公元2007年．貂蟬再遇呂布［無禮的篡改 六］

公元2007年．貂蟬再遇呂布［無禮的篡改 六］

———————————————————————————————

我：「Hi，你係阿朗，Terence？而家覺得點呀？」

朗：「護士姐姐話下一個輪到我睇醫生！」

我：「嗯，嗡就好，你今年幾多歲？」

＊＊

朗：「七歲半。」

我：「你媽媽要返工所以嚟唔到睇你呀？」

朗：「我冇媽媽，只有爸爸，嫲嫲。我同嫲嫲一齊住，爸爸就自己一個人住。」

我：「哦，原來係咁。」

朗：「唔.....」

我：「咁，我介紹下自己.....」

朗：「我認得你，你係貂蟬姐姐吖麻！」

我一臉愕然.... 呢個細路點會知道我聊天嘅網名架？？？

診症室嘅門開咗，謢士叫：「梁朗！」

朗起身問我：「姐姐，妳陪唔陪我入去？」

我立即拉住佢隻手....

我：「你係梁朗？.......你係姓梁？...唔係姓雷？點解嘅....？？」

喺診症室入面，朗背靠著我坐，畀醫生睇［望聞］。
而我，呢一刻好似咩都聽唔入耳....
因為好多問號已經唔停喺腦入面閃動著......
我耳仔開始有啲熱紅....
唔知點嘅？
個心不由自主咁開始跳動得越來越利害......

診症完咗，醫生話佢病情並唔算太嚴重，而且發燒巳開始驟降....

我哋返出去梳化嗰度坐低.... 等攞藥。
我開始有啲出冷汗同手震....
心跳亦不斷咁跳得越加劇.....

我：「阿朗.... 你點知道... 我叫貂蟬？重有... 你爸爸唔係姓雷嘅？」

朗：「每次我喺老竇屋企用電腦嘅時候，都睇到妳個樣，老竇用躖妳張相喛做牆紙，從來冇換過。妳唔係經常同佢聊天好熟嘅咩？佢一直都唔係用佢做嘢時用姓雷嘅假名。」

我：「？？？...咁佢... 用咩名同我聊天？」

朗：「鳳仙！」

呢一刻... 我真係目定口呆著.....
雙眼已經通紅... 塊面重好熱.....
點會架... 嗰個姓雷嘅，就係... 鳳仙老師？....佢... 係... 姓梁？
我含著嘴，忍著開始泛濫嘅淚水.....

要阿朗畀我睇下佢本小學生手冊.....
真係... 的確係...... 我睇見手冊上爸爸個名係姓梁！
..........係真嘅.....！

我摸著阿朗嘅頭髮，傻傻呆咁望著佢....
其實呢一剎那，我真係好想立即去抱擁著佢....
我啲眼淚已經奪眶而出... 唔停咁流..........
我重覆咁拭擦著如江河缺堤嘅眼淚......

人不停喺度顫抖著... 無法子形容自己激動嘅心情....
就好似當年媽媽去世，我喺醫院裡頭歇斯底里一樣.....
一時間嘅逆轉，我事實上無法接受......
呢一刻澎湃嘅心情，耳熟涕零嘅我........

診所入面嘅謢士同其他等睇症嘅人，他哋都以為我過份擔憂阿朗病情，紛紛前嚟安慰我，為我送上紙巾拭眼淚。

我深深喘一口氣......
不斷喺度默唸著峨嵋嘅心法口訣.....
只想自己能夠盡快平服......
面對如此狼狽嘅自己......
我幾乎已經忘記自己最初嘅模樣....
祈求自己千祈唔好崩潰......
但係，無論我點樣拭擦眼淚....
眼淚重係不斷咁飛灑而下......
回望街上嗰處深黝嘅天空......
都開始荏落著雨.....
落雨呀....
反正我而家凌亂不堪嘅心坎....
已經好似畀雨箭一樣被切割得支離破碎....

老天爺你點解偏要將煽情嘅劇本編排得咁一絲不苟？
將自作多情嘅我演繹得如此淋漓盡致？
一直傻傻嘅期待，到失望，再期待，再失望....

我明白，冇一個人可以躲藏唔畀痛楚搵到....
我以為，只要空白咗自己，我就可以刪除你....
思緒唔經意之間又再次畀你無情嘅喚醒....
久違囓感動喺呢一剎那又再奔湧翻騰.....
積雪融化.......絮亂飛花........形如淚人.....
呢喃起漣漪無數.....

好多往日嘅愛恨糾葛喺眼前一幕一幕又再次牽起....
其實歲月嘅年輪早已經將彼此交融纏繞喺埋一齊....
只係呢個傻女自己就唔知道........

唔知過咗幾奈........你電話嚟啦，我嘗試憋著眼淚。

你：「做咩呀？把聲咁沙啞...喊過嚟？」

我：「冇呀，你媽媽已經來過將阿朗接咗返屋企。」

你：「我知道，我哋已經傾過，佢冇激親妳吖麻？」

我：「冇，佢好乖。」

我：「病唔算嚴重，按時食藥休息就好伊好。」

你：「咁，妳再等我一陣。」

我：「你喺邊？」

你：「我喺火炭，火車站附近嘅油站。」

我：「我喺度等得太奈啦，我想過嚟搵你？得唔得。」

你：「好，妳搭的士啦，外面落著雨，小心啲。」

我坐的士都帶著幻得幻失嘅心情，嚟到佢嘅所在地。
落車之後，我四處張望，但係睇唔到佢嘅身影.......
喺對面馬路上，我見到只有一位塊面掛住黑框眼鏡嘅，外表斯文，身穿白色長恤衫嘅男人....

佢手持著雨遮正朝著我嘅方向走過嚟？
係佢......！佢冇留鬍根？健碩咗？頭髮亦留長咗？
佢走到我面前，急忙將雨遮靠向我。
佢攞出紙巾，為我輕輕拭擦掉臉上嘅雨水.......

你：「做咩傻更更咁望住我？唔認得我啦？」

未等到佢講完話，我就狠狠咁摑咗佢一下！
但呢個人，竟然一啲反應都猜？重喺度笑！？

我：「好... 你好呀！鳳仙老師！」
　　「韋小寶嘅標籤又可以充當內閣大學士！你好厲害呀！」

他依然默不作聲，仍然呆呆咁睇住我微笑。

我啲眼淚又再一次洶湧泛濫.....
我含著眼淚... 又再次狠狠摑咗佢兩大巴！

當我再次想出手打佢嘅時候....
我睇見佢眼眶之中泛起淚光？
佢微笑中嘅嘴角，已經畀我摑到滿口牙血滲漏出來.....

我：「你同我企喺度，唔準郁迶，我要打死你！」

佢突然捉住我隻手？
拉我擁入佢嘅懷抱！
唔知點解？
我竟然冇作出絲毫掙扎？
呢一刻...
我亦將佢擁抱得好緊好緊....

我終於忍唔住放聲痛哭起嚟....
任意將該死嘅眼淚都灑喺佢嘅肩膊上....
唔知過咗幾奈？

黃昏細雨伴隨我嘅哭聲終於都停咗.....

我：「我畀... 鳳仙嘅留言... 你都聽咗...？」

你：「嗯... 半個鐘頭之前，已經聽咗。」

抱著佢，我撒嬌咁同佢講......

我：「以後唔準再呃我....」

你：「我答應妳...」

我哋牽著手，沿著黃昏映照下嘅斜路，行去泊車處....

我：「咁好，梁先生，診金一百八十塊，畀我！」

你：「嘿，妳欠我廿五萬酬金呀！」

我：「爸爸只肯收張鑑泉四十萬。」

你：「呵，難怪！笨爸爸總有笨女兒！我唔理，呢啲係妳哋嘅問題。」

我：「冇曬啦，爸爸都將啲錢用曬，我有咩辦法呀？」

你：「哦，咁就真係冇辦法咯，妳就要肉償嘞！」

我：「唔得！」

喺嗰一日開始，我哋一家三口，從嚟冇分開過。

２０１０年１２月４日就係我哋嘅結婚紀念日。

完～



原：飛鳥 Aska Tsang。2010年

譯：蕭南仁。2018年

＊＊

最緊要係自己識煮飯！



有朋友話：［男人的浪漫，最緊要係有老婆識煮飯！］

平時煮米飯嘅時候，好多人都覺得唔好食！以為簡簡單單就將米放喺個煲裡面煮就搞掂！但其實要到一煲靚飯都有一啲秘訣嘅，只需要簡單小動作，就可以令米飯格外好味！

米飯好食秘笈
１、煮飯時喺米入面加少少鹽、少少豬油，會使啲飯又軟又鬆；
２、喺水裡面滴幾滴醋，煮出來嘅飯會更加潔白、味香；
３、啲飯太硬，可以喺飯煲裡頭倒啲米酒，再煮一陣就得；
４、冷飯重新煮，可以喺飯煲水裡面放啲鹽，食時口感似新飯。

米飯煮法小技巧
１。［洗米］
　　記住洗米一定唔要超過3次。
　　如果超過3次後，米裡頭啲營養就會大量流失。
　　咁樣煮出來嘅飯香味都會減少。
２。［泡米］
　　先將米喺冷水裡面浸1個鐘。
　　咁樣可以令米粒充分吸收水分。
　　咁樣煮出來嘅飯會粒粒飽滿。
３。［米］同［水］嘅比例
　　煮飯時，米同水嘅比例應該係［1：1.2］。
　　點量？用食指放入米水裡面。
　　只要水超出米有食指嘅第一個關節就可以。
４。［增香］
　　呢點就真係密技囉！
　　
如果您屋企家嘅米已經係陳米，冇關係，陳米都可以煮出新米嘅味道。就係喺經過前三道工序之後，喺煲裡面加入少少嘅鹽或者花生油，記住花生油係［熟油］，而且係晾涼咗嘅。只要喺個煲裡頭加入少少就可以。

呢啲只係經驗分享，唔係專家指引，唔好亂講話誤導！

重有，煮靚飯唔一定係用電飯煲［電子鍋］嘅。

＊＊

廣東話資料館