公元2007年．貂蟬再遇呂布［無禮的篡改 五］

公元2007年．貂蟬再遇呂布［無禮的篡改 五］

———————————————————————————————

我搵佢畀我嘅卡片，打咗卡片上嘅電話。

但係佢個電話號碼已經停咗。

一個月之後，我終於鼓咗勇氣同 Setphen 分手，無論佢無奈與否，我都冇受任何人影嚮，我相信自己嘅決定係正確嘅。

＊＊

２００７年１０月，張鑑泉嘅太太突然畀電話我老爸？

重相約咗出嚟見面，理由係佢會歸還曬所有欠我爸爸嘅錢。

我驚佢哋唔知又想搞啲咩，就陪爸爸一齊出嚟。

喺餐廳入面，佢太太賠咗五十萬，重突然向我哋跪低，係咁重覆話請我哋原諒佢老公所做嘅事。爸爸就安撫佢坐低，請佢講究竟發生咩事。

張鑑泉太太：「當初張鑑泉生意失敗，咁多年都累到家人，包括老婆同家姐都借錢替佢填補生意，後嚟佢欠債纍纍走投無路先至立心博一鋪，搞到拋妻棄女重走返汕尾老鄉匿埋避債一年，不過都係畀債主搵到。」

「有個姓雷嘅男人，幾個月前就搵到汕尾老家，但係佢唔係嚟追張鑑泉嘅錢，係教佢返香港申請破產同自首，若果佢肯咁做，只係坐幾個月監就可以從新做人，唔使再避，而且可以同老婆同個女一家團聚，至於佢欠個啲貴利［高利貸］嘅錢，呢個姓雷嘅話可以幫佢和解，以最低嘅價錢了結。

但係佢有一個條件，就係一定要將五十萬還畀我哋。若果張鑑泉唔依煦個姓雷嘅建議... 就唔會有安樂日子過，重會有其他貴利殺到嚟汕尾，後尾張鑑泉思前想後，決定照姓雷講嘅咁做，返香港自首。

佢老父重同汕尾啲親友肯幫佢集資咗八十萬，其中三十萬係還界貴利嘅錢，而呢五十萬係還畀我哋嘅。呢個就係姓雷嘅唯一肯放過佢哋嘅條件。」

爸爸喺公文袋入面，攞咗十萬出哹畀返張鑑泉太太。

爸爸：「佢當初只借咗我四十萬，唔多唔少，我唔理嗰位雷先生為咩要你哋加十萬元利息咁多？亦唔理你哋承諾啲咩事，但係我借錢給張鑑泉，係基於多年朋友嘅道義，唔講利息。張鑑泉佢唔守道義，但我仍然堅守我嘅道義。張太太，呢十萬妳攞返去！」

喺呢次事件之後，我開始對呢個姓雷嘅人有啲改觀... 我亦好想親自畀電話佢講聲多謝，但可惜嗰個號碼始終係繼續停用，但我相信佢會好快嚟搵我！

＊＊

今日係２００７年１２月２日

嗰個姓雷嘅，佢始終冇嚟搵我攞錢？

唔知點解？好奇怪？我竟然有啲想念佢？

想佢嚟搵我？........呼，我係咪痴咗線？

想起「鳳仙」曾經喺聊天時候所留低嘅嗰番說話。

偶發性嘅想試試搵佢，睇睇佢嘅近況....

可惜，仍然係嗰一番接駁到留言訊箱嘅說話......

但係，我始終冇留言。

呢一晚....

我穿插喺人群中嘅夜市裡，漫無目的咁浮游著，夜市霓虹光影像成為城市中瞬間嘅縮影，氛圍嘅燈光之下，泛映著我嗰啲青紫色嘅傷痕，了無語，舊調重彈，堪知幽夢是難圓，落意盡喺琴弦之中，訴唔盡三千情思，無緣尋他千百度，如今無奈同掙扎中，墮入無限黑夜唯有悠悠嘅嘆息，重銘留喺嗰個空蕩徬惶嘅心頭。

夜闌盡處，翹首凝望，或者我哋只喺一咫尺，就恍如隔世人。落花無情，流水有意。望唔穿深眸流盼，埋葬幾多不知所措？倘若喺暮年之後，邊個同我又喺煙雲飄逝中默首成哀？留畀自己愛過嘅嗰一道最靚嘅皺摺。但係我點樣寫,7你我共同嘅年華故事，勾畫出你我曾經擁有嘅笑靨？

究竟，喺呢個小小嘅城市裡面，有幾多人嘅欲望喺度昇華？有幾多人喺孤獨中發酵？呆板倒模嘅都市人，夢想喺呢啲時候變得好渺小，茫然而毫無自主。人喺生命中或者真係有太多嘅幻覺。

如果可以畀我稍稍回歸大海嘅舊時，一切又可以恢復平靜，讓昨日嘅殘破喺年年歲歲之後化為一堆灰燼，瀰漫喺無煙嘅空氣中..... 咁又何妨？

我係一個矛盾嘅女人，真係諷刺。

喺返屋企嘅路上，我終於鼓起勇氣。

喺鳳仙嘅留言訊箱入面留低咗說話。

我將喺呢八年嚟一直喺度等待嗰個人出現嘅傻事講曬出嚟。

我只係希望佢會覆返我，唔理係咩事。

可以同我喺電話入面傾下聊聊天，講下啲心聲說話。

瞓唔著.........

喺日記簿度記低有關妳傻傻嘅點點滴滴

一針一線纏繞成絲線織出你夢中嘅臉龐

係邊個帶我感受當中呢張面藏著嘅苦澀如無邊泛海

孤島囚鳥係咪已經無力掙脫顫抖之中嘅籠牢

三千情思亦難以為愛情搵到真正嘅歸宿

天涯海角君喺邊一度問蒼天幾時嚟播種

倔強回踱著始終又係堅持唔住不斷追求

等待佢開花但係結果我就乜嘢都抓唔住

用傷感嘅文字演繹悲傷苦澀嘅詞調曲意

任敷衍嘅話語詮釋嗰啲懵懂逝去嘅青春

讓我明白到有一種距離就叫做咫尺天涯

感謝你將自作多情嘅我演繹得淋漓盡致

將我嘅心割落嚟讓自己睇睇佢重係要苟延殘喘

忙碌嘅係嚟麻痺嗰道睇唔出嘅落魄痕跡

唔想再徘徊喺奈何橋上準備飲下嘅忘情之水

一場春夢是與非悲傷亦好就畀佢隨風逐留..........

＊＊

今日係２００７年１２月４日

自己畀自己安排咗一日假期。只係想懶懶咁過一日，冇其他嘢。

下晝四點，我準備好出門去買一啲家用品返嚟。

電話響起.... 係一個唔認識嘅號碼？

電話入面嘅竟然係嗰個姓雷嘅！？

我：「我知道你一定會打電話嚟攞錢嘅。」

雷：「我唔係因為錢，係有件事，想即刻麻煩妳幫忙嘅。」

我覺得好奇怪，點解佢呢次講嘢咁正經？而且好似有急事........

我：「好，有咩事？」

雷：「我個仔今日返學發高燒，學校打電話通知，安排咗一位校工嬸嬸帶佢去學校附近睇醫生，要家人去接佢，佢亞嫲今日有事，而且佢電話又打唔通，我而家重喺大陸，喺兩個鐘之內一定返唔到嚟，而家冇其他人可以幫我，如果妳方便嘅，請妳幫我去醫生嗰度帶佢返屋企，我希望妳可以幫我呢個忙。」

我：「原來你已經結咗婚，重有個仔添，咁佢嘅亞媽點解唔理呀？」

雷：「而家唔講呢啲住，診金我會還畀妳，只要妳肯幫我呢個忙就得嘞！」

我：「好，我就答應你，你畀個地址我。」

姓雷嘅畀咗醫生嘅地址我，我帶咗一支水，預備畀佢個仔食藥嘅，就馬上坐的士趕去。嚟到指定嘅診所，嗰位學校嘅嬸嬸交待過之後就匆匆走咗。診所入面有一啲媽媽陪著佢哋嘅仔女喺度等睇症，我坐喺姓雷嘅仔仔嘅身邊。

我：「Hi，你係阿朗，Terence？而家覺得點呀？」

朗：「護士姐姐話下一個輪到我睇醫生！」

我：「嗯，嗡就好，你今年幾多歲？」

續～

＊＊

原：飛鳥 Aska Tsang。2010年

譯：蕭南仁。2018年

＊＊

秋天的童話［經典電影對白］



喺套戲入面，有好多值得回顧嘅經典片段同對白嘅。 船頭尺：JanFer！ 尺友一：喂，邊個叫 JanFer 呀？ 尺友二：叫你接就接啦！ 船頭尺：JanFer！ 尺友一：JanFer！ 十三妹：船頭尺，點解架？ 尺友一：唓，船頭把尺，愛嚟做咩架？ 尺友二：啊，度水囉！ 船頭尺：女人真係茶煲！ 十三妹：你話乜嘢茶煲咓？ 船頭尺：麻煩啊！Trouble，妳唔識英文嘅咩？ 十三妹：我今晚靚唔靚啊？值幾多分呵？ 船頭尺：一百分啊！ 船頭尺：阿倫幾時有咁樣講過嘞？ 　　　　阿倫淨係話：這陷阱，這陷阱，偏我遇上啫嗎，bullshit！ 船頭尺：睇下妳啊，又要生又要死，又揾刀仔割大脾！ 十三妹：船頭啊！我廿三歲啦！ 船頭尺：咁咪好囖！花樣年華，我三張三啦！ 十三妹：你唔明架啦！女人廿三，老過男人三十三啊！ 船頭尺：戇居！ 船頭尺：好！華盛頓話事解：好嘅開始，就係成功嘅一半！ 十三妹：乜華盛頓有咁講過咩？ 船頭尺：... 唔係華盛頓，就一定係孔子，是但一件架啦！ 船頭尺：正！國以民為重，民以食為天... 船頭尺：恰我哋中國同學會？！ 船頭尺：我窮到燶橫掂仆到直，確係難揾食！ 　　　　我唔怕輸橫掂輸到直，輸到面都紅！ 　　　　你阿媽，大減價，益你阿爸！ 　　　　做乜成晚去疴尿！ 船頭尺：... 做人最緊要放開懷抱，對酒當歌，人生幾何，有得吔就吔喇！ 船頭尺：... 男人大丈夫，今日就今日，聽日就聽日！ 船頭尺：沙地種蘿蔔，掹番出嚟得個窿。風吹雞蛋殼，財散人安樂。 船頭尺：... 以後畀啲心機讀［贏］，做人同跑馬都一樣，最緊要係讀［贏］嚇... 船頭尺：咦... 個錶幾盞鬼喎！ 十三妹：阿爺留比我架... 船頭尺：靚阿靚嘞！衰呵！觀音頭掃把腳，換個條錶帶佢喇！ 船頭尺：鬼佬大戲，好悶個喎！Shall we dance? 咚咚咚... 　　　　Shall we dance? 咚咚咚... 船頭尺：You talk all yes talk, I talk all no talk! 警　察：I don't know what you're talking about? 船頭尺：你講句句都啱嘅，我講句句都唔啱嘅！ 　　　　You talk all yes talk, I talk all no talk! 船頭尺：Understand?! I'm not "Yellow Cow"（黃牛）!! 船頭尺：我依世人乜都冇，係剩番啲自尊架啫！ 船頭尺：... 有乜所謂啫！馬死落地行！依架好嘢嚟嘎， 　　　　列根都係坐依架同啲 citizen 扼手嗻... 十三妹：哎呀！車底有個窿嘅！死火都要落地行... 　　　　點解你唔戒賭啫？ 船頭尺：唔賭點樣平衡心理啊！ 船頭尺：你都戇居嘅！錢係要嚟使，唔係要嚟儲架嘛！ 　　　　記我話咧，最好到釘嗰日，啱啱一毫子都洗晒， 　　　　咁就冇蝕底喇！係咪先! 十三妹：送畀你嘅。 船頭尺：咦，咁醜樣，邊個來嚟架？ 十三妹：你估下... 船頭尺：成個木嘴咁... 睇落又幾似我喎嚇！ 十三妹：唔係呀，你剃淨啲鬚，個下巴咪幾似阿Ｂ... 船頭尺：真係？ 十三妹：似阿Ｂ嘅膝頭啊！ 十三妹：♪ 在森林和原野是多麼的逍遙！♬ 　　　　♪ 親愛的朋友啊，你在想什麼？♬ 　　　　♪ 鳥兒輕輕在歌唱，鳥兒輕輕在舞蹈！♬ 　　　　♪ 親愛的朋友啊，你在想什麼？♬ 船頭尺：做人嘅嘢，天生天飬嘅啫，冇嘢做咪賣下泥公仔囉，又唔駛死嘅！ 船頭尺：妳理得佢啫，又話唔惗以前啲嘢... 　　　　明明啲嘢都抌咗仲要擰返轉頭裝下... 船頭尺：... 唔靚就要傷心，咁我咪要跳海死咗佢！ 船頭尺：好！我乜嘢都唔係，我以後都唔會再理妳，妳亦都唔好"茶煲"我， 　　　　我依世人乜都冇，係剩番啲自尊架啫！ 船頭尺：落鹽唔可以太近，唔可以太遠，两呎... 啊啊，两呎啊！ 船頭尺：... 如果太遠落，啲湯會淡。如果太近落，啲湯會咸... 十三妹：... 唔... 我明嘞... 船頭尺：... 飲湯... 船頭尺：... 十月天，傍晚吹南風，早北，晚南，半夜東... 　　　　聽日一定會好天嘅喇！ 十三妹：係咪真架？你又知？ 船頭尺：天文台妳可以唔信，但係行船佬嘅說話妳一定要聽... 　　　　啊，仲要啊，閃電嘅時候咧嚇，北閃西南風， 　　　　東閃雨從從，南閃打大風，西閃日頭紅... 船頭尺：三大规条：戒酒，戒赌，戒烟。 　　　　五大目标：學海無涯，唯勤是岸。 　　　　　　　　　攞完绿卡，要攞金卡。 　　　　　　　　　着鞋要着袜。 　　　　　　　　　英文講 Grammar。 　　　　　　　　　想做就去做。 　　　　　　　　　船頭愛茶煲。 十三妹：船頭，跳舞啊... 船頭尺：... 揾妳同學喇... 十三妹：嗯，跳喇！ 船頭尺：揾日喇！ 十三妹：男人大丈夫，今日就今日，聽日就聽日！ 十三妹：做乜尋日生日都唔話俾我聽？等我同你慶祝啊嘛！ 船頭尺：駛乜話畀人聽啫，自己 happy 咪得囉... 船頭尺：五大洋，七大洲，邊度冇我腳毛啊... 我宜家邊度都唔想去... 十三妹：... 咁你想做乜嘢啊？ 船頭尺：呐... 我就希望有一日能夠喺喥開番間餐館仔， 　　　　門口對住大西洋... 每晚收咗工攞張摺櫈出來， 　　　　吹下海風，飲下啤酒，都唔知幾爽！ 船頭尺：我惗... 果陣時啲 friends 都走晒，剩番我一個人... 　　　　或者... 連你都走埋... 十三妹：... 或者我唔走呢？ 船頭尺：唔走咪一起... 望住個海囖... 十三妹：... 間餐廳叫乜嘢名好嘞？ 船頭尺：你惗下同我改乜嘢名... 十三妹：等我惗下先... 啊！你英文班先生咪幫你改咗個英文名嘅？ 船頭尺：啊！係呀！Samuel 嘛，Samuel Pang 嘛。 十三妹：咁就叫 Sampan 啦！ 船頭尺：Sampan？埋即係舢舨！ 十三妹：你又識？ 船頭尺：Sampan... Sampan... 幾好聽啊！ 十三妹：... 我以前有個朋友啊，佢最大嘅願望嘞係喺喥開間餐廳， 　　　　對住個大西洋，餐廳個名嘞就叫 Sampan... 小安娜：Sampan? 十三妹：... 唔... Sampan, Samuel Pang... 小安娜：姐姐啊，係咪好似果間咁啊？ 船頭尺：Welcome to Sampan. Table for two? Wait a minute, please. 船頭尺：...Table for two?

＊＊

廣東話資料館