藍田舊歲月［飛龍鬥水怪傳說］

舊藍田邨．第十五座〔飛龍鬥水怪傳說〕

喺以前舊藍田邨，一共有廿三座徙置大廈，喺一九六六年至一九七五年之間陸續起好。一九七零年之前叫做［鹹田徙置區］，第一至十四座係第四型徙置大廈，藍田邨係冇第九座嘅，原本第九座嘅位置用嚟起咗間學校，第十五至廿四座就係第六型徙置大廈，成個藍田邨要去到一九七五年先至起好曬。其中第十五座喺一九七零年左右起好，而大廈嘅外牆有一幅［飛龍］壁畫，根據政府官方嘅講法，呢條飛龍係當時工務司署慶祝起好第五百座徙置大廈而整上去嘅。不過，好似就唔係太多人相信呢個係事實嘞。

一九七零年，工務局為興建第五百座公屋落成舉行紀念儀式。

其實，喺舊藍田邨出現嘅［鬼怪傳說］都有好多個，亦有唔同人講唔同嘅版本。不過，講到最多人參與嘅奇異事件，就係藍田邨［飛龍鬥水怪傳說］嘞，當時連電視台都嚟埋做採訪㖭。

呢一個傳說，係發生喺舊藍田邨十五座下面嘅一個公園仔度嘅。

有一日，如常係落完雨之後，紅霞初現，當時天上面有好多細而散嘅雲。有個邨民〔肥佬亞伯〕話見到十五座對開半空度有一條龍同一隻妖怪喺度搏鬥，跟住又有個邨民〔白頭亞伯〕重話條金龍唔夠水怪打，又話金龍請出十二生肖嘅靈獸同佢聯手抗敵添。

其實係屋邨亞伯無聊口多呃細路，點知搞大咗！

最初係個亞伯無聊，同啲細路對住啲雲喺度吹水亂噏下，點知吹下講下，連附近幾座樓嘅住戶都紛紛湧出騎樓同走到樓下空地個公園仔度睇嘢［都應該係有啲細路返咗屋企報信］，當時真係堪稱公屋史上最靈幻同參與者最多嘅屋邨傳聞。喺第二日，又有人發現油咗冇耐嘅飛龍有彩漆剝落，重話條龍成身傷痕纍纍㖭。

記者搵料，成班齊齊走嚟睇真啲。

喺嗰日近晚，重有大小報館電視台走嚟採訪同報導。聽講話喺呢次之後，藍田一帶亦冇再發生豪雨成災嘅慘劇，邨民都相信係龍神有靈，將水妖驅走。而彩漆掉落嘅原因，專家相信係雨水濺落牆上而做成嘅，不過到依家仍然係眾說紛紜。



＊＊

資：《通學叁：香港傳說》亮光文化

https://www.signer.com.hk/product/sku/978-988-8716-78-4/

＊＊

藍田舊歲月

＊＊

廣東話資料館

中國語言方言列表

由於長期受到［漢語］影響，中國少數民族大部分都能使用漢語進行交流。除個別民族以外，絕大多數民族都有自己嘅語言，亦要求漢族尊重自己嘅平等語言權利同文化遺產。而且由於長期交流合作，有啲民族同其他民族一齊使用同一種語言。

中國各個民族語言從語言系屬分類上來講，分別屬於［漢藏語系］、［阿爾泰語系］、［印歐語系］、［南亞語系］同埋［南島語系］。當然，同世界各地嘅語言系屬分類一樣，存在有好多爭議。

＊＊

中國語言方言列表［只屬參考，資料未全，歡迎提供資料以作修正］

＊＊

漢藏語系
語言學家按照譜系分類法劃分嘅一組語群，呢個語系至少包含漢語族同藏緬語族，總共約有400種語言，主要分佈喺：中國、緬甸、印度、尼泊爾、不丹、孟加拉等亞洲各國地區。

漢語族
按照譜系分類，屬［漢藏語系］一支。喺語言學界主要有兩種唔同嘅觀點：
一種以政治取向認為漢語族只有［漢語］一種語言，將贛語、閩語、粵語、吳語、官話、晉語、湘語、客語等列為漢語的方言；另一種以語言獨立性認為［漢語族］包含咗多個互相關聯嘅獨立語言，包含官話、贛語、閩語、粵語、客家語、吳語、湘語等七大語言（或者加上晉語、徽語、廣西平話）等。



。漢　語　（漢文／中文／華文／唐文）
　上古漢語（先秦至漢朝時期）
　中古漢語（南北朝、隋朝、唐朝時期）
　近古漢語（宋朝、元朝時期）
　文　言　（漢文；漢語族語言嘅一種書面語言）

。官　話（北方話／普通話／國語／華語；主體為北方漢語）
　　　　。北方官話：東北官話：遼瀋片。黑吉片。哈肇片
　　　　　　　　　　冀魯官話：石濟片。滄惠片。章利片
　　　　　　　　　　膠遼官話：登連片。青萊片。營通片
　　　　　　　　　　北京官話：幽燕片。錦興片。保唐片
　　　　。中原官話：中原官話：鄭曹片。洛徐片。蔡魯片。隴中片。汾河片
　　　　　　　　　　　　　　　關中片。信蚌片。秦隴片。南疆片
　　　　　　　　　　蘭銀官話：金城片。河西片。塔密片。銀吳片
　　　　。南方官話：江淮官話：洪巢片。通泰片。黃孝片
　　　　　　　　　　西南官話：川黔片。西蜀片。西康片。雲南片。湖廣片
　　　　　　　　　　　　　　　桂柳片

。閩　語（福建話／閩南話／閩北話／莆仙話／閩越語；閩越民系使用語言）
　　　　。福建閩語：閩東片。侯官片。福寧片。莆仙片。邵將片
　　　　　　　　　　閩南片。泉漳片。大田片。閩北片。閩中片
　　　　。臺灣閩語：（臺灣話／閩南話）
　　　　。江西閩語：東鄉片
　　　　。折江閩語：蠻　講。浙南片
　粵閩語（潮州話／汕頭話／學佬話／雷州話／崖話；潮汕民系使用語言）
　　　　。粵東潮語：潮汕片（潮揭系；潮普系；潮漳系）
　　　　　　　　　　海陸豐。新惠片
　　　　。粵中閩語：中山片。隆都片。東鄉片。三鄉片
　　　　。粵西雷語：雷州片
　　　　。海南瓊語：瓊文片。府城片。文昌片。萬寧片
　　　　　　　　　　崖縣片。昌感片

。贛　語（江西話；江右民系使用語言）
　　　　。江西贛語：昌都片。宜瀏片。宜春片。上高片。樟樹片。吉茶片
　　　　　　　　　　撫廣片。鷹弋片。大通片。耒資片。洞綏片。懷嶽片

。客　語（客家語／客家話；客客民系使用語言）
　　　　。廣東客語：梅惠片。海陸片。惠州片。水源片。龍華片
　　　　　　　　　　粵臺片。粵中片。粵北片。粵西片
　　　　。中山客語：（神灣客家話。五桂山客家話。坦南村客家話）
　　　　。廣西客語：（麼個話／麻介話。新民話）
　　　　。臺灣客語：粵臺片
　　　　。海南客語：（）
　　　　。江西客語：寧龍片。於信片。銅桂片
　　　　。閩南客語：汀州片。汀南片
　　　　。閩西客語：（）
　　　　。四川客語：（土廣東話）
　　　　。陝西客語：（）

。徽　語（徽州話；新安江流域及古徽州府核心區域使用語言）
　　　　。旌占片。績歙片。休黟片。祁德片。嚴州片

。晉　語（山西話；北方漢族地區獨立語言）
　　　　。志延片。大包片。并州片。呂梁片。汾州片。興隰片
　　　　　上黨片。五台片。張呼片。邯新片。磁漳片。獲濟片

。吳　語（吳越話／江南話／江東話／江浙話；吳越民系使用語言）
　　　　。宣州片。太高片。銅涇片。石陵片。太湖片。毗陵片　
　　　　　震澤片。上海片。臨紹片。甬江片。杭州片。蘇嘉湖片
　　　　　台州片。金衢片。上麗片。處州片。上山片。甌江片
　　　　　金鄉吳語方言島。蒲門吳語方言島

。湘　語（湖南話；湖湘民系使用語言）
　　　　。長益片。衡州片。吉淑片。婁邵片。永全片

。粵　語（廣府話／廣東話／唐話／白話；南越民系使用語言）
　　　　。廣東粵語：廣府片。四邑片。羅廣片。高陽片。桂南片
　　　　　　　　　　粵海片。南番順。莞寶片。
　　　　。粵北土話：（韶州土話）
　　　　。粵東土話：（）
　　　　。粵中土話：（）
　　　　。廣西白話：邕潯片。勾漏片。欽廉片
　　　　。廣西平話：桂北片。桂南片
　　　　。廣西土話：（土白話）
　　　　。海南白話：（）
　　　　。湘南土話：（）
　　　　。越南白話：（）

　　　　
＊＊

藏緬語族
語族分佈喺中國西南部、印度東北部、尼泊爾、巴基斯坦、不丹、緬甸、泰國、越南等地嘅一組語言。藏緬語族共包含有435種語言，其中主要語言有緬甸語、藏語、彝語、曼尼普爾語等。藏緬語族畀專家歸類為漢藏語系之下，同長期被歸入漢藏語系嘅另外兩個語族（苗瑤語族、壯侗語族）之間關係。
。白　語。南部方言：（大理土話。祥雲土話）
　　　　。中部方言：（劍川土話。鶴慶土話）
　　　　。北部方言：（碧江土話。蘭坪土話）

喜馬拉雅語群
基拉蒂語支
屬［藏緬語族］一個支系，克拉底人語言，主要分佈喺尼泊爾。
。達旺門巴語

藏－金瑙爾語支
藏語支
屬［藏－喜馬拉雅語群］之下一個分支，名稱源自［圖博］。唔同學者對於藏語群分類有唔同定義。使用族群主要分佈：西藏、北印度、北巴基斯坦、尼泊爾、不丹一帶。
。古藏語　（）
。經典藏語（10至12世紀；又稱古典藏語／近古藏語，一種書面語）
。倉洛語　（又稱：倉拉語、倉洛門巴語、墨脫門巴語）
。藏　語。中部：衞藏語（拉薩話。吉隆話）
　　　　　　　　洛米藏語。Panang。Tseku
　　　　。北部：（安多方言。卓尼話。康方言）
　　　　。南部：亞東語。夏爾巴語
　　　　。西部：拉達克語。塔克巴語

西喜馬拉雅語支
屬［藏緬語族］一個支系，主要分佈喜馬拉雅山西部。
。唐米語
。Gahri
。Tinani

白馬語
屬［漢藏語系］藏緬語族藏語支，分佈喺四川綿陽平武白馬河流域。

＊＊

緬彝語群
屬［漢藏語系］一個支系，又稱［彝緬語群］，分佈喺雲南、四川、貴州、廣西、緬甸、泰國、老撾、越南等地。

緬語支
屬［緬彝語群］一個支系，分佈喺緬甸同附近地區。
。緬　語。北部：阿昌語。載瓦語。波拉語。勒期語。浪速語（浪峨語）
。仙島語（仙島話、先島語、先島話；雲南阿昌族支系仙島人使用民族語言）

彝語支
屬［緬彝語群］一個支系，又稱［倮倮語支］，分佈喺雲南、四川、貴州、廣西、緬甸、泰國、老撾、越南等地區。
。彝　語。北部：諾蘇語：（彝語北部方言、四川彝語）
　　　　　　　　尼蘇語：（彝語南部方言）
　　　　　　　　　　　　東尼蘇語（石建土語）
　　　　　　　　　　　　北尼蘇語（峨新土語）
　　　　　　　　　　　　南尼蘇語（元金土語）
　　　　　　　　　　　　西北尼蘇語（）
　　　　　　　　　　　　西南尼蘇語（墨江土語）
　　　　　　　　　　　　卡卓語（）
　　　　。東部：烏撒納蘇語：烏蒙納蘇語。武祿彝語。阿羅語。葛潑語
　　　　　　　　　　　　　　車蘇語。撒梅語。Samatao。Sanie。Ayizi
　　　　。中部：怒蘇語
　　　　　　　　納若彝語（彝語方言）
　　　　　　　　彝語中部：倮倮潑語。山蘇語。南倮倮潑語。里潑語
　　　　　　　　　　　　　民期語／密岔語。傈僳語
　　　　　　　　彝語東南：阿烏語。阿細語。阿哲語。撒尼語。尼斯語
　　　　　　　　彝語西部：東山壩臘羅語。中臘羅語。東臘魯語。
　　　　　　　　　　　　　西臘魯語。他留語
　　　　　　　　　拉祜語：拉祜語（拉祜納語、黑拉祜語）
　　　　　　　　　　　　　拉祜西語／黃拉祜語。苦聰語。Lamu
　　　　　　　　攸樂基諾語
　　　　　　　　補遠基諾語
　　　　　　　　堂郎語。莨峨語。Limi。柔若語
　　　　。南部：哈尼語。哈雅方言：哈尼語。雅尼語／阿卡語。Akeu。Chepya
　　　　　　　　　　　　豪白方言：豪尼土語。白宏土語
　　　　　　　　　　　　碧卡方言：碧約語。卡多語。峨努語
　　　　　　　　Phunoi。畢蘇語。Laomian。桑孔語。Muda
　　　　。東南：侎俐語。Southern Muji。Moji 。Qila Muji。Northern Muji。Muzi
　　　　　　　　阿車語。Bokha。Thopho。Khlula。阿扎語。嘎蘇語。Zokhuo
　　　　　　　　仆拉語：Phuma。Phupa。Phupha。Phuza。Pholo。Phala。Phola
　　　　　　　　　　　　Alo Phola。Ani Phowa。Hlepho Phowa。Labo Phowa。Phukha
。納西語。西部方言
　　　　。東部方言（摩梭語）

塔尼語支
屬［藏緬語族］一個支系，又稱［米里語支］、［崩尼－博嘎爾語］，分佈喺喜馬拉雅山東麓。
。崩尼博嘎爾語（博嘎爾－珞巴語）
。蘇龍語（珞巴族蘇龍部落語言）
。義都語（義都人－珞巴語）
。達讓語（達讓人－僜語；迪加羅語）
。格曼語（格曼人－僜語；米教語）

党項語群
西夏民族［党項族］使用語言，已滅絕。曾經係西夏官方語言，書寫系統為西夏文。
。党項語（西夏語）

羌語支
屬［藏緬語族］一個支系，羌族喺史籍又稱作［戎］、［羌氐］。
。北羌語（四川阿壩）
。南羌語（四川）
。北普米語（四川、雲南）
。南普米語（雲南）
。爾蘇語（四川涼山彞族）
。貴瓊語（）
。木雅語（四川甘孜）
。納木依語（四川涼山）
。卻域語（）
。史興語（旭米語；四川涼山彝族）
。扎壩語（）
　　　　
嘉絨語支
屬［藏緬語族］一個小支系，同羌語支關係密切。
。爾龔語（道孚語；四川甘孜道孚）
　上寨語（）
。拉塢戎語（觀音橋話；四川阿壩拉塢戎人）
。嘉絨語（嘉戎語；四川甘孜）

薩爾語群
屬［藏緬語族］一個支系，由［Burling］喺1983年提出。
。景頗語（景頗族人語言，緬甸又稱：克欽語）

儂語支
屬［藏緬語族］一個支系。
。獨龍語（）
。阿儂語（）
。日旺語（）

土家語支
屬［漢藏語系］藏緬語族羌語支或單列土家語支，無文字。
。北土家語［畢基語；分佈保靖縣南部，又稱：米基話］
。南土家語［孟茲語；分佈瀘溪縣境內潭溪鎮九個村寨，又稱：九寨話］

魯蘇語支
屬［藏緬語族］一個小分支。
。魯蘇語（珞巴族魯蘇人語言）
。崩如語（珞巴族崩如人／崩尼人語言）
。達邁語（實際控制區內冇分佈）

＊＊

壯侗語系
侗傣語系，又稱［壯侗語系］、［傣卡岱語系］，有70種語言，主要分佈喺東南亞、中國南部，重要語言有壯語、黎語、泰語、老撾語等。

黎語族
屬［侗台語系］一支。分佈喺海南島中西部。有黎語同加茂語兩種語言，黎語又分為多個方言。
。黎　語（那鬥話。謨話／昌感村話）
。加茂語（）
。村　語（仡隆語、哥隆語）

仡央語族
屬［侗台語系］一支，又稱［Kra］。分佈喺中國貴州省中部、西部、雲南省東部的文山壯族苗族自治州、廣西西部同越南北部邊境地區。

仡基語支
屬［壯侗語系］仡央語群，分佈喺雲南同越南接壤地區。
。仡佬語（稿語。阿歐語。哈給語。多羅語。紅仡佬語）
。木佬語
。拉基語

央標語支
屬［壯侗語系］仡央語群，分佈喺雲南文山麻栗坡幾個村寨同越南接壤地區。
。巴哈語（巴哈布央語）
。郎念布央語
。峨馬布央語
。雅郎布央語
。普標語

侗台語族
屬［侗台語系］一個分支，包括台語支同侗水語支。泰語、老撾語、壯語、布依語、高欄語、儂語、傣仂語、傣哪語、傣擔語、傣雅語等，都屬於侗台語族嘅台語支。
。臨高語　（海南島北部臨高人語言）
。高欄語

台語支
屬［壯侗語系］侗台語族中一個語支，又稱［泰語支］、［傣語支］、［壯傣語支］、［壯泰語支］、［壯台語支］。包括壯語、布依語、傣語（中國）、泰語、老撾語、撣語、岱依語、儂語、坎底語、阿豪姆語等，講台語嘅民族統稱台語民族。
。布依語
。壯　語：北壯語。桂邊壯語。柳江壯語。丘北壯語。桂北壯語
　　　　　右江壯語。中紅水河壯語。東紅水河壯語。柳黔壯語
　　　　　邕北壯語。連山壯語
。南壯語：硯廣壯語。德靖壯語。Minz Zhuang。邕南壯語
　　　　　左江壯語。文麻壯語
。傣仂語（傣泐語、西雙版納傣語）
。傣哪語（傣納語、德宏傣語）
。傣端語（金平傣語）
。傣雅語
。Pa Di
。紅金傣語

侗水語支
屬［侗台語系］一支，分佈喺廣西、貴州、海南等，仫佬語喺老撾亦有人使用。傳統上將侗水語支同台語支分成一類，稱為［侗台語族］。
。錦　語
。標　話
。茶洞語
。草苗語
。北侗語
。南侗語
。Kang
。莫　語
。仫佬語
。毛南語
。水　語
。佯僙語

拉珈語支
屬［侗台語系］一支，瑤族人使用語言。

＊＊

苗瑤語系
苗瑤語，係苗、瑤、畲等族群所使用嘅語言總稱。學術界對於苗瑤語分類有唔同睇法：華人同中國學者認為苗瑤語屬於漢藏語系，即苗瑤語族；而歐美學者認為苗瑤語係獨立語系，即苗瑤語系。苗瑤語分佈喺中國中南同西南地區，中南半島北部鄰近中國地區，主要為苗族、瑤族同畲族。苗瑤語具體包括各地苗族使用苗語、巴那語，各地瑤族使用的勉語、布努語、巴哼語、優諾語、炯奈語，以及極少數粵東畲族使用的畲語等等。

苗語支
苗瑤語系兩個語支之一。分佈喺廣西、雲南、貴州、廣東、四川、湖南，同埋中南半島嘅越南、老撾、泰國、緬甸北部。
。苗　語
　苗語川黔滇方言
　。川黔滇次方言：第一土語。第二土語（小花苗話）
　　　　　　　　　青苗話 。白苗話。角苗話。漢苗話
　。滇東北次方言：（大花苗話）
　　　貴陽次方言：北部土語。西南土語。南部土語
　　　惠水次方言：北部土語。西南土語。中部土語。東部土語
　　　麻山次方言：中部土話。北部土話。西部土話。南部土話
　。羅泊河次方言：
　。亻革家語（曾稱重安江次方言）
　。苗語黔東方言：北部土語。東部土語。南部土語
　。苗語湘西方言：西部次方言。東部次方言
。布努語
。巴哼語
。優諾語
。唔奈語
。炯奈語
。畲　語

瑤語支（勉語支）
屬［苗瑤語系］一個語支，又稱［勉語支］。自稱［勉］、［金門］、［標敏］、［藻敏］等等。主要分佈喺華南、越南，泰國、老撾、美國（加里福尼亞州）等地。
。勉方言
。標曼土語
。金門方言
。標敏方言
。藻敏方言

＊＊

南亞語系
主要分佈喺雲南、越南、老撾、緬甸、 柬埔寨、泰國、馬來西亞南部、印度尼科巴群島同比哈爾邦等地區，舊稱［澳斯特羅－亞細亞語系：澳亞語系］。共有一百幾種語言，其中歷史最耐嘅有越南語、高棉語同埋孟語。傳統上將南亞語系劃分為［孟高棉語族］同［蒙達語族／捫達語族］兩個語族，但近年來好多學者提出咗其他劃分方案，例如有學者新增咗［尼科巴語族］同［馬六甲語族］。

卡西—克木語族
佤德昂語支
屬［南亞語系］一支，大多數都失去原始南亞語聲母清濁對立，改由韻母或聲調對立來體現。
。佤德昂語。西支：德昂語：納盎方言。布雷語。若買方言
　　　　　　　　　日昂語：
　　　　　。東支：昆格語。戶語
　　　　　　　　　克蔑語
　　　　　　　　　三島語
　　　　　　　　　布朗語布朗方言
　　　　　　　　　烏語（布朗語烏方言）
　　　　　　　　　佤語：巴饒克方言。阿佤方言。佤方言
克木語支
。克木語
。Khuen （可疑）
。莽　語
。倈　語（珀琉語）
。布賡語
。布興話

核心孟高棉語族
東南亞語言混集，包括孟語同高棉語等多種語言。
。京　語（越南語）

＊＊

南島語系
南島民族所使用嘅語言，主要分佈喺島嶼上嘅一個語系，包括大約1,300種語言。分佈喺南太平洋群島，包括：臺灣、海南、越南南部、菲律賓、馬來群島，東達南美洲嘅復活節島，西到東非洲外海馬達加斯加島，南抵新西蘭。

台灣南島語系
臺灣係［南島語系］內部分化嘅源頭，亦係目前南島語系最北部嘅地區，大多數居住喺東南亞嘅菲律賓、印尼、馬來西亞，新畿內亞同埋東太平洋島嶼。

泰雅語族
屬［南島語系］語言，臺灣原住民使用語言。
。泰雅語
。賽德克語（太魯閣族語）
。寒溪語　（臺灣克里奧爾語）

排灣語族（平埔族語言大宗）
屬［南島語系］之一，臺灣原住民使用語言，分佈臺灣北中南、西部同東部地區。
。排灣語
。魯凱語
。布農語
。卑南語（普優瑪）
。阿美語
。撒奇萊雅語
。噶瑪蘭語
。猴猴語
。凱達格蘭語：巴賽語。雷朗語
。龜崙語
。賽夏語
。阿霧安語：巴宰語（南投縣埔里鎮愛蘭地區）
　　　　　　噶哈巫語（南投縣埔里鎮眉溪四莊）
。道卡斯語
。巴布拉語／干仔轄
。巴布薩語：虎尾壟語
。邵　語
。洪雅語
。西拉雅語
。大武壠語（台灣南部四社熟番）
。馬卡道語

鄒語族
屬南島語言之一，又稱［曹語群］，分佈喺臺灣中南部南投、嘉義、高雄山區。
。北鄒語：鄒語
。南鄒語：卡那卡那富語。拉阿魯哇語

馬來南島語系
波利尼西亞語族
馬來－波利尼西亞語族，係［南島語系］一個分支。分佈喺印度洋、南太平洋同北太平洋南部地區，非洲東南馬達加斯加島，智利復活節島，夏威夷同台灣蘭嶼，新西蘭等。
。巴丹語：達悟語／雅美語
。占　語：回輝話

＊＊

印歐語系
是世界上分佈最廣泛嘅語系之一，喺歐洲、美洲、南亞同大洋洲大部分國家都採用印歐語系語言作為母語或官方語言。印歐語系包括大約443種語言同方言。

吐火羅語族
屬［印歐語系］最東方一族顎音類語言，已滅亡。
。吐火羅語Ａ
。吐火羅語Ｂ

西日耳曼語族
屬［日耳曼語族］一支，包括：德語、英語、弗里西語，重包括荷蘭語同南非語。日耳曼語族其他分支有北日耳曼語支同東日耳曼語支。
。英　語（香港官方語言，中國外來語之一）

羅曼語族
屬［印歐語系］語言，意大利語族衍生嘅語族，包括拉丁語演化而來嘅現代語言。
。葡萄牙語（澳門官方語言，中國外來語之一）

斯拉夫語族
東斯拉夫語支
斯拉夫語族使用語言，俄羅斯、白俄羅斯、吉爾吉斯斯坦及哈薩克斯坦官方語言。
。俄羅斯語（中國各俄羅斯族自治區官方語言）

伊朗語族（伊蘭語，印歐語系一個分支）
屬［印歐語系］一個分支，又稱［伊蘭語］，印度－伊朗語族，分佈喺伊朗［波斯］、巴基斯坦、伊拉克、土耳其、高加索、中國新疆等地。包括：波斯語、普什圖語、庫爾德語、俾路支語、奧塞梯語、塔吉克語等語言，中國回回語及亞東干人使用東部波斯語方言。
。和田語
。圖木舒克語
。色勒庫爾語（新疆塔吉克族語言）
。瓦罕語（新疆塔吉克族語言）

＊＊

阿爾泰語系
阿爾泰語系，又譯為［阿勒泰語系］，係19至20世紀一批語言學家按照語言系屬分類方法所劃分嘅一組語群。分類主要將突厥語族、蒙古語族同通古斯語族劃為一個語系，有時一啲語言學家亦將朝鮮語、日語包括埋一齊。曾經有語言學家將佢同烏拉爾語系劃分為一組語群，即烏拉爾-阿爾泰語系。分類方法包括語言主要集中喺中亞同附近地區，包括60多種語言。呢個分類方法曾經流行喺二十世紀六十年代前。

突厥語族
阿爾泰語系入面最大一個語族，語族內部包括40多種語言。突厥語族語言簡稱［突厥語］，主要分佈喺歐亞大陸上。東起新疆，西至東歐，北自西伯利亞，南抵伊朗。
。古突厥語（7至13世紀）
。回鶻語（9至14世紀）
。察合台語
。艾努語
。伊犁土爾克語
。維吾爾語
。烏孜別克語／烏茲別克語（北烏孜別克語）
。西部裕固語
。哈卡斯語
。圖佤語／圖瓦語
。撒拉語
。哈薩克語
。柯爾克孜語／吉爾吉斯語
。塔塔爾語／韃靼語

蒙古語族
阿爾泰語系語族之一。學者對蒙古語族分類有唔同意見，類型上同突厥語族、滿-通古斯語族相近。蒙古語族包括9種語言。主要分佈喺中國、蒙古國、俄羅斯、阿富汗等地。
。中古蒙古語
。經典蒙古語
。達斡爾語：圖蘭語（突厥語族或蒙古語族）
。蒙古爾語：康家語。土族語。保安語。東鄉語。東部裕固語
。衞拉特喀爾喀：
　　布里亞特語：中國布里亞特語（巴爾虎布里亞特方言）
　　　　蒙古語：周邊蒙古語（內蒙古方言）
　　　　衛拉特：衞拉特語（卡爾梅克語）
　　　　　　　　書面衞拉特語

通古斯語族
滿－通古斯語系，又稱［通古斯語系］或［通古斯滿語系］，分［滿語支］同［通古斯語支］。分布喺蒙古、西伯利亞、俄羅斯、滿洲。
。北滿通古斯語支：鄂溫克語。鄂溫克語。鄂倫春語。涅吉達爾語
　　　　　　　　　烏德蓋語［過渡語支，受南滿通古斯語支影響］
。南滿通古斯語支：東南：赫哲語。鄂羅克語。烏爾奇語
　　　　　　　　　西南：女真語。滿語。錫伯語

中國朝鮮語族
中國朝鮮語，指喺在中國住嘅朝鮮族韓語，主要用分布喺黑龍江省、吉林省、遼寧省。
。朝鮮語
　東北：咸鏡道方言；吉林省延邊朝鮮族自治州、黑龍江省牡丹江市等；
　　　　　　　　　　圖們江沿岸東部地區所講嘅東北六鎮方言。
　西北：平安道方言；遼寧省東部。
　東南：慶尚道方言；黑龍江省西北部和西南部。
　西南：全羅道方言；遼寧省瀋陽、鞍山等同埋其他方言交錯分佈。
　中部：京畿道方言；同其他方言交錯分佈。

＊＊

混合語族
混合語，又稱［混成語］、［歸融語］，一種穩定自然語言，由皮欽語演進而成。特徵係混合多種唔同語言詞彙，有時摻雜其他語言文法嘅一種語言。
。五屯話（漢、藏混合語；青海黃南五屯人語言）
。倒　話（漢、藏混合語）
。瓦鄉話／鄉話／鄉辭（漢、苗混合語；湖南武陵山瓦鄉人語言）
。扎　話（藏、格曼語混合語）
。唐汪話（漢、東鄉語混合語）
。誒　話／五色話（漢、侗水語支混合語；廣西融水苗族）

克里奧爾語族
克里奧爾語，係一種［歸融語］，一種混合多種唔同語言詞彙嘅語言。
。澳門土語（15至16世紀；土生葡文／帕圖亞／澳門甜蜜之語）
　　　　　　葡萄牙語基礎嘅克里奧爾語，澳門土生葡人使用嘅獨特方言

手語族
手語，一種唔使用語音，而使用手勢、肢體動作、面部表情表達意思嘅語言。主要使用者同使用對象係失聰人士。
。中國手語（中國殘疾人聯合會、中國聾人協會）
。臺灣手語（日本手語系、南京手語系）
。香港手語（由1950年代香港手語、南京／上海手語混合而成）

＊＊

古代語言



漢藏語系
漢藏語系，語言學家劃分嘅語群，但係劃分形式好多。包含漢語族同藏緬語族約400種語言，主要分佈：中國、緬甸、印度、尼泊爾、不丹、孟加拉等亞洲各國地區。
。上古漢語（殷朝至公元前3世紀；先秦至漢朝時期，細分先秦音系與漢代音系）
　中古漢語（7至10世紀；南北朝、隋朝、唐朝時期，繼承自上古漢語）
。古藏語　（）
　中古藏語（7至10世紀；近古藏語前身，為現代藏語起源）
　近古藏語（10至12世紀；又稱：經典藏語／古典藏語，一種書面語）
。象雄語　（7至10世紀；吐蕃喺青藏高原崛起前象雄語言，已滅絕）
。西夏語　（11至14世紀；又稱党項語，係西夏民族党項族語言，已滅絕）

阿爾泰語系
阿爾泰語系，又譯［阿勒泰語系］，係19至20世紀一啲語言學家劃分嘅語群。
。古突厥語（7至13世紀，突厥民族最早書面語言）
　回鶻語　（9至14世紀，回鶻汗國回鶻人語言）
　察合台語（15世紀至19世紀，中亞突厥民族共同書面語）
。契丹語　（10至12世紀，契丹人語言，已絕跡）
　中古蒙古語（13至14世紀，蒙古帝國時期蒙古通用語）
　經典蒙古語（1500年前後）
　書面衛拉特語（17至20世紀，瓦剌語，衛拉特蒙古人語言）
。女真語　（10世紀到15世紀，女真民族語言，滿語祖語）

印歐語系
印歐語系，世界分佈較廣泛語系之一。歐洲、美洲、南亞、澳洲大部分國家都採用嘅語言，印歐語系包括約443種語言同方言。
。吐火羅語（7至10世紀印歐語系最東方一族顎音類語言，已滅亡）
　。吐火羅語Ａ（焉耆語；甲種吐火羅語／東吐火羅語）
　。吐火羅語Ｂ（龜茲語；乙種吐火羅語／西吐火羅語）
　。吐火羅語Ｃ（跋祿迦語；丙種吐火羅語，接近於龜茲語）
。和田語　（舊稱：和闐）
　。圖木舒克語（新疆圖木舒克人用語）
　
扶餘語系
扶餘語族，約公元前1世紀到公元5世紀左右喺朝鮮半島同中國東北南部通行。扶餘語族包括：濊貊、扶餘國、高句麗、東濊、沃沮、百濟等國家語言，亦可能與日本語族相關連。
。高句麗語（約公元前37年－公元668年，高句麗使用語言）
。扶餘語　（約公元前1世紀到公元5世紀，朝鮮半島扶餘族用語）
。百濟語　（朝鮮半島三國時期，百濟使用語言）
　。扶餘－百濟語（與高句麗語存在聯繫）
　。韓－百濟語　（與伽倻語同埋日本語存在聯繫）
。新羅語　（朝鮮半島三國時期，新羅使用語言）

＊＊



＊＊

無聊通識科。廣東話資料館

廣東四大狀師［第尾才子］何淡如

狀師，又叫〔訟師〕，貶稱就叫做〔訟棍〕，係舊時社會入面扮演〔律師〕角色嘅文化人物。狀師嘅工作就係代人寫訴訟用嘅書狀，俗稱〔狀紙〕，而寫書狀係有一定嘅格式。喺以前，一般老百姓大多數都係文盲嘅，就算識字，又多數都唔曉法律，想寫都寫唔掂。如果要打官司，就多數要靠嗰啲出身科舉又喺官場撈得唔係幾掂嘅士人來代勞嘞。

喺清朝時期嘅廣東，民間傳說話當時有幾個出名嘅狀師，分別係〔陳夢吉〕、〔潘鏡泉〕、〔劉華東〕、〔何淡如〕，啲人就將佢哋合稱為「廣東四大狀師」。不過，可能〔何淡如〕經常或者固定喺香港搵食嘅關係，比較少喺省城出現，於是部份地區嘅民間故事逐漸將佢同清末嘅戲劇角色［宋世傑／宋士傑］撈亂成為同一個人，將〔宋世傑〕由明朝嘅［四進士］熱心人物變成清朝嘅［審死官］正義狀師，重畀人誤以為係〔廣東四大狀師〕嘅其中之一㖭。

＊＊

陳夢吉［扭計祖宗］

陳夢吉（1820年 - 1888年），有人話佢係廣東順德人，又有人話係新會人，佢曾經得過功名（秀才），係清朝嘅著名狀師。傳說話佢個人嘅性格諧趣，文筆璨美，因為鬼主意多，所以被戲稱為［橋王之王］。傳聞重話佢經常為啲貧苦人士代筆訴訟，以鋤強扶弱得到平民百姓嘅愛戴，佢好多時都同另一個著名狀師潘鏡泉［荒唐鏡］鬥法嘅。

到底嶺南傳奇人物陳夢吉係點嘅呢？聽啲老人家話〔大良斗官〕就係陳夢吉，佢係個好有錢嘅二世祖，人好聰明，依家喺大良嘅清暉園就係當年佢屋企嘅花園，園入面有棵係大清皇帝賜嘅樹㖭。喺順德，有一句歇後語〔陳村種．洗腳唔抹腳〕，又有啲老人家話，呢個〔陳村種〕就係指陳夢吉嘞。

陳夢吉嘅處世哲學就係［使天下人信之，必使先自信］，佢對個［信］嘅理解就係［騙］，即係［呃］。要喺公堂上面駁倒青天大老爺同埋悠悠眾口，就係要所有人都認為自己講嘅嘢就係真理，一萬個正確，就算自己講嘅係太陽由西邊出來，都要講到天花亂墜，人人都要俯首拜服為止。

＊＊

潘鏡泉［荒唐镜］

潘鏡泉（1845年－1900年），廣東新會外海潮蓮人，係清朝末年著名狀師，曾經考到舉人。潘鏡泉係廣東民間傳說入面係一個好鬼刁鑽精怪嘅人，出咗名嘅衙門師爺，人稱〔扭計師爺〕，綽號［荒唐镜］。傳聞話佢平時自命足智多謀，係地方官老爺嘅［白紙扇］，又傳佢同陳夢吉係死對頭，經常喺陳夢吉嘅故仔入面做反派角色。

＊＊

劉華東［文怪］

劉華東（1778年－1841年），清朝末年著名文人（考得舉人），傳說話佢係當時期嘅著名狀師，有〔文怪師爺〕嘅稱號。劉華東參考咗崑劇《金印記》同《滿床笏》而改編成為名粵劇《六國大封相》。佢嘅對聯作品《劉華東隸書八言聯》，依家重存喺香港荔枝角（嶺南之風）公園入面。

劉華東隸書八言聯：［壯志鵬飛，寬如渤海；奇姿鵠立，峭若崑崙。］



＊＊

何淡如［第尾才子］

何淡如（1820年－1913年），名〔又雄〕，字〔淡如〕，以字行，係清朝末年著名文人〔書生〕，廣東南海灣頭鄉人（佛山瀾石鎮灣何村）。喺同治元年（1862年）考中舉人，之後主要喺廣東同香港做教書為生，曾經開書館喺九龍城嘅龍津義學（以前嘅龍津石橋側邊）。

何淡如生性詼諧，生性詼諧，又有急才，每出一言都令人捧腹大笑。佢講課生動有趣，而且深入淺出，所以聽者益眾，名噪一時。佢最善長作對聯，尤其係喜歡用廣州話寫諧對（怪聯／無情對），而且數量亦有好多，所以又畀人稱為〔怪聯聖手〕、〔廣東諧趣通俗文學家〕。

＊＊



一拳打出眼火；對面睇見牙煙。
——題路人打架

三間大屋間間間；九橫長梯橫橫橫。
——上下聯最後一字均讀去聲，〔間〕即〔間隔〕，〔橫〕乃一級一步也

風腸煮熟堪餐飯；雲耳切開好會齋。
——廣州食物對

公門桃李爭榮日；法國荷蘭比利時。
——無情對

四面雲山誰作主；一頭霧水不知宗。
——上聯為唐詩，下聯為廣州俗語

叢桂有坊含湛露；六榕無寺挹清風。
——聯嵌廣州四地名

立刻捉拿三隻手；幾時失過一條毛。
——題佛山某〔更練館〕，職責擒拿竊賊

周身花果然好樣；一肚草格外大聲。
——舊曆每年二月，廣州均搭棚放花炮祭拜土地，何題之

打鼓打鑼，不過戥人高興；
搬埕搬塔，總之自己破財。
——自撰嫁女諧聯。　
　　戥人高興：廣東俗語，指為別人添興之意　
　　搬埕搬塔：搬運雜物，此處指嫁妝

水手落水，水鬼拉著水手手；
火頭吹火，火星飛上火頭頭。
——即景對

仁壽殿慈禧，弄權非人是獸；
玉瀾堂太后，囚帝縱欲貪婪。
——諧音諷慈禧太后

雪點梅花，昨夜不知五六出；
灰飛葭管，小陽初入二三分。
——賀朋友十月新婚

世事若鳴鑼，只為錢多開口響；
人情如擊鼓，每因皮厚發聲多。
——諷時勢人情

睇唔真咪嘈，請問前頭個位高見者；
企得穩便罷，留番餘地讓俾後來人。
——題番禺市橋戲棚

鹹月甜月五仁月，豆沙冰月，鵝油酥月；
生煙熟煙孖姑煙，蘭州水煙，鴉片公煙。
——上聯為月餅名，下聯為煙名

扒扒扒，扒扒扒，扒扒扒，扒到龍門三級浪；
唱唱唱，唱唱唱，唱唱唱，唱出仙姬七姐辭。
——題端午節諧聯

船又扒，艇又扒，扒扒扒……扒到龍門三尺浪；
生也唱，旦也唱，唱唱唱……唱到東方一遍紅。
——某年端午龍舟賽會，主持人折好64格長紙，請何淡如題聯，何稍事思索，寫出一副長聯，上下聯中間各有50個〔扒〕和〔唱〕字

我本一片慈悲，有時黑面做埋，只系收磨惡鬼；
你若十分誠敬，如被紅須扭過，何妨直稟靈神。
——題觀音大士醮棚

滾滾江山，只為大花面爭權，國老無能終散局；
紛紛世界，點得正武生執印，奸臣盡滅始收科。
——題廣州河南關帝廟戲棚

公乃嶺表英才，可惜奮翮未酹，鐵血已凝珠海石；
我亦國民分子，自愧窮途輟學，灰心羞謁硯山碑。
——挽馮如

不怕紅毛鬼，最怕白鼻哥，搬是搬非，兩面刀弄出這般戲本；
先殺黑心婦，後殺藍面妾，硬橋硬馬，周身膽方為蓋世英雄。
——題某戲棚

殉社會者則甚易，殉工藝者則尤難，一霎墜飛機，青塚那堪埋偉士；
論事之成固可嘉，論事之敗亦可喜，千秋留實學，黃花又見泣秋風。
——挽馮如

新相識，舊相識，春宵有約期方值。試問今夕何夕，一樣月色燈色，該尋覓；
這邊游，那邊遊，風景如斯樂未休。況是前頭後頭，幾度茶樓酒樓，盡勾留。
——題廣東佛山春色賽會

豬北竇；蔡西灣。
——對師蔡西灣。豬北竇乃地名

有酒不妨邀月飲；無錢哪得食雲吞。
——一次廣州文人集會，有人出上聯，何淡如對下聯

鼠眼蛇頭賣菜仔；雞毛豬鬃換花生。
——對師蔡西灣

皮背心襯繡花雪帽；血牙嘴鑲斑竹煙筒。
——對師蔡西灣。上聯指何淡如裝飾，下聯指師旱煙袋

珠江船如梭，橫織波中錦繡；羊城塔似筆，倒寫天上文章。
——對友人

剩得兩撇鬍鬚，此後唔知點算好；
養成一身貴骨，從今改過未為遲。
——何淡如父子諧對

＊＊

譯：蕭南仁。2016年

＊＊



＊＊

廣東風情。廣東話資料館

狀王〔宋世傑〕身世之迷

宋世傑（1820年－1913年），又名〔宋士傑〕，字〔家傑〕，係清朝末年著名嘅文人，廣東南海灣頸人。喺同治元年（1862年）考中舉人，之後就主要喺廣東同香港寫狀書同打官司〔訴訟〕搵食〔為生〕，佢為人生性詼諧，文筆頗佳，傳聞佢同當時嘅陳夢吉、劉華東、潘鏡泉並稱為〔廣東四大狀師〕。

．
．．
．．．

以上資料，全屬虛構！

＊＊

有人話，宋世傑係明朝嘅〔四大進士〕之一，又有人話佢係清朝嘅〔四大狀師〕之一，重有話宋世傑其實係清未山西大同革命黨嘅〔四大天王〕之一添。

宋世傑，原名〔宋士傑〕，係明朝嘉靖年間嘅〔鼓詞］《紫金釵》入面，只係飾演一個二打六嘅角色。之後，有人將個故仔改編成京劇《四進士》，又叫做《節義廉明》。喺早期，宋士傑過到來《四進士》嗰度依然都係做二打六嘅閒角，行行企企，食皈縛味，而主角仍然係其他四個朝官，佢哋分別係按察院大人、江西巡撫、道台、河南知縣。


［鼓詞，係一種喺北方流行嘅曲藝，用鼓同三弦等嘅樂器來做說唱］

後來到咗由［周信芳］演嘅京劇《宋士傑》入面，宋士傑先至由茄呢啡變成舞台主角。另外，有位京劇大師［馬連良］亦有演過宋士傑呢知角色，而佢嘅劇本同劇名依然係叫《四進士》。其實佢哋兩個演嘅劇本都係一樣，唔同嘅係佢哋表演嘅風格，馬連良做得瀟灑飄逸，而周信芳就演得穩重大方，各有所好。

喺京劇入面嘅［宋士傑］，只係一個前道台衙門嘅刑房書吏，主角係清官按察院大人〔毛朋〕同佢嘅三個同科，江西巡撫〔田倫〕、道台〔顧讀〕、河南上蔡縣知縣〔劉題〕，佢哋合稱為〔四進士〕。後來，劇目將宋士傑由配角轉變成為主角，可能係因為當時嘅觀眾由寄望有一位好似毛朋嘅清官轉為希望有個好似宋士傑咁樣嘅正義人物。而宋士傑幽默機智嘅性格，再加上佢不畏強權嘅形象，贏得好多觀眾嘅熱愛，亦成為一個膾炙人口嘅英雄，後來呢個故仔又畀人改編成為粵劇《審死官》。而且呢套《審死官》喺廣東、香港同澳門一帶都非常流行。粵劇名伶［馬師曾］亦都飾演過［宋世傑］呢個角色。



到咗清朝末年，聽講話喺山西大同有一個革命黨人叫做宋世傑〔宋天王〕，因為〔世〕同官話個〔士〕同音，而佢又同戲曲入面嘅宋士傑又一樣經常大鬧貪官，加上清末時期喺廣東民間傳說又出咗四個好出位嘅狀師〔陳夢吉〕、〔潘鏡泉〕、〔何淡如〕、〔劉華東〕，佢哋畀人稱為〔廣東四大狀師〕，可能〔何淡如〕經常或者固定喺香港搵食嘅關係，於是部份區域嘅民間逐漸將佢同清末嘅［宋世傑］同［宋士傑］撈亂成為同一個人，〔宋世傑〕就由明朝嘅熱心人物變成清朝嘅正義狀師，重畀人誤以為係〔廣東四大狀師〕嘅其中之一添。

＊＊

京劇《四進士》劇情

呢套京劇係描寫明朝嘉靖年間，河南上蔡縣人［楊素貞］，因為妯娌［田氏］爭奪家產，殺害佢嘅夫婿［姚廷美］，又畀佢個唔生性嘅大佬［楊青］出賣，喺柳林嗰度將楊素貞賣咗畀過路嘅［楊春］做老婆。好采呢個楊春為人正直，喺佢知道呢個冤情之後，就同楊素貞結拜做兄妹，重為個契妹挺身而出走去申冤。佢哋又喺柳林嗰度遇到微服出巡嘅河南八府巡案［毛朋］代佢哋寫狀紙。之後，佢哋唔好釆又喺林中遇到強盜，走到去西門，識咗個仗義打走強盜嘅［宋士傑］同佢老婆［萬氏］，又收咗楊素貞做契女，重為佢狀告信陽知州［顧讀］。

宋士傑曾經做過刑房書吏，仗義善辭，因為咁得罪咗上級而畀人革走，冇得撈。之後就喺西門嗰度開咗間旅館為生，生意郪算唔錯嘅。



為爭家產嘅［田氏］，係江西巡按［田倫］嘅家姐，知道官府要捉人，就走去求細佬田倫寫信畀同年［顧讀］，重有賄銀三百兩。剛啱田倫嘅公差路經宋士傑嘅旅館投宿。宋士傑知道咗，就趁機喺夜晚偷咗份書信，重知道埋有賄情。宋士傑就將份書信照抄一份收埋，放反封原信。顧讀收咗賄銀之後，就將楊素貞打為被告，田氏就取保候审。宋士傑走嚟伸冤，顧讀詏佢唔過，就索性唔理佢。宋士傑冇曬辦法，只有搵楊春向八府巡按［毛朋］攔轎告狀，重改告埋［顧讀］、［田倫］、［劉題］三個人。

原來毛朋、顧讀、田倫、劉題四個人係同一年考到進士嘅，而當年佢哋幾個畀奸臣［嚴嵩］排擠，好在得到［海瑞］保薦而做到官嘅，呢四個人曾經喺雙塔寺盟誓，唔准官吏過柬，匿案准情。若果有貪贓枉法，各備棺材一副送自己返鄉下。事隔好多年，田倫做咗江西巡按，因為守父孝未去上任，包庇親人行賄；顧讀係信陽知州，貪贓收賄；劉題係上蔡縣丞，唔理民冤；只有河南八府巡案毛朋，重係清官一個。

毛朋收到狀之後，革走縣承劉題，捉埋貪贓枉法嘅田倫、顧讀。毛朋重新開堂審案，捉咗田氏、田氏夫姚廷春、楊青，放咗楊素貞，而告官嘅宋士傑就要發配邊疆。最後楊春同楊素貞認出喺柳林幫僭哋寫狀紙嘅人就係毛朋，宋士傑知道咗後就返去搵毛朋算帳，毛朋又係詏佢唔過，亦只得放人唔使發配邊疆，皆大歡喜。

＊＊

《審死官》



《四進士》嘅粵劇版叫做《審死官》，主角嘅名就寫做［宋世傑］，而馬師曾主演版極富盛名，重畀人改編為幾部影視作品添。但係呢啲電影同電視版本都將背景改為清朝，例如電影《審死官》、《新九品芝麻官》，電視劇《狀王宋世傑》、《新九品芝麻官》等。

＊＊

譯：蕭南仁．2016年8月

＊＊

＊＊

廣東風情。廣東話資料館

粵語淵源 jyut6 jyu5 jyun1 jyun4

粵語，又叫做〔廣東話〕、〔廣府話〕，兩廣〔廣東、廣西〕嘅當地人就習慣講〔白話〕，即係兩廣地區嘅〔通話〕，而喺外國嘅華人就叫做〔唐話〕。粵語主要使用喺廣東、廣西、海南、香港、澳門等地方。喺東南亞嘅新加坡、馬來西亞、越南、印尼等，同北美嘅美國、加拿大，歐洲同澳洲、紐西蘭、聖誕島等等嘅華人社區使用最多嘅一種漢語，估計成個地球用粵語來做母語嘅人口大約有 1.2 億人。

有語言學家將［粵語］歸類喺漢藏語系［漢語族］嘅聲調語言。喺語言學界對粵語嘅分類有唔同嘅意見，主要有兩種唔同嘅觀點：一種以語言獨立性認為［漢語族］包含咗多個互相關聯嘅獨立語言，包含官話、贛語、閩語、粵語、客家語、吳語、湘語等［七大語言］；另一種就以政治取向認爲漢語族只有［漢語］一種語言，將贛語、閩語、粵語、吳語、官話、晉語、湘語、客語等列爲漢語嘅［方言］。

有部份學者將元朝［大都官話］、明朝［南京官話］同［北京官話］、歸類為［近代漢語］嘅官方代表。又將清朝［北京官話］、民國［國語］、大陸［普通話／華語］歸類為［現代漢語］嘅官方代表。

粵語呢個名，根據語言學家講，最初係起源於秦朝人［趙佗］喺古代嶺南地域所建立嘅第一個國家〔南越國〕，《漢書》寫做〔南粵國〕；簡稱〔南越〕或〔南粵〕。喺古代嘅「粵」同「越」係互通字，當時佢哋以〔廣信〕來做嶺南地區嘅政治、經濟同文化嘅中心，係嶺南文化同粵語嘅最早發揚地。

。廣信：漢朝交州廣信縣，即係今日嘅廣東肇慶市封開縣至廣西梧州市範圍。

＊＊

漢語族
漢語（漢文／唐文／中文／國文／華文）


漢語，又稱做唐話、中國話、國語（台灣）、華語（馬來西亞／新加坡）、普通話（大陸）等，喺政權因素之下，漢語當中嘅官話／國語 Mandarin［大陸稱：普通話 Putonghua］被定爲聯合國官方語言之一。而漢語嘅文字系統［漢字］係一種意音文字，表意嘅同時亦具有一定嘅表音功能。漢語包含書面語同埋口語兩部分，古代書面漢語稱爲［文言文］，現代書面漢語畀官方定為［現代標準漢語語法］又稱［白話文）。目前全球大約有六分之一人口使用漢語。

漢語，主要分為［官話］、［湘語］、［吳語］、［贛語］、［客語］、［粵語］、［閩語］等七種；根據語言學上嘅定義，七種都係屬於獨立嘅語言。

。上古漢語（先秦至漢朝時期）
。中古漢語（南北朝、隋朝、唐朝時期）
。近古漢語（宋朝、元朝初期）
。近代漢語（元朝、明朝、清朝時期）
。文　　言（漢文；漢語族語言嘅一種書面語言）
。現代漢語［民國、新中國］

。官　話：（北方話／普通話／國語／華語；明清時期形成嘅北方漢語）

　　　　　官話最早係對官方標準話嘅稱呼，係做官嘅人使用嘅共同語。

　　　　　周代官話稱爲雅言、秦漢時期沿用雅言，漢晉時期稱做通語。
　　　　　唐宋時期沿用通語，元代稱天下通語，明清時期又稱爲官話。
　　　　　1909年民國前後稱之爲國語，1956年後大陸就改稱做普通話。

　　北方：東北官話：遼瀋片。黑吉片。哈肇片

　　　　　冀魯官話：石濟片。滄惠片。章利片
　　　　　膠遼官話：登連片。青萊片。營通片
　　　　　北京官話：幽燕片。錦興片。保唐片
　　中原：中原官話：鄭曹片。洛徐片。蔡魯片。隴中片。汾河片
　　　　　　　　　　關中片。信蚌片。秦隴片。南疆片
　　　　　蘭銀官話：金城片。河西片。塔密片。銀吳片
　　南方：江淮官話：洪巢片。通泰片。黃孝片
　　　　　西南官話：川黔片。西蜀片。西康片。雲南片。湖廣片
　　　　　　　　　　桂柳片

。湘　語：（湖南話；湖湘民系使用語言）
　　　　　先秦時期流行於楚地，係湖南同湘水流域人最早使用嘅語言。
　　　　　唔少專家認爲，古楚語包括喺長江中游一帶都係湘語嘅前身。
　　　　　湖南湘語：長益片。衡州片。吉淑片。婁邵片。永全片
　　　　　廣西湘語：新化話。漵浦話
　　　　　貴州湘語：酸湯話。喇叭苗話
　　　　　四川湘語：靖州話。安化話
　　　　　陝西湘語：
　　　　　安徽湘語：皖南客籍話
　　　　　台灣湘語：

。吳　語：（吳越話／江南話／江東話／江浙話；吳越民系使用語言）
　　　　　商周時期，吳越地居民屬於百越部落，之後華夏部落往南遷。
　　　　　吳越地土著語言同古華語不斷衝擊覆蓋之下逐漸形成古吳語。
　　　　　江浙吳語：宣州片。太高片。銅涇片。石陵片。太湖片
　　　　　　　　　　毗陵片。震澤片。上海片。臨紹片。甬江片
　　　　　　　　　　杭州片。處州片。上山片。甌江片。上麗片
　　　　　　　　　　台州片。金衢片。蘇嘉湖片
　　　　　金鄉吳語：［方言島］
　　　　　蒲門吳語：［方言島］　

。贛　語：（江西話；江右民系主要語言）
　　　　　秦漢以後，中原移民南遷到江西地區同當時土著居民相融合。
　　　　　來到嘅古漢語又同土著嘅吳楚語融合，喺三國時期形成贛語。
　　　　　唐宋元幾次北方南下移民潮嘅衝擊，令贛語發生多次嘅變化。
　　　　　移民年代唔同，地域差異，令贛語積累唔同時期嘅語音層次。
　　　　　江西贛語：昌都片。宜瀏片。宜春片。上高片。樟樹片
　　　　　　　　　　吉茶片。撫廣片。鷹弋片。大通片。耒資片
　　　　　　　　　　洞綏片。懷嶽片
　　　　　湖南贛語：
　　　　　湖北贛語：
　　　　　福建贛語：
　　　　　安徽贛語：

。客　語：（客家語／客家話／土廣東話；客家民系主要語言）
　　　　　客家人係歷史上幾次動盪時期，由華北遷移到華南嘅移民潮。
　　　　　祖先係河南同山西遷移過來嘅，同時又帶來當地嘅語言特色。
　　　　　粵臺客語：梅惠片。海陸片。惠州片。水源片。龍華片
　　　　　　　　　　粵臺片。粵中片。粵北片。粵西片
　　　　　中山客語：神灣客家話。五桂山客家話。坦南村客家話
　　　　　廣西客語：麼個話／麻介話。新民話
　　　　　海南客語：
　　　　　江西客語：寧龍片。於信片。銅桂片
　　　　　閩南客語：汀州片。汀南片
　　　　　閩西客語：
　　　　　四川客語：（土廣東話）
　　　　　陝西客語：

。粵　語：（廣府話／廣東話／唐話／白話；兩廣民系使用語言）
　　　　　秦朝人南下攻取百越地之後，華夏人語言開始傳入嶺南地區。
　　　　　秦朝滅亡之後，南海郡尉趙佗兼併桂林郡同象郡建立南越國。
　　　　　華夏部落融合周邊部落演變成漢族，係粵語出現雛形嘅時期。
　　　　　廣東粵語：廣府片。四邑片。羅廣片。高陽片。桂南片
　　　　　　　　　　粵海片。南番順。莞寶片。
　　　　　粵北土話：韶州土話
　　　　　粵東土話：
　　　　　粵中土話：
　　　　　廣西白話：邕潯片。勾漏片。欽廉片
　　　　　廣西土話：土白話
　　　　　海南白話：
　　　　　湘南土話：
　　　　　越南白話：
　　平話：（廣西、廣東、湖南、雲南部分地區方言籠統稱謂）
　　　　　廣西平話：桂北片。桂南片［傳統上將桂南平話歸入粵語］
　　　　　閩語平話：［閩東語］
　　　　　湘南土話：［分佈湖南嘅郴州同永州一帶］

。閩　語：（福建話／閩南話／閩北話／莆仙話；閩越民系語言）
　　　　　福建地區最早係百越族嘅七閩地，喺春秋時期屬於越國地界。
　　　　　戰國後期，越國畀楚國所滅，越國王族退到福建建立閩越國。
　　　　　越國移民同當地嘅原住民融合成為閩越族，又形成咗閩越語。
　　　　　福建閩語：閩東片。侯官片。福寧片。莆仙片。邵將片
　　　　　　　　　　閩南片。泉漳片。大田片。閩北片。閩中片
　　　　　臺灣閩語：臺灣話。閩南話
　　　　　江西閩語：東鄉片
　　　　　折江閩語：蠻　講。浙南片
　粵閩語：（潮州話／汕頭話／學佬話／雷州話／崖話；潮汕民系語言）
　　　　　粵東閩語：潮汕片。海陸豐。新惠片
　　　　　粵中閩語：中山片。隆都片。東鄉片。三鄉片
　　　　　粵西閩語：雷州片
　　　　　海南閩語：瓊文片。府城片。文昌片。萬寧片
　　　　　　　　　　崖縣片。昌感片。
＊＊

。徽　語：（徽州話；新安江流域同古徽州府核心區域使用語言；與吳語關係密切）
　　　　　安徽徽語：語旌占片。績歙片。休黟片。祁德片。嚴州片

。晉　語：（山西話；北方漢族地區語言；與吳語關係密切）
　　　　　山西、陝北、河套等地區的主要語言
　　　　　山西晉語：志延片。大包片。并州片。呂梁片。汾州片
　　　　　　　　　　興隰片。上黨片。五台片。張呼片。邯新片
　　　　　　　　　　磁漳片。獲濟片

＊＊

語言學家又分析，廣義上嘅〔廣東話〕係指［廣東地區內嘅語言同方言］，即係廣東當地嘅通用語言，包括：粵語〔廣府話〕、潮語〔潮州話〕、客語〔客家話〕等，係屬於成個廣東地區上嘅統稱；狹義上嘅〔廣東話〕就係特別指〔廣州話〕，亦係今日我哋喺粵語電影裡面聽到嘅〔粵語〕。而將粵語稱做〔廣東話〕，亦係香港人常用嘅叫法，喺其他地區會稱粵語做〔廣府話〕或〔廣州話〕。



廣義上廣東地區統稱嘅〔廣東話 gwong2 dung1 waa6〕係包括：

。粵　語：又叫〔廣州話、廣府話、省府話、白話、唐話〕；
　　　　　主要分佈喺珠江三角洲同埋粵西地區；
　　　　　估計全球約有 1.2 億人使用粵語。

。潮　語：又叫〔潮州話、潮汕話〕，係〔閩南話〕嘅分支；
　　　　　主要分佈喺原潮州府嘅汕頭市、潮州市、揭陽市；
　　　　　估計全球約有 8 千萬人使用閩潮語。

。客　語：又叫〔客家話、粵東話、涯話、土廣東話〕；
　　　　　主要分佈喺粵東、粵西同埋粵北地區；
　　　　　估計全球約有 5 千萬人使用客語。

狹義上〔廣東話〕就係特別指廣東珠三角地區嘅〔粵語〕統稱，包括：

。廣府話：廣州話：城內話。西關話。西村話
　　　　　南番順：南海話。番禺話。順德話
　　　　　四邑話：台山話。開平話。恩平話。新會話。鶴山話［五邑］

。水上話：蜑家話。沙田話

。香港話：圍頭話。粵語夾雜英語同日語

。澳門話：粵語夾雜葡萄牙語

＊＊

另外，狹義上嘅［粵語］，又叫做（標準粵語），主要係包括：廣府話、廣州話、香港話、澳門話等。而廣義上嘅［粵語］，係漢語語言學嘅術語，指主要分佈喺廣東廣西、香港澳門地區特定嘅一支漢語大方言區，佢哋嘅典型代表［粵語］，重包括主要分佈喺粵西、廣西地區嘅粵語之外嘅其他成員，例如［白話、土白話］等。

＊＊

百越民族 baak3 jyut6 man4 zuk6



嚴格來講［百越］並唔係一個民族嘅名稱，百越係古華夏人對南方［長江以南］民族嘅統稱。夏朝稱［于越］，商朝稱［蠻越］，周朝稱［揚越］、［荊越］。而實際上存在嘅眾多民族之中，根據地域有唔同嘅稱呼。歷史記載較多嘅有：

。吳　越：［江蘇南部同浙江北部一帶］

。閩　越：［福建一帶］

。揚　越：［江西同湖南一帶］

。南　越：［廣東一帶］

。西　甌：［廣西一帶］

。駱　越：［越南北部同廣西南部一帶］

。不知名：［就更係不計其數］

百越民族，係亞洲南部一個古老嘅多民族群體，佢哋分布喺：

。中　國：〔壯、侗、傣、布依、仫佬、毛南、黎〕等七個民族
。越　南：〔岱、儂、泰、布依、熱依、高欄〕等六個民族

佢地都可以視為係〔壯侗民族〕，而下面呢啲族群又叫做〔傣泰民族〕：
。中　國：〔傣族〕
。寮　國：〔佬族、普泰族、泐族、潤族、央族、賽克族〕
。泰　國：〔泰族〕
。越　南：〔泰族〕
。馬來西亞：〔泰族、佬族〕
。柬埔寨：〔泰族、佬族〕
。緬　甸：〔撣族〕
。印　度：〔阿豪姆人〕阿薩姆邦
上面嘅八個國家都係同源異流嘅民族，同古代百越民族有著好深厚嘅歷史親緣關係。

以〔百越〕為主體發展而來嘅民族主要係〔壯侗語族〕嘅各個民族，語言分有：
。壯　語：〔廣西、雲南、廣東〕
。布依語：〔貴州〕
。傣　語：〔雲南〕
。侗　語：〔湖南、貴州、廣西〕
。水　語：〔貴州〕
。仫佬語：〔廣西〕
。毛南語：〔廣西〕
。黎　語：〔海南島〕
。泰　語：〔泰國〕
。寮　語：〔緬甸東北部〕
。撣　語：〔緬甸東北部〕
。黑泰語：［越南西北部〕
。白泰語：〔越南西北部〕
。儂　語：〔越南東北部〕
。岱　語：〔越南東北部〕
。土　語：〔越南北部〕
。阿含語：〔印度阿薩姆邦〕

語言學家又將〔壯侗語族〕叫做〔侗台語族〕，重劃分為兩個語支、五個語群，即係；

台語支分為：
。北部語群：［壯語北部方言、布依語同分布喺泰國北部嘅石語］
。中部語群：［壯語南部方言、越南東北部嘅儂岱語等］
。西南語群：［泰語、寮語、撣語、阿含語］
　　　　　　［越南西北部嘅黑泰語、白泰語、紅泰語］
　　　　　　［雲南傣語］

侗水語支分為：
。侗語群：［侗語、仫佬語］
。水語群：［水語、毛南語］

而語言學家嘅結論，就係分布喺大陸南方同中南半島嘅眾多民族喺語言文化上嘅共性係巨大嘅，同樣表明咗呢啲民族之間有著好深厚嘅歷史親緣關係。

＊＊

編：廣東話資料館及版友聯合
圖：蕭南仁［2016年］
資：中國歷史．漢語．維基百科
　　中國歷史座標尺［2007年］
　　香港粵語的前世今生［港語學］
　　廣東話資料館［版友專家］

＊＊

經典回憶［每日一字］重溫1996年



每日一字，係香港無線電視喺1983年至1987年所播放嘅一個電視資訊節目，由林佐瀚主持，喺每日嘅下晝6點25分播出（每集大約3分鐘，用廣東話講解嘅）。每日都會介紹一個中文字，重會介紹每個字嘅正確讀音、用法，同埋糾正人對嗰個字嘅誤解，而呢個節目喺當時好受歡迎。喺呢三年幾嘅時間，林佐瀚教曉咗觀眾過千個中文字。

呢集介紹啲乜？

。噤　　　［說文：噤，口閉也。從口禁聲］
。噤　聱　［閉口不言；不出聲或小聲］
。噤　窄　［悶在心裏不說］
。噤　口　［住口；不許再說下去］
。噤　門　［關門］
。噤　滲　［瑟縮寒戰］
。噤　頤　［微動其頰；細語］
。噤　戰　［咬緊牙關打顫］
。噤口捲舌［緘默不言］
。噤口不言［啞口無言］
。噤如秋蟬［閉口不作聲］
。噤若寒蟬［閉口不作聲］

。寒　噤　［身體因受冷、受驚或疾病而微微顫動］
。打個寒噤［粵語：打個冷震］

主持：林佐瀚［兼資料搜集］
助導：錢國偉
編導：吳志雄
監製：黃孝廉
製作：無線電視

＊＊



＊＊

香港語文。廣東話資料館

香港［巴士迷］術語

巴士［Bus］，相信大家一定搭過，而且有可能係每日都要搭嘅㖭。
車長［巴士司機］埋站休息時，坐埋一齊吹水嘅行內術語；
又或者係一啲巴士迷所講嘅術語，你又知道幾多個呢？

＊＊———————————————————————————————

巴士［迷］術語［歡迎提供資料以作修正］

＊＊———————————————————————————————

２＋２　　指巴士唔設三座位，車身兩邊都係放二個座位

３＋２　　指巴士設有三座位，車身一邊放三座位，另一邊放二座位

ＦＣ凳　　ＦＣ椅，係［Fainsa Cosmic］牌子嘅巴士座位

Ｌ凳　　　Ｌ椅，係［Lazzerini］牌子嘅巴士座位

ＭＢ　　　Meal Break，係指車長［巴士司機］用膳嘅時段

Port 車　　Port 係英文［Report］嘅發音字，例如 Port 冷氣唔夠、上斜冇力等
　　　　　即係車長［司機］向公司投訴巴士入面發生嘅問題

ＲＳ擋　　RoadShow 擋
　　　　　大銀幕上面中央黑色位置，而有關黑色位置，係安裝路訊通電視機預留位

ＴＢ　　　Tea Break，指巴士司機嘅小休時段

Tup 車　　巴士公司派車組臨時取消巴士正常行車車序，方便做車務調動

Ｖ凳　　　Ｖ椅［Vogelsitze System］
　　　　　係 System 400/4、System 400/6 嘅巴士座位（唔包括快餐凳）

一哥　　　係指樣版車或者車隊編號組數字係第一位
　　　　　例如：201、601、701、801 等

九字頭　　龍運巴士車長嘅編號

九記　　　九巴［九龍巴士］嘅別稱

八仔　　　八達通嘅別稱

八仔機　　巴士上有嘅八達通機

三叔　　　新巴新入職車長，員工編號［3］字開頭

六叔　　　九巴月薪車長，員工編號［6］字開頭

六嬸　　　九巴月薪車長，員工編號［6］字開頭

大地震　　指一連串大規模嘅車務調動

大陣　　　巴士底盤主陣，指採用雙大樑主陣兩條大樑

大銀幕　　指雙層巴士上面嘅擋風玻璃

中門　　　指巴士中間落客車門

中記　　　中華巴士嘅別稱（佢嘅專利巴士服務已經俾新巴同城巴接手）

戈巴牌　　戈巴［Gorba］嘅電子路線顯示牌

水牌　　　貼喺車身上嘅製造商標誌同型號牌

水塘位　　指部分巴士車廂內喺下層中門後空間所設嘅座位俾拆走，
　　　　　通常喺一啲繁忙路線或者流水線等較為上落頻繁路線．
　　　　　行駛嘅巴士出現，因為大到似水塘，所以叫水塘位

水塘車　　帶有水塘位嘅巴士，落車門後面幾排座椅拆咗，用嚟增加企位

火位　　　指某啲巴士拐彎時，可能會出現唔夠位，或者要偷位轉彎嘅路段行車線

牛河　　　以前叫［遊河］，即係遊巴士河

牛油盅　　指巴士車輪軸啤令蓋，新巴4035上層車頭嘅路訊通［電視機組件］

出走　　　指原屬某條路線嘅掛牌車行走唔係嗰條巴士嘅掛牌路線

加冷　　　一條巴士線內，部份非冷氣巴士掛牌轉為冷氣巴士

加金　　　九巴專用術語
　　　　　一條巴士線部份非低地台冷氣巴士，掛牌轉為低地台冷氣巴士

功課紙　　指巴士司機每日嘅行駛記錄紙

卡佬　　　指車長，而師兄同師傅就係巴士迷對車長嘅稱呼

四個冧把　四個［number］，以前係指資深車長，依家指新入職車長

囚車　　　係因為雙層巴士上層安有兩條金屬柱後，好似囚車一樣咁款而得名

布牌　　　捲動式路線顯示牌，以前係用布做，已經改用塑料製，
　　　　　現為部分城巴、新巴同單層九巴所用

打大　　　巴士開出時間比原定嘅開車時間早

打波子　　指車長駛半自動擋，舊式巴士時换擋嘅操作

打算盤　　指車長駛半自動擋，如丹拿／利蘭嘅舊式巴士時换擋嘅操作

白車　　　指九巴所有非低地台冷氣巴士

白板　　　指九巴所有非低地台冷氣巴士

白馬　　　九巴冷氣巴士，九巴將冷氣巴士油上白色

企站　　　車站嘅站長

全冷　　　一條巴士線內所有非冷氣巴士掛牌轉為冷氣巴士

全金　　　一條巴士線內所有非低地台冷氣巴士，掛牌轉為低地台冷氣巴士
　　　　　（九巴專用術語）

吉車遊街　指巴士由原總站去目標總站時，沿途都冇乘客上車

字軌車　　巴士一直都係固定行一條路線，有規定出車次序
　　　　　（新巴、城巴同中巴通用術語）

孖柱　　　指雙層巴士上層最近前面大銀幕嘅兩條金屬柱

孖條　　　係指雙層巴士上層最近前面大銀幕嘅兩條金屬柱

冷馬　　　冷氣巴士，車上有空調

尾閘　　　指巴士尾落客車門

快餐凳　　快餐椅［Vogelsitze System 600］巴士座位，因為座位似快餐店座椅而得名

改牌　　　指已經俾人改咗嘅膠牌嘅指落客車門牌

更紙　　　Waybill，指巴士司機每日行駛記錄紙，每程車到總站時必需向站長簽到

牢騷　　　No Show［Road Show］係巴士上面嘅電視冇播放節目

私牌　　　巴士暫停載客，有「私家車」或者「暫停服務」字樣

私了　　　巴士暫停載客，有「私家車」或者「暫停服務」字樣

車手　　　指某啲車長駛得好快

車陣　　　巴士嘅底盤

車隊編號　每一架巴士都有獨一嘅車隊編號做識別之用，
　　　　　九巴同部分新巴通常由數字同英文字組成，
　　　　　貼喺車頭嘅廠徽附近，前中巴嘅新巴同全數城巴巴士，
　　　　　就只用數字組成，貼喺車上各部分

車頭　　　巴士引擎

乳豬　　　巴士路線顯示牌

乳豬紙　　巴士路線資料紙

乳豬盤　　存放路線資料紙嘅架，呢個設施可以喺巴士站同九巴巴士車上搵到

兩味車　　只喺上午或下午繁忙時間開出嘅巴士

忠記　　　冠忠巴士嘅別稱

拖卡　　　當巴士路線有三架或以上同時出車、埋站或同時前後腳咁跟隨行駛時，
　　　　　狀似火車拖卡，拖卡通常有集體［碌車］、［搏過鐘］之嫌

抬車頭　　即係更換引擎，因舊式巴士嘅引擎設喺車頭而得名

波板糖　　指九巴嘅圓形巴士停車站牌，佢嘅形狀好似波板糖而得名

波浪巴　　新巴 1001、6008 同 6018

直　　　　指配直樓梯設計嘅低地台冷氣巴士

肺癆車　　上斜冇力嘅巴士

返圈　　　車長喺休假期間開工嚟搵額外工資

金巴　　　九巴低地台巴士

金車　　　指九巴所有配香檳色嘅低地台冷氣巴士

長勝　　　係因為龍運巴士嘅英文名叫［Long Win］，中文字面翻譯成［長勝］

便衣　　　便裝巴士稽查

前門　　　指車頭上客車門

城記　　　城巴嘅別稱

城蠅　　　城市烏蠅，城巴機場快線所用嘅車隊

急凍　　　指一條巴士線喺仍有非冷氣巴士收費模式下，
　　　　　但所有非冷氣巴士掛牌已轉為冷氣巴士嘅情況

柯打　　　係英文［Order］嘅音譯

柯打車　　即係 Order車，指某啲固定掛牌車，俾臨時調配到非掛牌路線行走，
　　　　　要走幾轉某啲唔同路線，做完其他路線若干轉後，就會返到原本編定嘅路線

流水　　　即係流水線，指上落客停站頻繁嘅路線

流水線　　幾乎個巴士站都會有乘客上落車路線

皇家飯　　少過半個鐘嘅用膳時間

風琴腳　　駛車時唔停咁重覆大力踩油同收油嘅動作

風機　　　指部分喺非冷氣巴士車內裝設嘅抽風同送風系統，
　　　　　車內一格格或者類似網狀嘅物體，不過所有非冷氣巴士風機都已經被拆除

飛站　　　指巴士唔停原定嘅巴士站，指巴士載滿乘客而唔停站，
　　　　　喺冇有乘客落車嘅情況下，唔停原定要停嘅巴士站

食柴　　　係虛耗柴油，即係白費燃料嘅意思

食柴線　　指平均車齡高，班次疏落，乘客稀少嘅路線、地區或者車廠

哥巴牌　　哥巴［Gorba］嘅電子路線顯示牌，九巴巴士專用

師兄　　　指車長，而師兄同師傅就係巴士迷對車長嘅尊稱

師姐　　　女車長，而師兄同師傅就係巴士迷對車長嘅尊稱

師傅　　　指車長，而師兄同師傅就係巴士迷對車長嘅尊稱

捕車　　　巴士迷守候指定嘅巴士，準備拍攝

烏蠅　　　城巴機場快線所用嘅車隊

特見　　　唔係行走本身班次，而去代替同線其他掛牌車

神龍擺尾　尾跨特長嘅巴士，喺轉大角度彎位時嘅神態

鬼面罩　　車頭散熱器嘅罩或者紗網，但唔適用於三叉戟同超豪

偷撻　　　巴士開出時間比原定嘅開車時間早

偷士撻　　巴士開出時間比原定嘅開車時間早

國產牌　　由〔鴻隆〕生產嘅國產電子路線顯示牌，九巴巴士專用

國寶　　　九巴車隊之中，高車齡行將退役嘅巴士

國寶車　　車齡極高嘅巴士，亦可以指古典巴士

掛牌車　　巴士一直都係行走固定一條路線，無規定出車次序（九巴通用）

蛇車　　　只喺上午或下午繁忙時間開出嘅巴士


釣金魚　　車長偷錢箱錢，用鐵線將銀仔逐個釣出來

頂閘　　　指巴士滿座，乘客多到連閘門都頂著

魚蛋灣　　魚蛋灣公司，係愉景灣航運嘅別稱

麻雀房　　因為水塘位空間夠大，足以用來「開檯」而得名

偈　　　　引擎

勞改　　　如果畀公司調派走新巴82M線嘅巴士，會俾人講成〔架車畀人調去勞改〕

勞改線　　係指路程非常短嘅巴士線，尤其指新巴嘅82M線

單層鳩　　單層巴士

陽光　　　陽光巴士嘅別稱

黃巴　　　黃巴士，指落馬洲過境巴士，以巴士車身為黃色而得名

愛車　　　指巴士迷心目中最鍾意嘅巴士，可以多過一架

愛線　　　指巴士迷心目中最鍾意嘅巴士路線，可以多過一條

搖骰仔　　行駛中巴士突然急停，攪到車上乘客向前衝

新記　　　新巴嘅別稱

碌車　　　指某啲車長駛得好慢

腸牌　　　指扁身嘅數字膠牌

解凍　　　被移除冷氣系統嘅巴士，過去有三部九巴曾經被移除冷氣

跟尾狗　　由永恆討論區站長首創，係指自己車喺同一巴士站嘅前列置，
　　　　　而自己車之前其他巴士停喺較後位置準備上落客，
　　　　　但自己車車長喺安全情況下冇爬頭，
　　　　　反而等前面嘅車上落客完後，
　　　　　再跟住前車駛到屬於自己車停車位置，
　　　　　但係已經浪費可能幾分鐘時間

跟車　　　巴士迷守住相熟車長駛嘅巴士，而冇畀車費

跟車　　　另一種訓練車長嘅方法，開新線時坐喺導師旁邊，睇著導師駕駛以方便行走

路訊通　　指巴士上裝有路訊通［RoadShow］戶外媒體廣播系統

跳飛機　　指新巴同城巴嘅字軌車長每日駛兩條線或以上，
　　　　　由原本駛開路線跳去駛另一條線，因有啲似遊戲跳飛機而得此稱

跪車　　　巴士喺行走期間故障拋錨

運吉處　　運輸署嘅謔稱，常用於批評運輸署交通政策

達智　　　各公司嘅［Dart］，係 Dart 嘅中文音

電子牌　　電子路線顯示牌

電巴士　　裝有電子牌嘅巴士，取電子牌中〔電〕字

電牌　　　電子路線顯示牌

撈騷　　　RoadShow 播放節目，令部分乘客不勝其煩而發［牢騷］

歐偈　　　歐一偈至歐五偈，即符合指定歐盟排放標準引擎

歐一偈　　指符合歐盟一期排放標準引擎，餘此類推

歐三偈　　指符合歐盟三期排放標準引擎，［Enviro500］冷氣雙層巴士

歐五偈　　已經有廠商提供九巴改裝同進行試驗

歐前　　　歐盟前期，未符合歐盟一期排放標準嘅引擎

潛水　　　係指［過海］

熱狗　　　冇冷氣巴士，非空調巴士

稽查　　　督察

膠牌　　　膠板式路線顯示牌，九巴同九廣巴士專用

賣血　　　車廠員工俾公司調派去駛巴士，車長編休，自己向派更組申請返工

賣血車　　實為工程部出車，喺工程部剛維修好嘅巴士常用

踢車　　　巴士到終站時遲到，要彌補班次缺失時間，或者其他路線因事故而引致缺班，
　　　　　畀總站站長［踢走］離開總站去補班，或者掛私牌追時間，或者中途起載

導航位　　指巴士下層最接近上客前門嘅頭排座位，有與巴士司機「導航」嘅用意

操車　　　訓練車長嘅方法，主要係按照車型進行教授

激特　　　指平日好少會見到嘅情況

獨大　　　平均車齡好低，或者派車質素唔差

頭閘　　　指車頭上客車門

龍運　　　長勝 LWB，龍運巴士嘅別稱

龍頭鳳尾　巴士打尖插入埋站車龍之中，但係車尾仲未能完全駛入車龍入面

嶼記　　　新大嶼山巴士嘅別稱

虧車　　　指巴士迷心目中性能最差嘅巴士，可以多過一架

畜車　　　？

虧線　　　指巴士迷心目中蝕本最多嘅巴士路線，可以多過一條

畜線　　　？

斷纜　　　巴士脫班

蟻王　　　同〔碌車〕，指某啲車長駛得好慢

鹹魚　　　巴士乘客，尤其係影響行車安全嘅乘客；或者企喺度嘅乘客

攝車　　　係巴士公司派車方法，如果喺某啲路線唔夠車用時，可以臨時插入車輛行走

鐵巴　　　港鐵接駁巴士，前九廣鐵路接駁巴士同港鐵巴士嘅別稱

曬命線　　指經過人流旺區而派新車嘅巴士路線

玩　牌　　？

控　牌　　？

控　車　　？

香　相　　？

有　貨　　？

＊＊———————————————————————————————

巴士［型號］術語［歡迎提供資料以作修正］



＊＊———————————————————————————————

Ｅ蛇仔　　ＥＳ牌，係九巴丹尼士11米，呢批車用康偈引擎，極速高

ＲＳ車　　RoadShow車，又稱［撈騷車］
　　　　　常見喺部分［Enviro400］、［Enviro500］同［Wright］車身嘅雙層巴士

Turbo M 　爬山都，裝有康明斯［LTA10］引擎嘅都城嘉慕

大口蘭　　九巴［AL136-AL150］
　　　　　最後一批利蘭11米冷氣，用上水塘豪車身，但車冇設水塘

大水箱　　配［Plaxton］車身嘅富豪奧林比安冷氣12米

大肚婆　　指［Wright Eclipse Gemini］殼〔包括第二代〕嘅車

水塘豪　　奧林匹克［Olympian］11M/12M，2+2 seats 2+2，有大量企位，稱為水塘

火箭　　　薛頓〔Seddon〕車系

牙簽陣　　冇大樑設計嘅巴士底盤
　　　　　指1980至2000年代初營運嘅，平治O305型雙軸雙層巴士

加一車　　指小巴或者中巴型九巴，已裂全數退役

加二車　　九巴短單層巴士，例如：Dennis Dart、Mitsubishi 牌巴士

加三車　　九巴長單層巴士，如：Dennis、Lance 等

加四車　　任何短過11米的雙層巴士，又叫［短鳩］
　　　　　根據九巴定義，包括所有雙軸非冷氣巴士、ASV、ATS、ATSE同ADS

加五車　　任何11米或者以上嘅九巴雙層巴士

白水箱　　英國［Tilling Stevens］車系

西瓜波　　指亞歷山大丹尼士有限公司 Alexander Dennis Limited，
　　　　　因為佢嘅標誌好似西瓜波而得名

你好平　　Neoplan Centroliner，Neoplan 音似中文〔你好平〕

老虎豪　　KMB S3V，相對老虎頭

利寶輪　　或者叫先進，利奧普林〔Neoplan〕車系

李老闆　　同〔利寶輪〕，利奧普林〔Neoplan〕車系

男人　　　猛獅〔MAN〕車系

車皇　　　平治 Bens O305 (ME) 型，以前車速超過90km/h，以前為屯公霸王，無車能及
亞記　　　指配亞歷山大〔Alexander Bodywork〕車身巴士

兩軸鳩　　兩軸金色短巴士，即ATSE, AVBWS

爬山都　　Turbo M，裝有康明斯［LTA10］引擎嘅都城嘉慕

金Man　　九巴［Man 24.310］
　　　　　九巴將低地台巴士油上金色同用［Man］字

紅番頭　　新亞歷山大車身的中巴佳牌阿拉伯五型

飛標　　　丹尼士達智〔Dennis Dart〕車系

廣州利蘭　九巴［S3BL174］
　　　　　車俾火燒後重裝大陸車身，內籠似冷馬，已經退役

假Ｅ蛇　　九巴［S3N92］
　　　　　原本用吉偈引擎，重裝車身後外形同E蛇仔差唔多

假冷馬　　九巴［S3BL174］
　　　　　車俾火燒後重裝大陸車身，內籠似冷馬、用黃色扶手，已經退役

假富豪　　九巴［AL27］，［AL118］
　　　　　兩部俾火燒後重裝，換咗富豪巴士車身嘅利蘭

假熱狗　　九巴利蘭［AL1］
　　　　　呢架車係全九巴首部試驗成功嘅冷馬，但外形似［S3BL：1-370］

假熱豪　　九巴［S3BL364］
　　　　　車俾火燒後裝上熱豪車身，但係用吉偈引擎

密籠　　　九巴丹尼士11米，因下層車尾密封，所以叫密籠

康偈利蘭　九巴利蘭其中一批，用加［ZF 4HP590］波箱，極速驚人

康偈蘭　　同〔康偈利蘭〕

蛋撻　　　同〔德仔〕，丹尼士達智／飛鏢〔Dennis Dart〕車系

都　　　　都城嘉慕〔Metro-Cammell Weymann〕車系

船　　　　依家［Neoplan］多咗呢個稱呼，因為避震軟，行到好似船

棺材車　　九巴［Man 24.310］
　　　　　MAN，四四方方似棺材

短扒　　　富豪超級奧林匹克10.6米冷氣巴士，短豬扒嘅簡稱

短超豪　　九巴［Super Olympian 10.6M］
　　　　　富豪超級奧林匹克10.6米冷氣巴士，比正宗超豪短

短鳩　　　原本係指［ADS］
　　　　　依家係指十米或以下，冇乜用重短人一截嘅巴士

短躉　　　三叉戟10.6米冷氣巴士，車躉較12米躉短，只有10.6米

超豪　　　九巴〔Volvo Super Olympian〕車系
　　　　　富豪超級奧林匹克12米冷氣巴士
　　　　　攞中文超級富豪奧林匹克嘅〔超豪〕兩個字

超激特　　比激特更加少見，通常呢啲情況只會維持一日至兩日

開籠　　　九巴丹尼士11米，為密籠之後出牌，下層車尾有梗窗，所以叫開籠

獅子頭　　又叫〔老虎頭〕
　　　　　九巴［S3BL421］至［S3BL470］，資料不詳

禍根　　　指配傲群〔Volgren〕車身巴士

豪　　　　富豪奧林比安〔Volvo Olympian〕車系

彈波子　　指車長駛半自動擋，舊式巴士時换擋嘅操作，换擋時左手不停撥動
　　　　　貌似使用算盤或打波子那般，手指唔停撥上撥落，
　　　　　〔喺香港，半自動擋嘅專利巴士已經全部退役〕

德仔　　　丹尼士達智／飛鏢〔Dennis Dart〕車系

熱富豪　　富豪奧林匹克11米，熱狗富豪奧林匹克

豬　　　　同〔超豪〕

豬扒　　　富豪超級奧林匹克12米冷氣巴士，Super音似中文〔豬扒〕

撻仔　　　同〔德仔〕，丹尼士達智／飛鏢（ Dennis Dart ）車系

鵝蛋　　　指［Wright Eclipse Gemini］殼〔包括第二代〕嘅車

錯體利蘭　九巴［AL120］，車頭似富豪，同其他利蘭唔同

龍　　　　丹尼士巨龍〔Dennis Dragon〕車系

聲噪　　　同〔李老闆〕，利奧普林〔Neoplan〕車系

雞　　　　利蘭勝利二型〔Leyland Victory II〕車系

雞乸　　　紳佳／世冠〔Scania〕車系

寶　　　　丹拿／利蘭珍寶〔Daimler / Leyland Fleetline〕車系

躉　　　　丹尼士三叉戟〔Dennis Trident〕車系，Trident嘅dent音

鹹蛋　　　指 Wright Eclipse Gemini 殼〔包括第二代〕嘅車

蘭　　　　利蘭〔Leyland〕車系

鐵甲威龍　丹尼士 Enviro500〔Dennis / Alexander Dennis Enviro500〕車系

鐵板燒　　同〔都〕，都城嘉慕〔Metro-Cammell Weymann〕車系

變色龍　　同〔利寶輪〕，Neoplan Centroliner［AP131,AP132］
　　　　　九巴將歐三油成變色車身

驚你呀　　九巴紳佳N113，Scania中文音似〔驚你呀〕

＊＊———————————————————————————————

譯：蕭南仁．2016年2月26日

＊＊———————————————————————————————



＊＊———————————————————————————————

術語連篇。廣東話資料館

香港記憶［街道別名名稱］

香港嘅交通四通八達，錯綜複雜，街道眾多，已經刊憲命名同年代太久遠而冇刊憲命名嘅街道，再加上啲私家街道，總共有成四千幾條，而呢啲街道名稱亦五花八門。

由於香港曾經係英國殖民地，所以當中亦有部份街道名稱係用英國地名或人名而命名，不過喺英國管治下，亦有唔少街道係用中國地方名或城市名來命名，呢種中西文化匯聚，互相包容，亦成為香港嘅特色文化嘅一部分；

另外，有啲街道名稱係用一啲吉祥用語或者字眼來命名。亦有啲係用香港開埠嘅各行各業同埋社區發展配合上嘅街道別名名稱。

〔歡迎提供資料修正〕

＊＊

香港島區

。春秧街　　Chun Yeung Street，別名［小福建］、［小上海］
　　　　　　由［糖水道］開始，去到［北角道］。嗰度有春秧街街市。
　　　　　　春秧街呢個名係來自以前當地嘅福建人開發商［郭春秧］。

　　　　　　

。柴灣道　　Chai Wan Road，別名［長命斜］，［斜度1:10］
　　　　　　由［筲箕灣道］開始，去到柴灣嘅［小西灣道］。
　　　　　　長命斜係指嗰啲斜度好高而且又長嘅馬路，而香港出名嘅長命斜就有：
　　　　　　。炮台山道［斜度1:8］北角
　　　　　　。柏架山道［］鰂魚涌
　　　　　　。奧卑利街［］中環
　　　　　　。正　街　［斜度1:4］西營盤
　　　　　　。東邊街　［斜度1:6］西營盤
　　　　　　。西邊街　［斜度1:6］西營盤
　　　　　　。鴨巴甸街［］西營盤
　　　　　　。山道天橋［斜度1:10］
　　　　　　。薄扶林道［斜度1:10］薄扶林
　　　　　　。水塘道　［斜度1:5］香港仔
　　　　　　。窩打老道［斜度1:8］九龍塘上獅山隧道段
　　　　　　。清水灣道［斜度1:8］牛池灣彩雲至飛鵝山道入口段
　　　　　　。沙田坳道［斜度1:5］黃大仙竹園邨至慈雲山段
　　　　　　。士林路　［］沙田中文大學連接逸夫書院同大學本部段
　　　　　　。西貢公路［斜度1:8］西貢　
　　　　　　。屯門公路［］由荃灣入口一直過咗麗城花園為止

。北角道　　North Point Road，別名［四十間街］
　　　　　　由英皇道、北景街交界開始，去到和富道。

。太原街　　Tai Yuen Street，別名［玩具街］
　　　　　　太原街因為開咗好多賣玩具嘅舖頭，所以又叫做［玩具街］。

。厚誠街　　Houston Street，別名［銅鑼灣食街］
　　　　　　厚誠街一帶喺1980年代開始成為食肆集中地，當時已經有［食街］之稱。
　　　　　　之後喺1990年代恆隆地產將嗰度包裝成為［名店坊］，變成名牌服飾店。

。渣甸坊　　Jardine's Crescent，別名［女人街］
　　　　　　渣甸坊東段係一個賣乾貨露天街市，係個日用品小販區。
　　　　　　渣甸坊入面有一座香港政府建築物室內街市，個名叫［燈籠洲街市］。

。利東街　　Lee Tung Street，別名［喜帖街］、［喜帖街／囍帖街］、［印刷街］
　　　　　　已拆，現已改做商場同行人通道嘅一部分。

。皇后大道　Queen's Road，別名［大馬路］
　　　　　　皇后大道係香港開埠之後起嘅第一條馬道路。

。堅尼地道　Kennedy Road，別名［二馬路］
　　　　　　係香港起嘅第二條馬路，喺日治時期曾被改名為［東大正通］。

。寶雲道　　Bowen Road，別名［三馬路］
　　　　　　寶雲道喺日治時期曾被改名為［霧島通］。

。伊利近街　Elgin Street，別名［坭街］、［泥街］
　　　　　　伊利近街係由中環荷李活道南，去到半山嘅堅道。
　　　　　　條街路面早期係用泥土鋪成嘅，到落雨條街就滿佈泥濘；
　　　　　　就算好天，都係會有好多泥塵，所以呢度以前係俗稱叫［泥街］。

。士丹頓街　Staunton Street，別名［卅間街］、［師姑街］
　　　　　　士丹頓街係由奧卑利街開始，去到必列者士街同城皇街。
　　　　　　卅間街，聽講話以前喺呢度有個富商一口氣買咗三十間樓而得名嘅。
　　　　　　師姑街，喺六十年代呢度因為成為庵、寺、館嘅集中地而得名嘅。
　　　　　　乾亨行，士丹頓街13號，係以前［興中會］嘅創會總部。

。同樂徑　　別名［育民里］

。康樂廣場　Connaught Place，別名［怡樂街］
　　　　　　1970年，由香港置地起咗當時全亞洲最高嘅［康樂大廈］，
　　　　　　而圍繞大廈嘅三條內街分別係：怡樂街、海樂街、星樂街，
　　　　　　後來喺1975年畀政府合併成同一條街，叫做［康樂廣場］。
　　　　　　之後喺1988年康樂大廈改名做［怡和大廈］，而康樂廣場名稱維持不變。

。紅棉路　　Cotton Tree Drive，別名［木棉道］、［木棉徑］Kapok Drive
　　　　　　紅棉路舊名叫［木棉徑］，因為以前嗰度有好多木棉樹而得名嘅。

。普樂道　　Pollock Path，別名［丹墀道 ］Tanderagee Road
　　　　　　普樂道 ，係一條掘頭馬路，舊名叫［丹墀道］。

。水坑口街　Possession Street，別名［波些臣街］
　　　　　　水坑口街嘅舊名叫［波些臣街］，係香港最古老嘅大街。
　　　　　　而 Possession Point，意即［佔領角］或［佔領點］。

。德輔道　　Des Voeux Road，別名［電車路］
　　　　　　德輔道中同西嘅分隔處喺上環，電車就沿德輔道中向德輔道西而行。
　　　　　　喺日佔時期，德輔道曾經被更名做［昭和通］。

。砵甸乍街　Pottinger Street，別名［石板街］
　　　　　　原街只係行人，上山時斜路時樓梯，舖晒石板，所以又叫石板街。
　　　　　　後尾跟起路填海，向北面海皮伸入填地，而呢段路就可以行車。
　　　　　　喺二次大戰前，砵典乍街曾經設有防空隧道，依家已經廢置。

。擺花街　　Lyndhurst Terrace，別名［倫核士街］
　　　　　　倫核士街原本係西洋高級妓院嘅集中地，當年男人去妓院前，
　　　　　　習慣買束花送畀啲妓女，所以吸引咗啲賣花小販喺度擺攤，
　　　　　　後來條街漸漸畀人叫做［擺花街］。

。荷李活道　Hollywood Road，別名［古董街］
　　　　　　開埠早期荷李活道已經係華人嘅聚居地，主要都係低下階層為主。
　　　　　　今日嘅荷李活道亦係著名旅遊地點，主要都係來買中國古董為主。
　　　　　　其中有唔少都係珍貴嘅文物，而呢啲古董嘅來源亦一直受到爭議，
　　　　　　所以香港政府喺推廣旅遊活動時都極少提及荷李活道嘅古董買賣。

。摩羅街　　Lascar Row，別名［古董街］
　　　　　　摩羅街喺皇后大道西同荷李活道之間，畀樂古道分成上街同下街 。
　　　　　　摩羅上街嘅東面就連接住樓梯街，係一條集中賣古董嘅街。

。雪廠街　　Ice House Street，別名［鱷魚街］
　　　　　　雪廠街南段連接近藝穗會雲咸街，係一條單程落山車路。

。文華里　　Man Wa Lane，別名［圖章街］
　　　　　　圖章街，係以人手造公司圖章同卡片，可以即日交貨而出名。

。高陞街　　Ko Shing Street，別名［藥材街］
　　　　　　高陞街，係賣中藥材出名，所以又畀人叫做［藥材街］。

。文咸西街　Bonham Strand West，別名［南北行街］
　　　　　　文咸西街係由文咸東街近水坑口街一段開始，西端連接德輔道西。

。永樂街　　Wing Lok Street，別名［參茸燕窩街］、［海味街］
　　　　　　永樂街兩邊都係賣南北貨海味「鮑參翅肚」為主嘅鋪頭。

。德輔道西　Des Voeux Road West，別名［海味街］
　　　　　　德輔道西嘅舊名係［寶靈海旁西］，是第四任港督寶靈個名。
　　　　　　喺皇后街同正街之間嘅一段德輔道西，亦係海味街嘅一部份。

。干諾道西　Connaught Road West，別名［海味街］、［米街］
　　　　　　喺日治時期，干諾道曾經被改名為［住吉通］。

。梅芳街　　Mui Fong Street，別名［鹹魚街］、［十三隆］

。東邊街　　Eastern Street，別名［鹹魚街］、［鹹魚欄］
　　　　　　東邊街原名［新東街］，用以別於上環太平山街同荷李活道嘅東街。

。永安街　　Wing On Street，別名［花布街］、［大姑街］
　　　　　　已拆，攤檔搬咗去上環［西港城］，只剩下接近德輔道中嘅一截。

。同文街　　Tung Man Street，別名［原料街］、［化工原料街］、［工業原料街］
　　　　　　已拆，只剩下接近德輔道中嘅一截。

。機利文街　Gilman Street，別名［相機街］、［攝影器材街］
　　　　　　機利文街舊稱機利民街，曾經又稱為［花布街］，已拆。

。永勝街　　Wing Sing Street，別名［鴨蛋街］已拆
　　　　　　永勝街以前係個食用蛋品批發市場，
　　　　　　沿街舖頭都係批發鴨蛋、雞蛋、皮蛋、鹹蛋毛、等。

。香港仔　　Old Main Street, Aberdeen，別名［十五間］
　舊大街　　十五間個名係源自嗰度嘅十五間石屋而得名。

。涌　尾　　Staunton Creek，別名［士丹頓灣］
　　　　　　涌尾係指依家黃竹坑嘅一條明渠，當時明渠重係一條河流。
　　　　　　喺香港有好多處地名都有叫涌尾，例如：黃竹坑、船灣、青衣島。

。貝璐道　　Peel Rise，別名［鴨巴甸新道］
　　　　　　貝璐道原名鴨巴甸新路，喺1960年改為現時名稱。

。香港仔　　別名［港鐵利黃橋］
　海峽大橋　係港鐵嘅鐵路橋，連接利東站及黃竹坑站，橫跨香港仔海峽。

。群帶路　　別名［阿群帶路］
　　　　　　資料記載，條路係由赤柱經香港村、石排灣、薄扶林等地去到中上環一帶。
　　　　　　群帶路好長，而以前沿途都有豎立多塊里程碑［群帶路里程碑］。
　　　　　　阿群，原名［陳群］，香港仔水上人，講蜑家話。

＊＊

九龍區

。 廣東道　　Canton Road，別名［廣州道］、［省城道］
　　　　　　廣東道最先開發時叫［勿當拿道］，到1909年之後改稱［廣東道］。
　　　　　　到1970年代，喺佐敦道至西貢街一段廣東道，又有［玉器街］之稱。

　　　　　　

。崇潔街　　Sung Kit Street，別名［紅磡美食街］
　　　　　　現時係一條食肆林立嘅街，又畀人叫做［崇潔美食街］。

。譚公道　　Tam Kung Road，別名［土瓜灣食街］

。美景街　　Mei King Street，別名［土瓜灣食街］

。馬頭圍道　Ma Tau Wai Road，別名［土瓜灣傢俬街］
　　　　　　以前名為［碼頭圍道］，橫跨馬頭圍、土瓜灣同紅磡三個地段。

。城南道　　South Wall Road，別名［泰國街］
　　　　　　城南道出名多泰國餐廳同小食，而九龍城又有「小泰國」之稱。

。獅子石道　Lion Rock Road，別名［校服街］
　　　　　　獅子石道係九龍城嘅遊客購物區，以廉價時裝同精品為主。

。甘肅街　　Kansu Street，別名［玉器街］
　　　　　　至廣東道一段，甘肅街玉器市場

。通菜街　　Tung Choi Street，別名［金魚街］
　　　　　　金魚街又叫［金魚市場］，係由旺角道至水渠道／太子道西嘅一段。

。花墟道　　Flower Market Road，別名［花墟］

。廟　街　　Temple Street，別名［男人街］

。通菜街　　Tung Choi Street，別名［女人街］
　　　　　　女人街係由登打士街至亞皆老街嘅一段通菜街嘅俗稱，屬於油尖旺區。

。花園街　　Fa Yuen Street，別名［波鞋街］、［運動用品街］
　　　　　　波鞋街係由旺角登打士街至亞皆老街一段花園街嘅俗稱。

。洗衣街　　Sai Yee Street，別名［波鞋街］
　　　　　　由旺角登打士街至亞皆老街一段花園街一帶嘅俗稱。

。廣華街　　Kwong Wah Street，別名［槍街］、［軍火街］
　　　　　　廣華街，因附近嘅［廣華醫院］而得名嘅。
　　　　　　由於廣華街集中賣野戰裝備用品，所以有槍街同軍火街嘅稱號。

。諾士佛臺　Knutsford Terrace，別名［九龍蘭桂坊］
　　　　　　諾士佛臺以特色酒吧同埋餐廳聞名，所以有九龍蘭桂坊嘅稱號。

。亞士厘道　Ashley Road，別名［尖沙咀食街］
　　　　　　亞士厘道係尖沙咀一個主要飲食區，南至中間道，北面係掘頭嘅。

。金巴利街　Kimberley Street，別名［韓國街］
　　　　　　金巴利街有好多多韓國餐廳同士多，所以又有［小韓國］嘅稱號。

。康樂街　，別名［雀仔街］
　　　　　　喺亞皆老街至山東街一段，已拆。搬咗去園圃街［雀鳥花園］。

。鴨寮街　　Apliu Street，別名［電子街］、［電子零件街］、［夜冷街］
　　　　　　鴨寮街俗稱［鴨記］，專門賣電子零件同電子產品出名。

。長沙灣道　Cheung Sha Wan Road，別名［時裝街］、［成衣街］
　　　　　　時裝街係以欽州街至黃竹街一段最為密集，係同類批發店鋪嘅集中地。

。南昌街　　Nam Cheong Street，別名［花邊街］
　　　　　　喺基隆街附近一段嘅南昌街，主要係批發同零售織帶、拉鍊同絲帶。
　　　　　　呢啲都係製作服裝花邊嘅材料，所以呢度又畀人叫佢做［花邊街］。

。基隆街　　Ki Lung Street，別名［鈕扣街］
　　　　　　界限街、楓樹街近基隆街一帶，係各種衣物配件店舖嘅集中地。

。汝州街　　Yu Chau Street，別名［珠仔街］
　　　　　　汝州街有賣衣物配件店舖，更有好多專門賣「珠仔」嘅店舖。

　　　　　　呢啲珠仔材料有好多，一般嘅有木材、塑膠、水晶同玻璃等。

　　　　　　通常都係買來做自製首飾、手袋、玩偶之類嘅手工藝品。

。福榮街　　Fuk Wing Street，別名［玩具街］
　　　　　　由南昌街至北河街嘅一段有幾十間批發同零售嘅玩具同精品專門店。
　　　　　　福榮街喺1924年香港開發初期叫做［田寮街］，後來先至改為現稱。
＊＊

新界區

。眾安街　　Chung On Street，別名［荃灣珠寶金飾坊］
　　　　　　眾安街、川龍街及沙咀道一帶珠寶店林立，成為為荃灣珠寶金飾坊。

　　　　　　

。青衣大橋　Tsing Yi Bridge，別名［青衣南橋］Tsing Yi South Bridge

。青荃橋　　Tsing Tsuen Bridge，別名［青衣北橋］Tsing Yi North Bridge

。長青橋　　Cheung Tsing Bridge，別名［藍巴勒海峽大橋］Rambler Channel Bridge

。葵青橋　　Kwai Tsing Bridge，別名［新南橋］、［青衣複制橋］

。青荔橋　　Tsing Lai Bridge，別名［港鐵藍巴勒海峽大橋］

。青山公路　Castle Peak Road - Yuen Long，別名［元朗大馬路］
　元朗段

＊＊



＊＊

香港風情。廣東話資料館