錢就冇嘞，橋就有一條！［好出奇］製作。
一個故事：好出奇，係一間模擬製作公司，每日節目都會討論一個構思。我哋嘅構思係以「瘋狂」、「好玩」、「讓人羨慕」為宗旨。我哋期望部分構思，最後可以向投資者「賣橋」並切實執行。
主持：細So、Marco、朱薰
嘉賓：Darry［廣東話資料館專頁管理員］
製作：好出奇 Holy Tricky．2016年1月19日
https://www.facebook.com/HolyTricky903/
＊＊
依家香港嘅法定語文係〔中文〕同〔英文〕，中文同英文享有同等地位，而香港政府所提倡嘅語文政策係「兩文三語」，兩文係指〔中文 zung1 man4〕同〔英文 jing1 man4〕；三語就係指〔粵語 jyut6 jyu5〕、〔英語 jing1 jyu5〕同〔普通話 pou2 tung1 waa2〕。
但實際上，香港大部份學校都係用粵語同英語做教學語言，由幼稚園開始就教授英語，唔少學校只係喺近十年先至開始教授［普通話］，只有少數用普通話嚟做主要嘅教學語言。
大多數香港人除咗同境外華人溝通嘅情景之外，平常生活幾乎唔使用普通話。其實講就話唔使用其他話，但係香港有咁多唔同種族嘅人，喺日常生活裡頭點都要講啲嘢嘅。究竟喺香港住嘅人會講啲咩話呢？
＊＊
香港人講乜話？
。粵語 jyut6 jyu5
粵語，又叫做廣東話，廣府話，廣州話，兩廣人叫白話，海外華人就叫唐話。
。粵語、廣州話 gwong2 zau1 waa2
廣州話，又叫做廣東話，四鄕就有廣府話、白話、省城話嘅叫法。
。香港粵語、廣州粵語 gwong2 zau1 jyut6 jyu5
香港通行嘅漢語係粵語廣州話，亦有人叫做〔港式粵語〕或者〔香港話〕。
。香港粵語、懶音粵語 laan5 jam1 jyut6 jyu5
唔知點解，有人認為懶音可以視為香港粵語嘅特色？
。香港粵語、鄉音粵語 hoeng1 jam1 jyut6 jyu5
香港人口移民佔多數，唔多唔少都會講啲帶有家鄉口音嘅嘅廣東話。
。香港粵語、文白粵語 man4 baak6 jyut6 jyu5
雖然鄉音粵語得到改善，但係文白異讀仍然都係冇靈活掌握。
。香港粵語、圍頭話 wai4 tau4 waa2
圍頭人，即係本地人，係最來到香港嘅主人之一。
。香港粵語、四邑話 sei3 jap1 waa2
四邑人喺香港開埠初期，就已經到來香港市區做嘢。
。香港粵語、蜑家話 daan6 gaa1 waa2
有人話，香港嘅英文名稱「Hong Kong」正係蜑家話嘅音譯。
。客家話 haak3 gaa1 waa2
客家話又叫做客語、客話、艾話、土廣東話，係漢語族裡面嘅一種聲調語言。
。客家話、土廣東話 tou2 gwong2 dung1 waa2
土廣東話最初叫廣東話，又叫四川客家話，講呢種話嘅人叫「土廣東人」。
。香港客家話 hoeng1 gong2 haak3 gaa1 waa2
新界客家人係香港原居民嘅主要族群之一，亦係最早來到香港嘅主人之一。
。香港客家話、拉丁客家話 laai1 ding1 haak3 gaa1 waa2
香港嘅客家話曾經有教會用拉丁拼音方式出版客家話《聖經》。
。香港客家話、新惠片客家話 san1 wai6 pin3 haak3 gaa1 waa2
香港嘅客家話可分為〔本地客家話〕同〔移民客家話〕兩種。
。閩語 man5 jyu5
香港部份人士錯誤理解閩南話係福建話 。
。閩南話 man5 naam4 waa2
早期香港已經有好多來自閩南地區嘅人，人口一直有增長。
。廣東閩南話 gwong2 dung1 man5 naam4 waa2
香港原居民，香港嘅漁民入面，除咗蜑家人之外，另一族群係閩南人。
。福建閩南話 fuk1 gin3 man5 naam4 waa2
香港有70萬人祖籍福建泉州，係講閩南話嘅人士。
。潮語 ciu4 jyu5
潮語又叫潮州話、潮汕話，潮州呢個詞已經沿用至今有一千幾年。
。潮汕話 ciu4 saan3 waa2
潮汕話究竟係語言定係方言，到依家都未有定論。
。潮汕話口音 ciu4 saan3 waa2 hau2 jam1
潮汕各地讀書音嘅歧異有簡單規律，以《潮州話拼音方案》所依據嘅口音為準。
。潮州話 ciu4 zau1 waa2
潮州人比較少有大嘅文化轉變，亦因為咁，潮州話保留比較多嘅古漢語。
。香港潮州話 hoeng1 gong2 ciu4 zau1 waa2
喺香港有唔少潮語基督教會，專門用〔潮州話〕做宣教語言。
。北方語言／官話 gun1 waa2
官話，又叫做北方話、藍青官話，主要分布喺大陸北方大多數地區。
。國語 gwok3 jyu5
1912年以後，民國建立咗法定嘅「國語」體系，最初擬以北京話為主。
。香港國語 hoeng1 gong2 gwok3 jyu5
國語通行至到1970年代，國語電影仍然非常流行。
。普通話 pou2 tung1 waa2
香港採用普通話來做第三種報站語言，依次為：廣東話、英文同普通話。
。廣式普通話 gwong2 sik1 pou2 tung1 waa2
廣式普通話係指夾雜粵語發音或者文法嘅〔普通話〕。
。港式普通話 gong2 sik1 pou2 tung1 waa2
年輕一輩嘅會學下基本嘅普通話，但係仍然係好「粵語交集」嘅。
。上海話 soeng6 hoi2 waa2
同北方官話一樣，屬吳語嘅上海話係較遲入香港嘅語方言。
。英語／英文 jing1 man4
英文同樣都係香港嘅法定語文，但係英文係商業社會同法律界最重要嘅語言。
。英粵夾雜 jing1 jyut6 gaap3 zaap6
由於香港係個高度雙語嘅社會，因此香港嘅粵語都揉合咗廣東話同英文。
。港式英語 gong2 sik1 jing1 jyu5
港式英語普遍最初出現喺香港人編寫嘅通勝〔通書／皇曆〕入面。
。港式英文新詞 gong2 sik1 jing1 man4 san1 ci4
英文詞被借入〔廣東話〕之後，原本多音節詞經常會衍化為雙音節詞。
。日語／日文／架仔話 gaa3 zai2 waa2
香港喺日治時期就已經隨著皇民化政策嘅關係，日文取代英文。
。韓語／韓文 hon4 man4
隨著韓國潮流文化喺亞洲各地嘅興起，香港人學韓文嘅人數都喺度增加。
。西歐語文／西洋話 sai1 joeng4 waa2
秉承著英國政府嘅語文政策，政府鼓勵學生多學外國語言。
。法語／法文 faat3 man4
喺香港〔法文〕係繼〔日文〕之後，比較多睇見嘅香港非法定語文。
。德語／德文 dak1 man4〕
喺香港〔德文〕都係較為普遍嘅歐洲語言。
。義大利語／義大利文 ji6 daai6 lei6 man4
香港有唔少學西洋古典音樂嘅人都可能會選修〔德文〕或者〔義大利文〕。
。西班牙語／西班牙文sai1 baan1 ngaa4 man4
用西班牙文嘅人數僅次於〔中文〕同〔英語〕，係世界第三大語言。
。葡萄牙語／葡萄牙文／葡文 pou4 man4
由於香港同澳門好近，有啲來自澳門嘅移民都會講〔葡文〕。
。俄語／俄文 ngo4 man4
俄文喺香港並唔普及，甚至搵本書嚟睇下都好難。
。塔加洛語／菲律賓話 fei1 leot6 ban1 waa2
香港有超過12萬菲律賓籍家傭，係香港人口繼華人之後第二大社群。
。印尼語／印尼話 jan3 nei4 waa2
香港都有好多講印尼話嘅印尼傭工，而糖街就成為咗賣印尼產品店嘅集中地。
。泰語／泰文 taai3 man4
香港亦有唔少嘅來自泰國嘅家傭，其他嘅大多數喺餐廳或者舖頭度做嘢。
。越南語／越南話 jyut6 naam4 waa2
香港有部分講越南話嘅人係已經定居喺香港嘅前越南船民。
。尼泊爾語／尼泊爾文 nei4 bok6 ji5 man4
香港嘅尼泊爾人主要係殖民地時期嘅駐港「啹喀兵Gurkha」同佢哋嘅親人。
。印地語／印度話 jan3 dou6 waa2
香港嘅印度人主要來自印度北部，好多喺用印地語嚟做母語。
。烏爾都語／烏爾都文 wu1 ji5 dou1 man4
＊＊
19/01/2016。Darry Chan 分享廣東話嘅睇法。
21/01/2016。Ben Sir 分享佢對廣東話嘅睇法。
＊＊
＊＊
香港語文。廣東話資料館
Good!
回覆刪除