網上流傳，國父孫中山先生喺中華民國十三年五月三十日，應上海《中國晚報》嘅邀請喺廣州南堤遊艇俱樂部度演講嘅錄音片段。
＊＊
上海［中國晚報］請孫大元帥演講。
喂，我哋大家係中國人，我哋知道中國幾千年來係世界上頂富頂強之國家，知道唔知道呢？ 但係現在嘅中國係乜嘢嘅情形呢？中國現在就變成係世界上頂貧頂弱嘅國，中國嘅人民出海外嘅，就被外國人欺負淩辱，看不上一個人樣。在中國裡面呢，外國對我哋嘅政府呢，對我哋嘅國家呢亦係睇唔起。
所以，外國就有意對中國來瓜分呢一點。後來呢，覺得瓜分呢係好難實行，恐怕因為瓜分中國呢，惹出各國攻打自己。所以，現在各國就協同嚟商量，要把中國嘅國事嚟共管，大家嚟共管中國 ，就係呢睇中國唔起，以為中國係不能自己治中國。
諸君，試想想，我哋中國幾千年來係世界一個文明嘅國家。
幾千年前中國最強盛嘅時代，可謂［千邦進貢，萬國來朝］，各國都要拜中國上風。到到今日呢，中國反為退化，呢個係為乜緣故呢？就係中國從舊滿州征服以後，中國人就失了個國家精神。中國亡國於滿州二百六十幾年，中國人民在呢二百六十幾年之內呢就瞓著覺。所以，中國就政治退化、文明退化，中國工商業退化，中國之所以到到今日就成為民窮財盡，就變成各國睇唔起。
中國墮落到今日呢個嘅地位，我哋做國民詗就要有一種乜嘢嘅感覺呢？我哋對於國家，係一件我哋知道我哋今日之危險，先知道危險呢，我哋就要設法嚟避呢個危險，咁用乜嘢法子嚟避得呢個危險呢？就要大家同心協力來贊成革命，用革命嘅方法、用革命嘅主義嚟救中國。
革命嘅主義係乜嘢呢？就係我哋嘅三民主義。
第一，民族主義；第二，民權主義；第三，民生主義。
用呢三種嘅主義咾來救中國。呢三種嘅主義呢，我哋大家要留心、要嚟考究。從邊處能考究得呢個三民主義呢？對於呢個三民主義呢，我近日在呢個廣東高師，每個禮拜演說一次。頭一個民族主義，演說了六個禮拜就講完；第二個民權主義呢，又演說了六個禮拜講完；第三個呢，民生主義，不日再嚟演講。
現在呢個民權主義、民族主義，兩種係已經係刻書出嚟。
咁就要諸君呢，留心呢個三民主義呢，要將我呢個三民主義、呢啲演說，要嚟留心詳細嚟讀過。呢個三民主義呢，係講得好透澈嘅，係發揮得好精密嘅，裡頭呢，係有好多新思想、好多新發明。諸君能讀呢個三民主義呢，就曉得用乜嘢方法嚟救國嘞。我哋能照住三民主義呢種嘅方法、呢種嘅精神，大家同心協力嚟救國，咁中國就可以反弱為強嘞、轉貧為富嘞、就可以同今日之列強並駕齊驅嘞！
＊＊
八國聯軍打清廷，九支軍隊大合照！
第一次鴉片戰爭之後，又有英法聯軍之役，跟住重有八國聯軍打大清。而呢次聯軍嘅開戰係為咗對抗大清帝國嘅宣戰同埋鎮壓義和團運動。
1900年，聯軍嘅將領喺北京一張合影相片入面出現咗九個代表。不過俄國［俄羅斯帝國］就冇參加到呢次嘅合影，而英國就將［旗下］嘅澳洲同印度嘅代表拉入去合照。
聯軍合照，左起：
。英 國 ［大英帝國 。1707年開始組合大不列顛王國］
。美 國 ［美利堅合眾國。1789年打敗大英軍隊獨立］
。英屬奧洲［澳大利亞聯邦。1901年－1931年］
。英屬印度［印度帝國 。1858年－1947年］
。德 國 ［德意志帝國 。1871年－1918年］
。法 國 ［法蘭西第三共和國。1870年－1940年］
。奧匈帝國［雙元帝國 。1867年－1918年］
。意大利 ［義大利王國 。1861年－1946年］
。日 本 ［大日本帝國 。1868年－1947年］
＃俄 國 ［俄羅斯帝國 。1721年－1917年］冇參加到呢次嘅合影
＃大清國 ［大清帝國 。1644年－1912年］畀八國聯軍攻打
歷史風情。廣東話資料館
＊＊
大陸氣功［金像獎］2017
呢啲國寶級嘅表演，再加上一啲特技效果之後，呢位氣功大師嗰招［隔山打牛］嘅威力，就更上一層樓嘞。真係［無卵得頂］，假到［無曬朋友］！不過，呢種咁嘅大師到處都係，不論國籍人種同膚色，全世界都有。喺亞洲地區比較有市場嘅有大陸、日本、台湾、馬來西亞、泰國等.........
參演招式：
。［隔住青山打西牛］
。［螺旋丸 vs 廬山升龍霸］
。［太極旋風氹氹轉］
。［真正宗。龜波氣功］
。［雷遁。千烏］
氣功嘅種類好繁多，又有悠久嘅歷史，喺古代通常分為吐吶、行氣、布氣、服氣、導引、煉丹、修道、坐禪等等。練氣功，好多時都係配合武術或者靜坐一齊練。
氣功主要可以分為［動功］同［靜功］。動功係指以身體活動為主嘅氣功，特點係強調同意氣相結合嘅肢體操作；而靜功係指身體唔迶動，只係靠意識、呼吸嘅自我控制來進行嘅氣功。大多數嘅練氣功方法係動靜相間嘅。
喺宗教之中，道教嘅道士經常會練習導引、內丹術氣功，而佛教裡面就會練習禪定、靜坐所包含嘅氣功。
＊＊
廣東話資料館
沒有留言:
張貼留言