廣東話．歇後語．七字以上舉隅

廣東話．歇後語．七字以上舉隅

＊〔歡迎提供資料增修〕

＊—————————————————————————————

關公面前要大刀：不自量　　［］

一只筷子食豆腐：搞鑊曬　　［］

一竹篙攬一船人：唔分好壞；另有［一竹篙打一船人］

一個酸梅兩個核：今時就唔同往日［］

一個蘿蔔一個坑：啱啱好　　［冇多餘］　

一隻田螺淪鑊湯：冇味道　　［］

七個銅錢分兩份：唔三又唔四［］

八月十五個月光：正大光明　［］

十八個錢分兩邊：九文九文　［久聞］

十几人食一份煙：無釐癮頭　［］

＊—————————————————————————————

十字街頭貼告示：眾所周知　［］

十張牛皮蒙個鼓：好大嘅面子［］

三十一錢分兩份：十五十六　［］

三水佬睇走馬燈：陸續有來　［］

三角代數微積分：無幾何　　［］

三國盡歸司馬懿：獨撈　　　［］

上好沉香當爛柴：唔識寶　　［］

千尊菩薩一爐香：齊齊有請　［］

大水沖咗龍王廟：一家人唔認識一家人［］

大肚婆過獨木橋：挺而走險　［挺兒］

＊—————————————————————————————

大寒無雨落春霜：大寒日晴朗［一般預示來年春天較冷］

分娩無需人幫手：自己執生　［］

牛頭馬面咬耳仔：鬼聲鬼氣　［］

冬至魚生夏至狗：冬至時節食魚生，夏至時節食狗肉［］

出猛太陽要擔遮：唔該哂　　［］

右邊新屋無得住：左擰住晒　［］

打開棺材喊捉賊：冤枉死人　［］

未見過大蛇屙屎：未見過世面［］

生仔姑娘醉酒佬：話唔要又要，話唔制又制

石地堂對鐵掃把：硬碰硬　　［］

＊—————————————————————————————

江西佬打死馬騮：有家歸不得［］

老公為老婆擔傘：悽涼　　　［］

老虎追得貓上樹：多虧留一手［］

老虎頭上釘蝨乸：自尋死路　［］

老婆為老公擔傘：陰公　　　［］

沙塵超買六合彩：未富先驕　［］

沙頭角村長個女：你愛　　　［李愛］

芥菜老姜生菜仔：嫁錯老公生錯仔［］

見到岳父問貴姓：有眼不識泰山［］

東邊日出西邊晴：道是無晴卻有晴［情］

＊—————————————————————————————

武大郎照哈哈鏡：自視太高　［］

林沖誤入白虎堂：單刀直入　［］

岳母遇著親家母：婆婆媽媽　［］

南無佬跌落屎坑：冇曬符　　［］

屎坑里面掟炸彈：激起民糞　［憤］

紅番排隊去廁所：羽毛輪廁　［語無倫次］

唔食羊肉一身躁：無端受牽連［］

孫猴子變山神廟：露出尾巴　［］

狼父豬母的兒子：又惡又蠢　［］

偷雞唔到蝕渣米：搵唔到着數重蝕埋底［］

＊—————————————————————————————

鄉下佬唔識打更：敲竹杠　　［］

喃無佬跌落屎坑：無曬符　　［］

悲慘劇情流眼淚：喊都無謂　［］

無檳榔咬唔出汁：事出有因　［］

硬把曹操當包公：黑白不分　［］

貴州驢仔做馬叫：南腔北調　［］

買定棺材掘定氹：聽死　　　［等死］

黑白無常敘交情：鬼話連篇　［］

劈大喉嚨唱粵曲：嘥聲壞氣　［］

瞎貓碰着死老鼠：該他吃的　［］

＊—————————————————————————————

閻羅王開大食會：搵鬼嚟食　［］

劉姥姥入大觀園：眼花瞭亂　［花多眼亂］

醜婦終需見家翁：面對現實　［冇得再逃避面對］

＊—————————————————————————————

八十歲太公遇文王：發得遲　［］

十五個銅錢分兩份：七又唔系，八又唔系

四張白紙畫個狗頭：好大嘅面子［］

死了的乞丐張大嘴：窮話沒完［］

墨魚肝膽雞泡心腸：黑夾毒［］

豬八戒發夢娶老婆：盡想好事［］

螞蟻戴住個荔枝殼：充大頭鬼［］

癩蛤蟆想食天鵝肉：痴心妄想［大想頭］

＊—————————————————————————————

八十歲亞婆食狗肝菜：無事搵事害［搵嚟搞］

有錢佬吹口哨行夜街：自己同自己壯膽

＊—————————————————————————————

香港語文。廣東話資料館

廣東話．歇後語．六字舉隅

廣東話．歇後語．六字舉隅

＊〔歡迎提供資料增修〕

＊—————————————————————————————

一拜深二拜淺：過猶不及　［］

二叔公食芋頭：鬆下一個，鬆下一個［鬆：溜走］

二叔公排第幾：重使問　　［］

二叔婆揼心口：心中有數　［］

三水佬食黃鱔：一碌一碌　［］

三六湯要隔渣：唔食狗肉飲狗汁［］

三夾板上雕花：刻薄　　　［］

四方木加眼釘：踢都唔逳　［］

八叔公整米粉：一個一個整［］

十個罌九個蓋：蓋極唔齊　［］

＊—————————————————————————————

十八羅漢搶劫：都係嗰幾個人［］

八十歲翻頭嫁：穩路行；多此一舉［］

乞米佬食死蟹：隻隻好　　［］

大肚婆行鋼線：鋌而走險　［挺兒走險］

大花臉抹眼淚：離行離列　［］

大姑娘坐花轎：頭一遭　　［］

大男人蓋短被：兩頭顧唔著［］

大墳場發電機：電死人　　［］

中六合彩暴斃：有錢無命駛［］

天庭唯一厠所：全神貫注　［］

＊—————————————————————————————

天拿水當神油：乸手唔成勢［］

水至清則無魚：人至賤則無敵［］

牛頭唔搭馬嘴：各說各話　［］

牛頭馬面開片：正式鬼打鬼［］

半天雲掛口袋：裝瘋　　　［裝風］

白雲山一擔泥：眼闊肚窄　［］

石板上斬狗腸：一刀兩斷　［］

交換手玩結他：左彈右彈　［］

向飛髮佬拜師：從頭學起　［］

成吉思汗打仔：大汗疊細汗［大汗淋漓］

＊—————————————————————————————

托住屎窟弔頸：死穩陣　　［］

老和尚睇嫁妝：下一世再講［］

老鼠跌落天平：自己稱自己［］

老鼠跌落茅廁：一身屎　　［］

年三十晚謝竈：好做唔做　［］

禿頭上嘅虱乸：擺明喺度　［］

豆腐跌落爐灰：吹唔甩，攞唔到［］

陀背佬落樓梯：中中地　　［］

抬轎佬搵秘撈：托塔都應承［］

抱著元寶跳井：舍命不舍財［］

＊—————————————————————————————

肥佬著喇叭褲：比上不足，比下有餘〔髀上髀下〕

茅山師父走鬼：鈴鈴碴碴都掉埋［］

長洲佬打老婆：睇腳　　　［］

長頸鹿的腦袋：突出　　　［］

拉車佬充轎夫：不識抬舉　［］

兩個啞佬嗌咬：唔知誰是誰非［］

泥水佬開門口：過得自己過得人［］

剃頭佬走警報：懶刮　　　［］

鹹欖煲茶白欖：無得解　　［］

待售走馬燈籠：弔高來賣　［］

＊—————————————————————————————

扁鼻佬戴眼镜：冇得頂　　［］

缸瓦船打老虎：盡地一煲　［］

風吹皇帝褲浪：孤鳩寒　　［］

風扇底下傾偈：講風涼話　［］

食火煱拍馬屁：打邊爐同打屎忽［］

食咗成擔蒜頭：好大口氣　［］

食豬紅痾黑屎：當堂見效　［］

娘親去炒黃牛：媽到飛起　［］

孫二娘開飯店：進不得　　［］

真系太監騎馬：無得頂　　［］

＊—————————————————————————————

陳顯南賣告白：得把口　　［］

啲咑佬跌利是：白谷　　　［］

崩鼻佬戴眼鏡：無得頂　　［］

張果老瞓梳化：聽住先　　［］

眼鏡蛇打乞嚏：滿嘴噴毒　［］

細佬哥玩泥沙：兒戲　　　［兒嘻］

細規模洋服鋪：講一套做一套［］

單眼佬睇老婆：一眼睇晒　［］

揑鼻哥灌苦茶：唔到你唔服［］

揸電筒入廁所：找屎　　　［找死］

＊—————————————————————————————

棺材頂燒炮仗：嚇死人　　［］

無鼻佬戴眼鏡：無得頂／你緊佢唔緊

無線電視記者：臨尾香　　〔林美香〕

番薯跌落風爐，該煨　　　［］

買豬頭搭豬骨：大件夾抵食［］

跆拳道起雙飛：踢哂腳　　［］

黃帝褲浪穿窿：孤鳩寒　　［］

黃連樹下彈琴：苦中作樂　［］

黃綠醫生隆胸：未大先壞　［］

落雨天掛梅香：又咸又濕　［］

＊—————————————————————————————

腳科醫師診症：無乜睇頭　［］

寡母婆死咗仔：冇乜指望　［無子望］　

寫稿人爬格子：落筆打三更［］

摩羅差騎膊馬：差上差　　［］

潮州佬拉二胡：自已顧自己［］

蕃薯跌落炭爐：該煨　　　［］

豬屎忽插蕉葉：出奇　　　［］

醉酒佬數街燈：都唔知幾盞［］

閻王殿大罷工：無鬼用　　［］

閻羅王出告示：鬼話連篇　［］

＊—————————————————————————————

殯儀館大減價：抵死　　　［］

雙門底賣古董：開天索價，落地還錢［］

雞蛋里挑骨頭：冇事搵事做［］

壽星公娶二奶：有心無力　［］

＊—————————————————————————————

香港語文。廣東話資料館

廣東話．歇後語．五字舉隅

廣東話．歇後語．五字舉隅

＊〔歡迎提供資料增修〕

＊—————————————————————————————

一三五七九　：　無傷　　　［冇雙數］
一家十五口　：　七嘴八舌　［］
二四六八單　：　無得變　　［］
二叔公割禾　：　望下橛　　［］
二叔公煎糕　：　翻來覆去　［］
二叔公試田　：　聽秧　　　［聽殃］
二叔婆挖心　：　有分有數　［］
二叔婆養豬　：　好心機　　［］
二婆婆養豬　：　夠晒好心機［］
三元宮土地　：　錫身　　　［惜身］
＊—————————————————————————————
三斤孭二斤　：　勉力而為　［］
三水佬考試　：　少個得個　［］
三行佬做門　：　過得自己過得人［］
三個鼻哥窿　：　多一口氣　［］
七姐反宮衣　：　花樣隨時變［］
七婆嗰細妹　：　八婆　　　［］
九曲橋散步　：　行彎路　　［］
十月火歸臟　：　唔離芥菜湯［有除濕熱化痰功效］
十二叔賣狗　：　無得揀　　［］
十五個水桶　：　七上八落　［］
＊—————————————————————————————
人生地不熟　：　唔對路　　［］
上香打乞嚏　：　一面灰　　［］
千里送鵝毛　：　禮輕情意重［］
口水多過茶　：　會說不會做［］
土地公放屁　：　神氣　　　［］
大石砸死蟹　：　無聲出　　［］
大老倌上台　：　系威系勢　［］
大肚婆流產　：　命仔都無埋［］
大肚婆墮胎　：　搵條命仔來教飛［］
大良阿斗宮　：　二世祖　　［］
＊—————————————————————————————
大姑娘說媒　：　難開口　　［難以啟齒］　
大炮打蚊玆　：　白費力　　［］
大髀畫老虎　：　嚇系呀　　［］
大富翁花園　：　闊佬懶理　［］
大寒牛碰碰　：　舊谷有人要［］
大髀貼郵票　：　走人　　　［］
大轆藕抬色　：　應有盡有　［］
大懶蛇開飯　：　煮到埋來就食［］
小和尚念經　：　有口無心　［］
小偷被狗咬　：　暗啞抵死忍［］
＊—————————————————————————————
小蔥拌豆腐　：　一清二白　［］
山谷里喊話　：　一呼百應　［］
公廁掟大石　：　激起公糞　［憤］
升米漿條褲　：　硬梗　　　［比喻事情搞衰咗］
天上的星星　：　數不清　　［］
天光公雞叫　：　白啼　　　［白提］
太公分豬肉　：　人人有份　［］
太監打飛機　：　無從入手　［］
太監割包皮　：　攞來講　　［］
孔夫子放屁　：　文氣冲天　［］
＊—————————————————————————————
孔夫子搬屋　：　執書　　　［輸］
弔頸鬼搽粉　：　死都要面　［］
斗木佬刨樹　：　專理不平　［］
水仙唔開花　：　扮蒜頭　　［裝蒜］
水兵對水手　：　水鬥水　　［］
水浸老牛皮　：　泡唔開　　［］
水浸缸瓦鋪　：　盆满鉢满　［］
水槍射汽球　：　谷到爆　　［］
火燒石灰船　：　無得救　　［無藥可醫］
火燒城隍廟　：　急死鬼　　［］
＊—————————————————————————————
牛郎約織女　：　後會有期　［］
王七個細佬　：　王八　　　［］　
王小二過年　：　一年不如一年［］
王老五開餐　：　獨食　　　［］
六月着皮褸　：　稱家之所有［］
切菜刀剃頭　：　牙厂　　　［好險］
出版商過年　：　打書數　　［打輸數］
包青天斷案　：　無得傾　　［］
包袱掛門閂　：　隨時准備走人［］
半夜食黃瓜　：　唔知頭唔知尾［］
＊—————————————————————————————
印度佬屙尿　：　烏瀡瀡　　［］
去街運何村　：　浪費時間　［］
外母睇女婿　：　口水嗲嗲帝［］
外祖母之母　：　婆媽　　　［］
外甥打燈籠　：　照舅　　　［照舊］
打針吃黃蓮　：　痛苦　　　［］
正一陳顯南　：　得把口　　［］
正兼職偷懶　：　兩頭蛇　　［］
生骨大頭菜　：　種壞　　　［縱壞］
生蝦落油鑊　：　跳亦死，唔跳亦死［］
＊—————————————————————————————
生銹刀破柴　：　斬得就斬　［］
甩柄士巴拿　：　得棚牙　　［］
白雲山撞雨　：　冇得避　　［］
白雲山蟋蟀　：　得把聲　　［］
白菜煮豆腐　：　一清二白　［］
白糖炒苦瓜　：　同甘共苦　［］　
白蟻蛀觀音　：　自身難保　［］
白鱔上沙灘　：　唔死一身潺［］
石頭磨剃刀　：　有損無益　［］
北京鴨食嘢　：　全靠填　　［］
＊—————————————————————————————
伏爾泰細佬　：　伏已中　　［中伏］
光棍佬教仔　：　便宜莫貪　［］
冰凍麥牙糖　：　實食無黐牙［］
冰跌落醋酲　：　寒酸　　　［］
同閻王講數　：　唔知死　　［］
成晚聽鬼古　：　點驚得咁多［］
死了的鴨子　：　嘴硬　　　［］
死雞撐飯蓋　：　死頂　　　［］
竹門對竹門　：　木門對木門［］
肉到老虎口　：　一去無回頭［］
＊—————————————————————————————
芝麻糊媾墨　：　黑上加黑　［］
西南二伯父　：　專做好人　［］
西施出天花　：　美中不足　［］
老太婆飲湯　：　無齒下流　［無恥］
老虎戴念珠　：　扮好人　　［冒充善人］　
老婆跌落井　：　妻涼　　　［悽涼］
老鼠尾生瘡　：　大極有限　［］
老舉埋年結　：　算Ｘ數　　［］
年卅晚酒樓　：　淡定　　　［］
年卅晚謝灶　：　好做唔做　［］
＊—————————————————————————————
作揖抓腳背　：　一舉兩得　［］
呃鬼食豆腐　：　搵鬼信　　［］
宋三個細佬　：　宋四　　　［送死］
床下底劈柴　：　撞板　　　〔闖禍〕
床下底踢毽　：　大家都系咁高［］
床板跳上席　：　相差無幾　［］
抌石落屎坑　：　激起公憤　［］
沙蟬跌落地　：　粒聲唔出　［］
灶君跌落鑊　：　精神　　　［蒸］
男人靠得住　：　豬乸會上樹［］
＊—————————————————————————————
秀才遇著兵　：　有理講唔清［有理說不清］
芳艷芬唱戲　：　唔嫁又嫁　［］
豆腐佬擔梯　：　成左例　　［］
亞均賣大頭　：　好噏唔噏　［］
亞陀瞓棺材　：　死都唔掂　［］
亞奇生阿奇　：　奇上加奇　［］
亞爺食偉哥　：　激起公奮　［憤］
亞婆纏腳布　：　又長又臭　［］
亞媽系女人　：　唔使講都知［眾所周知］
亞駝賣蝦米　：　大家都唔掂［］
＊—————————————————————————————
亞蘭嫁阿瑞　：　大家累鬥累［］
冷巷擔竹竿　：　直出直入　［］
冷眼瞧螃蟹　：　睇你橫行到幾時［］
呂布戰貂蟬　：　上咗人哋嘅當［］
受潮的火柴　：　有火發不出［］
周先生教書　：　有警冏　　［］
周圍無廁所　：　去邊度Wet ［］
周瑜打黃蓋　：　一個願打一個願捱［］
夜晚食青瓜　：　唔知頭定尾［］
抬棺材甩褲　：　失禮死人　［］
＊—————————————————————————————
斧頭劈牛屎　：　實入　　　［］
東莞佬猜枚　：　開晒　　　［害晒］
東莞佬賣席　：　唔理生定死［］
法老王個妹　：　法老姣　　［發老姣］
波霸跳彈床　：　大上大落　［］
炒菜唔落鹽　：　淡而無味　［］
牀下底破柴　：　撞板　　　［］
狗咬呂洞賓　：　不知好人心［］
盲公食湯丸　：　心中有數　［］
盲眼婆死仔　：　無眼睇　　［］
＊—————————————————————————————
空口講白話　：　沒齒難忘　［］
空棺材出殯　：　木中無人　［］
肥佬着笠衫　：　幾大就幾大［］
肥婆守門口　：　大系把　　［］
肥婆坐屎塔　：　佮佮撼　　［盦盦冚］
茅台溝ＸＯ　：　酒佬都唔掂［走佬都唔掂］
長洲婆賣菜　：　瓜多過菜　［］
門底賣古董　：　開天索價，落地還錢［］
生埗麻雀腳　：　不打不相識［］
雨遮唔怕借　：　千祈唔好罨過夜［］
＊
拉車仔政策　：　一味靠拖　［拖得就拖］
泥菩薩過江　：　自身難保　［］
林黛玉葬花　：　自嘆薄命　［］
城頭上跑馬　：　一味兜圈　［］
姜太公封神　：　漏咗自己　［］
姜太公釣魚　：　願者上釣　［］
姻家猛食糊　：　老襯當旺　［］
屎坑睇報紙　：　多見多聞　［］
屎窟窿生瘡　：　冇眼睇　　［］
拼死食河豚　：　一命搏一命［］
＊—————————————————————————————
挖肉攞瘡生　：　自討苦吃　［］
星加坡雞啼　：　獅人醒　　［私人醒］
毒蛇噴豬籠　：　嘥氣　　　［］
洗米水煲飯　：　白做　　　［］
洗腳唔靺腳　：　花錢冇節制［儲唔到錢］
砒霜浸辣椒　：　毒辣　　　［］
秋蟬跌落地　：　無曬聲　　［］
風吹雞蛋殼　：　財散人安樂［］
飛機上彈琴　：　高調　　　［］
飛機炸茅坑　：　激起民糞　［憤］
＊—————————————————————————————
飛機場潑婦　：　細胸夾狼　［勢凶夾狼］
飛機運茶壺　：　高水瓶　　［高水瓶］
飛機撞紙鷂　：　有咁岩就得咁橋［］
茶館里的水　：　滾開　　　［］
神仙過鐵橋　：　包稳陣　　［］
埃及王個妹　：　法老姣　　［發老姣］
屙屁遞草紙　：　多此一舉　［］
屙尿射竹筒　：　靠撞　　　［］
席夢思床褥　：　包裝彈弓　［］
海軍對水兵　：　水鬥水　　［］
＊—————————————————————————————
烏龜爬門檻　：　唔跌唔進　［］
烏雞啄烏豆　：　烏啄啄　　［］
烏蠅摟馬尾　：　一拍兩散　［］
秦檜殺岳飛　：　罪名莫須有［］
粉絲炒海帶　：　黑白分明　［］
財到光棍手　：　一去無回頭［］
郵件行不通　：　信唔過　　［］
酒席上的碗　：　輪流轉　　［］
酒樓點心車　：　推來推去　［］
陳年中草藥　：　發爛渣／發爛苴／發爛砸
＊—————————————————————————————
馬拉松鐵匠　：　有排揼／系咁揼
馬背上釘掌　：　離蹄太遠　［離題］
馬騮生臭狐　：　　　　　　［］
留得青山在　：　那怕冇柴燒［］
陸雲廷睇相　：　唔衰攞嚟衰［］
陸榮庭睇相　：　唔衰摞嚟衰［］
乾隆皇契仔　：　周日清　　［身無分文，窮光蛋］
問和尚借梳　：　嘥氣　　　〔多餘〕
問師姑借梳　：　實無　　　［］
啞仔食黃蓮　：　有苦自己知［］
＊—————————————————————————————
啞仔學發音　：　嗡得出就嗡［］
啞佬買棺材　：　死畀你睇　［］
啞蟬跌落地　：　無聲出　　［］
崩牙佬吹簫　：　嘥氣　　　［］
張飛戰岳飛　：　殺到滿天飛［］
張果老騎驢　：　倒轉走　　［］
掉石落屎坑　：　激起公憤　［糞］
掘尾龍拜山　：　攪風攪雨　［］
敗家仔裁衫　：　嘥料　　　［］
清明插桃葉　：　假柳　　　［］
＊—————————————————————————————
猛火煮漿糊　：　呢鑊杰　　［］
細孥哥剃頭　：　快喇快喇　［］
菠菜煮豆腐　：　一青二白　［一清二白］
豉油辣椒醬　：　你想點就點［］
雪地里滾球　：　越來越大　［］
麻布做龍袍　：　唔系嗰種料［］
麻雀館開場　：　風生水起　［］
黄鳝上沙灘　：　唔死一身孱［］
殺雞用牛刀　：　小題大做　［］
單眼佬睇榜　：　一眼睇晒　［］
＊—————————————————————————————
寒山寺個鐘　：　遠近聞名　［鳴］
寒天飲冷水　：　冷暖在心頭［點滴在心頭］
廁所睇報紙　：　多見多聞　［］
提起腳射尿　：　做到隻狗咁樣［］
搭訕夜香妹　：　睬你都有味［］
棺材里伸手　：　死要錢　　［］
棺材舖拜神　：　想人死　　［］
無毛雞打交　：　啖啖到肉　［形容人打架打得狠］
無牙佬飲湯　：　無齒下流　［無恥］
無柄士巴拉　：　得棚牙　　［］
＊—————————————————————————————
番鬼佬月餅　：　悶極　　　〔Mooncake〕
番鬼佬睇榜　：　掉轉嚟　　［］　
番鬼婆大肚　：　心懷鬼胎　［］
痾尿射竹筒　：　靠撞　　　［］
蜑家婆打仔　：　睇你走去邊［］
蜑家婆摸蜆　：　第二篩　　［第二世］
蜑家雞見水　：　得個望　　［有得睇無得飲］
裙底插令箭　：　出西旗　　［出西奇］
補鞋佬扯線　：　一拉就要到口［］
詐假意晾衫　：　扮曬嘢　　［］
＊—————————————————————————————
買板唔知埞　：　自尋死路　〔板：四塊半，埞：地方〕
買鹹魚放生　：　不知死活　［］
跑馬射蚊鬚　：　機會渺茫　［］
跛佬打足球　：　一腳踢　　［］
開窗放空調　：　嘥冷氣　　［］
隔夜油炸鬼　：　冇嚟火氣　［］
項羽請劉邦　：　存心不良　［］
黃皮樹了哥　：　唔熟唔食　［專搵朋友便宜］
黃蜂尾後針　：　最毒婦人心［］
黃鱔上沙灘　：　唔死一身孱［］
＊—————————————————————————————
落手食西餐　：　無叉用　　［］
傷風服瀉藥　：　唔止得咳　［］
搵老番攪掂　：　使鬼做／麻鬼煩
暖水煮田雞　：　慢慢死　　［］
楊家將出徵　：　男女老少齊上陣［］
矮仔上樓梯　：　步步高升　［］
筷子食蛋糕　：　無叉用　　［］
腳打呂洞賓　：　撐先　　　［仙］
蒙古王打仔　：　大汗沓細汗〔濌／沓〕
賊仔入學堂　：　碰到都係書［輸］
＊—————————————————————————————
賊佬試沙煲　：　試下先　　［］
跪地喂豬乸　：　睇錢份上　［］
雷公劈豆腐　：　搵軟來蝦　［］
零比零收場　：　防不勝防　［］
飯熟唔收柴　：　香梗　　　［］
壽星公吊頸　：　嫌命長　　［］
寡母婆喪子　：　冇子望　　［指］　
榕樹頭故仔　：　聽住一半先［］
滾水淥豬腸　：　兩頭縮　　［］
種花唔淋水　：　多謝哂　　［］
＊—————————————————————————————
趕狗入窮巷　：　因住回頭咬一啖［］
銀樣臘槍頭　：　得個樣　　［］
銅銀買病豬　：　大家偷歡喜［］
鍾鎮濤口哨　：　吹到ＢＢ聲［］
鳳姐叫牛郎　：　雞同鴨講　［］
鼻哥窿擔遮　：　避無可避　［鼻毛］
墳前燒報紙　：　呃鬼　　　［］
墳場發電機　：　電死人　　［］
墳場燒炮丈　：　嚇死人　　［］
寫稿人教仔　：　有得作就作［］
＊—————————————————————————————
撈頭唱散紙　：　生痔瘡　　［小姐有無散紙唱］
潘金蓮熬藥　：　暗中落毒　［］
潛水艇大戰　：　沉着應戰　［］
稻草人救火　：　自身難保　［］
窮人思舊債　：　爛帳　　　［］
窮木匠開張　：　只有一鋸　［句］
蕃薯跌落竈　：　該煨　　　［］
豬八戒照鏡　：　裹外都不是人［］
賣布唔帶尺　：　存心不良　［量］
賣魚佬沖涼　：　冇晒聲氣　［腥］
＊—————————————————————————————
賣魚佬洗身　：　冇晒聲氣　［腥］
魯班的鋸子　：　唔銼　　　［唔錯］
劉備借荊州　：　一借無回頭［］
劉義打番鬼　：　越打越好睇［劉義：劉永福］
擔掃把入屋　：　打橫來　　［］
橋上倒涼茶　：　河苦　　　［何苦］
薯仔煲糖水　：　心淡　　　［］
蟒蛇遇箭豬　：　難纏　　　［］
閻王爺投稿　：　鬼話連篇　［］
閻王爺嫁女　：　搵鬼要　　［］
＊—————————————————————————————
閻羅王招工　：　搵鬼嚟做　［］
閻羅王探病　：　問你死未　［］
閻羅王開攤　：　搵鬼買　　［］
閻羅王嫁女　：　鬼要　　　［搵鬼要］　
閻羅王請人　：　搵鬼嚟做　［］
閻羅皇做莊　：　鬼買　　　［］
頭上插扇子　：　出風頭　　［］
鴕鳥鑽沙堆　：　埋唔到尾　［］
朦查查司機　：　系又車唔系又車［奢］
虧空電燈膽　：　吞泡　　　［］
＊—————————————————————————————
賽跑泯恩仇　：　一走了之　［］
龍船做屎艇　：　又長又臭　［］
龍船裝豬屎　：　又長又臭　［］
臨急抱佛腳　：　正需神　　［正衰神］
藤條燜豬肉　：　拂到漏油　［］
雞食放光蟲　：　心知肚明　［］
騎牛遇親家　：　出丑偏遇熟人［］
蘇東坡吟哦　：　口中念念有詞［］
蘇蝦仔戴孝　：　死有余孤　［辜］
關門玩八音　：　自彈自唱　［］
＊—————————————————————————————
關門燒炮仗　：　自己燒自己聽［自娛自樂］
羅漢請觀音　：　人多好做事［］
竈君跌落鑊　：　蒸神　　　［精］
鐵木真打仔　：　大汗濌细汗〔濌／沓〕
鐵拐李踢波　：　一脚踢　　［一個人做晒］
聾人來電話　：　睬佢都多余［］
鴛鴦六七四　：　唔對色　　［］

＊—————————————————————————————

香港語文。廣東話資料館

廣東話．歇後語．四字舉隅

廣東話．歇後語．四字舉隅

＊＊〔歡迎提供資料增修〕

＊—————————————————————————————

一步登天　：　大想頭　［］
一頭霧水　：　不知宗　［］
二花面頸　：　當場火爆［］
二馬同槽　：　必然打鬥［］
三斤豬頭　：　得把口　［］
三木武夫　：　無釐表情［］
三更出世　：　害死人　［三更，亥時］
三腳麻雀　：　好打有限［］
五十斤柴　：　一樂也　［一絡］
五行欠金　：　缺金　　［無錢］
＊—————————————————————————————
五行欠水　：　缺水　　［無錢］
五更雞啼　：　唔知醜　［五更：丑時］
六月賞雪　：　白費心思［］
六親斷絕　：　難得戚　［］
八仙過海　：　各顯神通［］
八面台口　：　難於應付［］
十月芥菜　：　起芯　　［起心］
十月蔗頭　：　甜到尾　［］
十二點半　：　指天督地［］
丈二和尚　：　摸不着頭腦［］
＊—————————————————————————————
丈八和尚　：　摸不着頭腦［］
入冬生魚　：　詐死　　［］
上山捉蟹　：　難之又難［］
上漆關公　：　木口木面［］
乞兒煮粥　：　唔等熟　［］
叉燒滾湯　：　無生肉　［］
土地燈籠　：　夜不收　［過夜生活丶早晚顛倒嘅人］
大蛇屙尿　：　少見　　［］
大暑小暑　：　有米懶煮［胃口不佳］
大雞開飯　：　食米唔知米價［］
干塘捉魚　：　無走雞　［］
＊—————————————————————————————
公共電話　：　有錢有話講，無錢無得傾
公關使用　：　交際花　［］
反轉豬肚　：　就系屎　［］
天堂尿壺　：　全神貫注［］
太監磨柱　：　真系滑　［］
太監騎馬　：　無得頂　［］
孔明借箭　：　滿載而歸［］
日本首相　：　左騰右騰［］
日本郵船　：　遲早丸　［遲早完］　
月事不調　：　無嚟正經［］
＊—————————————————————————————
木工刨樹　：　專理不平［］
木頭眼鏡　：　睇唔透　［］
水瓜打狗　：　唔見咁截［唔見一截］
水底屙尿　：　自己知　［］
水底撈月　：　一場空　［］
水浸眼眉　：　唔知死　［］
水浸塔頂　：　淹尖　　［挑剔］
水過鴨背　：　唔裝載　［］
水滴石穿　：　非一日之功［］
水銀瀉地　：　無孔不入［］
＊—————————————————————————————
火燒後欄　：　一鑊熟　［］
火燒眼眉　：　唔知死　［］
火燒旗杆　：　長儃　　［炭］
火燒豬頭　：　熟口熟面［似曾相識］
火燒燈芯　：　無嘆　　［無炭］
牛皮燈籠　：　點極都唔明［唔開竅］
牛遇親家　：　出丑偏遇熟人
牛噍牡丹　：　食而不知奇味［］
瓦檐獅子　：　叻到掹　［再厲害都係個裝飾］
切肉離皮　：　一刀兩斷［］
＊—————————————————————————————
仙人下凡　：　神不守舍［］
仙界官銜　：　唔系人咁品［］
冬前臘鴨　：　隻掕隻　〔一隻掕一隻〕
冬錢臘鴨　：　得個睇字［］
包公審案　：　鐵面無私［無得傾］
半夜雞啼　：　唔知丑　［唔知醜］
四方鑊蓋　：　無個啱　［］
四兩棉花　：　冇法彈　［談］
奶媽湊仔　：　人家嘅　［唔屬於自已嘅嘢］
平洲奶媽　：　賺個肚　［冇錢賺］
＊—————————————————————————————
打賞菩薩　：　醒神　　［］
打爛沙盆　：　問到篤　［尋根問底］
打爛沙盆　：　璺到篤　［］
氹仔工人　：　扎炮　　［］
生水芋頭　：　侲侲地　［］
生蟲枴杖　：　靠唔住　［］
生曬蠔時　：　越曬越縮［］
甩柄鋤頭　：　無揸拿　［］
甩繩馬騮　：　捉都捉唔返［］
田雞過河　：　各有各撐［各走各路］
＊—————————————————————————————
石灰鋪路　：　白行　　［］
石馬無能　：　枉自大　［生得高大，本領有限］
石灣公仔　：　無腸無肚［思想單純］
禾稈穿針　：　難過眼　［］
冰凍三尺　：　非一日之寒［］
帆杆燈籠　：　照遠唔照近［］
早晨放屁　：　朝氣勃勃［］
死人燈籠　：　報大數　［］
死亡論調　：　生意難撈［］
百斤加一　：　有你唔多，無你唔少［］
＊—————————————————————————————
竹籃打水　：　白費功夫［］
米水沖涼　：　糊塗塗　［］
芋頭點糖　：　心淡　　［］
老公荷包　：　夫錢　　［膚淺］
老公撥扇　：　妻涼　　［淒涼］
老火炆鴨　：　得把嘴硬［］
老豆開支　：　母有計　［無有計］
老炆文鴨　：　得把嘴硬［］
老虎弔頸　：　畀人食　［］
老婆擔遮　：　陰公　　［陰功］
＊—————————————————————————————
老牌臨記　：　羨慕死人［善冒］
老番麻雀　：　鬼打都無咁精神［］
老黃賣瓜　：　自話自誇［］
老鼠拉龜　：　冇埞埋手［］
老鼠搵貓　：　攞嚟衰　［］
老舉埋年　：　算鳩數　［］
年晚煎堆　：　人有我有［］
低劣重逢　：　下次再會［］
吞金滅宋　：　打釜頭　［買餸］
吹牛過骨　：　大話夾好彩［］
＊—————————————————————————————
屁股生瘡　：　無眼睇　［］　
床底破柴　：　撞曬大板［］
改短兩分　：　縮骨　　［］
杉木靈牌　：　做唔得主［］
沙堆堆人　：　唔埋得個鼻［］
沙灣燈籠　：　何府　　［何苦］
灶君上天　：　有個句講嗰句［］
灶頭抹布　：　鹹濕　　［］
社壇土地　：　無瓦遮頭［］
秀才手巾　：　包書　　［包輸，每賭必輸］
＊—————————————————————————————
走鬼生涯　：　二奶命　［易拉］
返潮話梅　：　又咸又溼［］
冷佬魚蛋　：　發爛揸　［］
冷門生意　：　好做唔做［］
冷巷堦磚　：　陰溼　　［］
亞北閹雞　：　有心無腎［］
亞佗行路　：　中中地　［］
亞茂整餅　：　無嗰樣整嗰樣［］
亞婆食粥　：　無齒下流［無恥下流］
亞崩叫狗　：　越叫越走［］
＊—————————————————————————————
亞崩吹簫　：　嘥氣　　［離譜］
亞崩養貓　：　轉性　　［］
亞崩劏羊　：　呃都無得呃［］
亞貴買布　：　唔講嗰匹［］
亞超著褲　：　焗住嚟　［］
亞聾送殯　：　唔聽你支死人笛［］
亞聾養雞　：　啼都唔啼［提都唔提］
亞聾燒炮　：　散曬　　［］
和尚擔遮　：　無髮無天［無法無天］
哎吔亞爸　：　老豆都系假［］
＊—————————————————————————————
放虎歸山　：　後患無窮［］
放路溪錢　：　引死人　［］
東莞臘腸　：　又肥又短［］
枕頭木虱　：　包咬頸　［包拗頸］
狐狸嗌交　：　一派胡言［］
狗上瓦坑　：　總有條路［］
狗仔坐轎　：　不識抬舉［］
狗咬賊仔　：　暗啞抵　［死忍］
狗捉老鼠　：　多管閑事［］
盲公拔河　：　瞎扯　　［］
＊—————————————————————————————
盲公開眼　：　酸得厲害［味道太酸，酸至開眼］
盲公演講　：　瞎說　　［］
盲佬上樓　：　摩登　　［］
盲佬生意　：　瞇埋眼做［］
盲佬貼符　：　倒貼　　［］
盲頭烏蠅　：　亂咁撞　［］
直路揸車　：　無灣轉　［］
空中起義　：　乘機作反［］
空心大樹　：　徒有虛名［］
苦瓜炒鴨　：　苦過弟弟［］
＊—————————————————————————————
茅廁點燈　：　找屎　　［找死］
長州包蘸　：　襟住來搶［］
非洲和尚　：　黑人僧　［乞人憎］
冒牌牙醫　：　不識修齒［羞恥］
剃刀門楣　：　出又刮入又刮
咸蛋滾湯　：　心都實曬［］
城樓跑馬　：　一味兜圈［］
姜蔥鯉魚　：　屈得就屈，夾埋嚟屈
屎坑三姑　：　易請難送［］
屎坑石頭　：　又臭又硬［］
＊—————————————————————————————
屎坑點燈　：　找屎　　［找死］
屎坑關刀　：　聞又唔得，舞又唔得［文，武］
指定火葬　：　話唔埋　［］
玻璃眼鏡　：　假睛　　［假精叻］
軍佬皮鞋　：　省到立立靚［］
除褲放屁　：　多此一舉［］
除褲痾屁　：　干淨企理［］
風吹芫荽　：　荽貼地　［衰貼地］
飛蛾撲火　：　自取滅亡［］
飛機火燭　：　燒雲　　［銷魂〕
＊—————————————————————————————
飛機打交　：　高鬥　　［高竇］
飛機爆炸　：　燒雲　　［銷魂］
香蕉樹影　：　粗枝大葉［］
骨鯁在喉　：　不吐不快［］
鬼打官司　：　死不讓人［］
鬼打南巫　：　無符　　［］
鬼佬月餅　：　悶極　　［Moon Cake］
鬼屋孖鋪　：　驚就兩份［］
茶瓜送飯　：　好人有限［病人］
茶樓搬家　：　另起爐灶［］
＊—————————————————————————————
神仙放屁　：　不同凡響［］
神台貓屎　：　神憎鬼厭［］
倒食甘蔗　：　節節甜　［漸入佳境］
倒掛臘鴨　：　油嘴滑舌［］
倒瀉籮蟹　：　手忙腳亂［］
家庭用具　：　宅使　　［］
屙尿入盅　：　執正來做［］
時鐘租金　：　點算　　［］
桂姐賣布　：　一匹還一匹［一筆還一筆］
海底石斑　：　好瘀　　〔好魚〕
烚熟狗頭　：　噬起棚牙［］
＊—————————————————————————————
珠磯路尾　：　多如茶樓［多余］
紙里包火　：　瞞唔過去［］
紙紮下扒　：　口輕輕　［］
紙紮公仔　：　有氣無神［］
航空母艦　：　食水深　［賺到盡］
郵箱爆棚　：　難以置信［］
酒樓例湯　：　整定　　［］
酒樓菜譜　：　睇嚇點　［］
陳年頑痰　：　老而不化［］
陳村碼頭　：　逢渡必啱［賭：諧音］
＊—————————————————————————————
馬前潑水　：　難收拾　［］
馬騮升官　：　唔系人咁品［］
高佬跌跤　：　差得遠　［］
高腳燈籠　：　照遠唔照近［］
高麗香信　：　孤寒種　［菇韓］
乾塘捉魚　：　無走雞　［］
做天文台　：　睇水　　［］
問蝦羅血　：　無都要有［］
啞巴上學　：　絕對冇問題［］
啞仔度水　：　賒借免問［］
＊—————————————————————————————
夠鐘開映　：　啱睇　　［］
密底算槃　：　無漏罅　［精打細算］
張飛戒酒　：　明天　　［］
掂過碌蔗　：　事事順利［全無阻滯］
排隊開大　：　倫惇　　［輪蹲］
晨早放屁　：　朝氣勃勃［］
深井打水　：　有排攪　［］
深水撻沙　：　瘀到貼地［］
深海石斑　：　好魚　　［好瘀］
菜刀剃頭　：　牙厂　　［危險］
＊—————————————————————————————
蛇王一族　：　懶叻　　［］
豉油捞飯　：　整色整水［造作］
豉油樽蓋　：　又鹹又濕［好色］
過時飯餸　：　無啖好食［］
過氣老舉　：　殘雞　　［］
過期菲林　：　唔感光　［反應遲鈍］
過街老鼠　：　人人喊打［］
閉眼射靶　：　不妙　　［瞄：諧音］
麻骨浸田　：　又浮又臭［］
殺雞取蛋　：　一次過　［］
＊—————————————————————————————
梁山弟兄　：　不打不相識［］
厨房階磚　：　鹹濕　　［］
單料銅煲　：　一滾就熟［容易與人溷熟］
單眼睇戲　：　一眼睇曬［］
寒廁出恭　：　坐冷板　［］
廁所點燈　：　找死　　［屎］
期待收貨　：　等運到　［］
棚尾拉箱　：　暗中走人［］
棺材甩褲　：　失禮死人［］
棺材拐杖　：　死撐　　［］
＊—————————————————————————————
無耳茶壺　：　得把嘴　［只講唔做］
無耳茶煲　：　淨得把口［］
無耳藤篋　：　一味靠托［］
無尾飛陀　：　有去無回［無影無蹤］
無尾燒豬　：　唔慌好事［］
無弇雞籠　：　自出自入［］
無息貸款　：　一還一，二還二［］
無常爆肚　：　鬼同你講笑［］
無掩雞籠　：　自出自入［］
無旗杆子　：　一碌木　［］
＊—————————————————————————————
無厴雞籠　：　自出自入［］
番禺蠟燭　：　假細心　［］
畫蛇添足　：　多此一舉［］
痾尿入盅　：　執正來做［］
結他無線　：　無得彈　［無可挑剔］
絕望手朮　：　做又死，唔做又死［］
裁縫度身　：　有分寸　［］
買鯇魚尾　：　搭嘴　　［］
貼身膏藥　：　撇唔甩　［］
貼錯門神　：　面左左　［］
＊—————————————————————————————
超市手抽　：　最緊要好挽［玩］
隔年通勝　：　唔值錢　［過期貨］
隔夜痰罐　：　唔倒唔得［賭：諧音］
順風屎艇　：　快夾臭　［］
黃牛過水　：　角顧角　［各顧各］
黃河的水　：　難清　　［難請］
黃婆賣瓜　：　自賣自夸［］
黑白天鹅　：　日哦夜哦［囉嗦］
黑鬼屙尿　：　烏瀡瀡　［］
鼎湖上素　：　好齋　　［鼎湖：廣東肇慶］
＊—————————————————————————————
落雨收柴　：　通通擸嗮［］
落雨擔遮　：　死擋　　［死黨］
復活節蛋　：　唔打得都睇得［］
搬雪填井　：　白費力　［］
新年利是　：　逗人開心［］
新澤西號　：　食水深　［賺到盡］
楚河漢界　：　一清二楚［］
筲箕水瓢　：　滴水不存［］
筲箕兜水　：　漏洞百出［］
蒙古大汗　：　忽必烈　［屁股開花］
＊—————————————————————————————
蓊菜文章　：　半通不通［］
電燈發亮　：　其實不燃［然］
墮胎醫生　：　認真攞命［］
對牛彈琴　：　唔入耳　［］
廣東涼茶　：　包好　　［］
瘌痢擔遮　：　無法無天［］
種瓜得瓜　：　應得其所［］
算術懸題　：　條數點計［］
肇慶荷包　：　陀衰人　［］
蜘蛛結網　：　自絲自理［自私自利］
＊—————————————————————————————
銀行夾萬　：　擺款　　［］
綠豆煲醋　：　寒夾酸　［］
墳場跳舞　：　扮鬼　　［］
幡桿燈籠　：　照遠唔照近［］
廚房階磚　：　又又濕　［］
撒路溪錢　：　吸引死人［］
潮州二胡　：　自己顧自己［］
潮州米舖　：　順義成　〔信二成，都嫌多〕
潮州花燈　：　出雙入對［］
潮州音樂　：　自己顧自己［］
＊—————————————————————————————
皺皮茨菇　：　惡刮　　［難刮］
瞎子看戲　：　跟人笑　［］
瞎子算命　：　滿口胡言［］
窮人買米　：　一升　　［一聲］
衛生口罩　：　嘴上一套［］
豬籠入水　：　道道來　［財源滾滾來］
貓兒洗面　：　係咁意　［敷衍求其］
貓哭老鼠　：　假慈悲　［］
賣咸酸菜　：　俾面　　［］
賣鯇魚尾　：　搭嘴　　［搭訕］
＊—————————————————————————————
遺體化妝　：　死要臉　［］
橫渡冰川　：　過冷河　［］
燈芯敲鐘　：　冇回音　［］
舉重規則　：　拎得起，放得低［］
螃蟹過河　：　七手八腳［］
錢罌捐款　：　小兒科　［］
頭上插扇　：　出風頭　［］
頭上跑馬　：　露出馬腳［］
鴕鳥政策　：　藏頭露尾［］
鴕鳥啞巴　：　大翼不道［大逆不道］
＊—————————————————————————————
戲棚官話　：　唔咸唔淡［］
濕手找面　：　要摔摔不掉［］
濕水麻繩　：　越纏越緊［］
濕水棉花　：　冇得彈　［］
濕水棉花　：　無得彈　［］
濕水欖核　：　兩頭瀄　［周圍瀄］
甕中之鱉　：　手到擒拿［］
舊年通勝　：　唔值錢　［］
螳螂捕蟬　：　黃雀在後［］
韓信點兵　：　多多益善［］
＊—————————————————————————————
點雞姜茸　：　溼溼碎　［］
龍舟菩薩　：　衰神　　［］
斷柄鋤頭　：　冇摣拿　［］
斷線結他　：　無得彈　［］
闔府統請　：　大小便一齊來［］
雞毛敲鼓　：　冇回音　［］
繡花袋仔　：　人人啱　［］
關公細佬　：　翼德　　［亦得］
懶人渡海　：　免得過就免［］
護照相片　：　出洋相　［］
＊—————————————————————————————
鹹蛋滾湯　：　心都實晒［］
攝高枕頭　：　慢慢諗　［］
竈君上天　：　有嗰句講嗰句［］
竈頭抹布　：　鹹濕　　［鹹濕：下流也］
鐵樹開花　：　難得　　［］
霸王生意　：　惡做　　［］
聾人送殯　：　唔聽你支死人笛［］
蠶蟲師爺　：　作繭自縛［］
觀音坐轎　：　靠人抬舉［］
鑿壁引光　：　孔明　　［］

＊—————————————————————————————

香港語文。廣東話資料館

廣東話．歇後語．三字舉隅

廣東話．歇後語．三字舉隅

有人話［歇後語］係俗語嘅一種，相對於成語、諺語嚟講，用字就比較通俗、口語化，有好鮮明、生動、活潑嘅特點，有時重會語帶相關，更添幾分幽默。因為咁就較容易引起人嘅興趣。除咗可以將歇後語睇成一種文字遊戲之外，重可以由歇後語睇出廣東人嘅生活文化。

下面收集咗一啲歇後語，有唔同嘅取材。可以睇睇有冇啲係您平日都聽到同用到嘅歇後語。

＊＊〔歡迎提供資料修正〕

＊—————————————————————————————

二仔底　：　死跟　　［紙牌術語］

二五仔　：　出賣兄弟［出賣組織嘅人］

二奶仔　：　低人一等［庶出，冇地位］

二打六　：　未夠斤兩［二成加六成唔夠十足］

人嚇人　：　無藥醫　［畀人嚇慘過俾鬼嚇］

入網魚　：　走唔甩　［］

入錢罌　：　有入有出［］

了哥命　：　就食就屙［］

三缺一　：　慘過乞　［麻雀術語］

三腳凳　：　坐唔穩　［唔穩陣］

＊—————————————————————————————

三腳貓　：　唔使得　［唔頂用］

之者也　：　無符　　［無乎］

大花筒　：　亂散　　［揮霍錢財］

大喉欖　：　食凸　　［胃口大丶貪婪］

山草藥　：　罨得就罨［噏得就噏］

女人心　：　海底針　［女人善變］

日本船　：　遲早丸　［遲早完］

木筲箕　：　滴水不漏［］

木頭人　：　無心肝　［］

水鬼尿　：　夠清　　［］

＊—————————————————————————————

水殼仔　：　唔浮得幾日［］

水溝油　：　撈唔埋　［］

火麒麟　：　周身火引［周身癮〕

王老吉　：　包好　　［］

瓦封嶺　：　包頂頸　［瓦筒領］
　　　　　　衣領用瓦製，點會唔頂頸呢！

瓦荷包　：　有兩個錢就噹噹響［］

瓦腳靴　：　唔落得台［］

出爐鐵　：　聽打　　［唔打唔成材］

半桶水　：　響叮噹　［無料又認叻］

四方木　：　唔踢唔逳［踢一踢，轆一轆］

＊—————————————————————————————

打番鬼　：　越打越好睇［］

打齋鶴　：　度人升仙［損友］

生玆貓　：　入眼　　［］

白撞雨　：　太陽雨　［］

白鴿眼　：　睇人低　［］

皮鞋筋　：　一扯到口［心急人］

石罅米　：　俾雞啄　［只肯花錢嫖妓嘅人］

交通燈　：　點紅點綠［］

冰箱醋　：　寒夾酸　［］

朱義盛　：　假貨　　〔永不褪色〕

＊—————————————————————————————

死牛龜　：　一邊頸　［］

竹織鴨　：　冇心肝　［冇良心］

低欄杆　：　靠不住　［］

扭紋柴　：　難搞　　［麻煩人］

沙灣何　：　唔憂無老婆［好仔］

豆腐刀　：　兩邊利　［］

周身刀　：　冇張利　［冇樣精］

盲公竹　：　督人唔督自己［對人嚴格對自己放鬆］

茅根竹　：　蔗水　　［借水＝借錢］

金手指　：　專掾背脊［］

＊—————————————————————————————

指天椒　：　越細越辣［］

昭君位　：　昭君出塞［出菜位］

炮仗頸　：　唔爆唔安落［脾氣急躁嘅人］

皇帝女　：　唔憂嫁　［後臺有本事］

穿窿網　：　口疏　　［］

韭菜命　：　一長就割［人生多磨］

神台桔　：　陰乾　　［冇人理］

師姑尿　：　夠淡　　［］

拿破侖　：　費卵事傾［France King］

柴可夫　：　斯基　　［司機］

＊—————————————————————————————

胭脂馬　：　難騎　　［］

掘尾龍　：　搞風搞雨［］

掛羊頭　：　賣狗肉　［］

船頭尺　：　度水　　［借錢］

波羅雞　：　一味靠黐［貪人便宜］
　　　　　　廣州波羅廟前一種手工藝品，用紙黐出鷄玩偶。

魚生粥　：　啱啱熟　［］

棺材凳　：　頂死人　［］

無米粥　：　水汪汪　［唔實際］

無星稱　：　唔知斤兩［］

隔夜茶　：　唔倒唔得［唔賭唔得；倒與賭同音］

＊—————————————————————————————

黃腫腳　：　不消蹄　［不消提］

塘邊鶴　：　睇准嚟食／唔關佢事但多多意見

戥穿石　：　陪襯　　［伴郎］

蒸生瓜　：　侲侲地　［行為怪異］

電燈杉　：　指天掾地［］

電燈膽　：　唔通氣　［］

劏豬凳　：　一上就死［］

豬頭骨　：　難啃兼無肉［］

賣魚佬　：　有腥氣　［有聲氣］

賣剩蔗　：　揀到最尾［冇人要］

＊—————————————————————————————

燒豬肉　：　免炒　　［］

燒壞瓦　：　唔入疊　［］

牆頭草　：　兩邊擺　［］

雞生癩　：　奇怪　　［］

雞屎藤　：　又長又臭［］

禮義廉　：　無恥　　［］

鐵公雞　：　一毛不拔［］

鐵沙梨　：　咬唔入　［］

霸王雞　：　一味靠蔥［一味靠充］

爛氣球　：　吹佢唔脹［］

＊—————————————————————————————

臘豬頭　：　死撐　　［］

讀書少　：　俾人藐　［學識低被人睇唔起］

曬菲林　：　唔見得光［最怕走光］

籮底橙　：　揀唔落手［貨色差］

凍僵蛇　：　會回陽　［忘恩負義］

＊—————————————————————————————

百年香港［哪裡是香港］

香港嘅歷史可以追溯至新石器時代。但係由一條香港村轉變成一個大城，就要由1840年大清國同英國打鴉片戰爭講起。

1841年，清廷戰敗，英國人由水坑口登陸，正式佔領香港島。

1842年，清廷簽咗《江寧條約》，正式割香港島畀英國。

1843年，香港開始發展，仲計劃起一座［女皇城］，初譯做［域多利城］。

1845年，英國派人來香港開始規畫同設計起新城，譯名為［維多利亞城］。

1860年，清廷再簽《北京條約》，再割埋九龍半島畀英國。

1898年，清廷又簽埋《展拓香港界址專條》，租新界畀英國99年。

於是，香港、九龍、新界，三地合埋就係依家嘅「香港」。

＊—————————————————————————————

香港語文。廣東話資料館