圍頭話［詞匯初階〕

圍頭話，又叫［新安話］，係香港同深圳一帶嘅話，都係粵語嘅分支。流行喺舊時新安縣一帶，同東莞話接近，通常係呢帶本地人講嘅。之不過近年經已式微，畀省城口音取代。因為同市區嘅省城口音唔同，舊時唔少英國人誤會係客家話。事實上佢某啲音比客家話重加古老。圍頭係村咁解，圍頭話村、圍兩字互通。圍頭話唔係條條村都同字同音，村同村之間都會有少少唔同。

圍頭話起源未有定論，舊時本地人大族都講呢隻話。大唐時香港係屯門鎮管地，有唔少中原人來鎮守，但未知同圍頭話有無關係。本地大族來講，由1129年大宋年間江西鄧氏移來錦田，可以當係圍頭話嘅起點。之後有江西文氏1206年定居屯門，1350年左右福建汀州廖氏定居上水，重有粉嶺彭氏，山貝林氏，重有深圳鄭氏。雖然佢哋都係由其他地方移來，但係比客家人來早最少成個世紀，所以會以本地人自居。

圍頭話係新界原居民嘅方言，屬於粵語莞寶片，同東莞話、廣州話同屬於粵語，主要分布喺廣東珠江口東部嘅東莞、深圳同香港。莞寶粵語同廣府粵語差別比較大，互相通話有一定嘅困難。圍頭人又叫〔本地人〕，係最早來到香港落腳嘅主人之一。當時人數約占香港本地人口嘅八成。所以香港原居民通常用〔本地人〕來特指〔圍頭人〕。

粵語莞寶片，內部又劃分為幾種次方言，分別為：

莞寶粵語＜．東莞話＜．莞城話．厚街話．虎門話
　　　　＜．寶安話＜．圍頭話．南頭話
　　　　　　　　　　．大鵬話

基本詞匯：〔歡迎提供資料修正〕

1、天文地理
天光　　〔〕天亮
齊黑　　〔〕天黑
熱頭　　〔〕太陽
村仔　　〔〕農村
水湖　　〔〕水坑
埞　　　〔〕地方
水瀝　　〔〕坑渠，水溝
水瀝水　〔〕坑渠水
落雨　　［〕下雨

2、時令、時間
家下　　〔〕現在
醒朝　　〔〕明早
成日　　〔〕整天
日頭　　〔〕白天
先日　　〔〕哪天
晚頭黑　〔〕夜晚
朝頭早　〔〕晨早
日頭落水〔〕黃昏

3、農事、植物
蒔田　　〔〕插秧
絞米　　〔〕碾米
耕菜園　〔〕種田
田薺　　〔〕荸薺
花棯　　〔〕番石榴
番果仔　〔〕番石榴

雞屎桔　〔〕番石榴
禾碌　　〔〕沙田柚
菜頭　　〔〕蘿蔔
地豆　　〔〕花生
穀薯　　〔〕番薯
上念　　〔〕楊桃
牙蕉　　〔〕蕉
蒲達　　［〕苦瓜

4、動物
雞蘭　　〔〕小母雞
雞項　　〔〕母雞
雞春　　〔〕雞蛋
騸雞　　〔〕閹雞
蛤　　　〔〕青蛙
禾蜎　　〔〕蚯蚓
娘妮　　〔〕塘尾（蜻蜓）

烏仁　　〔〕烏蠅

殯廟　　〔〕餵貓

殯狗　　〔〕餵狗

殯豬　　〔〕餵豬

筍魚　　〔〕魚

5、房舍、傢俱
天廈　　〔〕廳
地栿　　〔〕門檻
下間　　〔〕廚房
板橋　　〔〕灶台
交椅　　〔〕椅子
洗魚砵　〔〕洗碗碟
洗碗箸　〔〕洗碗碟
一雙箸　〔〕一雙筷子
丫對箸　〔〕一雙筷子

6、稱謂
老子　　〔〕父親
阿爸　　〔〕父親
老母　　〔〕母親
阿奶　　〔〕阿媽，母親
新婦　　〔〕兒媳［心抱］
後歸婆　〔〕後母
大姐仔　〔〕未嫁女仔［閨女］
膝　　　〔〕重孫
爺奶　　〔〕父母
主人公　〔〕家公　
主人婆　〔〕家婆
老大　　〔〕老婆婆
婦娘　　〔〕中年婦女
妗　　　〔〕舅母
大姑　　〔〕姑母
姑仔　　〔〕姑母
大姊　　〔〕家姐
阿娣　　〔〕弟弟
大人公　［〕家公
大舍　　［〕大伯
大舍娘　［〕大伯娘
細炆擠　［〕細炆仔，細路仔
孭仔　　〔〕女童；鬧人用（死孭仔）死女包
鬼矛　　〔〕妓女；鬧人用（病鬼矛）

7、身體
頭殼　　〔〕腦袋
後枕　　〔〕後腦勺
背梅　　〔〕背脊
肋赤下　〔〕胳肢窩
大髀　　〔〕大腿
屎肚　　〔〕肚子　
肚仔　　〔〕肚子
耳吉　　〔〕耳朶
間頭　　〔〕肩膀
頭毛　　〔〕頭髮
剃頭　　〔〕剪頭髮
鼻膿　　〔〕鼻涕
眼核　　〔〕核（音：佛）眼睛

8、病痛、醫療
結恭　　〔〕便秘
扯蝦氣　〔〕哮喘
麻墨屎　〔〕雀斑
痾肚仔　〔〕肚瀉
痾痢肚　〔〕肚瀉
肚仔痛　〔〕肚痛

9、衣著、穿戴
衣裳　　〔〕衣服
聯衫　　〔〕縫衣
背褡　　〔〕背心
笠衫　　〔〕汗衫
褲頭　　〔〕短褲

10、飲食
頸渴　　〔〕口渴
吃茶　　〔〕喝水
更吃　　［〕鐘意食
吃飯　　〔〕食飯、喫飯
舀飯　　［〕裝飯
吃唔了　〔〕食唔晒
灰沙　　［〕鹽
海沙　　［〕鹽
豆腐梅　〔〕腐乳
爇　　　〔lak〕魚，煎魚
趣魚　　〔〕蒸魚
介糕　　［〕大鬆糕
粉仔　　［〕河粉
圓籠　　〔〕年糕［讀：魚龍］，估計同客家〔圓籠茶果〕有關
碌堆　　〔〕煎堆
粿仔　　〔〕煎堆
米散　　［〕米通
來絲　　［〕粉絲
麻糖　　［〕糖
餅仔　　［〕餅乾



11、日常生活
起身　　〔〕起床
做曬　　〔〕上班
去歸　　〔〕回家
歸來　　〔〕回到家裡
洗身　　〔〕洗澡
梢涼　　〔〕乘涼
去先處　［〕去邊度
去先頭　［］去邊度
去嫽　　〔〕玩耍
過家　　〔〕串戶；去隔離屋
趯　　　〔〕（音：作）；玩、作反
聒　　　〔〕理睬；［唔好聒佢］唔好睬佢
志柄柄　〔〕懶叻，認叻
求　　　〔〕居住；［你家下趣先處求］


12、紅白大事、迷信
馱仔　　〔〕懷孕
出月　　〔〕滿月
過身　　〔〕死
老咗　　〔〕死
喊童年仔〔〕叫驚
糞箕笠　〔〕咒罵人早死
摳泥　　［］死人；你個摳泥〔你個死人頭〕
漚黃泥　［〕罵人口頭禪，原意是埋屍
僻除雷　［〕大吉利是
添香　　［〕裝香
燒連排　［〕燒炮仗

13、動作、心態
企　　　〔〕站
？　　　〔bou〕蹲，踎
狂　　　〔〕害怕
尋　　　〔〕找
揾　　　〔〕找
哭　　　〔〕哭泣
喊　　　〔〕叫，稱呼，呼喚
敬　　　〔〕喜歡
挈　　　〔〕拿起，收起
暗　　　〔〕掉棄

14、形容詞
好鞋　　〔〕粗糙
好恒　　［］痕癢
朋　　　〔〕厚
當衰　　〔〕倒楣
能械　　〔〕聰明能幹
好反　　〔〕很頑皮
伶俐　　〔〕乾淨
銀屎　　〔〕髒穢
銀懂　　［〕邋遢
骯屎　　［〕污糟
好企　　〔〕很斜；［張梯好企］
好快　　〔〕刀剪鋒利；［把刀好快］
好效　　〔〕很光亮；［燈火好效］
能陣　　〔〕勞煩

15、方位、代詞
入內　　〔〕裏面
貌／畝　〔〕外面
上高　　〔〕上面
下底　　〔〕下面
乃誰　　〔〕誰人

＊＊

風雲〔新界土豪聯盟版〕2014



作詞：黃　霑　作曲：顧嘉輝
主唱：林家棟．方中信．林嘉華．劉青雲．古天樂

青山原是我身邊伴，伴着白雲在我前，
碧海是我的心中樂，與我風裡渡童年。

當初你面對山海約誓，此生相愛永不變，
想不到海山竟多變幻，再也不見舊時面。

是誰令青山也變，變了俗氣的咀臉，
又是誰令碧海也變，變作濁流滔天。
風中仍共你痴痴愛在，未讓暴雲壞諾言，
即使那海枯青山陷，與你的約誓，也不變遷。
是誰令青山也變，變了俗氣的咀臉，
又是誰令碧海也變，變作濁流滔天。

風中仍共你痴痴愛在，未讓暴雲壞諾言，
即使那海枯青山陷，與你的約誓，也不變遷。

＊＊

香港語文。廣東話資料館　　　　　　

《清明》粵語區詩詞朗讀

《清明》杜牧［唐。七言絕句］

清明時節雨紛紛，路上行人欲斷魂。

借問酒家何處有，牧童遙指杏花村。

［語譯搞作］

喺清明嘅時節會一直落雨，令喺油塘行路上靈灰閭嘅人，心情更加傷感。

咁啱碰上睇牛嘅細路仔，問佢邊度有酒樓，個細路指向對面海嘅杏花村。

呢首詩係寫清明時節嘅景物。頭兩句係描寫當時環境，直接寫出個標題［清明］。［雨紛紛］就係清明時節嘅氣候特徵；［路上行人］擠迫，帶著哀傷嘅心情上山掃墓，係清明時節嘅人物動態；［欲斷魂］係刻劃行路上山人嘅心情，又同［雨紛紛］嘅背景好配合，營造出清明節嘅氣氛。後面兩句就接住［欲斷魂］而來，個詩人想搵間酒家飲啖茶休息下，故意用［借問］來承轉，跟住就係詩人同細路嘅對答，為首詩增添一啲情趣感，個［遙］字係寫個細路用手指向嘅動作。個村名叫做［杏花］，會畀人有一啲好靚嘅聯想。呢首詩用語通俗，冇用一啲難字同埋典故，簡單易明，成為描寫清明節嘅佳作。

順便介紹下個作者

杜牧（公元八零三年至八五二年），字牧之，京兆萬年［陝西西安］人，宰相杜祐嘅孫。官終中書舍人，世稱［杜樊川］。杜牧素有經邦濟世嘅抱負，佢嘅詩比較關切朝政，指陳時弊，詠史詩通常都用論史絕句嘅形式，借歷史題材諷詠現實。杜牧同李商隱合稱為［小李杜］，又有［小杜］有別於［杜甫］。

＊＊

粵語區詩詞朗讀《清明》

視頻製作：嶺南粵音羣

視頻策劃：洋仔
圖片處理：Dr. Khuy
視頻剪輯：Dr. Khuy、大渡河飛過海
音頻收集：大蛤，洋仔、lehim、淩蕓訫飛、大渡河飛過海
ＱＱ群組：316313385［歡迎加入粵語交流］
其他參與：詳見視頻內

＊＊

各地粵音出場順序：

00:07 白沙 黎族自治縣 獅球鄉
00:30 南寧 西鄉塘區 秀廂村
00:47 貴港 桂平市 社步鎮
01:07 貴港 桂平市 白沙鎮
01:23 梧州 蒙山縣 西河鎮
01:40 貴港 覃塘區 三里鎮
01:57 鬱林 北流市 大里鎮
02:22 鬱林 陸川縣 平樂鎮
02:35 鬱林 陸川縣 珊羅鎮
02:52 鬱林 陸川縣 沙坡鎮
03:04 鬱林 容　縣
03:17 鬱林 容　縣 容州鎮
03:34 鬱林 容　縣 石頭鎮
03:50 梧州 藤　縣 濛江鎭
04:07 梧州 龍圩區 廣平鎮
04:26 梧州 蒼梧縣 石橋鎮
04:44 肇慶 封開縣 南豐鎮
05:02 賀州 八步區 鋪門鎮
05:19 台山 台　城
05:41 台山 斗山鎮 沖簍鎮
06:03 新會 羅坑鎮
06:22 新會 會　城
06:52 新會 古井鎮
07:11 江門 外海鎮
07:30 江門 杜阮鎮 丹竈鎮
07:48 鶴山 龍口鎮
08:10 陽江 江城區 平岡鎮
08:30 湛江 坡頭區
08:46 欽州 浦北縣 小江鎮
08:59 北海 合浦縣 黨江鎮
09:19 北海 合浦縣 黨江鎮
09:35 欽州 欽南區 那麗鎮
09:51 欽州 欽南區 沙埠鎮
10:02 欽州 欽南區
10:20 欽州 靈山縣 靈城鎮
10:37 北海 海城區
10:57 鬱林 北流市 六靖鎮
11:19 茂名 化州市 那務鎮
11:41 茂名 高州市 謝雞鎮
12:01 茂名
12:29 雲浮 羅定市 羅平鎮
12:48 雲浮 羅定市 圍底鎮
13:03 梧州 龍圩區 龍圩鎮
13:25 開平 馬岡鎮
13:45 東莞 莞　城
14:02 貴港 平南縣 平南鎮
14:18 南寧 邕寧區
14:32 南寧 邕寧區 蒲廟鎮
14:48 南寧 青秀區
15:02 雲浮 羅定市
15:20 肇慶 端州區
15:39 梧州 萬秀區
15:57 梧州 萬秀區
16:22 賀州 八步區 信都鎮［男聲］
16:40 賀州 八步區 信都鎮［女聲］
16:56 賀州 八步區
17:11 肇慶 封開縣 江口鎮
17:25 佛山 順德區 勒流鎮
17:36 擬音 晚清順 德音
18:00 香港 　　
18:18 廣州 海珠區
18:42 廣州 海珠區
19:07 廣州 三藩市
19:22 擬音 分韻撮要 ［18-19世紀嘅廣州話］
19:47 擬音 原始粵語 ［暫定］
20:09 擬音 中古漢語 ［用潘悟雲擬音］
20:39 越南 胡志明市 ［漢越音］
20:56 貴港 覃塘區 東紅水河 ［僮語讀書音］

譯：蕭南仁。2018年5月22日

＊＊

香港記憶［清潔海灘1989］廣告



＊＊

無聊通識科。廣東話資料館

大鵬音讀［大鵬話〕

大鵬話〔tʰaj pʰuŋ wa〕，暫時重未確定歸類為［粵語］定係［客家話］，因為大鵬話包含咗粵語同客家話嘅語言特徵。大鵬話分佈喺深圳嘅東部［大鵬半島］社區同香港［東平洲］同［大埔汀角］嘅原居民講嘅話。

有學者認為呢啲原居民係由明代以來當地遷入嘅駐軍後代。平洲島民講嘅〔平洲話〕同大鵬話有好多相同，而地理上亦都好接近。除咗深圳大鵬半島同平洲之外，喺香港九龍，荷蘭，英國樸次茅夫同美國紐約都有好多華人會講大鵬話或者平洲話。喺1930至1950年代有好多大鵬人遷移咗來香港，而喺1930至1970年代又有好多大鵬人由香港去咗外國。

亦有學者認為大鵬話係屬於［軍話］，但係呢個講法就仲未有足夠資料來支持。

軍話，又叫［軍聲］、［軍家話］，散佈喺粵、瓊、桂、閩、臺等地區嘅一種方言島語言。一般認為，軍聲係喺明代隨着［衛所］嘅北方軍人流戍江南而傳播，以官話為基本音，融合咗粵語、閩南語、客家語等多種語言，因為咁只要會普通話或其它三種語言之一，就好容易聽得明呢種話。以前有人戲稱［會講軍聲話，走遍通天下］。一般，識得軍聲嘅人亦都識得聽其它三種語言。呢種混合咗多種語言嘅特點，亦使到軍聲嘅保護較為困難。佢比較容易跟隨附近城市所普遍使用嘅地方音發生變化。例如廣東平海，每一代人講嘅軍聲都唔太相同，後生嘅大部分外出讀書同做嘢，接觸到更多嘅係普通話或者客家語，因為咁佢哋嘅軍聲會包含更多嘅普通話或者客家語。

＊＊

大鵬話音讀
基本字音參考：〔歡迎提供資料修正〕



二　　〔ŋiː〕二
氏　　〔siː〕四
轆　　〔lʊk〕六
八　　〔paːt〕八
濕　　〔sɐp〕十
億　　〔jɐk〕億
色　　〔sɐk〕色
轆　　〔lʊk〕Lok 綠
多車　〔tɔː tsʰɛː〕多謝
唔該　〔m̩ kʰuːi〕唔該
換　　〔uːn〕Woen 換
大　　〔tʰaːi〕大
好　　〔haːu〕好
上　　〔sɔːŋ〕上
冇　　〔maːu〕冇
都　　〔taːu〕都
由於　〔jɐu jiː〕由於
識　　〔sɐk〕Sik 識
來　　〔lɵy〕來
知　　〔tʰiː〕知
錯　　〔tsʰɔː〕坐
喊　　〔ha:m〕叫
開門　〔fuːi muːn〕開門
桑賄　〔sɔːŋ fuːi〕上海
佢　　〔hiː〕佢，他/她/它
阿嫲　〔a: ma:〕阿嫲，父親的媽媽
姊婆　〔tsɛ: pʰɔ:〕阿婆，母親的媽媽
阿奶　〔aː naːi〕阿媽
灑乾　〔saːi kuːn〕晾杉， 曬衣服
瘡日　〔tsʰɔːŋ jɐt〕沉日，昨天
久　　〔kɐu〕耐
肥佬　〔fiː laːu〕肥佬
張　　〔tsɔːŋ〕張
成日　〔saːŋ jɐt〕成日，全天
畢鎳　〔pɐt niːp〕畢業
金瓜　〔kɐm kwaː〕
黃瓜　〔wɔːŋ kwaː〕
南瓜　〔nɐn kwaː〕
家庭醫生〔kaː tʰɐŋ ŋiː saːŋ〕家庭醫生
隤　　〔tʰɵy〕台，桌
叉　　〔tsʰaː〕車
家祠　〔kaː tsʰiː〕拜山，祭祖
合同　〔haːp tʰʊŋ〕合同

＊＊

大鵬話。唐詩朗讀

關山月 - 李白

明月出天山，蒼茫雲海間。

長風幾萬裏，吹度玉門關。

漢下白登道，胡窺青海灣。

由來征戰地，不見有人還。

戍客望邊邑，思歸多苦顏。［一作：望邊色］

高樓當此夜，嘆息未應閒。

＊＊

譯：蕭南仁．2016年2月29日

＊＊

香港記憶［清潔海灘1989］廣告



＊＊

我愛香港話。廣東話資料館

水鄉音讀［沙田話〕

沙田話，係粵語［疍家話］喺廣東地區嘅一種方言。主要通行喺中山北面（除咗古鎮同三角兩個鎮外）同南面板芙、坦洲同神灣等三個鎮。

沙田話嘅語音近似順德話，係當地水上人講嘅話。而喺廣東境內大部分漁民都係疍家人，分佈喺珠江口各處，所以沙田話同各處嘅疍家話亦有一啲相同之處。

而喺香港嘅〔水上人〕都有幾個唔同嘅祖籍，好似陽江，台山，鶴佬等，佢哋都有唔同嘅方言，所以疍家話都唔可以完全代表所有水上人嘅語言。

＊＊

　一人有一個夢爽〔沙田話版〕

　

　而告知某一些的鍊愛　結果晦身桑
　曾二快　一試何妨
　而告知我的一些梗角　你北晦欣爽
　誰共你　一般思爽

　不知那里風漢　又前來了花康
　再次編織身中的幻爽

　一人有一個夢爽　朗人熱愛賤迷網
　山人有山種愛　找各自理爽
　一人變身晦受桑　朗人現意沒酬葬
　山人痛苦鍊愛不再問　事實耳真喪

　何以我每當開始鍊愛　你這麽梗裝
　誰令你　身跳若狂
　何以我每當終止鍊愛　你變得輕鬆
　流露你　身中所爽

　不Ｄ那里風漢　又前來了花康
　再次編織身中的幻爽

　詞：吳家文 提供．2016年2月26日

＊＊

沙田話．水鄉音讀



沙田話，屬粵語蜑家〔水鄉人〕嘅一種方言，個別發音同粵語（廣州話）有異。異讀情況大概可以歸納成下面六個大類：

1.〔-eung〕音讀成〔-ong〕音；例如「香」讀成「康」
2.〔-ue〕音讀成〔-i〕音；例如「漁」讀成「而」
3.〔-m〕音讀成〔-n〕音；例如「飲」讀成「忍」
4. 冇咗〔w-〕嘅聲母；例如「骨」讀成「吉」
5. 所有入聲尾音，即係尾音為〔-p〕, 〔-t〕, 〔-k〕嘅，一律讀成〔t〕音；
　例如「入」讀成「日」；「食」讀成「實」
6. 其他，包括個別聲母同韻母嘅異讀；
　例如〔Sh〕聲母讀成〔S〕「信」讀成「呻」；
　〔-ui〕韻母讀成〔-ei〕「佢」讀成「企」等等。

只要掌握上面六個大重點，配合唔同聲母同聲調，相信可以應付七成［水話］嘅發音。下面就六大重點，列舉咗啲唔同聲母同聲調配合嘅單字。

1. 〔-eung〕音讀成〔-ong〕音
〔Cheung = Cong〕窗／腸／唱／長 = 倉／廠／創／床
　例句：床洲仔創Ｋ成日廠咪
〔Heung = Hong〕香／享／向 = 康／巷／烘
　例句：康港
〔Jeung = Jong〕張／蔣／漲／像 = 莊／狀2／壯／撞
　例句：我偶撞係莊學友
〔Keung = Kong〕強 = 狂
　例句：烘華狂
〔Leung = Long〕梁1／両／良／兩／亮 = 啷／浪2／狼／朗／浪
　例句：朗蚊浪（「浪」口個「浪」）
〔Sheung = Song〕箱／想／相／常／上／尚 = 喪1／爽／喪3／喪4／爽5／爽6
　例句：爽唔爽氣廟街睇喪

2. 〔-ue〕音讀成〔-i〕音
〔Chuen = Chin〕川／喘／寸／全 = 千／錢2／千3／前
　例句：前灣千龍街
〔Chue = Chi〕廚2／處／廚／柱 = 柿／次／遲／似
　例句：巾晚遲房係邊個大柿
〔Jue = Ji〕朱／主／駐／住 = 芝／子／智／字
　例句：版子字喺康港仔
〔Kuen = Kin〕娟／卷／眷／倦 = 堅／kin2／見／健
　例句：攜見七席
〔Suen = Sin〕酸／損／算／船 = 先／冼／線／嬋
　例句：遊嬋可
〔Sue = Si〕書／鼠／恕／薯／樹 = 詩／屎／試／時／是
　例句：放屎假氣邊是
〔Yue= Yi〕於／魚／漁／乳／遇 = 衣／椅／而／已／二
　例句：而民日日氣呔椅
〔Tuen = Tin〕屯／斷 = 田／天5
　例句：我字喺田門
〔Yuen = Yin〕冤／丸／怨／圓／遠／願 = 煙／演／燕／言／言5／現
　例句：實言牛演實而蛋
〔Yuet = Yit〕月2／月 =

3. -m音讀成〔-n〕音
〔Gum = Gun〕今／咁／禁／㩒 = 巾／緊／近3／近
　例句：緊巾晩氣邊
〔Laan = Naan〕攬／藍／濫 = 蘭2／難3／難6
　例句：難妹
〔Lum = Lun〕冧／諗／㨆／林／澟／臨6 = lun1／撚／lun3／能／lun5／lun6
　例句：例句好難撚
〔Sum = Sun〕深／審／滲／岑／甚 = 申／腎2／呻／神／腎
　例句：申水灣
〔Tim = Tin〕添／甜／憩 = 天／田／天5
　例句：天多碗康田白飯
〔Yam = Yan〕音／飲／蔭／淫／任 = 欣／忍／印／人／孕
　例句：公奸子孕
〔Yim=Yin〕閹／掩／厭／鹽／染/驗 = 煙／演／燕／言／燕5／現
　例句：言焗演仔蟹

4. 沒有〔w-〕的聲母
〔Gwai = Gai〕龜／鬼／貴／跪 = 雞／偈／計／計6
　例句：近偈計㗎
〔Gwan = Gan〕軍／滾／棍 = 根／緊／近3
　例句：見到美根就火緊
〔Gwat = Gat〕骨 = 吉
　例句：排吉
〔Kwan = Kan〕關／慣 = 奸／澗
　例句：做公奸做得澗唔澗

5. 所有入聲尾音，即係尾音為〔-p, -t, -k〕者，一律讀成〔t〕音
〔Sap = Sat〕濕／拾 = 失／實
　例句：閒失仔
〔Jap = Jat〕汁 = 質
　例句：椅質撈飯
〔Chut = Chat〕出 = 七
　例句：攜見七席
〔Sik = Sat〕色／食 = 失／實
　例句：失得實，一定緊實
〔Jik = Jat〕職 = 質
　例句：你做咩質熱
〔Yip = Yit〕葉2／醃／業 = 熱2／熱3／熱
　例句：你做咩質熱
〔Yup = Yat〕泣／入 = 一／日
　例句：哭一聲截無意義

6. 其他，例如〔Sh〕聲母讀成〔S〕；〔-ui〕韻母讀成〔-ei〕等等。
〔Shun = Sun〕詢／筍／信／純／順 = 申／腎2／呻／神／腎
　例句：腎天千申問處
〔ui = ei〕〔Hui = Hei〕虛／許／去 = 希／喜／氣
　例句：氣新希街市買餸
〔Kui = Kei〕拘／渠／佢 = K／期／企
　例句：企氣咗通坑期

資：Sam Tse 提供．2014年7月

＊＊

香港記憶［清潔海灘1986］廣告



＊＊

我愛香港話．廣東話資料館

廣州話．六字以上俗語．舉隅

廣州話．六字以上俗語．舉隅

廣州話俚語同俗語，係一種廣州人所熟悉、通俗流行嘅固定短語或者口頭禪，又叫做〔常言〕，〔俗話〕；呢啲係老百姓創造嘅，重喺民間口語之中流傳，具有口語性同通俗性嘅語言單位。

就因為係口語相傳，又冇書又冇信，有好多人都唔知原來嘅本字係點寫嘅，重加上各處鄉村各處講，所以喺坊間同喺網上都流傳咗好多唔同寫法，當中梗係會有好多係〔白字〕、〔別字〕同〔錯字〕喇。

下面嘅廣州話六字或以上嘅俗語，係喺網絡上搜集返嚟嘅，有興趣嘅，可以幫手修正同推廣下正確嘅寫法！

〔歡迎提供資料修正〕

〔六字俗語〕

十劃未有一撇（件事先至剛剛開始，毫無眉目，要做嘅事重有好多）

大雞唔食細米（大人物係做大事，唔做小事；或者大商家唔做啲生意仔）

山大斬埋有柴（形容每椿收穫唔多，但係積聚起來就好多）

手板眼見工夫（比喻工作範圍細，做法好簡單，一眼睇曬；
　　　　　　　功夫容易做，唔使有好高超嘅技術就可以做到）

有咁啱得咁蹺（太巧合，太意外，意想不到）

有得震冇得瞓（形容坐立不安，寢食難安，驚到震瞓唔著）

有爺生冇乸教（指人哋冇家教，即係有人生冇人教；有阿爸生但冇阿媽教）

有頭威冇尾陣（形容人做事虎頭蛇尾，有始冇終）

行得正企得正（指做人、行為光明正大）

使銅銀夾大聲（惡人先告狀；自己無知犯錯，重反過來鬧人唔啱）

呢頭遠嗰頭近（同咫尺天涯近義；係詛咒人嘅說話，嗰頭近，喺指將近死）

周身刀冇張利（比喻冇一技之長；樣樣都學啲，不過就冇樣精，樣樣半桶水）

指冬瓜畫葫蘆（依葫蘆畫瓢；比喻亂點一通）

番薯屎未屙淨（比喻嘲笑對方唔識新事物）

珍珠都冇咁真（真正是咁的；現代版有：堅過石堅呀）

相請不如偶遇（表示好客；有咁啱相遇就齊齊食一餐）

食碗底反碗面（忘恩負義，不仁不義，原本係：食碗面反碗面底；
　　　　　　　呢句嘢係吳楚帆喺一個電視節目度講出來，畀人廣為應用）

唔發火當病貓（形容人唔發嬲就當人冇到）

張天師遇鬼迷（指精於此道［捉鬼］嘅人，有時亦都會失手）

眼眉毛長過辮（比喻麻煩事多，憂慮多，又比喻無聊賴嘅等待；
　　　　　　　後句，做個食飯懒神仙；比喻人慣於安逸悠閒）

畫公仔畫出腸（形容人說話露骨；或者指揭示細節內幕）

買棺材唔知埞（人哋嘅行為將會引起好大危險，而本人就意識唔到）

搞出個大頭佛（指人闖禍；或者惹咗麻煩，有人寫：搞出個大頭鬼）

誓願當食生菜（比喻發誓容易，口是心非）

踩倒芋莢當蛇（芋莢，芋頭嘅葉柄；比喻大驚小怪、草木皆兵）

龍床唔似狗竇（再好再舒適嘅地方都比唔上自己嘅屋企）

擘大口得個窿（又叫Ｏ嘴，比喻啞口無言；或者無言以對）

講大話甩大牙（告誡啲細路仔唔好講大話，如果唔係就冇曬啲大牙）

爛泥扶唔上壁（底子差、質素差嘅人培養唔起，不堪提拔）

嘥心機捱眼瞓（嘥，浪費；指徒勞無功，白費心血）


〔七字俗語〕

一隻蜆殼一舊肉（一個蘿蔔一個坑；比喻一個人有一個位置，冇多餘嘅地方）

十個光頭九個富（形容光頭人具富相；或者剛好係第十個光頭嘅人唔好采）

上好沉香當爛柴（形容貴嘢當賤物，上句係：千金小姐當丫鬟，妹仔）

反轉豬肚就系屎（比喻人反面就唔講情義；冇義氣，冇情冇義）

天跌落嚟當被冚（天塌落來都頂得住；比喻做人樂觀，凡事向好嘅方面諗〕

手指拗入唔拗出（比喻對人對事都要處處為圍護著自己人；
　　　　　　　　相反嘅就會畀人鬧句：手指拗出唔拗入）

出少句聲當幫忙（希望嗌交嘅人，其中一方唔好再出聲挑起矛盾）

打得更多夜又長（形容夜長夢多；走江湖賣武佬口白：夥記慢打鑼，打得鑼多鑼吵耳，
　　　　　　　　打得更多夜又長，食得飯多肚又漲，飲得茶多夜尿長）

打完齋唔要和尚（鳥盡弓藏，兔死狗烹，過橋抽板）

打爛沙盆問到篤（一直問到底打；有人寫：爛沙盆璺到底）

好眉好貌生沙虱（形容人生得一副好容貌，但係本性就好壞；人品差）

有條大水喉射住（靠人扶持，要憑其他人嘅力經營致富）

有鬍鬚就系老竇（見貴見利就想攀奉嘅可恥心態）

老虎頭上釘虱乸（形容做啲好危險嘅事，或者去得罪啲唔可以得罪嘅人）

冷手執個熱煎堆（意外地撈一畢；或者係得到意外嘅機會）

含住金鎖匙出世（指二世祖，富二代，出世時已經註定佢會有好嘅將來）

畀個心肝當狗肺（不識好歹，辜負咗人哋一片好心）

姣婆撞見脂粉客（形容狼狽為奸；真係：冤豬頭都有盟鼻菩薩）

食得大頭沖菜多（嘲笑人嘅希望只係發白日夢）

唔食狗肉撈狗汁（雖然冇直接參與謀事，但做咗啲間接參與嘅事）

留返拜山先至講（唔想聽人囉囉嗦嗦講嘢，叫佢收聲）

偷雞唔到蝕揸米（比喻唔單只攞唔到便宜反而蝕低咗）

崩口人忌崩口碗（形容一啲有缺陷嘅人，通常會忌諱到類似嘅事）

眼眉毛都長成辮（形容時間好長，眼眉毛留長到都可以扎成辮）

屙屎唔出賴地硬（比喻失敗咗就只係強調客觀原因；有人寫：屙屎唔出賴地眼）

番薯屎未疴乾淨（諷刺鄉下人嘅土氣未除）

跌落地揦番揸沙（貪者到處都想撈一畢；或者失敗咗仲要嘴硬強辯）

電燈柱掛老鼠箱（形容一對情人一個好高一個好矮）

慳番啖氣暖下肚（指不屑；或者唔願同某啲人嗌交）

豬仔得食墟墟冚（形容啲小人得志，而得意忘形）

賣花姑娘插竹葉（為替人準備而自己冇得享受，又形容貧富差距；
　　　　　　　　通常讚賞對方修為，只為他人著想，忘卻自我）

醫得頭嚟腳抽筋（病太多，醫得一種醫唔曬其它；比喻顧此失彼）


〔八字俗語〕

大隻擂擂跌落坑渠（形容人生得五大三粗，但係就非常愚鈍）

水浸眼眉都唔知死（形容有啲人死到臨頭都唔知道）

光棍佬遇著冇皮柴（想敲詐搵著數，但係就遇著個窮光蛋）

有碗話碗有碟話碟（說話直率，有嗰句講嗰句）

行路都踢親腳趾公（行衰運，衰到連行路都會受傷）

你做初一我做十五（以眼還眼，以牙還牙）

怕咗你先至怕米貴（畀人長時間糾纏，對佢表示無奈同煩厭）

是是但但豉油撈飯（面對選擇持隨便、悉從尊便嘅態度；求求其其炒碟鹵味）

雞春咁密都菢出仔（比喻冇絕對嘅秘密；就算嚴密到天衣無縫，始終都有敗露嘅時候；
　　　　　　　　　有人寫：雞膥咁密都菢出仔）


〔九字俗語〕

一時唔偷雞就做保長（經常做壞事嘅人，有一日唔做壞事就扮君子）

千揀萬揀揀個爛燈盞（挑三揀四，千挑百選，最後都係選中件唔好嘅；
　　　　　　　　　　有人寫：千揀萬揀揀棵爛芥蘭）

著起龍袍都唔似太子（諷刺人唔理點樣包裝都唔似樣）



〔十字俗語〕

批個頭落嚟畀你當凳坐（堅信自己嘅判斷，打賭嘅說話）

食粥屙硬屎肚餓演胸行（虛張聲勢、死要面；比喻輸人唔輸陣，頂硬上〕

禾怕寒露風人怕老來窮〔比喻天有不測，人無不幸，事事作準備〕

擇日問地腳斟酒問提壺〔比喻唔清楚就問清楚，唔係估估嚇〕



〔十二字俗語〕

大食懶起身晏洗凍水噍冷飯（諷刺懶人；遲到懶做搵唔到食）

又姣又怕痛見人生仔又眼紅（形容妒婦；比喻見人成事又想成，但係又唔願付出代價）


〔十三字俗語〕

眼眉毛長過辮做個食飯懒神仙（比喻人慣於安逸悠閒；可能時間虛度，不過活得開心）


〔十四字俗語〕

講嚟講去三幅被度嚟度去二丈四（講來講去都係老話題，或者老套廢話）

＊＊

編：黎詩詩．2016年12月23日

＊＊



＊＊

廣東風情。廣東話資料館

點樣至算係文明？

社會文明已經進展到就算踢儭隻貓都會畀萬人唾罵，有如過街老鼠，呢啲惡行會傳片網絡世界。但係呢班網絡上嘅文明人，佢哋一樣又會走去打獵，用槍殺死啲與世無爭嘅鹿，之後影相放上ＦＢ分享，重斬埋個鹿頭攞返屋企掛喺客廳度炫耀。

＊＊

丹麥屬地法羅群島捕鯨節，一次過捕殺250條領航鯨！

法羅群島捕鯨活動，用海豚驅獵嘅形式，迫使長肢領航鯨［巨頭鯨］擱淺之後就將佢哋宰殺，同日本嘅捕鯨，加拿大嘅捕獵海豹活動齊名。

＊＊

有啲文明人，佢哋一車車去到所謂嘅野生大自然，拍片分享啲動物之間嘅自然捕獵，例如獅子殺牛、鱷魚食馬、野豹捕鹿等，話係要記錄低一啲自然生態嘅歷史，要教育人類唔好去干預野生動物。但係佢哋就隨車帶住幾支獵鎗，話要以防萬一，自由自在咁入到草原荒野。

＊＊

有啲文明人，要推動保護地球氣候，避免啲北極熊會餓死，佢咃又會拍攝同向各地播放一啲關於北極熊生活慘況嘅紀錄片。影片入面會重點介紹下啲北極熊同出生地需要嘅氣候環境，又會介紹佢哋點樣養育可愛嘅北極熊BB咁。當然重會介紹一下，北極熊係點樣獵殺啲大海豹同埋啲好得意嘅海豹BB啦。





加拿大商業捕殺大海豹同海豹ＢＢ！



＊＊

有啲文明人，開口就指責一啲食魚翅嘅人殘忍，令到啲鯊魚頻臨絕種，重影響咗海洋環境同生態平衡，而走去捕捉鯊魚嘅漁民就係野蠻幫凶。但係呢班文明人又可以容忍啲數量比鯊魚少嘅鯨魚畀啲文明商人大量捕殺攞來食同攞來做製品［例如係：香水、魚肝油］。





日本政府用科學研究為理由，大型研究船捕殺鯨魚後包裝鯨肉，送去畀日本嘅本土人做試食，研究鯨肉嘅質量同味道對人體嘅官感反應！



＊＊

有人認為，社會分化係有人故意將呢啲人同動物趕埋一齊。最少肯定嘅係，佢哋為咗要保護自己設定嘅環境，有啲為傳統、有啲係為自然、有啲係為理想、有啲係為利益，唔理任何理由，只要有把獵鎗喺手以防萬一，佢哋就可以坐喺無頂嘅吉普車上面去拍 cheeta.........



＊＊

鯊魚又係魚，吞拿魚都係魚。點解食魚趐會畀人鬧野蠻？點解食拖羅又會畀人話高尚？唔通真係怕咗啲鯊魚有牙？

＊＊

2010 奥斯卡最佳紀錄片 - The Cove（日本漁民屠殺海豚）



＊＊

蕭南仁。2018年4月

＊＊

無聊通識科。廣東話資料館

廣州話．五字俗語．舉隅

廣州話．五字俗語．舉隅

廣州話俚語同俗語，係一種廣州人所熟悉、通俗流行嘅固定短語或者口頭禪，又叫做〔常言〕，〔俗話〕；呢啲係老百姓創造嘅，重喺民間口語之中流傳，具有口語性同通俗性嘅語言單位。

就因為係口語相傳，又冇書又冇信，有好多人都唔知原來嘅本字係點寫嘅，重加上各處鄉村各處講，所以喺坊間同喺網上都流傳咗好多唔同寫法，當中梗係會有好多係〔白字〕、〔別字〕同〔錯字〕喇。

下面嘅廣州話五字俗語，係喺網絡上搜集返嚟嘅，有興趣嘅，可以幫手修正同推廣下正確嘅寫法！

〔歡迎提供資料修正〕

一匹布咁長　（說來話長，唔係三言兩語就講得清楚）

一天都光曬　（雲開霧散，度過危機，大快人心）

人情緊過債　（欠人情比欠債重要緊張）

十問九唔應　（屢問屢不答，問極都唔應）

三九唔識七　（互不認識、互不相干、絕無關系；另有：三唔識七）

口水多過茶　（比喻說話太多、太長；同口若懸河咁上下）

口爽荷包𥹉　（講就大方豪爽，實際銀紙欠奉）

大石砸死蟹　（小人物、好低級、冇地位、冇權勢；
　　　　　　　畀啲大人物、上級利用地位、權勢強制或壓迫）

大話怕計數　（講大話、報大數，就怕人揭穿、算帳）

小數怕長計　（數目雖然細，但日積月累都好可觀）

女大十八變　（形容啲女仔成長多變）

心靜自然涼　（心態平靜自然會感到涼快）

水蛇春咁長　（形容文章、講話、戲劇等過長而令人生厭）

牙齒當金使　（說話要算數，講誠信）

牛死送牛喪　（比喻一拍兩散 ，一齊攬住死）

冇雷公咁遠　（好遠嘅地方；就算雷公都未必去到咁遠）

仔大仔世界　（兒孫自有兒孫福，比喻仔女大咗有自己嘅天地）

生人唔生膽　（拍人冇膽量，膽小怕事）

生骨大頭菜　（種壞曬，比喻寵壞咗嘅細路仔）

禾稈冚珍珠　（比喻扮窮；或者有錢冇人知）

各花入各眼　（蘿蔔青菜，各有所愛，情人眼裡出西施）

好心著雷劈　（唔領情，好心反畀人當惡意）

有風駛盡艃　（比喻喺得勢嘅時候仗勢淩人，或者比喻得理不饒人）

有麝自然香　（好嘢自然有人識欣賞 ，唔使周圍揚）

死牛一便頸　（指性格剛強，唔肯改變，死硬派）

死雞撐飯蓋　（形容人唔知錯；或者明知錯咗仍然死頂、硬撐）

百足咁多爪　（百足即蜈蚣，比喻好多門路）

老人成嫩仔　（返老還童，越大越年輕）

老大成细蚊　（返老還童，隔面話人老懵咗）

呃鬼食豆腐　（比喻騙人、呃人，咪呃人喇）

扮豬食老虎　（表面裝傻，其實野心勃勃）

事急馬行田　（形容喺危急形勢之下，採用非常規嘅應對辦法）

周身唔聚財　（成身唔舒服、唔自在；精神恍惚，六神無主）

抵冷貪瀟湘　（為圖展現好身材而挨凍）

狗瘦主人羞　（形容一個人自己食好著好；
　　　　　　　但家人就食唔飽著唔暖，呢啲都會令自己蒙羞）

返鄉下耕田　（對蠢笨、成日做錯嘢，又教極唔改嘅人嘅諷語；生意失敗嘅自嘲）

返歸執豬屎　（返鄉下耕田同義）

後䪴生得薄　（後枕，後腦枕，後尾枕；比喻冇福氣）

相嗌唔好口　（嗌文梗係唔好口架啦，勸人唔好嗌交嘅說話）

相打唔好手　（勸人唔好打交嘅說話）

苦瓜噉嘅面　（形容愁眉苦臉；好似苦瓜咁）

食人隻車咩　（想要人哋條命咩，比喻貪得無厭）

食人唔舌累骨（非常兇殘，連骨都食埋）

唔系人噉品　（唔系人，冇人性；好惡好野蠻）

唔使問阿貴　（唔使講；如假包換）

粉絲當魚翅　（以假亂真，用劣貨充好貨）

臭罌出臭草　（比喻冇家教；同出一轍）

馬死落地行　（順應環境、形勢，隨遇而安）

執人口水尾　（拾人牙慧，講人哋講過嘅話）

魚翅當粉絲　（比喻唔識貨，唔識寶）

喉嚨伸只手　（比喻非常飢餓；好喉擒）

貼錢買難受　（形容花錢；或者花精力買罪受）

賣仔莫摸頭　（摸頭眼淚流，比喻唔捨得）

跑馬射蚊鬚　（指好難成功嘅事；現代版有：踩單車射烏蠅何Ｂ仔）

落手打三更　（形容一開始、一動手就遇到困難或犯錯）

趕狗入窮巷　（比喻做人做事太過分，唔留餘地）

臨天光瀨尿　（差唔多要嬴或者成功，但係臨尾因為唔小心衰咗；比喻衰收尾）

臨屎急開坑　（事到臨頭先至想辦法應付，手足無措）

臨急抱佛腳　（事前毫無準備，臨急先至想應對）

孻仔孻心肝　（最細嘅仔就係心肝寶貝；有人寫：孻仔拉心肝）

孻女孻五臟　（最細嘅女亦都係心肝寶貝，佢有事就令父母坐食難安）

離天隔丈遠　（比喻山長水遠，千里迢迢）

羅漢請觀音　（形容多人集資請一個人飲宴或者食飯）

蟻多摟死象　（比喻人多力量大或者細小嘅力量集合亦可以打敗強敵）

咸豐年咁耐　（比喻年代久遠；咸豐年前嘅事，唔好提喇；
　　　　　　　咸豐年代令廣東多災多難，咁傷心嘅事，唔好提喇）

逳不得其正　（形容動彈不得，想逳都逳唔到）

揦手唔成勢　（形容措手不及、手忙腳亂）

攞景定贈慶　（指人喺某啲場合嘅所作所為令人難堪）

＊＊

編：黎詩詩．2016年12月4日

＊＊

老闆話：［我要打十個！］



老闆，又稱做當家、東主、頭家、老大，廣東話叫做老世／腦細、事頭、波士、米飯班主、衣食父母等等。叫得做［老闆］，當然係有權指派工作、審查下屬嘅工作表現同成績評核啦，而呢啲嘢都關係到人工［薪水］嘅增減或者職位嘅升遷同調動嘅。而喺人事同工作安排上，老闆同伙記係構成一個工作團隊嘅組合。

＊＊

廣州話俗語。廣東話資料館