星光回憶［香港電影金像獎的成長］

香港電影金像獎於1982開始舉行，並於1993年12月正式註冊成為「香港電影金像獎協會有限公司」。金像獎董事局由13個本港專業電影協會組成，包括香港影業協會、香港電影導演會、香港戲院商會、香港專業電影攝影師學會、香港動作特技演員公會、香港電影編劇家協會、香港演藝人協會、香港電影美術學會、香港電影剪輯協會、香港電影製作行政人員協會、香港電影燈光協會 、香港電影商協會、香港電影後期專業人員協會。

董事局每月召開常務會議，解決會內的決策性問題，至於跟進、執行工作和協會內外的行政及管理事務則交由金像獎秘書處負責處理。 此外，協會設立專責小組以負責不同的工作事項，每屆由十三個屬會派員參與，力求以最公正的態度廣集多方面的專業意見，令「香港電影金像獎」更為公正及具代表性。

「香港電影金像獎協會」為一非牟利團體，祇靠每年的電視台、電台廣播版權費及海外發行收入來維持日常基本開支。

資料：香港電影金像獎協會簡介
網站：http://www.hkfaa.com/

＊＊

香港電影金像獎的成長

金像獎喺1982年創辦，初期喺由香港《電影雙周刊》嘅［施求一］同［陳柏生］推動主辦，每年舉行一次。後來，想參與做主辦嘅單位陸續加入，好似［香港電台］、《星島日報》等，於是就成立聯合主辦單位［香港電影金像獎協會］。最初籌辦嘅期，幾乎每屆都有財政問題，但係隨著幾屆嘅成功舉辦，終於得到電影業同埋公眾嘅認同。由於當時正值係香港電影［新浪潮］嘅開始，金像獎對於香港電影新浪潮都有好大嘅推動作用。



由於之後嘅幾屆成功舉辦，同埋香港電影開始蜚聲國際，香港電影金像獎亦逐漸得到香港同國際嘅電影人重視。喺第六屆香港電影金像獎開始，金像獎就進入咗成熟期，唔單止邀請到兩岸三地有分量嘅電影人參與，而得獎人亦都會儘量出席，再加上當年嘅香港電影業進入黃金時期，唔止係票房屢創佳績，而且整體創作力量亦好澎湃，當年嘅金像獎開始星光熠熠，形成咗固定嘅頒獎流程同大會制度。

1987年第六屆香港電影金像獎最佳電影《英雄本色》

之後嘅主辦單位認為，金像獎應該由專業嘅電影組織參與籌辦，於是由第八屆香港電影金像獎開始成立咗常設嘅籌委會，而香港影業協會亦喺同年加入，重同香港無線電視簽咗三年直播合約，之後嘅頒獎典禮就愈趨盛大，逐漸成為香港電影界嘅每年度盛事。

喺香港電影金像獎成立初期，香港重未有電影專業團體。隨著香港電影產業不斷咁壯大同發展，［香港電影導演會］、［香港電影武師工會］、［香港電影編劇家協會］、［香港攝影師學會］等廿幾個專業嘅電影協會紛紛成立，重先後參與統籌金像獎，成為主辦單位之一，香港電影金像獎正式專業化，成為一個電影人全面主導同參與嘅電影獎項。由幕前主持到表演項目，都充分體現香港電影界專業合作同創意嘅精神。隨著好多個電影專業團體加入協會，提高咗金像獎嘅認受性同本地電影人嘅認同感。時至今天，香港電影金像獎已經有廿幾個專業電影團隊組成嘅專業評審團。

喺1994年，香港電影金像獎協會組成［有限公司］，財政獨立，自負盈虧。



為咗反映金像獎對專業嘅重視，評審制度除咗兼顧大眾口味嘅票選外，開始加入電影專業團體嘅投票，雖然喺起初幾年，電影人同專業電影團體嘅評審方法都有啲唔同，但係整體方向都係電影專業投嘅票都有較大嘅比重。

為咗保持金像獎嘅公信力同獨立性，香港電影金像獎協會一直唔接受商業贊助典禮，而協會嘅收入來源主要係靠電視直播嘅版權收入。

喺九十年代尾到廿一世紀初，香港電影業因為各種原因陷入低谷，而香港電影人重未放棄追求，努力將金像獎打造成係公正莊重中顯出娛樂趣味，重不斷鼓舞電影人重振旗鼓。由第廿一屆香港電影金像獎開始，更加設立［最佳亞洲電影］獎項，使金像獎升華成為亞洲電影嘅盛事。

2002年第廿一屆香港電影金像獎最佳亞洲電影［千語千尋］



隨著大陸市場嘅開放，香港電影復甦，電影人用新嘅創作模式走入新嘅華語電影市場，來自兩岸三地嘅電影資源融合，締造出華語電影同金像獎新嘅發展。

喺2008年，香港數碼地面電視廣播啟播之後，金像獎第一次用高清作轉播頒獎禮。



為咗推動香港電影業嘅新生力量，喺2012年第卅一屆香港電影金像獎特別用［電影新世代］做主題，向大眾推薦香港電影界嘅新生力量。喺2015年第卅四屆電影金像獎就用［電影狂想曲］來做主題，講述香港電影界嘅創意精神。



＊＊

得獎與入圍電影：

1982年 （第一屆）
《父子情》　　 監製：王啟傳
《胡越的故事》 監製：泰迪羅賓
《摩登保鑣》 　監製：鄒文懷
《長　輩》 　　監製：邵逸夫

1983年 （第二屆）
《投奔怒海》　 監製：夏夢
《靚妹仔》 　　監製：麥當雄
《烈火青春》　 監製：劉鎮偉、余允抗
《殺出西營盤》 監製：劉鎮偉、余允抗
《敗家仔》 　　監製：鄒文懷

1984年 （第三屆）
《半邊人》 　　監製：翁子忠
《垂簾聽政》 　監製：李翰祥、趙偉
《人嚇人》　　 監製：鄒文懷、洪金寶
《蜀　山》 　　監製：鄒文懷
《打擂台》 　　監製：王禮傳

1985年 （第四屆）
《似水流年》 　監製：夏夢
《上海之夜》 　監製：徐克
《省港旗兵》　 監製：麥當雄、洪金寶
《等待黎明》 　監製：岑建勳

1986年 （第五屆）
《警察故事》 　監製：何冠昌
《非法移民》 　監製：方逸華
《女人心》 　　監製：梁李少霞
《殭屍先生》 　監製：洪金寶

1987年 （第六屆）
《英雄本色》　 監製：徐克
《美國心》 　　監製：張志成
《火　龍》 　　監製：曹惠
《兄　弟》 　　監製：岑建勳
《癲佬正傳》 　監製：岑建勳
《地下情》　　 監製：梁李少霞

1988年 （第七屆）
《秋天的童話》 監製：岑建勳
《龍虎風雲》 　監製：麥嘉
《倩女幽魂》　 監製：徐克
《天菩薩》　　 監製：王贊先
《書劍恩仇錄》 監製：沈民輝、郭風岐
《最後勝利》 　監製：岑建勳

1989年 （第八屆）
《胭脂扣》 　　監製：成龍
《旺角卡門》 　監製：鄧光榮
《童　黨》 　　監製：傅奇
《雞同鴨講》 　監製：于仁泰
《七小福》 　　監製：方逸華、何冠昌

1990年 （第九屆）
《飛越黃昏》　 監製：鍾敏強
《喋血雙雄》　 監製：徐克
《阿郎的故事》 監製：禤嘉珍
《不脫襪的人》 監製：陳佩華
《八兩金》 　　監製：岑建勳

1991年 （第十屆）
《阿飛正傳》 　監製：鄧光榮
《客途秋恨》 　監製：趙琦彬
《秦　俑》 　　監製：徐克、朱牧、韓培珠
《愛在別鄉的季節》 監製：泰迪羅賓
《滾滾紅塵》　 監製：徐楓

1992年 （第十一屆）
《跛　豪》 　　監製：蕭若元
《縱橫四海》 　監製：張家振、谷薇麗
《婚姻勿語》 　監製：張之亮
《五億探長雷洛傳》 監製：王晶、向華勝
《黃飛鴻》 　　監製：徐克

1993年 （第十二屆）
《籠　民》 　　監製：張之亮
《黃飛鴻之二男兒當自強》 監製：徐克、吳思遠
《９２黑玫瑰對黑玫瑰》 監製：邱瓈寬、浮樂蓮
《武狀元蘇乞兒》 監製：蕭若元
《阮玲玉》 　　監製：陳自強、徐小明

1994年 （第十三屆）
《新不了情》 　監製：陳望華
《搶錢夫妻》 　監製：鍾珍
《風塵三俠》 　監製：陳嘉上、鍾珍
《誘　僧》 　　監製：泰迪羅賓
《重案組》 　　監製：蔡瀾

1995年 （第十四屆）
《重慶森林》 　監製：劉鎮偉、陳佩華
《我和春天有個約會》 監製：高志森、杜國威、古天農
《東邪西毒》　 監製：劉鎮偉、舒琪、陳思瑾
《金枝玉葉》 　監製：陳可辛
《飛虎雄心》 　監製：葉廣儉

1996年 （第十五屆）
《女人四十》 　監製：許鞍華
《烈火戰車》 　監製：陳望華
《墮落天使》 　監製：劉鎮偉
《天國逆子》 　監製：嚴浩
《紅番區》 　　監製：董韻詩

1997年 （第十六屆）
《甜蜜蜜》 　　監製：陳可辛
《衝鋒隊怒火街頭》 監製：陳木勝
《色情男女》 　監製：禤嘉珍
《警察故事４之簡單任務》 監製：董韻詩
《虎度門》 　　監製：高志森

1998年 （第十七屆）
《香港製造》 　監製：劉德華
《十萬火急》 　監製：方逸華
《宋家皇朝》 　監製：吳思遠
《高度戒備》 　監製：林嶺東
《春光乍洩》 　監製：王家衛

1999年 （第十八屆）
《野獸刑警》 　監製：陳嘉上、莊澄
《我是誰》 　　監製：董韻詩
《風雲雄霸天下》 監製：文雋
《玻璃之城》 　監製：羅啟銳
《去年煙花特別多》 監製：劉德華

2000年 （第十九屆）
《千言萬語》 　監製：許鞍華
《暗　戰》 　　監製：杜琪峯
《細路祥》 　　監製：楊紫明、上田信
《星　願》 　　監製：陳錫康
《鎗　火》 　　監製：杜琪峯

2001年 （第二十屆）
《臥虎藏龍》 　監製：李安、徐立功、江志強
《榴槤飄飄》 　監製：楊紫明
《花樣年華》 　監製：王家衛
《江湖告急》 　監製：陳慶嘉、錢小蕙
《孤男寡女》 　監製：杜琪峯、韋家輝

2002年 （第廿一屆）
《少林足球》 　監製：楊國輝
《男人四十》 　監製：許鞍華、爾冬陞
《北京樂與路》 監製：莊澄、羅啟銳、蘇志鴻
《瘦身男女》 　監製：杜琪峯、韋家輝
《藍　宇》 　　監製：張永寧、關小慧

2003年 （第廿二屆）
《無間道》 　　監製：劉偉強
《三更之回家》 監製：許月珍
《香港有個好萊塢》 監製：陳果、楊紫明、春名慶、Sylvain Bursztejn
《英　雄》 　　監製：張藝謀、江志強
《金　雞》 　　監製：陳可辛、許月珍

2004年 （第廿三屆）
《大隻佬》 　　監製：杜琪峯、韋家輝
《忘不了》 　　監製：方平
《ＰＴＵ》 　　監製：杜琪峯
《無間道２》 　監製：劉偉強
《無間道３終極無間》 監製：劉偉強、高鳳俊

2005年 （第廿四屆）
《功　夫》 　　監製：周星馳、劉鎮偉、王中磊、韓三平、崔寶珠
《２０４６》 　監製：王家衛
《旺角黑夜》 　監製：方平
《大事件》 　　監製：杜琪峯、曹彪
《新警察故事》 監製：陳木勝、董韻詩、陳自強、蘇志鴻2006年 （第廿五屆）
《黑社會》 　　監製：杜琪峯、羅守耀
《七　劍》　　 監製：徐克、李柱益、馬中駿、潘志忠
《如果愛》 　　監製：陳可辛、安德魯摩根
《神　話》 　　監製：董韻詩、陳自強、蘇志鴻
《頭文字Ｄ》 　監製：劉偉強

2007年 （第廿六屆）
《父　子》 　　監製：邱瓈寬
《放　逐》 　　監製：杜琪峯
《黑社會以和為貴》 監製：杜琪峯、羅守耀
《滿城盡帶黃金甲》 監製：江志強、張偉平
《霍元甲》 　　監製：江志強、李連杰、于仁泰、楊步亭

2008年 （第廿七屆）
《投名狀》 　　監製：陳可辛、黃建新、安德魯摩根
《門　徒》 　　監製：陳可辛
《姨媽的後現代生活》 監製：於冬、袁梅、崔勇
《神　探》 　　監製：杜琪峯、韋家輝
《跟　蹤》 　　監製：杜琪峯、徐小明

2009年 （第廿八屆）
《葉　問》 　　監製：黃百鳴
《天水圍的日與夜》 監製：許鞍華、王日平
《畫　皮》 　　監製：陳嘉上
《赤　壁》 　　監製：吳宇森、張家振
《長江７號》 　監製：周星馳、谷德昭、韓三平、崔寶珠、王雅琳、史東明

2010年 （第廿九屆）
《十月圍城》 　監製：陳可辛、黃建新、許月珍
《音樂人生》 　監製：張經緯、蔣顯斌
《赤壁：決戰天下》 監製：吳宇森、張家振
《新宿事件》 　監製：陳自強、蘇志鴻
《竊聽風雲》 　監製：爾冬陞、方平

2011年 （第三十屆）
《打擂台》 　　監製：林家棟
《葉問２》 　　監製：黃百鳴、安曉芬、李欣
《狄仁傑之通天帝國》 監製：陳國富
《劍　雨》 　　監製：吳宇森、張家振
《線　人》 　　監製：梁鳳英、張大軍、任月

2012年 （第卅一屆）
《桃　姐》 　　監製：許鞍華、陳佩華、李恩霖
《奪命金》 　　監製：杜琪峯
《龍門飛甲》 　監製：徐克
《竊聽風雲２》 監製：爾冬陞
《讓子彈飛》 　監製：馬珂、利雅博、尹紅波、董韻詩、趙海城

2013年 （第卅二屆）
《寒　戰》 　　監製：江志強、鄧漢強、何韻明、管東銚
《低俗喜劇》 　監製：彭浩翔、梁啟緣
《車　手》 　　監製：杜琪峯
《消失的子彈》 監製：爾冬陞、羅曉文
《逆　戰》 　　監製：梁鳳英、利雅博、蘇志鴻、王中磊

2014年 （第卅三屆）
《一代宗師》 　監製：王家衛、彭綺華
《西遊降魔篇》 監製：周星馳、江玉儀
《狂舞派》 　　監製：陳心遙、王日平
《掃　毒》 　　監製：林小明、林小強、黃昭敏、林炳坤、陳木勝
《激　戰》 　　監製：梁鳳英

2015年 （第卅四屆）
《黃金時代》 　監製：覃宏
《那夜凌晨，我坐上了旺角開往大埔的紅VAN》 監製：錢小蕙
《香港仔》 　　監製：彭浩翔、梁啓緣、陳國富、王中磊
《親愛的》 　　監製：許月珍
《竊聽風雲３》 監製：爾冬升、黃斌

2016年 （第卅五屆）
《十　年》　　監製：蔡廉明、伍嘉良
《五個小孩的校長》 監製：陳木勝、王小強、唐文康
《智取威虎山》 監製：黃建新
《踏血尋梅》 　監製：朱嘉懿、古玉芬、曹敬文
《葉問３》 　　監製：黃百鳴

2017年 （第卅六屆）
《樹大招風》 　監製：杜琪峯、游乃海
《七月與安生》 監製：陳可辛、許月珍
《美人魚》 　　監製：周星馳、江玉儀
《寒戰２》 　　監製：江志強、江平、何韻明
《點五步》　　 監製：陳慶嘉、柯星沛

2018年 （第卅七屆）

＊＊

香港粵語電影。廣東話資料館

鬥蟋蟀［蟋蟀格鬥 ＭＭＡ］

蟋蟀，又叫做［促織］、［蛐蛐］、［蜻蛚］、［蹔𧉆］，係直翅目昆蟲嘅一科，佢哋會食植物嘅莖葉、種實同埋根部，其實都係一種農業害蟲。全世界約有 900 幾種蟋蟀，最普通嘅係［中華蟋蟀］，身長大約七分至一寸［20毫米］，一年生一代。

蟋蟀嘅顏色通常郊係由黑色至褐色，喺個頭部有兩條長觸鬚，後腿比較粗大。蟋蟀公就特別好爭鬥，兩邊翼翅可以摩擦發聲，蟋蟀乸就唔會發聲。蟋蟀一般係［晝伏夜出］嘅為多，佢哋生性孤僻，通常係一穴一蟋蟀。喺發情期嗰時，蟋蟀公會招攬蟋蟀乸一齊住［同居］。每種蟋蟀嘅叫聲都有唔同，為咗方便聽到蟋蟀公嘅求偶聲，喺蟋蟀乸嘅前腳關節下面生有耳鼓，方便收集情報。

＊＊

蟋蟀、蝗蟲、螽斯，三種都係直翅目昆蟲，［蛐蛐］係指［蟋蟀］，［蚱蜢］係指［蝗蟲］，［蟈蟈］係指［螽蟴］，其實佢哋嘅身形體態就好唔同。

蟋蟀，同螽斯都係依靠對翼嘅摩擦發聲。蟋蟀係右翼疊喺左翼上面，螽斯通常係左翼疊喺右翼上面，而蝗蟲就係用佢嘅後腿摩擦對翼發出聲嘅。

蝗蟲，佢嘅觸鬚就比較最短，而螽斯嘅觸鬚又比蟋蟀嘅長。有啲螽斯嘅觸鬚長度甚至比起自己嘅身體更長。



螽蟴同蝗蟲通常係生活喺草地、草叢之間，都有綠色同褐色兩種，而蟋蟀就多數生活喺地面石礫之間，佢哋嘅顏色趨於暗褐色多。

＊＊

鬥蟋蟀，係指兩隻雄性［公］蟋蟀相鬥，係一項流血嘅動物格鬥運動。聽講話，喺唐代就已經有［鬥蟋蟀］呢樣活動，重係大官貴人至玩嘅。喺唐朝天寶時期，當時長安啲富貴人家，會用好多錢去買同養自己嘅心頭好，有啲重會請埋專人來打理添。

最出位玩蟋蟀嘅人，就係宋朝嘅宰相賈似道，傳聞佢周時喺屋企同班妾侍跪喺地下度鬥蟋蟀。而更加荒唐嘅，係佢重帶埋啲蟋蟀返工［上朝議政］添。聽聞佢曾經發生過喺上緊朝嘅時候，有隻蟋蟀喺佢嘅水袖入面跳咗出來，最後跳到去皇帝鬍鬚上面嘅鬧劇。

賈似道鍾意玩蟋蟀鍾意到寫咗一本書叫做［促織經］嘅書，帾入面係講述佢自己［養蟋蟀］同［鬥蟋蟀］嘅經驗心得，重介紹埋蟋蟀嘅捕捉、收買、餵養、鬥勝、醫傷、治病、繁殖等嘅方法。

鬥蟋蟀風氣最頂盛嘅時期就係明朝，喺宣宗朱瞻基時代，家家戶戶都有捕養蟋蟀，嗰啲鬥蟋蟀場重開到周圍都係。而當時啲富二代［二世祖］，成日無所事事，都好鍾意聚埋一堆鬥蟋蟀賭錢，傳聞一鋪［格鬥］嘅上落，可以輸曬老竇副身家。

蒲松齡［聊齋先生］都有寫過幫宣德皇帝搵蟋蟀《促織》嘅故事。

依家嘅大陸同台灣，喺一啲地方都有啲專門嘅蟋蟀協會，佢哋每年都會喺入秋嘅時候，舉辦下一啲熱鬧嘅［鬥蟋蟀大賽］。

＊＊

有關［蟋蟀］嘅書籍：

《促織經》　宋代。賈似道［依家見到嘅係明代周履靖嘅續增本］　 《促織經》　明代。周履靖［促織經續增本］ 《畜促織》　明代。袁宏道 《促織志》　明代。劉侗著 《促織經》　清代。金文錦 《蟋蟀秘要》清代。石　蓮 《蟋蟀譜》　清代。朱翠庭輯 《促織經》　清代。金六（音伊）廠刪定 《蚟孫鑒》　清代。朱從延纂輯、林德垓、莊樂耕重訂 《蟋蟀譜》　近代。李文翀，1930年出版 《蟋蟀譜》　近代。李石孫、徐元禮，1930年出版 ＊＊ 唧唧吱、唧唧吱…… 每年金秋時節，喺石缝之中，墙角裡就傅來［蛐蛐］嘅叫聲。



聽講古人總結出蟋蟀有五德：

。鳴不失時，信也。

。遇敵即鬥，勇也。

。重傷不降，忠也。

。敗則哀鳴，知耻也。

。寒則進屋，識時務也。

＊＊

陳真經典對白！



「我少讀書，你唔好呃我！Samsung Galaxy 同 iPhone 邊隻正啲！」

＊＊

香港風情。廣東話資料館

打豹虎［老督最勁］！

五十幾年前，細路仔嗰陣嘅一種玩意［豹虎］，又叫做［金絲貓］，其實係一種［蠅虎科蜘蛛］嘅俗稱。喺嗰陣時，唔係好多嘢玩，一班人聚埋，啲大人就走去［鬥蟋蟀］，而細路仔梗係去［打豹虎］喇！



香港以前好多學校對出嘅士多，都有得賣［豹虎］，佢哋一直都係好受學生歓迎嘅玩意，好多時都會帯埋返課室度玩、記得當時重有好多特別覇氣嘅名添，例如：雷老虎、紅孩兒、方世玉、孫悟空、皇上皇、金花、老督等等，吾知大家以前有冇玩過呢？

＊＊


聽啲專家講，全世界嘅蠅虎科蜘蛛［豹虎］約有 5,000 種，而大陸地區都有 300 種以上。一般豹虎喺出世之後，就各走各路，各自獨立生活，而同性係唔會同居嘅。豹虎成形前可以係公又可以係乸，喺未到最後一次脫殼，都好難評定係公［篤］定係乸［撲］。

＊＊

豹虎［金絲貓］嘅品種有好多，喺香港玩開嘅都有幾十種，大致分為：王上王、老篤、紅孩兒、黑撲、黃撲、紅撲，常見嘅有：金花，大金花，金花篤等等。

＊＊

金　花：

金花，乸［撲］，體型細，冇乜戰鬥力，通常俾［紅牙兒］當係點心。 ＊＊ 金花篤：

金花篤，公［篤］，係由［金花撲］蛻變出來嘅。

＊＊

紅牙兒：

紅牙兒，乸［撲］，品種同顏色有好多，而品種就係以顏色同體型而定。不過主要顏色離唔開［紅撲］、［黑撲］、［黃撲］三種色。

＊＊

紅　撲：

紅撲，一般玩嘅就分３種：［青紅撲］、［朱砂紅］、［血紅頭］。

＊＊

青紅撲：

青紅撲，以兇狠見稱，但係耐力持久戰唔係佢嘅專長。

＊＊

朱砂紅：

朱砂紅，係［紅撲］之中比較好嘅品種，兇狠快速，戰鬥時就要置對方於死地。

＊＊

血紅頭：

血紅頭，佢嘅戰鬥法極為險惡，一見對手就撲埋亂咬，要咬到對手支體不全。
個性要速戰速決，但係冇乜耐力，擅攻唔擅守。

＊＊

紅撲黑螯：

紅撲黑螯，個性係攻守兼備，擅長打持久戰，遇強越強。
哩個品種比較多見，但係要分區域捉先至好打。

＊＊

黑　撲：

黑撲，哩個品種到處都有，要分地區捉先會有得打。

＊＊

黑黃撲：

黑黃撲，前身黑色，八肢粗長，尾係鮮黃色而尖幼為之好嘢。
屬優良品種，特徵係頭特別大，鬥志，耐力夠，絕唔欺場。

＊＊

全黑撲：

全黑撲，身形同雙螯粗長，頭四方，尾尖長，身披金線，毛色閃為佳品。哩個品種擅打持久戰，唔怕對手咬，屬於死纏難打一類。

＊＊

黃　撲：

頭大身粗尾尖，戰鬥力普通。

＊＊

老　篤：

老篤，［篤］即係公，係由［紅牙兒］蛻變出來。
一般分４種：［藍篤］、［黑篤］、［白花篤］同［紅篤］。
當［老篤］變身之後，就會即刻去搵［紅牙兒］交戰［配］。
因為［老篤］嘅生長期唔長，所以會主動覓偶。

＊＊

藍　篤：

藍篤，係［老篤］之中最佳品種，耐力夠。
螫長粗、頭大、身長、尾長、腳長，顏色鮮，就係上等貨。

＊＊

白花篤：

白花篤，又叫［飛撲篤］、［飛老篤］，比較少見。
個性凶猛，打法怪異，一見對手就飛撲攻擊，無論大細都照打。百花篤主要係銀粉偏多，以雪，基本型態上都係篤一樣。

＊＊

黃尾篤：



黃尾篤，係戰鬥力一般［好普通］嘅貨色。

＊＊

所有嘅［豹虎］、［金絲貓］、［跳蛛］；
不論係螯短、頭圓、身短、尾圓、腳幼，全部都屬劣質貨。

＊＊

＊＊

香港風情。廣東話資料館

香港［髮型屋］術語

男人同女人一樣，通常為靚、去街、做嘢或者顯示潮流嘅原因，好多都會到髮型屋度整理下啲頭髮嘅。而髮型設計就係指頭髮嘅修剪、整形，或者戴上裝飾品等，要做到唔同式樣，又要做到唔同嘅視覺效果，就要靠髮型屋嘅 stylist 幫手嘞。

喺你入到去間髮型屋嘅時候，可能都會聽到入面啲職員喺到講緊啲術語，你又知唔知佢哋喺度講緊咩呢？

＊＊———————————————————————————————

以下內容只供參考，歡迎提供資料修正。

＊＊———————————————————————————————

生　　　　男人
莫　　　　女人
仔　　　　髮型助理
吊　　　　忙碌
草　　　　頭髮
漒　　　　煙仔
曬　　　　冇生意



度佬　　　理髮師傅［Dot 佬］
度鋪　　　髮型屋［Dot 鋪］
山仔　　　助理員工〔Junior〕
山頭　　　男人客 〔代表頭髮好似山頭咁亂〕
包草　　　染髮
生仔　　　髮型助理［山仔］
好波　　　係代表個客啲頭髮好差
好順　　　多數形容個女仔靚，通常都好多人搶住想幫佢整
老大　　　師父〔Stylist〕
老按　　　按摩
老是　　　是但，求其，冇所謂
老染　　　染髮
老負　　　負離子
放草　　　電髮
波左　　　即係話整得差或者整壞咗個客啲頭髮
波挖　　　形容個客好奄尖
爬草　　　吹頭
爬草　　　梳頭
射波　　　貼士
烤草　　　剪頭髮〔敲草〕
草王　　　形容好多頭髮嘅人
馬子　　　佣金〔Commission〕
曼頭　　　煙頭
猛仔　　　小朋友
莫仔　　　女仔　
莫全　　　女人〔點解分莫仔同莫全呢？〕
　　　　　　　〔就係形容個女人下面塊膜係穿咗定未穿喎〕
章水　　　洗頭
短草　　　短頭髮
順莫　　　靚女
嗒莫　　　溝女〔That 莫〕
趕蟻　　　剃鬚
漿扎　　　Premer
漿草　　　洗頭
漿膏　　　佣金〔Commission〕
蝦仔　　　貼士〔Tips〕
樹叔　　　即係貼士
曬櫈　　　冇生意
叠草　　　厚頭髮
塞住　　　做野好慢散吾哂啲客
吊踭　　　即係叫人幫個客整快啲，唔好整得咁柰，是但整就得嘞
　　　　　〔下次聽到的話就留意下，幫你整頭個個人會開始加快嘞〕
助踭　　　即係叫人幫個客整慢啲，唔好整得咁快
　　　　　〔阻下個客囓時間，專登慢啲好似細心啲〕



大菌莫　　大陸女人
波亞莫　　麻煩嘅女人
時叔莫　　有錢女
老莫泉　　老女人
撞鼻鬚　　畀客投訴
吳浩康　　洗剪吹
漿壇草　　洗個頭
漿壇莫　　洗個女
漿壇山　　洗個男
整波佢　　係要整差個客嘅頭髮，唔好［整得好］
　　　　　〔原因多數係個客唔肯畀高啲價錢〕
高時宿　　高樹叔，即係代表高價錢，通常都會留意多啲
低時宿　　低樹叔，即係代表低價錢，個客唔肯畀多錢嘅 Cheap 客

個客好波　個客好煩麻，好多投訴
落八爪魚　舊式電髮果啲吊牆嘅機
　　　　　〔係個師傅幫個客卷完髮叫個 Junior 落機電髮〕

＊＊———————————————————————————————

喺舊時嘅理髮店，通常都有成十個八個師傅，而每個師傅都有個代號，係畀啲熟客上門時，方便通知啲師傅嘅。



。白　板　　一號師傅
。夫　子　　二號師傅
。霸　王　　三號師傅
。罵　到　　四號師傅
。紅　柑　　五號師傅
。綑　　　　六號師傅
。聚　子　　七號師傅
。番　瓜　　八號師傅
。圓　盅　　九號師傅
。大千里　　十號師傅

＊＊———————————————————————————————

喺現代已經發展出好多種髮式，而且可以按照個人喜好、創意做出微調，改變髮型。

。分　界　　分頭；將頭髮以一定比例嘅型式劃分
　　　　　　例如：三七分界、八二分界、九一分界、四六分界等等
。中間分界　大小便不分裝；將頭髮由中間分開成兩邊
。ＧＥＬ起　Gelel頭［弄起］；即係用一啲物質將頭髮弄起
。束　髮　　扎頭髮；將頭髮喺頭後便束成馬尾
。ＭＵＳＳ　兜亂［弄亂］；隨個人喜好整亂個頭
　　　　　　可以用水、髮蠟、髮泥、凝膠、噴髮膠、啫喱等物質
。長　髮　　長頭髮；可以分界或者梳後到膊頭或長到去背脊
。剃　光　　光頭；剃曬全部頭髮，剃光畀人有一種脫俗嘅感覺
。特殊髮型　圖案頭／文字頭；由自己或髮型師創意設計出嘅髮型
。梳　後　　將頭髮梳向後或用髮蠟將頭髮移後，露出髮線同前額
。捲　髮　　可以係自然捲曲嘅，或者係用藥水定型
。陸軍裝　　將全部頭髮剪短至［1-6］毫米
　　　　　　一般係紀律部隊、軍人嘅正規髮式
。短　髮　　短頭髮，可以有短而直、天生捲曲
。瀏　海　　前額嘅頭髮，可以有斜蔭遮掩一邊一部分眉
。瀏　蔭　　髮蔭，前額斜向垂下嘅長髮
　　　　　　一般係配搭中長嘅頭髮造型
。瀏　尾　　髮尾，頭後方向下貼近後頸嘅頭髮
　　　　　　通常會剪得比較碎，配合髮蔭
。恤　髮　　頭髮定型，長頭髮嘅理髮程序，有吹乾、定型、美化面形
。電　髮　　燙髮，用藥水或配合高熱為頭髮造型
　　　　　　可以配合用燙髮夾、燙髮捲、離子夾等

＊＊———————————————————————————————

傳統髮型大致可分為披髮、結髮、辮髮三大類，現代人又運用電髮［燙髮］、染髮、髮膠等，可以有更多唔同嘅變化，唔受限於傳統分類。

。ＥＭＯ　　Emocore，係情緒搖滾或者情感硬核嘅意思
　　　　　　係Hardcore Punk嘅一個分支［硬蕊］
。平　頭　　平頭裝，又似 陸軍裝，係軍人常見嘅髮型
。姬髮頭　　Hime Cut，係日本平安時代嘅女性貴族之間流行而得名
　　　　　　頭後方留長髮，前額劉海到眼眉水平剪齊，
　　　　　　垂兩側耳前髮腳剪齊至下巴位置，又或耆留長
。黑長直　　係指［黑色、長、直］嘅頭髮
　　　　　　曉美焰、桂小太郎等角色都有呢樣髮型
。公主頭　　基本係一個中長髮型
　　　　　　前額瀏海，部分頭髮向後收束或綁辮，其餘部分自然放低
。妹妹頭　　Bob 妹頭；又叫冬菇頭、丸子頭、蘑菇頭、波波頭、寶寶頭
　　　　　　重有叫娃娃頭、三齊頭、童花頭，特徵係後面頭髮唔到恤衫領
　　　　　　頭髮貼近耳仔下面、前面瀏海唔到眉，面兩邊唔到嘴角
。傻瓜妹頭　Sassoon Bob； 60年代一種短髮型
。溫玲妹頭　One Leng Bob； 係妹妹頭變成中長髮嘅收良版
。半丸子頭　Half Bun、Hun，頭髮上半部分紮成圓波型，下半部分唔扎
。山本頭　　一種類似平頭嘅髮型，曾經係日本黑社會嘅一種流行髮型
　　　　　　額頭兩側稍高，頭頂冇平頭一樣咁平
。陰陽頭　　係將頭髮剃一半、留一半嘅髮型
。龐巴度　　Pompadour，源自18世紀龐巴度夫人嘅髮型
。扭　捲　　
。Mullet
。Rattail
。Tonsure

＊＊———————————————————————————————

屬於結髮類髮型

。圓　髻　　俗稱［包包頭］、［丸子頭］　
。長圓髻　　將髮向背平舖，髮尾盤成一個圓球
。笄　髻　　喺髻度插入笄、簪、釵、櫛等飾物嚟做固定同裝飾　　
。姬髮髻　　日本女人傳統髮型
。峨　髻　　又叫做［高髻］
。髽　髻　　又叫做［抓髻］
。椎　髻　　形狀似［椎］
。雙平髻　　多數喺少女頭上出現嘅髮型
。雙環髻　　舊時啲［丫鬟］多數扎嘅髮型
。垂環髻　　舊時啲［俾女］多數扎嘅髮型
。螺　髻　　形狀似［螺］
。螺絲髻

。盤龍髻　　

。雲　髻
。墜馬髻
。倭墮髻
。鑽天髻
。半翻髻
。回鶻髻
。飛天髻
。反綰髻
。同心髻
。懶　髻
。流蘇髻
。靈蛇髻
。朝天髻

＊＊———————————————————————————————

屬於辮髮類髮型

。馬　尾　　將大部分頭髮往頭後部集中，用橡筋或裝飾品紮起嘅造型
。雙馬尾　　左右兩邊各綁上對稱馬尾，通常係少女同細路女整嘅多
。法式髮辮
。Cornrows
。Dreadlocks

＊＊———————————————————————————————

運用藥水髮膠整嘅髮型

。爆炸頭　　Afro-hair、Afro，又叫［阿福羅頭］或意譯［非洲頭］
　　　　　　係1970年代流行嘅髮型，特徵係又大又捲又膨嘅大球型頭髮
。莫克頭　　Mohawk，一種剃光兩側，只留低頭頂中間部分嘅髮型
。Finger Wave
。Liberty Spikes
。Quiff

＊＊———————————————————————————————

譯：蕭南仁．2016年1月1日

＊＊———————————————————————————————



＊＊———————————————————————————————

術語連篇．廣東話資料館

香港［政治編劇］訓練班

老闆［金主］話：喂，你哋... 有咁多人睇住，啲戲又唔好咁流.........

就算做場［政治 show］，都要好似人哋咁，識得吟下詩句，又或者識得做副官材先出來至得架！上電視又咁多人睇住，啲戲唔好咁求其啦！如果係真係唔識，重唔快啲去報名上堂學下.........

＊＊

編劇，又叫做［編劇家］、［腳本家］，係用文字創作出劇本嘅作者，佢通常係電影、電視劇集嘅故事源頭。做舞台演出嘅編劇可叫［劇作家］，因為舞台劇台詞字句必須要精心雕琢，唔可以好似電視電影嘅台詞咁用白話，出名嘅有莎士比亞、唐滌生、曹禺等。

早期嘅編劇多數為話劇或者歌劇做創作，好似百老匯呢一類咁，後來由於電視同電影嘅技術發展，導致話劇同歌劇等嘅衰落，唔少編劇難搵食，就轉行入電影電視行。有啲編劇重會轉行做導演或者其他職位。

編劇通常係電影電視劇嘅故事原創作者，一齣電影通常係由編劇最先寫好劇本，然後交畀導演再做第二次創作，而喺呢段二次創作就由導演同埋編劇一齊完成，而劇本嘅修改權係歸編劇所有。例如美國著名嘅處景喜劇《老友記》就係咁。

電視編劇，就係為電視劇編寫劇本嘅人，以編劇來講，新人通常係一組人一齊做嘢，而電視台嘅編劇培訓一般係三個月，而要培養一個資深編劇，通常要三至四年，如果領悟力低嘅話，時間可能更長。香港嘅編劇新人一般人工唔高，有啲可能只係夠撘車食個晏晝。

編劇為成部電影或電視劇集嘅核心同靈魂。唔單只故事要靠佢，劇本要靠佢，演員嘅對白都要靠佢。而劇本嘅［本］唔單只係［本子］，重有［根本］、［基本］嘅含義。劇本嘅格式一般係由地點［場景，日同夜］，故事同環境，角色同對白組成。按場分。

唔同地區，編劇嘅地位都有唔相同，就日本、美國、華人世界來講，編劇地位係由高至低。而編劇喺華人地區嘅重視程度就一啲都唔高。喺日本，無論電視或電影，管理成個劇集或者電影通常係編劇，相反導演會比較次要。而美國，編劇嘅人工都唔低，較低嘅通常係喺華人世界。依家華人世界嘅編劇仍然唔多。一方面係華人地區對編劇唔夠重視而起，同時亦令成個華人影視界都比較少出現有好劇本。

＊＊

香港「政治編劇訓練班」招生

為發掘及提拔有潛質的政治編劇人才，更為提高現有［政治編劇］的質數及編輯能力，香港「政治編劇訓練班」活動將分三階段進行，所有參加者需透過面試甄選。具潛質而獲選的60位學員，將接受專業的編劇訓練，由多位香港立法串嘴議員及美國編劇大師教授［政治編劇基本功］。

＊＊

報名參加辦法

面試詳情：

對象：歡迎５大類界別人士報名

　　　１］現任或退休香港及澳門高官、各級政治助理

　　　２］各個專業公會嘅現任或退休主席及行政助理

　　　３］現職或兼職立法議員、地區議員、議員助理

　　　４］已有政治編劇作品發表或者拍成影片之人士

　　　５］十八歲或以上持有身份證之香港或澳門居民

日期：2018年04月30日（二）、05月07日（一）新增

時間：14:00-17:00（分為三節）

地點：香港皇后廣場媒體空間

地址：香港中環德輔道中皇后像廣場地下全場

＊＊

第一階段

主題：基本政治編劇班

內容：課堂日期及時間，活動簡介及嘉賓導師，專業用具介紹

課堂［一 ］

日期：2018年05月10日（四）19:00-21:00 

主題：如何建立［輿論］及［娛論］主題？

目的：設立原創主題成為劇本的創作指導，並學習以Ｙ哲學［Ｙ理］審視事物的方法。

導師：流癲厠院士［正字學院］

課堂［二］

日期：2018年05月12日（六）19:15-21:15 

主題：創作政治Ｙ理論，推到口號三步曲［反對，切回，下台］。

目的：對政治產業的創作初步了解。

導師：塵加樂博士［公文袋研究及使用學系］

課堂［三］ 

日期：2018年05月14日（一）14:00-17:00 

主題：劇本實例［絕食三十二小時］研讀。

目的：透過實例，提昇對建立政治劇本初期計劃的認識。

導師：梨呃人博士［現職工人聯誼會秘書長］

課堂［四］

日期：2018年05月17日（四）19:15-21:15 

主題：香港正字［1997-2046］簡史。

目的：提昇對創作史、暴亂史及文運史的認識，增加政治文化底蘊。

導師：葡萄源博士［迷失蹤教協調會總幹事］

課堂［五］

日期：2018年05月19日（六）19:15-21:15 

主題：政治戲劇（強力武器）的結構（Ｉ）

目的：認識戲劇性質，包括三幕劇結構、起承轉合佈局等。 

導師：涼瓜結院士［中環大劇院總理］

課堂［六］

日期：2018年05月21日（一）14:00-17:00 

主題：政治戲劇（性本無情）的結構（ＩＩ）

目的：承接上一節，舉實例加深說明。 

導師：朱頭仁院士［ＡＶ承仁學院］

課堂［七］ 

日期：2018年05月24日（四）19:15-21:15 

主題：暴亂與示威［拾蓮］劇本大綱。

目的：學習如何編寫煽動民情劇本故事大綱。

導師：帶尿呈院士［香港理髪研究中心］

課堂［八］

日期：2018年05月26日（六）19:15-21:15

主題：故事編織與表達（政治打壓Ｉ）。

目的：能夠口述表達故事。 

導師：樑角熊耳猿教授［升官發財工作室］

課堂［九］ 

日期：2018年05月28日（一）14:00-17:00 

主題：故事編織與表達（政治迫害ＩＩ）。

目的：能夠口述表達故事。

導師：流小禮老師［流氓教室導師］

課堂［十］

日期：2018年05月31日（四）19:15-21:15 

主題：分場技巧［分化技術］分析

目的：學習如何寫分場，編寫處境，分化技巧。 

導師：ＧＮＮ代表［美國ＧＮＮ學會］

課堂［十一］

日期：2018年06月02日（六）19:15-21:15 

主題：分場技巧［撕裂技術］分析

目的：如何寫分場，搞分化，學員功課修正。

導師：ＧＩＡ顧問代表［美國ＧＩＡ學會］

課堂［十二］ 

日期：2018年06月04日（一）14:00-17:00 

主題：分場技巧［推倒技術］分析

目的：如何寫分場，搞推翻，學員功課修正。 

導師：哨鱔魚主席［香蕉電台聯誼會］

課堂［十三］ 

日期：2018年06月07日（四）19:15-21:15 

主題：角色與對白［新聞創作］分析

目的：如何撰寫絕對好的對白。

導師：基魯荃院士［獅狒龜研究學院］

課堂［十四］

日期：2018年06月09日（六）11:00-13:00 

主題：角色與主題［薑蔥煀您］技巧

目的：討論主角人物性格如何呈現反政府主題。

導師：唔可以博士［政治化妝文化學會］

課堂［十五］

日期：2018年06月11日（一）14:00-17:00 

主題：尋找［反斗城］創作素材。

目的：如何尋找劇本創作題材，以及搜集資料。

導師：搖虫鹽博士［危樓建築師學會］

課堂［十六］ 

日期：2018年06月18日（一）14:00-17:00 

主題：劇情片［示愛又示威］賞析

目的：放映及剖析劇情，選香蕉電台作品，講解示威原理、賣點。

導師：袍緊身博士［縮水布料研究學會］

課堂［十七］

日期：2018年06月25日（一）14:00-17:00 

主題：偵探懸疑片［審死官之未審先判］賞析

目的：放映及剖析偵探懸疑片，選希治閣作品，講解懸念及驚慄原理。

導師：無乜淨博士［霍格華茲巫術學院］

課堂［十八］ 

日期：2018年07月02日（一）14:00-17:00

主題：驚慄片［白色懼嚇］賞析

目的：放映及剖析驚慄片，選美國、日本、泰國及香港作品，分析各地所長。

導師：木子木主名資深退休博士［霍格華茲魔法學院］

課堂［十九］ 

日期：2018年07月09日（一）14:00-17:00 

主題：鬼怪片［喪Ｂ風雲］賞析

目的：放映及剖析鬼怪片，選美製及港製僵屍片，分析各片之特色。 

導師：河童童先生［深井河原住民］

課堂［二十］ 

日期：2018年07月16日（一）14:00-17:00 

主題：劇情片（茉莉茶革命）賞析

目的：放映及剖析劇情片，選世界各大師作品，分析其成功原因。

導師：亞朱孖大學士［現代史記協會主席］

課堂［二十一］ 

日期：2018年07月23日（一）14:00-17:00 

主題：武俠片（黃飛鴻七。以武抗暴）賞析

目的：放映及剖析經典武俠片，分析武俠歷史片成功原因。

導師：九龍皇上院士［青海神經病學院］

＊＊

第二階段

主題：政治類型片劇本編寫

內容：學員掌握劇本創作的基本功後，便需實踐所學，按其喜好，選擇編寫不同類型片的劇本，如政治喜劇、政治懸疑、政治歷史、政治驚慄、政治恐怖、政治劇情等，分成10個學習小組。

由10名小組專責導師，分別帶領10個學組小組。導師包括：

。梨呃人博士［現職工人聯誼會秘書長］

。朱頭仁院士［ＡＶ承仁學院］

。帶尿呈院士［香港理髪研究中心］

。樑角熊教授［升官發財工作室］

。流小禮老師［流氓教室導師］

。基魯荃院士［獅狒龜研究學院］

。搖重鹽博士［危樓建築師學會］

。袍緊身博士［縮水布料研究學會］

。無乜淨博士［霍格華茲巫術學院］

。河童童先生［深井河原住民］

＊＊

日期：2019年02月09日（六）14:00-17:00

　　　政治類型片劇本編寫 (第一週)

日期：2019年02月23日（六）14:00-17:00

　　　政治類型片劇本編寫 (第二週)

日期：2019年03月02日（六）14:00-17:00

　　　政治類型片劇本編寫 (第三週)

日期：2019年03月09日（六）14:00-17:00

　　　政治類型片劇本編寫 (第四週)

日期：2019年03月16日（六）14:00-17:00

　　　政治類型片劇本編寫 (第五週)

日期：2019年03月23日（六）14:00-17:00

　　　政治類型片劇本編寫 (第六週)

日期：2019年04月06日（六）14:00-17:00

　　　政治類型片劇本編寫 (第七週)

日期：2019年04月13日（六）14:00-17:00

　　　政治類型片劇本編寫 (第八週)

日期：2019年04月20日（六）14:00-17:00

　　　政治類型片劇本編寫 (第九週)

日期：2019年04月27日（六）14:00-17:00

　　　政治類型片劇本編寫 (第十週)

日期：2019年05月04日（六）14:00-17:00

　　　政治類型片劇本編寫 (第十一週)

日期：2019年05月11日（六）14:00-17:00

　　　政治類型片劇本編寫 (第十二週)

日期：2019年05月18日（六）14:00-17:00

　　　政治類型片劇本編寫 (第十三週)

＊＊

日期：2019年07月13日（六）14:00-17:00

主題：基本政治編劇班第一及第二階段結業禮暨謝師午宴

內容：頒發個人證書、宣佈政治編劇十五強名單

＊＊

第三階段

日期：2019年07月20日至10月05日

主題：撰寫政治劇情長片劇本

內容：15位優秀政治編劇學員將由專責導師帶領，著手撰寫約90分鐘長的政治劇情電影完整劇本，劇本包括故事大綱、人物性格、人物關係、分場及詳細劇本。

19人導師團：

。流癲厠院士［正字學院］

。塵加樂博士［公文袋研究及使用學系］

。梨呃人博士［工人聯誼會秘書長］

。葡萄源博士［迷蹤教協調會總幹事］

。涼瓜結院士［中環大劇院］

。朱頭仁院士［ＡＶ承仁學院］

。帶尿呈院士［香港理髪研究中心］

。樑角熊教授［升官發財工作室］

。流小禮老師［流氓教室導師］

。哨鱔魚主席［香蕉電台聯誼會］

。基魯荃院士［獅狒龜研究學院］

。唔可以博士［政治化妝文化學會］

。搖重鹽博士［危樓建築師學會］

。袍緊身博士［縮水布料研究學會］

。無乜淨博士［霍格華茲巫術學院］

。木子主名資深退休博士［霍格華茲魔法學院］

。河童童先生［深井河原住民］

。亞朱孖大學士［現代史記協會主席］

。九龍皇上院士［青海神經病學院］

＊＊

日期：2019年10月12日至11月16日

主題：畢業禮及劇本推介會

內容：基本政治編劇的成長

＊＊

「政治編劇訓練班」表單已不接受回應。

如果您認為這項限制有誤，請與表單擁有者聯絡。

＊＊

有人話，其實［編劇］嘅最高境界，就係要將人生一啲好無聊同好濕碎嘅事，編寫成一個好浪漫兼可歌可泣嘅劇情長片.........

譯：蕭南仁。2017年08月13日

＊＊

香港風情。廣東話資料館