陪您食飯嘅電視廣告歌，您重記得幾多？
電視廣告歌又叫做［唱嘅廣告］，係廣告入面嘅宣傳歌。佢基本上係一種歌謠，唔同電影插曲，唔要求多樣化同高技巧，只要求好上口，易學易記、曲調活潑、歌詞簡短。
電視廣告歌可以分為［直接型］同［間接型］兩種。直接型廣告歌嘅歌詞入面就有曬公司名稱或產品牌子等嘅內容。間接型廣告歌就同一般歌曲相似，甚至就係用某一首流行歌來為某一個廣告而專門製作。
好嘅電視廣告，唔需要咩國優、省優、部優啲咁嘅嘢，亦唔需要好多次重複又重複去逼人記住。用心創作嘅廣告情節，配合一首親切＋清新＋悅耳嘅廣告歌，必定可以令你過目不忘，亦會對呢件産品産生好感，甚至發展埋感情添。由細睇電視睇到大嘅你，重記唔記得呢啲廣告歌仔呢？
＊＊
［恆生銀行］
小莫小於水滴，變成大海汪洋；
細莫細於沙粒，變成大地四方。
＊＊
［兩個就夠哂數］
兩個就夠曬數，兩個就夠曬數。
生仔也好生女也好，兩個已經夠曬數。
無謂追無謂追，追得到也未必好，
追唔到呢生壞肚。兩個就夠曬數，
兩個已經夠曬數。
＊＊
［交通安全歌］
慢慢走，勿亂跑，馬路如虎口。
交通規則要遵守，安全第一［Bu Bu］命長久！
＊＊
［歡樂今宵］
日頭猛做，到依家輕鬆下；
食過晚飯，要休息番一陣；
大家暢聚，無線有好節目；
歡歡樂樂，笑笑談談，
我地…齊 - 齊 - 陪 - 伴 - 你！
＊＊
［煤氣公司廣告］威鎮樂隊
生活在今天，應該用煤氣。
＊＊
［通屋其應丸］
醫病兼寶益，通屋雙重療效，
好使好用三百幾年，家家傳頌，
ＢＢ肚屙，嘔奶消化不良，
感冒傷風，夜睡不靈，神經緊張，
噉就要快食通屋、通屋，通屋奇應丸~~~~~
＊＊
［位元堂養陰丸］鄭少秋版
位元堂，養陰丸，好似太陽咁溫暖。
（驅寒理咳除頑痰，強壯機能保氣血；）
虛弱病患不要驚，寒痰咳嗽，好似雪人溶化了。
安心服用養陰丸，太陽出來了！太陽出來了！
＊＊
［喇叭牌正露丸］舊版
有肚痛，個肚嘰哩咕嚕，
要信我，喫幾粒個個讚，（真係妥噃！）
成日食，食飯滯，要揾正呀露丸，
腸胃曳，有肚痛，食佢先，（好嘢嚟噃！）
細路哥，都啱key，認真舒暢，
不舒適，揾喇叭正露丸。（旅行記得帶佢呀。）
你我讚，有幫手夠靈 keng，
要信我，喫幾粒個個讚。
bebebebebebebebe，bebebebebe，噔噔噔
［喇叭牌正露丸］新版
有肚痛，喇叭正路丸係權威，
腸胃曳，喫兩粒即刻消滯，
要信我，佢使你腸胃舒暢，
喇叭一響，bebebebe，精神晒！
＊＊
［保濟丸］舊版
常備保濟丸，有病唔使怕！
飲醉食滯，四時感冒，
舟車暈浪，痾嘔肚痛，
保濟丸保濟丸，有病唔使怕！
請認明李眾勝堂至好食喎！
常備保濟丸，有病唔使怕！
［保濟丸］相對新版
雨綿綿，小穿衣（呀！），快食保濟丸。
肚痛夜，囉囉攣（哎呀！），快食保濟丸。
去旅行，搭車又搭船（好暈呀！），
快食保濟丸，保濟丸，有病唔駛怕（Yeah！）
［保濟丸］
（Rap：遊埠渡假周圍威下，水土不服，個肚嘰嘰架拿）
常備保濟丸，肚痾唔駛怕。
（Rap：冷氣場所出入多多，感覺唔妥，毛管都會唱歌）
常備保濟丸，冷親唔駛怕。
（Rap：成班老友嘻嘻哈哈，飲多幾杯，第日咦咦也也）
常備保濟丸，酒後唔駛怕。
＊＊
［司各脫敏魚肝油］
點解稱身的衣裳，
現在已都穿不上？
傢俬變得那麼小，
門也沒法穿過了（司各脫敏魚肝油）
天天長大我天天高（睇下邊個高啲？）
LaLaLaLaLaLaLaLaLaLa...
＊＊
［白鳳丸］
女人二十似嬌娃，女人三十好年華。
古方妙藥保青春，行年四十不用怕。
＊＊
［余仁生鹿尾巴培元湯］
由朝坐到晚，運動少，周身骨痛精神壞，
無佢嚟保養，快蒼老，易捱壞。
我哋咁辛苦，擒高擒低靠腰力，靠腳力，
調保身體最緊要，病君噉樣點揾食？
鋤得多，傷氣力，消耗一定要保充，
唔使失威悲到極，你哋諗下喇。
咦噫，咪講小，快啲食！
余仁生金牌鹿尾巴培元湯，係男仕至佳嘅補品。
＊＊
［京都念慈奄川貝枇杷膏］
念慈奄川貝枇杷膏，（有咩好架）不但止咳化痰好，
煙酒過多，睡眠不足，喉嚨痛，聲沙啞，一樽攪掂晒！
＊＊
［北京牛黃解毒片］
怕熱氣要食佢先，清熱氣要食佢先，
北京牛黃解毒片，清熱氣要食佢先。
＊＊
［鷹牌花旗參茶］
認住呢隻鷹，飲花旗參茶有保証。
＊＊
［無比膏］
好痕呀好痕呀！好痕呀好痕呀！
搽搽搽搽搽（差差刪差搽）
快啲搽啲無比膏。（無比膏嚟喇！）
＊＊
［胃仙Ｕ］董標版
跑馬夠刺激，講馬重緊張，
搞到呢輪個胃認真唔妥。
哈，好采有胃仙Ｕ，
食咗胃仙Ｕ，個胃咋咋聲舒服曬。
連國內嘅親友都叫我買。
胃仙Ｕ，使得！
［胃仙Ｕ］
一二三四五六七，多勞多得！
星期一到星期七，多勞多得！
＊＊
［愛膚堅皮膚噴射劑］
（的士dup break聲，女子尖叫聲）
的士司機︰（縮縮膊）對唔住，香港腳發作。
男人︰哼！！用愛膚堅啦！
旁白︰愛膚堅皮膚噴射劑，對付香港腳，確有功效。
＊＊
［榮華臘腸］
榮華臘腸（鮮甜夠香）
肉質好鮮美（新年靚腸）
逢人亦讚賞（家家讚賞）
榮華臘腸 天然生曬 （國語：零舍不同）
［榮華白蓮蓉月餅］
（行船爭解纜，月餅過埠先，風行全世界）
白蓮蓉月餅，榮華係第一家。
清香嫩滑（零舍不同），餽贈親友（個個鍾意）
白蓮蓉月餅，榮華係第一家（清香嫩滑，零舍不同！）
＊＊
［八珍甜醋］
恭喜你，恭喜你，添丁又發財。
紅雞蛋，豬腳薑，八珍甜醋份外香。
＊＊
［品字牌生抽王］
食豉油，邊隻好，品字牌生抽王真正好。
營養高，味道好，價錢呢，最公道。
＊＊
［麥維他消化餅］
加入小麥，再加活力，加添美味，再加歡笑。
麥維他，更加好，麥維他，更加好，Oh Oh
多啲營養，多啲衝勁，多啲美味，再加歡笑。
麥維他，更加好，Oh Oh Yeah...
＊＊
［麥當奴巨無霸］
雙層牛肉巨無霸，醬汁洋蔥夾青瓜，
芝士生菜加芝麻，人人食到笑哈哈。
＊＊
［萬樂珠］
事事學會轉彎，思想清新至啱，有 Mantoes 伴你過千關。
無愁無懼畏，永遠也冇失威，有 Mantoes 伴你冇得揮！
Fresh 感覺，夠晒醒覺，Fresh 感覺食 Mantoes 自在又愉快。
（萬樂珠，The Freshmaker）
＊＊
［瑞士糖］舊版
瑞士糖，真好味道。瑞士糖，真好味道。
大家嚟食瑞士糖，瑞士糖好味道。
［瑞士糖］新版
瑞士糖，表心思，瑞士糖，表敬意。
賀新年，食瑞士糖，家家令你心花放！
＊＊
［維他奶］歐瑞強版
共你相識在童年，係你知心永不變，
與你共渡多少快樂時，點只係知已咁簡單。（維他奶～）
共你天天都相見，伴你身邊永不變，
與你共渡快樂時，天天都唔簡單。
維他奶～維他奶～點止汽水咁簡單！
童年的你，必定天真可愛，看你今日充滿神采。
成長中 從未變改，Oh baby，看你多麼可愛。
你的舉止，你的心思，噢baby，是那麼真緻。
成長中，從未變改，童年現在，一般可愛（Vitasoy）
＊＊
［維他朱古力奶］
（白）維他朱古力奶，點解咁好味？
（唱）如果太多牛奶味，朱古力味冇埞企，
等到朱古力味返返嚟，牛奶味又唔爭氣。
（白）維他朱古力奶，有牛奶味又有朱古力味。
（唱）啱味，啱晒你！
＊＊
［維記朱古力奶］
如果太多牛奶味，朱古力味無訂企，
等到朱古力味返返嚟，牛奶味又吾爭氣。
＊＊
［牛奶公司］
牛奶喺邊度黎架媽咪，Dairy Dairy
（好多媽咪都會話）
（媽咪甲：牛奶公司）
（媽咪乙：牛奶公司）
牛奶喺邊度黎架媽咪，Dairy Dairy
（睇下佢既日子，就知佢新鮮啦）
（阿差：牛奶公司）
牛奶公司～
＊＊
［楊協成咖哩雞］
今晚又無咩好餸，淘茶茶又凍，好彩有楊協成咖哩雞。
＊＊
［明治朱古力橡皮糖］
朱古力邊一種內裡包起橡皮糖果？
中間心的果味令你好清爽。
朱古力邊一種會有新感覺？
請記住明治，Meiji
請記住明治，Meiji
朱古力，橡皮糖！
＊＊
［得力素葡萄糖］
美國既得力素，由細飲到老。
純正葡萄糖，保血夠營養。
立增體力，永保健康，
任何飲品記得要加得力素，
得力素，葡萄糖。
＊＊
［漢寶酒樓］
嚟喇！嚟喇！嚟喇！
全香港打響名堂，漢寶出品嘅龍蝦大王。
澳洲入口既大龍蝦，隻隻都係零舍生猛。
手勢味道ichi ban，有成十幾款任得你揀；
上湯蒜茸芝士刺身，簡直抵到你話冇得彈。
分店遍佈港九新界（噓~），去開邊度都梗有間；
不愧為龍蝦大王，漢寶既滋味我最啱。
識飲識食好味道，當然識揀漢寶。
＊＊
［麥麗素］
麥麗素，送禮好，禮到心又到！
（幸福牌麥麗素，粒粒鬆脆好食。）
麥麗素，禮到心又到！
＊＊
［金龜嘜萬里望花生］
金龜嘜萬里望花生，少少咸，卜卜脆！試一包包你鐘意佢！
金龜嘜萬里望花生，Very good！卜卜脆！任何場合都要佢！
＊＊
［時興隆］
曾同度過漫長的歲月，關心你每處為你看多一點。
時日度過亦全不變樣，天天有你伴我創造美好。
時興隆與你，共享作天今又明天。
（錫錫）伴你成長時興隆，美食盡在不言中。
＊＊
［出前一丁］
家家食出前一丁，有美味有歡笑。
家家食出前一丁，個個實會高興。
［出前一丁］
天真笑面好趣緻，天真快活快樂時。
日日在健康長大，寶寶令你好鍾意。
家家食出前一丁，有美味有歡笑！
＊＊
［得意麵］
得意妹，開麵檔，細佬呀婆大嬸都嚟食。
滋味好，滋味多，人人食得笑呵呵，
得意得意，再來一個。
＊＊
［東東麵］
東東麵，麵麵麵……
東東麵，係非常麵，
（鮮蝦雲吞好新鮮，菜肉雲吞認真掂）
湯麵撈麵（品格牛腩麵）
全部靚麵 （咖哩牛仔肉撈麵）
炸醬撈麵拉麵物麵三口六面人人見面話東東麵係好正麵
確~~係（東東東東東東）靚麵
（東東雲吞麵，密食當三餐。）
＊＊
［金冠米］
媽媽真靚囉，太太真靚囉，
好姐真靚囉，金冠真靚囉！
＊＊
［竹蔗茅根精］
Drink Drink Drink，竹蔗茅根精。
媽咪記得買，返學沖定晒。
清潤夠新鮮，返學記得帶。
Drink Drink Drink，竹蔗茅根精。
＊＊
［王老吉］
試一試，王老吉有新意。
試一試，甜甜地好味啲。
試一試，王老吉正氣啲。
王老吉清涼茶，王老吉五花茶，
十個試，十個鐘意。
＊＊
［壽星公煉奶］
壽星公，壽星公，你係老公公；
壽星公，壽星公，壽星公煉奶。
＊＊
［哇哈哈AD鈣奶］
牛奶白雪雪，入口滑捋捋，哇哈哈，哇哈哈，
爽爽滑滑飲到嘴妙妙，酸酸甜甜耳仔都識跳。
哇哈哈，哇哈哈，又香又甜，個個都想要。
（哇哈哈AD鈣奶，好味，一飲就知道）
＊＊
［美樂多］
美樂多，美樂多，跳出新的境界；
美樂多，美樂多，找到新的感覺。
美滿人生，樂趣多多，人人愛飲美樂多，美樂多。
＊＊
［可口可樂］
紅日熱烈照，高歌添氣氛，
又熱又渴，總有最新感覺。
Coca Cola，永遠怡神涼透心，
投入活力樂韻永遠係 Coca Cola，
永遠係 Coca Cola！
＊＊
［沙士］林子祥版
沙士，講一聲，I Love You !
＊＊
［至補三鞭酒］
補氣力，壯膽色，表現好身手，飲至補三鞭酒！
［至寶三鞭酒］
日日做到冇停手（抖一抖，抖一抖）
總有食飯嘅時候（抖一抖，抖一抖）
飲至寶三鞭酒.........
［至補三鞭酒］
多啲歡樂，多啲朋友，飲至寶三鞭酒。
補氣力，壯膽色，表現好身手，飲至補三鞭酒！
＊＊
［珠江橋牌玉冰燒］
斬料，斬料，斬嚿大叉燒。
油雞滷味樣樣都要，斬嚿大叉燒，嘩！
玉冰燒，玉冰燒，坐低飲杯玉冰燒。
飲杯玉冰燒，勝嘅！
＊＊
［珠江橋牌九江雙蒸酒］
日日做到冇停手（做到冇停手）
總有食飯嘅時候（抖一抖，抖一抖）
飲杯九江雙蒸酒。
＊＊
［三生牌鹿茸大補酒］
三生牌鹿茸大補酒，係男女強身嘅妙品，妙品！
＊＊
［竹葉青］
你精我都精，飲杯竹葉青。
＊＊
［人頭馬］葉麗儀版
見你衣著顯風度，意氣風發豪情高，
便知你大有來頭，Hey! Big Spender。
＊＊
［雲斯頓香煙］
我要稱心完美，我要美國口味，
我要美國精神，USA，
我要云斯頓，美國好煙味！
＊＊
［黑旋風］
月黑風高，黑旋風隱者為民除害，
唔使用劍架，用黑旋風就得啦！
黑旋風夠晒威，黑旋風的確好使 ！
＊＊
［快潔洗粉］
快潔，快潔，
快洁洗粉，洗得靚，最洁白，
干净干净好干净，快潔洗粉！
＊＊
［Ｖ老篤眼眼藥水］
人人讚Ｖ老篤最好，滴Ｖ老篤使眼睛更美麗，
人人要愛護眼睛，滴Ｖ老篤眼睛更明亮，
增加雙眼吸引力，滴Ｖ老篤使眼睛更美麗，
來一滴 令你舒服，又美麗又涼快...
＊＊
［白貓洗衣粉］
洗衫，洗衫，唔使懮，有白貓幫你手（幫得你手）!
白貓洗粉好乾淨，白貓洗粉乜都有。
（有泡佢又有，冇泡佢又有，超濃縮都有）
佢機洗手洗都咁乾淨，有泡冇泡都咁爽手。
佢慳錢慳力慳時候，白貓洗粉，幫得你手。
＊＊
［黑旋風殺蟲水］
月黑風高殺蟲夜，黑旋風忍者為民除害。
唔使用劍嘅…用黑旋風就得喇！
黑旋風夠晒威，黑旋風的確好使。
＊＊
［關鍵旅行社］黃霑
食得招積，住得舒適，遊得出色，旅遊超值。
旅行搵關鍵，招積舒適出色超級超值。
（旅遊搵關鍵，關鍵全實現）
＊＊
［香港中國旅行社］第一版
（合力創造 美好香港）
你我一分力，旅遊原動力。
你我一分力，開創新領域。
香港中旅是一家。
(香港中旅 致力發展旅遊，與你分享成就）
美好生活原動力，香港中旅是一家。
［香港中國旅行社］第二版
（天上有北斗星，旅途就有照應）
處處多歡樂，旅遊無寂寞。
處處星光亮，將你心照亮。
香港中旅做得好。
(香港中旅之星，係你旅遊既北斗星)
陪你漫遊千里路，香港中旅做得好 。
＊＊
［名髮廊］
我要你要你要我要，
佢要佢要佢要個個要，名髮廊。
（名髮廊名髮廊...）
想靚想 cute 想 style 想 fashion，
想款想威想 beautiful，名髮廊。
（名髮廊名髮廊...）
＊＊
［旅遊協會］林子祥版
笑笑笑，妙妙妙，無忘露笑容，
你一笑，盡歡樂，麻煩亦去掉。
愉快的相處，變成高招，
成熟有禮，不可缺少，
笑笑笑，世界更美妙。
＊＊
［泛美航空］
泛美旅行合理想，泛美旅行最經濟，
一生起碼一次，到各地渡假。
＊＊
［時間廊］夏韶聲版
永遠向前，永不停步，尋求理想，始終達到。
陪著你站一線，爭取一分一秒，時間第一 City Chain。
＊＊
［星辰錶］鍾玲玲版
星辰錶，任你撞；星辰錶，任你浸。
＊＊
［大利牌］金章牌
ZANUSSI 意大利，大利牌，
ZANUSSI 雪櫃、電視機最好，
ZANUSSI 洗衣機、洗碗碟機，
家家用過大吉又大利，占美洋行 ZANUSSI。
＊＊
［妙麗手袋］
妙麗手袋天天新款，妙麗皮鞋與眾不同，妙麗童裝零舍夠威。
＊＊
［人人搬屋］
人人搬屋好，人人字號老，
人人規模大，人人服務佳。
搬屋搬廠搬寫字，請搵人人搬屋有限公司。
＊＊
［爽健涼鞋］
要對腳著得舒服，
認真考心思，爽健為你造 ，
清新啲，舒適啲，輕輕鬆鬆，
多清爽，又健美，爽健包你合意。
＊＊
［平霸］
彩色電視平霸啦！
冷氣機，平霸啦！
雪櫃，平霸啦！
洗衣機，平霸啦！
平~ 霸~~ 啦~~~
＊＊
［歡樂天地］
嚟歡樂天地飛車真興奮，旋轉或碰撞感覺真美妙，
齊參與新穎趣怪遊~戲，獎品多多人人容易中，
歡樂天地隨時期待你，一家分享無窮樂～趣。
＊＊
［菊花牌乳膠漆］
菊花、菊花，顏色就靚咯！
日曬雨淋都水洗都不怕，樓房內外都適用，
請用、請用，菊花牌乳膠漆，喇喇喇！
＊＊
香港記憶［清潔香港1987］鍾鎮濤
要佢更清潔 要佢更乾淨
你我他共一起 這都市中暢驟
齊步挽手 清潔家居
共同盡心 共同盡本份
要你我與香港 變我更加漂亮
變到更清潔 娛到更乾淨
完善社區 清潔清爽
一起響應 盡力盡本份
街坊街里 互助歡欣賞
更加清潔 更加美善
家家響應 盡力盡本份
真心一致 清潔香港
一於響應 耶耶耶耶
＊＊
香港風情。廣東話資料館
沒有留言:
張貼留言