廣東燒賣 gwong2 dung1 siu1 maai2

廣東燒賣 gwong2 dung1 siu1 maai2

—————————————————————————————————＊＊

燒賣，又叫做〔乾蒸〕、〔燒麥〕、〔燒梅〕、〔肖米〕、〔稍麥〕、
〔鬼蓬頭〕，係形容頭頂蓬鬆嘅形狀，係一種用燙麵做皮連餡放喺蒸籠
蒸熟嘅小食。依家嘅燒賣喺大陸嘅內蒙古、北京、上海、天津、東北、
山西、山東、江蘇、浙江、福建同廣東都有分布。

有人話，燒賣起源喺元代嘅大都，又有人話其實係喺內蒙古。喺元末明
初，高麗出版嘅中文書籍《朴通事諺解》入面記載元朝首都大都有小販
賣熟食［素酸餡稍麥］，係用麥麵整成嘅薄皮包着肉蒸熟，撈埋啲湯嚟
食。喺清代乾隆年間，楊米仁喺《都門竹枝詞》入面有［稍麥餛飩列滿
盤，新添掛粉好湯圓］嘅詩句。

喺明清時期，［稍麥］嘅稱呼仍然被沿用，但同時亦有諧音［燒麥］、
［燒賣］嘅出現。而有關於燒賣嘅記載，就包括有：《揚州畫舫錄》、
《桐橋椅棹錄》，清朝《金瓶梅詞話》有［桃花燒賣］嘅記述。而喺清
朝著名嘅食譜《調鼎集》亦有收集到呢款菜式，例如：［葷餡燒賣］、
［豆沙燒賣］、［油糖燒賣］等等。

—————————————————————————————————＊＊

［乾蒸燒賣］係廣東人飲茶主要食嘅點心之一。

［廣式燒賣］一般都比較細粒，長度大細大約兩厘米，一個細籠裡面可
　　　　　　以放三至四粒。

［廣東燒賣］嘅款式有好多，比較常見嘅有：

—————————————————————————————————＊＊

乾蒸燒賣 gon1 zing1 siu1 maai2



乾蒸燒賣，又叫［豬肉燒賣］或［蝦肉燒賣］，用切碎嘅豬肉、鮮蝦嚟
做餡料，用鮮黃色嘅薄皮包住，再喺燒賣上面加一啲蟹黃嚟點綴，但係
由於成本問題，依家好多都用蟹子代替蟹黃。

乾蒸燒賣呢個名又係點來嘅呢？聽啲老廣州人講，原來［乾蒸］就係將
啲食物放喺竹籠，用蒸汽炊熟嘅一種烹調方法。

又由於廣東人嘅思想係以水為財，認為［乾］嘅意頭唔好，就用材料名
來代替［乾蒸］嘅叫法，亦成為之後燒賣嘅款式，就好似牛肉丸會整成
［牛肉燒賣］、［蟹子燒賣］、［三星燒賣］等，重有鋪上［豬肝］嘅
叫［豬潤燒賣］。

—————————————————————————————————＊＊

牛肉燒賣 ngau4 juk6 siu1 maai2



牛肉燒賣，係將切碎嘅牛肉，用白色嘅薄皮包住，再喺上面加上一粒青
豆。另有［乾蒸牛肉球］，三粒牛肉放喺腐皮上面。

—————————————————————————————————＊＊

三星燒賣 saam1 sing1 siu1 maai2



三星燒賣，係乾蒸燒賣嘅一個變種，喺豬肉餡嘅燒賣分別放入冬菇、豬
肚同蝦肉［或鵪鶉蛋］。每籠三星燒賣只有三粒，就係放上呢三種唔同
嘅燒賣各一粒。

—————————————————————————————————＊＊

魚肉燒賣 jyu4 juk6 siu1 maai2



魚肉燒賣，比一般嘅燒賣細一啲，主要嘅餡料係碎魚肉，用鮮黃色薄皮
包住，多數點甜醬同辣椒油嚟食。通常都俾人用嚟做街邊小食。

—————————————————————————————————＊＊

黃沙豬潤燒賣 wong4 saa1 zyu1 jeon6 siu1 maai2



黃沙豬潤燒賣，亦都係［乾蒸燒賣］嘅一個變種，喺豬肉餡料上面加上
豬潤。呢款係一種懷舊嘅點心，依家都好少茶樓有得賣，只有一啲老茶
樓，好佚蓮香樓呢類茶樓至有得賣。

—————————————————————————————————＊＊

鵪鶉蛋燒賣 am1 seon4 daan6 siu1 maai2



鵪鶉蛋燒賣，用嘅餡料係碎豬肉、蝦肉，喺上面有粒一原隻嘅鵪鶉蛋，
一啖咬落去，啲蛋黃香同肉汁配合得恰到好處，好正架！

—————————————————————————————————＊＊

齋燒賣 zaai1 siu1 maai2




齋燒賣，係將蘿蔔、馬蹄、豆腐乾切碎搞拌至完全混合，再加入燕麥、
粟米粉、調味，搓成一細嚿，再用雲吞皮包住捏成燒賣形狀，去蒸十至
十二分鐘。

—————————————————————————————————＊＊

—————————————————————————————————＊＊



—————————————————————————————————＊＊

油瓶枳 jau4 ping4 zat1

舊時茶樓食嘅燒賣，其實都都幾大隻，佢重有個花名叫做［油瓶枳］。
先解釋下廣州話嘅［枳］字，音讀［質］，即係個［瓶塞］，而當其時
裝油嘅［油瓶］亦相當大，又有叫做［油埕仔］，可想而知呢個［枳］
能夠塞住個油埕，會有幾大個呢。油瓶枳［冇錯，抵食夾大件！］

資料：《飲食香江》2001 年

—————————————————————————————————＊＊

香港小食。廣東話資料館

睇圖唔睇文，一定好頭痕！

睇圖唔睇文，一定好頭痕！

［所以，睇圖都要睇埋圖附嘅貼文呀！］

＊＊＊—————————————————————————————————

假㗎啲字

見到講「正字」嘅 post 大家忍忍手唔好 share 啦！

呢種假正字長出長有，原因係粵語（同其他好多語言）嘅人長期缺乏正常嘅語文教育，對自己嘅母語認識貧乏；冇正式渠道認識自己嘅語言，就生產咗一種假學術文章，一兩個神棍，求其揾本古書、摷幾隻古字，標榜係本字正字，中原正音，就有一班人吹捧。要一千幾百 Share 真係毫無難度。

神棍之可以生存，就係因為有班唔識分真假嘅民眾。唔係叫大家下下 Fact check，但係凡涉及語言文字嘅嘢，唔係「未見過」就等於「啱」㗎。你睇完啲嘢你唔覺得唔 make sense 㗎咩？你唔覺得吹大咗㗎咩？

我教大家最簡單嘅原則：如果有人話，某個詞嘅本字係乜乜乜，如果你有「嘩，完全睇唔明呀」或者「好難寫呀」嘅感覺，假嘅機會真係高達八成。為香港人着想，麻煩你唔好 share。

查死書唔會揾到活字，咁在意啲字點寫，不如認真學吓文字學聲韻學。如果你只係鍾意廣東話，對學理冇乜興趣，不如就 share 吓啲優質粵文小說好過。

圖文：粵典創辦人

https://medium.com/@chaaak/gaa2-gaa3-di1-zi6-2ad0c32d2ce0

＊＊＊—————————————————————————————————

現代嘅人好奇怪嘅，當一件事被當做平常，無論有人點去講、點去改、點去做，其他人都會以平常嘅態度面對。但如果將一件平常事用嚴辭去評價、去標籤，人就相反會覺得好奇同有興趣，當人刻意去指斥某啲事係歪理、係錯誤、係唔夠水平時，就可能令人更加想去認識、更加想去理解、更加會去認同，最終係同你嘅意願背道而馳。

就好似喺日常生活，有個字讀錯咗或者寫錯咗［常有發生］，冇問題架，知道咗咪改返正囉，如果唔係牽涉到法律公文嘅嘢，寫字同說話偶有錯失亦係好平常。

喺生活文化上，各個群體或地區都有自己嘅特色，例如同一個字或一句用辭，會有唔同嘅解釋同讀音，又好似唔同嘅字辭亦會有同樣嘅讀音、同樣嘅解釋。呢啲分別，亦可能係各地區群體產生出自己特有嘅意義，唔係用一句［呢啲係錯架］就可以要人認同。

喺學術上，有好多人正喺度推動粵語［廣東話］嘅發展，有啲學者喜歡講究音韻，有啲專家鐘意追查字源，有啲常人只求生活意義，亦啲有學人可能才高八斗，但曲高和寡，肆意吹噓眨人身價，總之就各有各方向、各有各意途、各有各爭議。

有網友亦提出，研究粵語字，文化嘅根底功夫要求唔低，就算日日挑燈夜讀至五更鼓亦須時至少五年或更長嘅時間。而坊間又太多穿鑿附會嘅［專家］，一般大眾係難以辨識嘅。

都唔知點講至好......... 希望有朝一日會出現學者、專家、大眾都認同嘅一套方案啦。

文：小學生級別的文章

＊＊＊—————————————————————————————————

下面係喺網絡流傳嘅一啲［粵語字］參考資料，當中可能有真有假，希望有關學人多用平常姿態指導修正，使常人得知更多自己母語嘅常識。

＊＊＊—————————————————————————————————

咸家鏟 ham6 gaa1 caan2
冚家剷 ham6 gaa1 caan2
解釋：係咒人全家死於非命嘅意思，又引申為［死亡］之意。
例句：你咸家鏟啦你！
　　　你條友正一冚家剷！　

字源資料［參考］
。［咸］字可以解做：都、皆、全。例：老少咸宜、四海咸服。
　《說文》：咸，皆也。悉也。从口从戌。戌，悉也。
　《書經舜典》：殛鯀于羽山，四罪而天下咸服。

其他辭彙［參考］
。咸家鏟：《維基辭典》
。冚家鏟：《粵典》
。冚家剷：《粵典》
。闔家剷：［網絡］
。陷家產：［俗讀］
。含家產：［俗讀］
。杏加橙：［諧音］
。幸富貴：［諧音］

衍生辭彙［參考］
。咸/冚家拎：指家人全部死於非命，得自己一個孤零零。
。咸/冚家祥：反語，表面上係祝人全家祥和，實際上等於講（咸家鏟）。
。咸/冚家長：反語，表面上係祝人全家長壽，實際上等於講（咸家鏟）。
。咸/冚家短：指咒當事人全家短命。
。咸/冚富貴：反語，表面上祝人全家富貴，實際上等於講（咸家鏟）。
　　　　
＊＊＊—————————————————————————————————



澩嫪 lao2 gao6
澩澩嫪嫪 lao2 lao2 gao6 gao6
解釋：形容情況或事物雜亂、亂七八糟嘅意思。
例句：咁大個人，書包都唔識執，樣樣嘢都咁澩嫪，信唔信我話畀你老師知呀嗱？
　　　你整到間房澩澩嫪嫪，又要係亞媽幫你執手尾！

字源資料［參考］
。《說文》：嫪，犬驚吠叫。亦有紛亂、擾亂意思。
。《廣東俗語正字考》：紛亂謂之澩嫪。
。《左思吳都賦》：㒊矗澩㺒，交貿相競。
。［李善註］：澩㺒，眾相交錯之貌。

其他辭彙［參考］
。澩嫪：《廣東俗語考》
。撈攪：［］
。撈嚿：［］
。摎搞：［］
。繚繳：［］

＊＊＊—————————————————————————————————



㪐㩿 laak1 kaak1
㪐㪐㩿㩿 laak1 laak1 kaak1 kaak1
解釋：形容人講嘢斷續、唔順暢、含糊不清嘅意思。
例句：望住嚟讀都讀到咁㪐㩿，重學人參加朗誦喎！
　　　呢位兄台講嘢咁㪐㪐㩿㩿，都唔知佢講乜！

字源資料［參考］
。［㪐㩿］：原本解做唔穩或唔平滑之意，
　　　　　　後來引伸為形容說話結結巴巴、含糊不清。
。《玉篇》：⽁部，㪐㩿，不滑利。
。《廣韻》：沒部，㪐㩿，不穩、不利。
。《類篇》：⽁部，㪐㩿，不滑利或物不安貌。

其他辭彙［參考］
。㪐㩿：《康熙字典》《宋本廣韻》
。㪐㪂：［］
。𪙛𠸉：［］
。犖硞：［］
。犖确：《國語辭典》《廣府俗語探奇》
。犖埆：《國語辭典》
。犖角：［］
。犖確：《國語辭典》
。犖嶨：［］
。䃕確：［］
。䃕礭：［］
。嶨硌：［］
。勒咳：《廣府俗語探奇》
。甩咳：［俗讀］

＊＊＊—————————————————————————————————



俹簁 laa2 sai1
解釋：形容人處事輕率、欠責任感嘅意思 。
　　　即係輕率、無責任感、求其，是但咁解。
例句：條竹升妹做嘢真係好俹簁。

字源資料［參考］
。［俹簁］：本作倚簁，釋名倚簁。
　　　　　　倚簁，倚伎也，簁作清簁也，言人多伎巧尚輕細如簁也。
。《廣州語本字》：俹簁者，作事苟且而不精細也。

其他辭彙［參考］
。俹簁：《廣州語本字》
。搻簁：［］
。揦簁：［］
。揦篩：《粵典》
。揦西：《粵典》
。乸西：［俗讀］
。哪西：［俗讀］

＊＊＊—————————————————————————————————



發怐愗 faat6 ngau6 dau6
怐怐愗愗 ngau6 ngau6 dau6 dau6
解釋：形容人呆頭呆腦、 懵懵懂懂、冇乜神采嘅樣貌。
例句：你次次開會都發怐愗，老闆當然睇你唔順眼。
　　　每次見親佢都係怐怐愗愗咁，佢係咪有病呀？

字源資料［參考］
。［怐愗］本意係形容人愚昧無知。之後引申為意指發呆、放空之意。
。《玉篇》：怐愗，愚貌。
。《楚辭》［九辯。戰國．宋玉］：然潢洋而不遇兮，直怐愗而自苦。
。《南山》［唐．韓愈］：茫如試矯首，堛塞生怐愗。

其他辭彙［參考］
。怐愗：《康熙字典》《國語辭典》
。吽哣：《廣州話正音字典》《廣州話標準音字彙》

＊＊＊—————————————————————————————————



娿哿 o1 go6 / ngo1 go6
娿娿哿哿 o1 o1 go6 go6 / ngo1 ngo1 go6 go6
解釋：形容人姿姿整整、三心兩意、猶豫不決嘅意思。
例句：三姨真係娿哿，出門口時總係要搞多幾個字至行得！
　　　快啲啦，重喺度娿娿哿哿未行得，我哋遲大到啦！

字源資料［參考］
。《正韻》：娿，於何切，音阿。媕娿，不決也。
。《韻會》：娿，倚可切，音㫊。娿娜，弱態貌。亦姓。
。《說文》：哿，可也。
。《左傳》［昭公八年］：哿矣能言，巧言如流。

其他辭彙［參考］
。娿哿：［］

。柯箇：《粵典》

＊＊＊—————————————————————————————————

廣東話。粵語字

粵語字，係統稱用喺書寫粵語白話文嘅中文字，佢重有好多常用嘅別稱：粵語用字、粵語漢字、廣東字、廣州話字、香港字等。而喺臺灣嘅字型廠商就通常稱為廣東外字、香港外字。呢批粵語字主要通用喺粵語嘅使用者之間，尤其喺香港、澳門、海外唐人街地區特別多見，通常用喺私人或群體溝通、網絡論壇、香港媒體、書刊雜誌、劇本同埋一啲字幕。

不過，［粵語字］仍然未有完整同標準嘅方案，好多學者正係積極研究當中，尤其喺［字源］、［讀音］、［正字］、［本字］嘅問題上仍有極多爭議。希望未來會有一套學者大眾都認同嘅［粵語字］標準嘅方案出現。

呢啲［粵語字］嘅資料內容分別喺唔同嘅渠道搜集同整理，如果有其他參考資料嘅話，喺每幅圖嘅貼文中都會盡量鋪出作為參考，但資料亦會出現錯漏嘅地方，歡迎大家提供資料參考及修正。

廣東話。粵語字［圖集］
https://www.facebook.com/pg/CantoneseMuseum/photos/?tab=album&album_id=3029394703737388

＊＊＊—————————————————————————————————

香港語文。廣東話資料館

四大靚女〔蠄蟝落湴、八月番瓜〕

四大美人〔沉魚、落雁、閉月、羞花〕分別係來自四個唔同形格靚女嘅典故。〔花〕喺古代人嘅心目中就係〔靚〕嘅代名詞，〔比花嬌，比月美〕可以話係美貌非凡。啲古人本來係用呢四個修辭嚟形容四大美女，後來更加廣泛咁用喺形容女人嘅美貌。

＊＊＊
————————————————————————————————

沉魚 cam4 jyu4

西施［施夷光］，春秋末期浙江諸暨一帶人氏。

傳說話，西施喺越國浦陽江邊浣紗嘅時候，喺水裡面嘅魚以為有嘢食就游埋嚟，一睇到西施嘅容貌，條條魚都畀佢嘅驚艷〔嚇〕到沉曬入個江底。也有人認為唐代宋之問歌詠西施嘅《浣紗篇》：［鳥驚入松蘿，魚畏沈荷花。］就係講為［沉魚］代表西施。

＊＊＊
————————————————————————————————

落雁 lok6 ngaan6

王昭君［王嬙］，西漢湖北南郡秭歸人，漢元帝時期嘅宮女、替國家和親嘅女性。

傳說話，喺〔昭君出塞〕嗰時，王昭君行到大漠途中，感懷自己嘅命運淒涼同埋要離鄉別井，就喺馬上百無聊賴咁彈咗首《出塞曲》。而喺天邊飛過嘅大雁聽到呢首曲調嘅幽怨同埋傷感，即時感到肝腸寸斷，通通都跌囇落地。所以［落雁］就係咁嚟架嘞。

＊＊＊
————————————————————————————————

閉月 bai3 jyut6

貂蟬［任紅昌］，東漢後期山西嘅一名村姑。

傳說話，貂蟬喺花園度拜月光嗰時［可能係八月十五］，突然有度雲彩遮住個月光，畀經過嘅王允［司徒、錄尚書事］咁啱睇到。之後王允就對人講，貂蟬比個月光重要靚，連月亮都要自己收閉，所以就叫貂蟬做［閉月］。

＊＊＊
————————————————————————————————

羞花 sau1 faa1

楊貴妃［楊玉環］，唐代山西永濟人，係唐玄宗嘅寵妃。

傳聞佢身材豐滿，膚如凝脂。傳說重話，楊貴妃於某個晚上喺花園度賞花嗰時，又喺度悲嘆自己嘅身世同命運，佢伸手去摸花［或者係含羞草］，唔知係咩嘢嘅原因，啲花瓣收縮，花葉低垂。又畀啲宮女咁啱睇見，就話楊貴妃同啲花鬥靚，連啲花都要怕醜低頭，縮埋一便。

＊＊＊
————————————————————————————————



四大著名嘅女性

————————————————————————————————

四大靚女：西施　　貂蟬　　王昭君　楊玉環

————————————————————————————————

四小靚女：虞姬　　明妃　　綠珠　　紅拂

————————————————————————————————

四大才女：卓文君　蔡文姬　李清照　班昭／上官婉兒

————————————————————————————————

四小才女：蘇小妹　唐婉　　朱淑真　魏玉汝

————————————————————————————————

四大名女：李師師　賽金花　董小宛　陳圓圓

————————————————————————————————

四小名女：小鳳仙　杜十娘　玉堂春　紅拂女

————————————————————————————————

四大丑女：嫫母　　鍾離春　孟光　　黃月英

————————————————————————————————

四大帥女：穆桂英　樊梨花　秦良玉　梁紅玉

————————————————————————————————

四大俠女：謝小娥　呂四娘　鄧劍娥　紅線女

————————————————————————————————

四大情女：白娘子　孟姜女　虞姬　　王寶釧

————————————————————————————————

四大淫女：夏姬　　胡太后　潘金蓮　孝文幽皇后

————————————————————————————————

四大妖女：妹喜　　妲己　　褒姒　　文姜

————————————————————————————————

四大賢女：王母　　女媧　　孟母　　岳母

————————————————————————————————

四大美人之（排擠貴妃）！



————————————————————————————————
＊＊＊

香港語文。廣東話資料館

［文言虛詞］二十世紀之前嘅通用文體！

文言文［man4 jin4 man4］，又叫文言，又有叫佢做［古文］，係舊時嘅一種書面文體，主要係用［秦朝］嗰時嘅口語嚟做基礎。但係文言文嘅發展，喺唔同時代嘅文法同書寫詞彙上，都會有一啲分別嘅。

喺二十世紀之前，文言文幾乎係東亞地區嘅通用文體。喺韓國、日本同喺越南，文言文叫做漢文［한문 Hanmun、かんぶん Kanbun］同埋儒字或宦叫字儒［Chữ Nho］。

喺民國時期嘅［新文化運動］之後，由北京官話為本嘅［白話文］就慢慢替代咗歷史悠久嘅文言文。

＊＊

文言虛詞［虛字］，係喺中文［文言文］裏面用嚟做接連、疑問、停頓、表達情緒、介詞嘅字辭。

［文言為古語之誌，故虛詞之用，異乎今文。下為虛詞之用，以輔初者。］

＊＊＊————————————————————————————————

［安 on1〕

1) 疑問代詞，用嚟做賓語，放喺動詞前邊。
　可以譯為［邊度，本字：焉道］、［乜嘢，本字：乜者／厶者］。
　。司馬遷《鴻門宴》：［沛公安在？］
　。宋玉《風賦》：［夫風，始安生哉？］

2) 疑問代詞，不過係成份唔同，喺句子裏面係做定語嘅。
　一般用喺［所］前邊，［安所］即係［邊度］。
　。司馬光《赤壁之戰》：［將軍迎操，欲安所歸乎？］

3) 疑問代詞，不過係當做狀語，相當於：［點，本字：怎、點樣，本字：怎樣］。
　。司馬遷《鴻門宴》：［君安與項伯有故？］
　。司馬遷《陳涉世家》：［燕雀安知鴻鵠之志哉？］

　但有時要翻譯為［邊度］：
　。陳壽《三國志．隆中對》：［君謂計將安出。］

　有時又同［得］、［能］、［可］、［敢］連用，
　表示嘅意思反詰多過疑問，可以翻譯為［邊度係］、［點樣］。
　。安敢：柳宗元《捕蛇者說》：
　　　　　［今雖死乎此，比吾鄉鄰之死則已後矣。又安敢毒耶？］
　。安能：錢泳《要做則做》：［凡事做則會，不做則安能會耶？］
　　　　　司馬光《赤壁之戰》：［若事不濟，此乃天也，安能復為之下乎？］
　。安得：杜甫《茅屋為秋風所破歌》：
　　　　　［安得廣廈千萬間，大庇天下寒士俱歡顏！］　　　　　　

＊＊＊————————————————————————————————


〔輩 bui3〕

1) 用喺代詞或者名詞後邊，表示多數嘅，差唔多等於［哋］，我哋嘅［哋］啊。
　本：我等，略等於［我等］個［等］啦。
　。陶淵明《歸園田居》：［試攜其侄輩，披榛涉荒墟。］
　。司馬遷《淮陰侯列傳》：［其輩十三人皆已斬。］

2) 此輩，等於［呢啲人，本：爾尐人］，帶有輕視嘅口吻。
　。劉義慶《世說新語》：［若不容置此輩，何以為京都。］

3) 用喺數詞後面，表示集體嘅意思。
　差唔多等於［班］［等］。
　。司馬遷《孫子吳起列傳》：［孫子見其馬足不甚相遠，馬有上中下輩。］

＊＊＊————————————————————————————————

〔而 ji4〕

1) 轉接連詞。同「且」、「又」。
　。《論語．學而》︰［學而時習之，不亦說乎！］

2) 表轉折。相當於現代漢語［但係］。

＊＊＊————————————————————————————————

〔何 ho4〕

1) 疑問字。同［曷］、［奚］、［胡］。
　。陶潛《歸去來辭》︰
　　［既自以心為形役，奚惆悵而獨悲？……
　　　曷不委心任去留？……胡為乎惶惶欲何之？］

＊＊＊————————————————————————————————

〔乎 fu1〕

1) 疑問字，擺響句尾，同［邪］、［耶］。
　。《論語．子罕》︰［吾誰欺？欺天乎？］

2) 停頓字，無義。
　。《孟子．梁惠王上》︰［天下惡乎定？］

3) 嘆字，同［哉］。
　。李白《蜀道難》︰［危乎高哉！］

4) 置句中、同［於］、［在］。
　。韓愈《師說》︰［生乎吾前，其聞道也，固先乎吾，吾從而師之。］

＊＊＊————————————————————————————————

〔乃 naai5〕

1) 連詞，指其後之事。
　。《史記．匈奴列傳》曰︰［周襄王既居外四年，乃使使告急於晉。］

2) ［竟然，居然］恁嘅意思 。
　。陶淵明《桃花源記》：［乃不知有漢，無論魏晉。］

＊＊＊————————————————————————————————

〔其 kei4〕

1) 代詞。泛代人事物。

2) 語氣字。
　。《左傳．僖公十一年》︰［晉國其無後乎！］

＊＊＊————————————————————————————————

〔且 ce2〕

1) 同［暫］。
　。《玉臺新詠．卷一》載古詩︰［四坐且莫諠，願聽歌一言。］

2) 同［將］，事即生焉。
　。《戰國策．齊策一》：［魏有破韓之志，韓見且亡，必東愬於齊。］

3) 同［又］、［並］。
　。《論語》︰［不義而富且貴，於我如浮雲。］

4) 況且／尚且。
　。《左傳．僖公二十八年》︰［且楚師老矣，何故退？］

＊＊＊————————————————————————————————

〔若 joek6〕

1) ［如］也。
　。莊子《逍遙遊》︰［其翼若垂天之雲。］

2) 若夫，起字也，至若次之。
　。范仲淹《岳陽樓記》︰
　　［若夫霪雨霏霏，連月不開……至若春和景明，波瀾不驚。］

＊＊＊————————————————————————————————

〔所 so2〕

1) 置動詞前，指受者。
　配為為所用，為［某為某所如何］之略。
　。《後漢書．南蠻西南夷列傳》︰
　　［永和二年……會侍御史賈昌使在日南，
　　　即與州郡並力討之，不利，遂為所攻。］

＊＊＊————————————————————————————————

〔為 wai4 / wai6〕為有二聲。

1) 平聲〔wai4〕
　治某事。又指任某職。
　。《南史．隱逸列傳下》︰［僧岩……善明為青州，欲舉為秀才。］
　以為。意即白話之［認為］。

2) 去聲〔wai6〕
　介詞。為某而如何。
　。《宋史．王宴傳》︰［若殺願送款河東，為天下唱首，則取富貴如反掌耳。］

＊＊＊————————————————————————————————

〔焉 jin1 / jin4〕焉有二聲。

1) 陰平［jin1］
　反詰字，同［安］。
　。桓寬《鹽鐵論．論鄒》︰［近者不達，焉能知瀛海？］
　。《木蘭辭》︰［兩兔旁地走，安能辨我是雄雌？］

2) 陽平［jin4］　
　置句末，同［於］也，無義，為句意止處。
　。司馬相如《子虛賦》︰［畋罷，子虛過奼烏有先生，亡是公存焉。］

＊＊＊————————————————————————————————

〔也 jaa5〕

1) 擺響句尾。
　。鍾嶸《詩品．序》︰
　　［使味之者無極，聞之者動心，是詩之至也。］

2) 擺響句中，為提頓字。
　。揚雄《長楊賦》︰［蓋聞聖主之養民也，仁霑而恩洽，動不為身。］

3) 擺響句中，為語氣字。
　。杜甫《春日憶李白》︰［白也詩無敵，飄然思不群。］

＊＊＊————————————————————————————————

〔以 ji5〕

1) 動詞，同「用」。
　。王充《論衡．程材─》︰［洗洿泥者以水，燔腥者用火。］

2) 以是、是以。同［遂］、［由是］︰
　。阮瑀《為曹公作書與孫權》︰
　　　　　［乃使仁君，翻然自絕，以是忿忿，懷慚反側。］
　。《百戰奇略．亂戰》︰
　　　［諸侯從於楚者眾，而皆小國也，畏楚而不獲已，是以來。］

3) 以為，參［為］。

＊＊＊————————————————————————————————

〔因 jan1〕

1) 動詞，同［遂］、［乃］。
　。《史記．卷七．項羽本紀》︰［項王即日因留沛公與飲。］

＊＊＊————————————————————————————————

〔於 jyu1〕

1) 介詞，同［在］。
　如︰［生於斯，長於斯。］

＊＊＊————————————————————————————————

〔與 jyu4 / jyu5〕與有二聲。

1) 平聲［jyu4］　
　通［歟］為疑問字，同［乎］、［邪］。

2) 上聲［jyu5］　
　動詞，同［予］、［贈］。
　。《孟子．離婁下》︰［可以與，可以無與。］

＊＊＊————————————————————————————————

〔則 zak1〕

1) 連詞，擺響句中間，同［便］、［就］；
　如︰［學如逆水行舟，不進則退。］

2) 連詞亦然，同［卻］﹑［而］。
　如︰［欲速則不達。］

＊＊＊————————————————————————————————

〔者 ze2〕

1) 代詞，形人也。
　。屈原《楚辭 》：［新沐者必彈冠，新浴者必振衣。］

2) 代詞亦然，形物也。
　如︰［文言者，古中國書其言以述志表情者也。］

＊＊＊————————————————————————————————

〔之 zi1〕　

1) 介詞，同「嘅」。
　。《左傳．襄公十四年》：［余弟死，而子來，是而子殺余之弟也。］

2) 代詞，擺響句尾，意即［佢］。
　。《書經．皋陶謨》︰［安民則惠，黎民懷之。］

3) 動詞，同［往］、［至］。
　。《詩經．鄘風．載馳》：［百爾所思，不如我所之。］

＊＊＊————————————————————————————————

香港語文。廣東話資料館