔係呀？

啊：驚歎、贊歎；疑問或者反問；允諾或者醒悟
　〔aa1〕 啊！又係幾好喎！
　〔aa2〕 咩啊？好似唔啱喎！
　〔aa3〕 你唔好咁做啊！

嗄：表示省悟或驚奇，問或反話語氣
　［aa2］嗄！你睇真啲嗄。
　［aa2］嗄！架車走咗嗄！
　［aa2］嗄！有呢種怪事？
　［aa2］聲音嘶啞。

哎：表示驚異或者感歎
　〔aai1〕哎！都唔知點算！
　［aai1］哎呀！
　［aai1］哎喲！

噯：感嘆詞；表示否定，驚訝，唔同意或唔不滿意
　［aai1］噯聲嘆氣。

唉：唉聲嘆氣，感嘆詞；表示懊惱，歎息，哀傷

　［aai1］ 佢突然［唉］咗一聲。

噁：噁心，作嘔聲
　［ak3］噁！ 

噃：表示叮囑，勸告，肯定

　〔bo3〕你唔好唔記得噃！
　〔bo3〕咪飲咁多酒噃！
　〔bo3〕我記得唔係咁噃！

𠳏：表示輕蔑，喝倒采，失望
　〔ce2〕𠳏！好叻咩？我夠有咯。
　〔ce3〕𠳏，又肥佬！

啋：憤怨詞
　［coi3］啋！大吉利事。

嘎：象形聲
　［gaa1］佢嘎嘎笑個唔停。
　［gaa1］我嘎。
　［gaa1］佢唔怕老母嘎。

㗎：強調語氣；半信半疑
　〔gaa3〕佢好叻㗎！
　〔gaa3〕佢唔信你㗎！
　〔gaa4〕你識得佢㗎？！
　〔gaa4〕唔通係你做㗎？！

嘅：疑問或者反問，又表示同意；有肯定嘅意思
　〔ge2〕做乜冇人嚟嘅？
　〔ge2〕佢咁做係應份嘅！
　〔ge3〕我嘅書。答案係啱嘅！

啩：表示唔敢肯定自己嘅判斷，半信半疑；帶有徵求人睇法嘅意味
　〔gwaa3〕係啩？／唔係啩？！
　〔gwaa3〕佢唔會遲到啩！？

哈：表示有所頓悟，提問，埋怨；驚訝，自滿
　〔haa1-4〕哈！諗諗吓又係喎。
　〔haa1-4〕哈！你估吓邊個跑出呀嗱？
　〔haa1-4〕哈！話極你都唔聽。
　〔haa1〕　哈！重捉你唔倒！
　〔haa1〕　哈！睇住嚟啦！

吓：疑問；相當於〔一下〕
　〔haa2〕吓？！冇理由唔啱嘅喎！
　〔haa2〕吓？做乜嘢？
　〔haa5〕畀你嚇咗吓！

吔：表示驚異或者感歎
　〔jaa1〕 哎吔！打得少啊你？

咦：感嘆驚訝
　［ji2］咦！咁啱嘅。

噫：感嘆驚訝
　［ji2］噫！唔得嘅。

吆：多數用喺唔滿意嘅笑罵語氣
　〔jiu2〕 吆！正衰人！
　〔jiu2〕 吆，咪鬼煩住晒啦！

喲：表示驚訝
　［jo1］喲！

唷：表示驚訝
　［jo1］唷！手指損咗。

啦：表示一般意味或者表示完成
　〔laa1〕好心你啦！
　〔laa1〕搞掂佢啦！
　〔laa3〕搞掂咗啦！

喇：表示祈使嘅用法；表示完成或者引起注意；只係用喺句尾
　〔laa1〕一齊嚟喇！
　〔laa3〕我食飯喇！
　〔laa3〕得喇！得喇！
　〔laa3〕搞掂咗喇！　　　　　

嚹：表示催促
　［laa3］佢嚟嚹。

嘑：引起注意；祈使
　［laa1］係嘑！／佢肯嘑！
　［laa4］慘嘑！／開飯嘑！
　［laa4］唔玩嘑！／走唔甩嘑！

嘞：一般嘅表示肯定有把握嘅情況
　〔laak3〕我寫咗信嘞！
　〔laak3〕我識做嘞！
　〔laak3〕你知道就好嘞！

哩：相當於〔啦〕；肯定嘅疑問
　〔le1〕係哩！你喺邊度做嘢？
　〔le4〕我講得冇錯啊哩！
　〔le4〕都話咗係咁哩，我冇呃你嘅！

咧：表示肯定嘅疑問
　［le5］我唔係呃你咧。

囖：表示情況就係咁樣；有肯定、晦氣、無奈、唔情願；
　　有鄙視或者唔願多講嘅意味
　〔lo1〕 今日去咗行街囉！

囉：表示告知或者應答嘅語氣；
　　表示期待某啲事物嘅時機即將嚟到嘅語氣
　〔lo1〕今日又係去咗行街囉！
　〔lo3〕一齊去玩囉！
　〔lo3〕市長派錢囉！
　〔lo4〕係囉！冇囉！

咯：表示祈使；邀請嘅語氣；表示完成嘅語氣
　〔lo1〕 你信佢咪得咯！
　〔lo3〕 一齊去玩咯！
　〔lok3〕都話係咯！
　〔lok3〕咁夜咯，早啲返去喇！

嚕：表示完成嘅語氣
　〔lou1〕 我做完功課嚕。

呣：表示疑問；表示肯定
　〔m2〕 呣？好似唔係喎！
　〔m4〕 呣！諗下先！
　〔m6〕 呣！我知啦！

嘛：表示明顯，事情就如此
　［maa3］唔係嘛。

咩：表示懷疑或者輕微不屑；多數用喺問句
　〔me1〕係咩？

嗱：表示特指嘅語氣；提問或者引起注意；用喺句子前，引起注意
　〔naa1〕搞掂咗嗱！
　〔naa4〕搞掂咗嗱？
　〔naa4〕嗱，望住我！
　〔naa4〕嗱，你話架！
　〔naa4〕嗱，畀你睇吓嘞！

呢：表示肯定嘅疑問
　〔ne1〕今年呢，比舊年嘅收成好！
　〔ne1〕我都話咗，係咪呢？

哦：敷衍應諾，表示責備，錯諤
　〔o2〕哦，乜又係佢？
　〔o4〕哦，知啦。
　〔o6〕哦，你死喇，打爛個花樽。

呸：表示鄙視，輕蔑，不滿，氣憤，斥責，唾棄
　［pei1］ 我呸！

嘩：象形聲；形容好響嘅笑聲；嘩鬼，嘩眾取寵
　［waa1］嘩！啲風好大。

喂：打招呼用
　［wai3］喂，揾邊位？

喎：表示意識到，「原來係咁」嘅意味；有感嘆意味
　〔wo3〕係喎！唔啱喎！
　〔wo3〕係喎，點解頭先我諗唔到呢？
　〔wo5〕佢話係咁喎，你咪信佢咯！

咊：表示驚訝，愕然，讚嘆
　［wo4］佢成個人變曬咊！

啝：暗示否認某啲事物嘅結果或者敘述嘅意味；有輕微訝異或者輕蔑嘅意味
　〔wo5〕佢話佢晨早離咗職囖，就乜責任都唔使再負啝！

咋：語氣詞，〔而已，算啦〕意思
　〔zaa3〕我唞咗一陣咋！
　〔zaa3〕我見過佢兩次咋！
　〔zaa4〕今次派咁啄咋，上次邊止得咁少！

啫：表示〔而已〕嘅意思；表示勸告或者肯定同否定，又有輕視嘅語氣
　〔ze1〕 十幾斤重啫，我拎得起。
　〔ze1〕 我寫錯字啫，咁惡做咩啫？
　〔ze1〕 係咁咦搣咗一下啫，就喊到咁大聲。
　〔zek7〕唔好去啫，做乜一定要應承佢啫？
　〔zek7〕唔係咁啫！
　〔zek7〕佢咁衰，睬佢做乜啫？

嗻：同［啫］
　［ze1］好閑嗻。／實係佢嗻。

唧：象聲詞
　［zek1］唧係點？
　［zek3］係咁唧。／係點唧？

—————————————————————————————————
二疊式
—————————————————————————————————

呀嘛：表示半信半疑；用喺問句
　　〔aa1 maa3〕唔係呀嘛？

啊吓：［aa3 haa6］

哎吔：表示驚異或者感歎
　　［aai1 jaa1］哎吔！唔記得咗添。

哎喲：表示驚異或者感歎
　　［aai1 jo1］哎喲！見到都心痛。

㗎喇：表示已經完成或者完全自信、確認、語氣不滿或悔氣
　　〔gaa3 laa1〕得㗎喇，佢得嘅。
　　〔gaa3 laa3〕不嬲佢一個講哂㗎啦！
　　〔gaa3 laa3〕你淨係就家姐得㗎喇，唔使理我嘅。

嘅咩：表示懷疑、唔贊同
　　［ge3 me3〕你唔知嘅咩？

嘅唧：［ge3 zek3］係唔係嘅唧？

嘅喳：同「而已」；可用單字〔喳〕
　　〔ge3 zaa3〕我淨係負責收銀嘅喳，有咩事同我老世講啦！

嘅啫：表示好小事情，唔使放喺心度
　　〔ge3 ze1〕件事就係咁嘅啫。
　　〔ge3 ze1〕你真係好人嘅啫。
　　〔ge3 ze1〕係唔係嘅啫。

吓嘩：表示難以置信，甚至完全不信
　　〔haa6 waa5〕唔係吓嘩？
　　〔haa6 waa5〕甲：我贏梗！乙：吓嘩，睇下點！

咦咦：［ji4 ji2］

啦啩：〔laa1 gwaa3〕唔好啦啩？！

啦嘛：〔laa1 maa3〕

啦喂：提醒或者積極回覆嘅意味
　　〔laa1 wai3〕嚟啦喂！

嘞咩：表示強烈懷疑、唔贊同
　　〔laak8 me3〕你以為咁做就啱嘞咩？

囉噃：表示確認，或者希望得到確認
　　〔lo3 bo3〕搞掂囉噃。

囉喎：尋求最後確定或者表示已經唔耐煩
　　〔lo3 wo3〕係囉喎？郁手！
　　〔lo3 wo5〕好囉喎？！

咩唧：［me3 zek3］

咩喎：［me3 wo3］驚咩喎！

咩啫：［me3 ze1］

呢口：［ne1 hea1］

呢呵：表示反問；用喺提醒人有人知道有啲人嘅行動
　　〔ne1 ho2〕 甲：係邊個打爛咗我隻杯嘅？乙：唔知呢可？

呢嗱：唔滿意，斥責
　　［ne1 naa4］呢嗱！唔見咗喇。

哦呵：［o1 ho1］ 

喳嘛：輕視、不屑嘅意味；帶有嘅疑問語氣
　　〔zaa3 maa3〕咁喳嘛，好易啦。

—————————————————————————————————
三疊式
—————————————————————————————————

㗎啦噃：［gaa3 laa3 bo3］

㗎喇吓：〔gaa3 laa3 haa5〕

㗎啦喂：〔gaa3 laa1 wai3

㗎啦喎：略帶命令意味
　　　〔gaa3 laa3 wo5〕係你搞晒㗎啦喎！

㗎囉噃：〔gaa3 lo3 bo3〕

咩嘅啫：［me3 ge3 ze1］

—————————————————————————————————
多疊式
—————————————————————————————————

㗎啦囉噃：［gaa3 lo3 laa3 bo3］

㗎啦吓嘩：帶半信半疑意味
　　　　〔gaa3 laa3 haa5 waa5〕做晒㗎啦吓嘩！

—————————————————————————————————
譯：蕭南仁．2017年1月11日
香港語文．廣東話資料館
—————————————————————————————————
＊＊
—————————————————————————————————

［臨兵鬥者皆陣列在前］誅邪



—————————————————————————————————

九字真言，係指祝唸［臨兵鬥者皆陣列前行］九個中文字嘅護身法術，又
叫做［奧義九字］，係道家同兵家盛行嘅秘術，典出《抱朴子．內篇卷十
七．登涉》第五段。而［臨兵鬥者皆陣列在前］喺民俗界認為係傳入日本
後誤抄所致。喺抄錄呢九個字時將［皆陣列前行］抄錯成［皆陣列在前］，
之後成為日本密教同修驗道嘅山伏重視嘅咒法。


喺一啲通俗的小說、漫畫入面亦有將佢哋作為忍者嘅忍術咒語，同奇門遁
甲撈埋變成一種新興再創作文化。重隨著日本動畫片喺世界各地盛行，呢
啲［九字真言］就畀大眾所熟知。

—————————————————————————————————
＊＊
—————————————————————————————————
廣東話資料館