廢出我天地［廢柴情緒支援小組］
廢柴，木質鬆爛，臭氣逼人，一打即散，點極唔著，著咗都唔好燒，啲火燒得嗰幾秒就玩完，重會冒出黑白毒煙，污染環境，塗炭生靈添。不過，廢柴亦唔係一無事處嘅，佢喺呢個世上嘅功用，就係會變成大地上嘅［好堆肥］。
＊＊
聽講話，廢柴每年嘅出產量有成一億個咁多，而每年消失同死亡嘅，就只係其中嘅一半，而多數都係因為自己無能同無知而白白痴痴咁死亡嘅。
廢柴其中嘅死亡原因：
。唔識嘢，亂咁噏，畀人秒殺。
。唔知定，阻頭阻勢，畀人掉落垃圾堆。
。見到火種［唔識死］，重自己走埋去玩。
。為咗證明自己［唔係廢柴］，而衝入火場。
。環保，等等……
＊＊
廢柴家族［三兄弟］：
。紙杯：［我最近搬咗將軍澳......］
紙杯係由紙漿製成嘅一次性用杯，而且通常用塑或蠟加襯覆蓋喺杯嘅內外表面，用來防止液體洩漏或者浸透入紙張。紙杯可以係由再生環保紙製成，而喺世界各地都好廣泛使用。而紙杯嘅同級［cup］兄弟［膠杯］，使用嘅廣泛程度就更勝哥哥。
。膠樽：［我啱啱畀架車車親入咗醫院......］
膠樽係一種好常見嘅塑料瓶，其中寶特瓶［PET膠樽］係膠樽界嘅代表。膠樽具有韌性佳、質量輕、唔透氣、耐酸鹼等特點，成為裝盛汽水、果汁、碳酸飲料等嘅常用容器。但係膠樽嘅耐熱性低，所以唔可以裝盛高溫液體，亦要避免放置喺烈日下同無冷氣嘅車入面等嘅高溫環境，而且膠樽用完之後就應該送去回收點。膠樽係冇無法自然分解，所以點樣處理膠樽垃圾問題盲成為現代社會所面臨嘅一大環保課題。
。飯盒：［我近排啲日子都算幾好......］
飯盒係一種即棄餐盒，又稱［即用即棄餐盒］，係泛指只供一次使用、用後即棄嘅消耗性廉價餐盒。即棄餐盒嘅材質可以係紙、發泡膠［保麗龍］、塑膠等，使用即棄餐盒可以避免一啲傳染病傳播，例如甲型肝炎，但係用後即丟亦會造成大量垃圾同引起廢棄物處理嘅問題。
＊＊
毛毛［柴九 Ryuji］真情剖白：
由細到大都係廢柴界嘅 KOL，直至見到呢班「廢柴情緒支援小組」嘅組員，我先發現原來我喺廢呢方面，都唔算係咁廢⋯⋯
＊＊
垃圾得志，語無詮次！
〔垃圾〕或者〔廢物〕，即係唔需要或者冇用嘅嘢。
喺香港呢個人口密集嘅城市，垃圾處理係令人好頭痛嘅事。一般嘅做法就係收埋一齊之後，送去〔堆填區〕埋咗佢或者係攞用〔焚化爐〕燒晒佢。
但係呢兩個做法，有好多人或者專家就走出來話，會影響生態同製造出環境問題。
〔堆填區〕，專家話處理得唔好，會有污染地下水同埋發出臭味同沼氣，而且可以做堆填嘅地方會越嚟越少，因為冇人想個堆填區會喺自己住嘅地方附近。
〔焚化爐〕，焚化又驚著會產生啲有毒氣體污染空氣，啲專家又話焚化產生嘅二氧化碳會加劇地球暖化，嚴重影響地球生態。
兩樣都唔係咁好，點做呢？
〔搞回收〕囉！有好多社區人士同啲乜乜專家，都喺度要求政府去研究減少城市垃圾，要政府去鼓勵啲人去搞資源回收。但係一講到搞回收嘅成本要用好多錢，啲社區人士同埋啲專家都好清楚咁表示，呢啲唔係我哋嘅研究嘅範圍。
沒有留言:
張貼留言