葡萄酒招紙［標籤］étiquette

葡萄酒樽上面嘅招紙〔標籤〕，係用來向消費者介紹葡萄酒嘅〔產地〕、〔出廠日期〕、〔級別〕、〔原料〕等方面嘅資訊。酒嘅品質越優良，嗰啲酒標嘅內容亦會更加全面。要了解葡萄酒嘅最佳方式就係收集已經享用過嘅葡萄酒樽上面嘅招紙，好多知識都可以喺樽上面嘅招紙［標籤］度學到嘅。

葡萄酒嘅［正標招紙］又叫做〔étiquette〕。一般正標上面通常會標示著：葡萄嘅〔收成年份〕、葡萄酒嘅〔酒名〕（用產地或酒莊名，好似用 Chateau, Domaine, Mas, Clos, Cave 等來命名）、〔生產國〕或〔生產地〕、〔葡萄品種〕嘅名稱、〔酒莊地名〕同〔生產者名稱〕、〔容量〕、〔酒精濃度〕等等。招紙會根據設計者嘅意思，有各種唔同嘅款式，所以支酒嘅資料寫嘅位置亦都會有啲唔同。

＊＊

葡萄品種命名：



如果支酒係用一種葡萄品種來釀制而成嘅話，正標招紙同酒樽背後嘅標籤都會標明釀酒所採用嘅葡萄品種名稱。例如，赤霞珠〔Cabernet Sauvignon〕、美樂〔Merlot〕、席拉〔Syrah〕、霞多麗〔Chardonnay〕等品種名稱。

＊＊

原產地命名：



法定產區嘅區域越細，葡萄酒嘅品質越好。例如，招紙［標籤］上面只係標有產國〔法國葡萄酒〕或者大產區〔博若萊 Beaujolais］葡萄酒，呢種酒嘅品質一定唔似喺招紙上面清楚咁標出領地〔Morgon〕或者酒莊〔Moulin à Vent〕嘅葡萄酒。如果一個莊園或者領地列喺葡萄酒招紙上面，就講明呢款葡萄酒係產自特定葡萄酒廠嘅特定類型。有啲招紙上面重會用啲細字體來標明細嘅產區，呢點都好重要，係反映葡萄酒品質嘅依據。

＊＊

微型釀命名：

法國細酒莊嘅高檔葡萄酒叫做（微特釀）〔Micro-Cuvée〕，簡稱〔Cuvée〕，有時用省略語寫。後面通常會用有紀念意義嘅名稱同人名來定義酒嘅名字。例如，百合釀〔Cuvée de Lys〕、羅蘭釀〔Cuvée Laureline〕、古藤釀〔Vielles Vignes〕等。微特釀產量好少，有好高嘅收藏價值，就好似係每個酒莊嘅鎮山之寶咁。

＊＊

入樽／裝瓶：〔MIS EN BOUTEILLE〕

喺〔BOUTEILLE〕嘅後面接住就係酒莊、酒商或者公司名、生產者原裝、酒窖等嘅字樣。喺酒莊入樽嘅葡萄酒品質最好，叫做〔酒莊原裝酒〕。

＊＊

保質期：

喺外國，葡萄酒一般冇保質期嘅說明，只係根據經驗同知識來分別葡萄酒嘅最佳飲用期，有啲國家就有法律規定必須喺招紙［標籤］上面注明〔灌裝日期〕。按照出廠日期計算，五至九年之內都屬於葡萄酒嘅最佳飲用期。

＊＊

生產〔編號〕同〔獎項〕：

以法國紅酒為例，按照法國相關法律規定，喺一定級別嘅葡萄酒為咗保證品質，原料要精挑細選，出產數量唔能夠太多，為咗掌控數量，出產嘅酒必須喺招紙上列明生產編號。有啲酒莊，尤其係年產量唔多嘅細莊嘅酒標上面都標有編號。專家話，呢啲唔單只係限量生產嘅順序號，亦係收藏嘅重要依據。有啲莊園將葡萄酒比賽嘅金牌都印埋或者貼喺樽身上面。

＊＊

資料：紅與酒 Red & Wine．2015年

＊＊

香港風情。廣東話資料館