香港粵語兒歌［七十年代後］
粵語童謠係普羅大眾嘅創作，約定俗成，喺傳唱嘅過程中會出現唔同嘅版本，但無人會規定邊個先至係〔權威〕版本。隨著五、六十年代大陸解放，有好多移民嚟到香港，香港地區就繼承咗好多華南地區嘅童謠同兒歌，好似〔雞公仔〕、〔搖搖搖〕等。不過，大多數都係一啲雜章短句為主嘅口簧。
到咗七十年代之後，日本卡通片喺香港嘅電視台播出，同埋當時社會嘅需求，有好多新嘅廣東話兒歌湧現。而呢啲歌，大多數都係啲電視劇集同卡通片嘅主題曲，例如係〔Ｑ太郎〕、〔飄零燕〕、〔七小福〕、〔ＩＱ博士〕等。
喺七十年代末八十年代初，音樂人韋然，經佢有系統咁整理超過250首童謠、民歌，呢啲廣為流傳嘅曲詞，陪伴隨著一代又一代嘅人成長。例如［何家小雞何家猜］、［洗白白］、［雞公仔］、［搖到外婆橋］、［磨較剪鏟刀］等等。
依家由於受政府嘅語文教育推廣嘅影響，唔少粵語童謠同兒歌都漸漸畀人遺忘。好多幼稚園都少教粵語兒歌，導致啲小朋友唔會唱粵語兒歌，有啲專家曾經建議將呢啲廣府文化編入教材，希望將來可以成真。
＊＊
粵語卡通兒歌
＊＊
〔叮噹〕小太陽兒童 1972年
人人期望可達到，我的快樂比天高。人人如意開心歡笑，跳進美夢尋獲美好。爬進奇妙口袋裡，你的希望必得到。離奇神化不可思議，心中一想就得到。想小鳥伴你飛舞，雲外看琴譜，你睇！叮噹黎啦！叮噹啊，誰都喜歡你，小貓也自豪。叮噹啊，誰都喜歡你，小貓也自豪。
＊＊
〔彩虹化身俠〕石修 & 張德籣 1972年
彩虹化身俠黎喇！法力係無窮日日變，變幾變會飛天，飛飛飛，閃似電，化身變左飛天箭。變變變，法力現，面目又變變左會飛天。一飛沖天，落地又變，變左隻小飛燕。彩虹百變，如神仙，變又變又變。法力係無窮日日變，變幾變會飛天，飛飛飛，閃似電，化身變左飛天箭。變變變，法力現，面目又變變左會飛天。一飛沖天，落地又變，變左隻小飛燕。彩虹百變，如神仙，變又變又變。
＊＊
〔畫叮噹〕兒童合唱 1973年
圓圈加一點，圓圈加一點，下面畫枝波板糖，再畫個呼拉圈，再畫個呼拉圈，六字畫好將它反轉，加個飛碟兒，左飛一次，右飛一次，下降好玩啲，著地變作漢堡飽，真真合意，看看我那半個Hot-Cake，乖乖碟上睡，求求你將西瓜一片，當作我的嘴，再撇上貓鬚睇真，畫到似邊個，叮噹！
＊＊
〔七小福〕林嘉華 1974年
數數手指幾多隻，總數數到十，看看電視睇到我，數下有幾多，左邊五右邊兩，加埋共有七，飛天蟲兒共飛天，確係唔錯。一齊飛天上，弟弟妹妹共哥哥。七小福走天涯，行雷大雨都不怕，直情未驚過。點解點解少左個，總數只有六，數清楚o的先知道，原來唔係錯，果一個就係我，加埋共有七，飛天蟲兒在一起，冇話唔預我。一齊飛天上，弟弟妹妹共哥哥。七小福走天涯，行雷大雨都不怕，直情未驚過。
＊＊
〔小露寶〕鍾叮噹 1974年
大踏步神情確威武，小子大名露寶，人人皆知道。〔小露寶黎啦，小露寶好野〕又賣力，又肯做，身手好似超高，朋友休睇少我係機器製造。樣樣都會做，唔係似膽粗，全世界認真少有，周身鐵鑄做。行俠仗義立志高，不畏強暴，更有驚天本領值得驕傲。
＊＊
〔幪面超人〕鄭錦昌 1974年
幪面超人，聲威震九天，鐵臂銅拳，風雷電，勇猛似虎，身壯力又健。一飛沖天，心堅志更堅。絕招，打！絕招，打！一身功夫，一聲喝變，動地驚天。鋤奸，殺！除魔，殺！制惡助善，一腔正氣，人人仰羨。
＊＊
〔世界真細小〕兒童合唱 1975年
人人常歡笑，不要眼淚掉，時時懷希望，不必心裡跳，在那人世間，相助共濟，應知人間小得俏。世界真細小小小，小得真奇妙妙妙，實在真係細世界，嬌小而妙俏。又有陽光照，兼有朗月耀，良朋同歡聚，相依相對笑，萬里難隔阻，心裡情長照，應知人間小得俏。世界真細小小小，小得真奇妙妙妙，實在真係細世界，嬌小而妙俏。夜裡群星照，反照世界妙，奇妙人間樂，我地樂遙遙，在那人世間，守望相看，應知人間小得俏。世界真細小小小，小得真奇妙妙妙，實在真係細世界，嬌小而妙俏。遙遙人相隔，心裡不相焦，萬里連心路，用愛造長橋，路遙難隔阻，千里共，你我他，應知人間小得俏。世界真細小小小，小得真奇妙妙妙，妙在真係細世界，嬌小而妙俏。
＊＊
〔巨靈神〕林嘉華 1975年
前進，前進，英勇為人類，無窮力，前衝，救地球，盡力殺敵擴張正義，立誓志氣高。愛和平，化作神威，英勇力無敵，勇往直前除敵惡，功績極輝煌。整肅奸惡，大地復蘇，聲威震宇宙，鬥志力強，機智過人，陷陣衝鋒巨靈神。飛天騰雲靈活兇猛如神，分清敵我係朋友，護衛世界愛和平。
＊＊
〔機靈小和尚〕兒童合唱 1975年
巴巴閉閉，巴巴閉閉一休僧，辯駁最流利。巴巴閉閉，巴巴閉閉一休僧，真聰明。計仔多多腦筋最醒，夠靈活，係夠精，喃嘸喃嘸似歌聲，對神佛，最恭敬。眼裡善惡分得最嚴明，心水清，講起打架最懵最蠢，最遲鈍最冇本領。呀呀，喃嘸喃嘸喃嘸。鋤強扶弱懲治罪惡，不須動手，總之一開口，冇個夠佢鬥，冇個夠佢鬥。名符其實全憑明智，口講不動手，天生機巧成奇謀，講得出色心服透。巴巴閉閉，巴巴閉閉一休僧，辯駁最流利。巴巴閉閉，巴巴閉閉一休僧，真聰明。真夠醒！
＊＊
〔Ｑ太郎〕張德蘭 1976年
人人話真心鍾意他，人人話真心鍾意，咁先開心啦，佢令我地開心歡笑真真誇啦啦！生得真鬼馬，最怕冇大牙，Wow Wow 都好怕 Sa La La，唔同常人冇頭髮，剩係生出三個叉，Ｑ太郎，Ｑ太郎有你冇有怕；Ｑ太郎，Ｑ太郎係我地好朋友黎架！
＊＊
〔跳飛機〕辛尼哥哥 1976年
天空海闊任鳥飛，小小天地跳飛機，大眾一齊唱首歌，開開心心真有趣。活潑聰明讀好書，天天寫字笑嘻嘻，大眾一齊跳飛機，一，二，三到你。活潑聰明讀好書，天天寫字笑嘻嘻，大眾一齊跳飛機，一，二，三到你。
＊＊
〔數字歌〕辛尼哥哥 1976年
一二三，三二一，一二三四五六七，二三四，四三二，四五六七八九十。
＊＊
〔誰人要噎怪獸〕辛尼哥哥 1976年
誰人要噎怪獸，擘大個口。誰人要打嘶噫，郁下個口。獅子張開大口，貓仔張開細口，高歌得意忘形，任你笑笑到夠 。
＊＊
〔小時候〕路家敏 1977年
小小的宇宙，歡欣的宇宙，蹦蹦跳 哈哈笑 是我小時候。小小的宇宙，天真的宇宙，真的我 真的你 唔係小木偶。愛動腦筋，活潑天真，凡事好發問，踢波跑步打千秋，不知天高地厚。小小的宇宙，繽紛的宇宙，像皮球 天天轉 奇妙事不斷有。
＊＊
〔星仔走天涯〕袁麗嫦 1977年
落雨不怕，落雪也不怕，就算寒冷大風雪落下。能夠見到她，可以日日見到佢面，如何大風雪也不怕。我要我要找我爸爸，去到那裡也要找我爸爸，我既好爸爸未找到，若你見到佢就勸佢回家。
＊＊
〔雨〕跳飛機合唱 1977年
落大雨啦雞仔貪玩，冷到傷風真真慘。論盡鴨仔擔朵花瓣，當作撐開小雨傘。魚仔生猛，蝦仔生猛，青蛙水中跳低欄。遇著母雞，今天生蛋，五隻雞仔通處逛。
＊＊
〔飄零燕〕蔡麗貞 1977年
Yor Ku Lu Yor Ki Ku Li，Yor Ku Ku Li Yor Ku Ku，Yor Ku Lu Yor Ki Ku Li，Yor Ku Ku Li Yor。迷途迷途孤燕，未得歸家，這小孤燕，夜晚嚇怕小燕，小燕徨恐的小燕。乳燕乳燕望著天天邊，誰同情小小孤燕，徬徨乳燕，迷途燕孤單小孤燕。Yor Ku Le He Le He Le，Yor Ku Le He Le He Le，Yor Ku Le He Ho Li，Yor Ho Ho 。Yor Ku Le He Le He Le，Yor Ku Le He Le He Le，Yor Ku Le He。
＊＊
〔大鐵人〕趙國慶 1978年／林嘉華 1979年［重］
大鐵人出動！俾你知道，佢係鐵做，力量大到無譜，俾你知道，佢係鐵做，用電子發動，即刻起步。電子科學儀器無數，電子非人能量無限數，打敗外太空怪物，應該感到自豪。隨時可以發動，隨時迎戰，隨時可以飛到，八丈咁高。呢個係大鐵人，隨時隨地殺敵天下無。話你知，俾你知道，佢係鐵做，力量大到無譜，俾你知道，佢係鐵做，用電子發動，即刻起步。電子科學儀器無數，電子非人能量無限數，打敗外太空怪物，應該感到自豪。隨時可以發動，隨時迎戰，隨時可以飛到，八丈咁高。呢個係大鐵人，隨時隨地殺敵天下無。話你知，俾你知道，佢係鐵做，力量大到無譜，俾你知道，佢係鐵做，用電子發動，即刻起步。
＊＊
〔小甜甜〕路家敏 1978年
活潑天真不願變，獻出心中溫暖，良善趣怪惹人愛，成朝走到晚我不倦。面上雀班一點點，真真得意，圓圓鼻，最有趣，扁得岩線，悶就唱歌，悶就大笑，沒事做最討厭。忘形地笑自然沒困倦，望著鏡子笑萬遍，甜甜地笑人活力再現，若伴著愛心更自然。再見了，不開心，將悲哀化做煙，我要看見理想願望實現，比心機小甜甜。
＊＊
〔五勇士〕趙國慶 1978年
郁親都聽打，郁親都要聽打，最厲害係五勇士，妖魔都怕他。齊合作好好打，特別係恨惡霸，想蝦蝦霸霸，認真開胃，直情唔化，搵真下，罪孽應該查。惡霸見到就怕，佢五個稱威天下。齊齊上，要撲滅罪惡，Ｄ妖魔打到碌地，〔哎喲！〕跌崩隻大牙。
＊＊
〔香蕉船〕1979年
香蕉變出香蕉船，船上面有一排歡笑面，多可愛，多康健，齊齊共唱歌謠聽得見。歌聲笑聲滿世上，快樂雲裡現，滿載遊戲兼歡笑，它帶來溫暖。開心見到香蕉船，齊齊伴住彩虹天際現，彎彎掛於天空上，人人話那彩虹香蕉變。
＊＊
〔完全明白了〕路家敏 1979年
英文欺騙點樣串，你要小心Ｄ串，CHEAT CHEAT CHEAT，我完全明白了，CHEAT！暖暖太陽是熱能，要說英文點串，HEAT HEAT HEAT，我完全明白了，HEAT！乜都想吃不得了，要吃英文點串，EAT EAT EAT，我完全明白了，EAT！椅子英文點樣串，你要小心Ｄ串，CHAIR CHAIR CHAIR，我完全明白了，CHAIR！鬢髮滿頭數不了，鬢髮英文點串，HAIR HAIR HAIR，我完全明白了，HAIR！英文空氣點樣串，你要小心Ｄ串，AIR AIR AIR，我完全明白了，AIR！
＊＊
〔戰士高迪安〕蔣慶龍 1979年
熱血心中火般旺，將胸懷照亮，晚霞滿天映金光，金光照背上，像電光閃過天空，變成高迪安。英雄傲立世上，大丈夫七尺昂藏，日月伴我，雲遊四方，披起星光天際闖。求用我的一雙手，碎毀百魔黨，憑著赤膽共忠肝，星際任流浪，人人亦敬重，高迪安。高迪安。舉世仰慕。
＊＊
〔醜八怪〕跳飛機合唱 1979年
望吓，望吓，望吓，望吓，街邊滿是俏兒孩，又喊又笑 又叫又跳，睇真呢班好趣怪。辣撻別有驕俏態，睡覺亦有優美態，亂笑亂叫酒當奶，一味講 Bye Bye。盪吓盪吓，揼吓揼吓，蝦仔著住對長鞋，擰吓擰吓，糯吓糯吓，拎札香雞通處派。又抱又踢，又哄又錫，口水滿面有排捱，亂咁食野，又咬又舔，嘴角下巴黐滿晒。學唱大戲通處嗌，扮相別緻花滿戴，學跳勁舞好趣怪，功夫也學埋。動有動怪，靜有靜怪，天真態度最和諧，動有動態，靜有靜態，充滿趣味醜八怪。又喊又叫，你都讚乖，兒童大晒。
＊＊
［紅尾巴與小方頭］跳飛機合唱 1979年
又見又見又見一隻鳥兒，紅尾紅尾紅尾巴怪異，又唱又笑又叫吱吱喳喳，它的聲音可愛一點不吵耳。又見又見又見小方頭，零舍零舍零舍不懂事，若你若你若你想知點解，應該即刻請教不要再猶疑。小小鳥兒，高飛千里，知識真實勝看書，多麼可愛，多麼好學，時時預備真心的幫你。
＊＊
〔童年樂趣多〕陳百強 1979年
童年樂趣多，又百厭又傻，球場學踢波，亂踢更亂磨，學踢波，鈍夾摩，省波餅多多，要我落場，為執波更慍我。童年樂趣多，日子真好過，彈琴又唱歌，愉快更諧和，學唱歌，排排坐，唱苦海孤雛，當我大傻，系走音都指我。童年樂趣多，大個更重傻，純情學拍拖，話名溫功課，互切磋，同看書，手仔輕輕拖，趣怪事成籮，講親更講我。童年樂趣多，日子開心過，童年樂趣多，日子開心過。
＊＊
［太空基地］蔣慶龍 1980年
燃亮我，燃亮我，讓那火焰更高張，願我能，像那火舌將奸惡燒光。求讓我，像那火，向四方伸張，一點公正共決心，變無窮力量。明亮的小火舌，狂潮一樣，我發熱發光，金色光綫像朝陽。讓烈火，將太空那黑洞照光，永遠和平，這是目標每日寄望。盡力到底，震壓惡幫，要和平，早一點降，是我心內理想。邪難敵正，祇要我勇敢，又堅強。
＊＊
〔宇宙大帝〕威利 1980年／張國榮 1980年
神奇大帝主宰太空，三位忠心戰士，有勇氣 更有熱誠，似個正氣大孩子。星空軌跡裡飛，任務極神秘，看遠處家鄉之星，星光何明媚，狙擊奸黨惡魔，就是浩懷大志，我要這世界和平，肅清星空惡風氣。三位一起出擊，三軍一起出擊，快快去，大結合。力量勝萬能士，人盡讚美 星光閃過，那是我在太空飛。力量勝萬能士，人盡讚美，星光閃過，那是我在太空飛。像戰機。
＊＊
〔機動戰士高達〕王愛明 1980年
全憑那勇氣，全憑那正氣，憑著那鐵臂，火箭一般，通處飛，通處飛。壞事永遠永遠沒休止，願為正氣做風紀，我要高飛萬萬里，到太空顯威風，我神氣。銀河魔星都退避，將魔星奸計粉碎，銀河上再泛起，一片善意，一片美意。求終止一切壞事，將魔星奸計粉碎，銀河上再泛起，一片善意，一片美意。
＊＊
〔千年女王〕露雲娜 1981年／梅艷芳 1983年［重］
可否叫嘴巴休息一會，聽一聽，太空的優美夢幻曲的片段。清風吹過，星光閃過她的臉，光陰的箭好比小鳥伴著她，飛向前。失去的昨天，她不願懷念，許多新發展，留待明日發現，星空中，轉眼間，已過百萬天。她飛過萬萬里，只不過一小段，在宇宙探秘，更搜索天邊，像永沒完。要尋回，那失去的雪的花邊。要尋回，失去的星光或雷電。可否叫嘴巴休息一會，聽一聽，太空的優美夢幻曲，新片段。清風吹過，星光閃過她出現，她的衣角輕輕飄過睡夢中，千百年。失去的昨天，將今日呈現，星空多美景前路懷著信念，剛起飛，轉眼間，已到宇宙邊。她飛到日落處，得星與月出現，共朗日去轉，每天轉一圈，沒有厭倦。要尋回，那失去的愛的詩篇。要尋回，失去的思憶共懷念。
＊＊
〔忍者小靈精〕小太陽兒童 1981年
又越過高山又越過谷，忍者身體似飛機，天空任意飛，正直善良靈精令人地歡喜。讓兩眼睜得圓圓合緊那小嘴，隱起面貌矇起了面腮也漲起，捉惡人靈敏身手快似電手去，捉壞蛋新招古怪好比玩把戲。談話似詩那樣禮貌又神氣，小孩子最友善與你做朋友，忍者喜歡你。
＊＊
〔傳說〕露雲娜 1981年
傳說中有個女王在世上，長長頭髮，兩眼似星光，傳說中這女王善變似，白雲樣。宇宙極奇妙，永恒是留在你心，熱望在你心內燃亮，低聲歌唱。誰令妳，眼裡載滿了悲傷。唯願妳，眼裡載滿了星光。傳說中這個女王極漂亮，無窮神秘，叫你幻想，傳說中，她經過千載的，風雨霜。廣闊星際間，她可以自由地往返，活力是那生命那點光，使她奔放。誰令妳，眼裡載滿了悲傷。唯願妳，眼裡載滿了星光。
＊＊
〔４３０穿梭機〕林子祥 1982年／張國榮 1982年
五、四、三、二、一，發射。一飛沖天去，一飛沖天去，小小穿梭機。世界這樣奇，帶你看遠地，特別有趣味。動腦筋，多思考，遊玩中，長心智，同在競爭進步，了不起，穿梭機。開心高聲叫，開心高聲笑，要笑到飛起，（穿梭機）。世界這樣大，志向要遠大，樣樣屬我地，（穿梭機）。大眾不分彼此，成就一天千里，同在競爭進步，潛能活用眼界一新，穿梭機，穿梭機。
＊＊
〔電腦神童〕胡渭康、梅艷芳 1982年
呀！呀！總要定，呀！呀！總要定，人同電腦邊個醒？閃閃發亮，當我打緊TV Game，看看你地誰能及我咁勁。打關斗更勁，叻過翻生馬騮精，看這兩隻哨門牙，生得多麼醒。能用怪招我負盛名，如用怪招，招招都應，轉呀轉，轉呀轉，我可探月與星。招招都咁醒，手急眼快夠衝勁，肯花腦筋，我原是電腦尅星。呀！呀！總要定，呀！呀！總要定，遊戲機煞星。
＊＊
〔ＩＱ博士〕梅艷芳 1982年
靈感ＩＱ稱得上，十分之高超，創作力量同幻想，會嚇你一跳，小雲同小吉好重要。美夢如炸彈 開心的轟炸，天空朗日也偷笑，白豬仔來啦！無愁無慮似天使，天天帶著笑，浮浮沉沉天空裡，自在像小鳥，古怪事情，多得很想講也講不了。人人朝著那方向，心中帶著笑，浮浮沉沉天空裡，熱烈地呼叫，興奮事情，嘻嘻哈開心到不得了。
＊＊
［超時空要塞］楊仲恩 1982年
黑暗寧靜天空外，有這星存在，那閃爍星光耀目照亮着四海。衝破無盡的阻礙，志向不會改，朝着那星光去飛出白雲外。星空中，一起衝。路上遇到一切敵人從未驚恐，猶如天際蛟龍來回也從容，不必怕險阻百種，共赴星際美夢。在這黑暗的星空，從來未覺冰凍途上盡是我腳蹤。人係勇，全無懼怕我有力去衝。不驚恐，天空中，衝鋒。
＊＊
〔小雙俠〕華星兒童 1983年
Woo Woo Wang Wang Wang，Woo Woo Jang Jang Jang，發訊號兩聲，嘩，報警追敵，我若聞報警，聲，奉命通緝，這地球任意，闖，看我小雙俠，那神奇法則，YEAH，是個秘密。面具內正義猶如烈火，決心要除盡惡賊，神化神奇捕風捉影，奸賊任我執。爭取勝利最心急，奸惡鼠輩應受罰，抵罰，抵罰，哈哈哈……大家ＩＱ一般高，最好的配合，百戰，百勝，百戰，百勝，小雙俠。
＊＊
〔黃金戰士〕小虎隊 1983年
烏蠅都嚇死，貓兒都嚇死，周身機關了不起。是用純正黃金來做你，自動變戰士。聰明伶俐神力夠犀利，黑心醜惡奸鬼要迴避，奸賊作反全力對抗顯本事，不偷懶不識話費事。驅惡魔不許污染此地，警戒他使他不敢太卑鄙，維持治安永打不死，將魔黨盡掃除。盡力追，盡力追，盡力保護大地，神奇無敵世人知，高飛吧，高飛吧，解開危機，一起肅清惡罪。正氣永遠維護，勇氣永遠無懼，前進衝刺那管雷和雨，金色的勇戰士。
＊＊
〔機甲創世紀〕楊頌恩 1983年
光陰已失去於天際，山丘久缺少美麗，魔種正擺佈此處一切一切，想改變都無計。心機怎可任佢亂咁吞噬，魔界衝擊空間確弊，讓我駛出機甲跟佢揮。必須打低 踢走魔鬼，不想再給惡魔，下跪，不要再做奴隸。我縱無法夠佢揮，力量氣勢也太低，但是籍我堅毅。我不會停滯，入黎再向我鼓勵，我敢於去揮，我縱訓低，有你代替，那一腔理想，繼續到底。
＊＊
〔人人都友愛〕張德蘭 1983年
但願人人都友愛，那怕心中有悲哀，事事亦能看得開，世間多可愛。若是人人肯灌溉〔默默愛〕，友愛之花每天開〔處處開〕，就是平凡也開心，惟求是能互愛。同樂是最樂，自由更自在，朋友相知心，世事要為大眾改。若是人人都友愛〔熱烈愛〕，世界當可更光采〔正散開〕，願用熱誠解紛爭，為理想同競賽。
＊＊
〔笑吧〕曾路得 1983 年
如像晴天它能燃亮途徑，微笑是這東西的大姓大名，能為人間消除無謂仇怨，形狀奇怪像那彎彎新月半升，能像朋友令到烏天黑地變得亮晶。笑吧，請將歡樂散開，令灰黑的也閃起色彩，笑吧，請將心內笑袋，慷慷慨慨打開。人在人間出入無盡途徑，憑著微笑便覺崎嶇山路也是平，懷著慈心不論誰敗誰勝，人若微笑便有一雙閃亮眼睛，齊用微笑令到烏天黑地變得亮晶。笑吧，請將歡樂散開，令灰黑的也閃起色彩，笑吧，請將心內笑袋，慷慷慨慨打開。笑吧，請將歡樂散開，令灰黑的也閃起色彩，笑吧，請將心內笑袋，慷慷慨慨打開。笑吧，請將歡樂散開，令灰黑的也閃起色彩，笑吧，請將心內笑袋，慷慷慨慨打開。
＊＊
［藍精靈］小太陽兒童 1984年
百厭活潑快反應，總之沒法靜一靜，陣陣笑聲 實在動聽，一羣寶貝心肝啶。藍精靈十分勁，反斗激氣真要命，沒法叫暫停，是活潑藍精靈，勁中勁，呢班馬騮唔定性。要佢做嘢無反應，一講食嘢好知性，動靜夠多 凡事實禍，幾時得佢生生性。藍精靈十分勁，貪玩貪笑真要命，視你若無形，是沒法停一停，定一定，呢班小鬼唔定性。世界上滿載歡笑，輕鬆愉快不可少，特別夠嚚，人人話俏，聰明可愛通山跳，藍精靈十分妙，ＩＱ多到出意料，師父都偷笑，有活潑藍精靈，在閃耀，山邊海邊隨到跳。
＊＊
［未來警察］小虎隊 1984年
若我沒有了心，那會興奮愉快。若我沒眼睛，看不見天際動態。莫笑這戰艇趣怪古怪，去似星光一般快。破晚空，墮入夢裡，星光境界。快醒，快醒，快醒，快醒，星空的戰艇已安排。快醒，快醒，快醒，快醒，我要靠你去掌舦，請快。戰艇破晚空，越過赤道當去街。游銀河，銀河沒有界，超出光的軌跡，跟星空疆界。戰艇破晚空，越過赤道當去街，巡完銀河又要到天涯。
［雷鳥拯救隊］蔣慶龍 1984年
星空一支勇敢警隊，決意去盡人類憂慮，願共處和平裏，全力去爭取。步伐快捷猷如迅雷，探索應付憑着科技，互合作 危難處，盡顯心裏機智。投入宇宙裏鞠躬盡瘁，投入正義裏英勇無懼，穿梭太空一支勁壘，星際危難救拯隊。星空一支勇敢警隊，決意去盡人類憂慮，若是你聽見勁雷，就知雷鳥在飛。星空一支勇敢警隊，決意去盡人類憂慮，願共處和平裏，全力去爭取。步伐快捷猷如迅雷，探索應付憑着科技，互合作 危難處，盡顯心裏機智。投入宇宙裏鞠躬盡瘁，投入正義裏英勇無懼，穿梭太空一支勁壘，星際危難救拯隊。星空一支勇敢警隊，決意去盡人類憂慮，若是你聽見勁雷，就知雷鳥在飛。
＊＊
〔足球小將〕張衛健 1985年
看看威風的他，雙腿好似摩打，扭波踢波頂瓜瓜，有嘴巴的都讚他。身手最啿誇（身手最啿誇），小子志可嘉（小伙子志可嘉），陣法腳法日練夜練，真功夫冇花假。踢得好，誇啦啦，活力拼勁加兩把，射波招式創新，一絲不會差。攻呀攻，快搶攻，射呀射，射它吧，穿梭對手之間，獨有腳法像玩耍。歡呼聲，與讚美，出於他的腳下。攻呀攻，快搶攻，射呀射，射它吧，扭得好，踢得鬼馬，可稱霸只有他。
＊＊
〔聖鬥士星矢〕譚耀文 1986年
天際星星我數不清。雙子星天蠍與水瓶，雲後面還藏著白羊金牛，風裡有天秤，星有多少那數得清，只知心中充滿激情，能為自由而入萬重烽火，捐上我生命。匆匆一生叱吒好漢要刻下名字，不許這宇宙及浩瀚銀河忘我在此，不屈者與我本同義字，即使失意創傷一笑置之，揮我生命寫正義故事。瘋子即管稱我瘋子，星光知道星矢，心中滿是堅持，懷著正義對天地，倦時亦被起戰衣，無懼是這鬥士。
＊＊
［Ｑ太郎。新版］黎芷珊、小太陽兒童 1986年／戴蘊慧 1986年
ＱＱＱ，ＱＱＱＱ，ＱＱＱ，ＱＱＱＱ。太奇，太妙，望住誰亦笑。太奇，太妙，日日隨地跳。樣子不算十分俏，望落十分美妙。勤力其實無事忙，明明麻煩仍在笑。動作古怪實嚇一跳，辦法每每出意料。個身個樣似香腸，臃臃腫腫特別俏。ＩＱ雖不算高，也足以炫耀。你笑我怪相，我說冇緊要。同伴又笑我論盡頑皮活潑，覺得我好玩到不得了。
＊＊
［反斗三寶］葉其美 1989年
又跳又嘈是反斗三寶，鬼鬼馬這一班細路，原沒法得到，亦有能做到，常令你為佢自豪。踏前每一步，熱誠破冷酷，求真理未求運氣，歡笑在旅途，天際星光作嚮導旗號，不怕會迷路。自創路途是反斗三寶，想衝破那古板制度，前路縱崎嶇，誰畏懼難度，令你自豪是反斗三寶，多可愛這一班細路，如未染的布，學到無限老，誰若努力有進步。
＊＊
［我的身體知多少］葉其美 1989年
身體的知識知多少？能知的有多少，身體血脈明白有幾條，能量問有幾多，心呼吸要幾多秒。問這心怎可未停地跳，何事覺快樂會開心的笑，現象何奇怪，可知你的身體太重要。身體的知識知多少？身體的知識知多少？能知的有多少，身體韻律奇妙似歌謠，旋律別緻奇怪，心聲多變似鼓聲跳。令這心每秒未停地跳，那呼吸休息半刻不得了，和諧像合奏的歌，身體的各部份也重要。身體的知識知多少？身體的知識知多少？能知的有多少，可知血液能為你醫療，奇妙是那細胞，身體的各部份也重要，也重要。
＊＊
［叮噹。新版］陳松齡 1996年
不管你攪乜鬼，我個腦袋最巴閉，小叮噹，係機械貓仔，唔識捉老鼠，唔識捉鬼，我淨係識設計，永遠唔扭計，外貌像懵懵閉閉，永遠有新的光輝，從來用功不詐諦，成敗卻唔計，善運用IQ智慧，志氣智商都不低，仁慈善心英勇正直，無人能代替，叮噹，巴巴閉閉，幫忙朋友的貓仔，科學智識學到齊，發明量那可計，特異效果他控制，有個百寶小袋仔，純而認真的友愛，誰人可代替，好好玩，好好睇，開動風車唔駛上樓梯，飛下高又飛下低，鍾意幫人但係自己總吃虧，諗下東又諗下西，腦袋唔用會浪費。
＊＊
〔多啦Ａ夢〕陳慧琳 2006年
人人期望可達到，我的快樂比天高。人人如意開心歡笑，跳進美夢尋獲美好。爬進奇妙口袋裡，你的希望必得到。離奇神化不可思議，心中一想就得到。想小鳥伴你飛舞，雲外看琴譜，嗯！係竹蜻蜓呀！多喜愛，誰都知我真喜愛 DORAEMON！
＊＊
粵語童謠兒歌［重編］
＊＊
＊＊
〔小小姑娘〕兒童合唱 1970年
小小姑娘，清早起床，提著花籃上市場。穿過大街，走進小巷，賣花賣花聲聲唱。花兒雖美，花兒雖香，沒人來買怎麼樣？滿滿花籃，空空錢囊，如何回去見爹娘。
＊＊
〔一枝竹仔〕童謠 1959年
一枝竹仔會易折彎，幾枝竹一扎斷節難。心堅似毅勇敢，團結方可有力量，嘿！大眾合作不分散，千斤一擔亦當閒。齊共同力無猜忌，一切都好順利，好！花雖好要有蝶滿枝，月雖皎潔有未滿時。孤掌莫持依，團結方可幹大事。
＊＊
〔大笨象會跳舞〕
大笨象會跳舞，馬騮仔會上樹，長頸鹿會打觔斗。山豬山豹山羊，山中有只老羊，又見野狗與豺狼。松鼠斑馬老虎，獅子花豹野牛，跳舞和唱多趣味。重有青蛙咯咯咯，小鴨高叫Quack Quack Quack，歌聲傳遍這森林。
＊＊
〔小星星〕
一閃一閃小星星，一顆一顆亮晶晶。高高掛在天空上，閃閃散佈似鑽石。一閃一閃小星星，一顆一顆亮晶晶。
＊＊
〔小花貓〕
小花貓，貓！貓！貓！會叫又會跳，日裏逗著寶寶玩，夜裏不跳也不叫，靜靜守鼠洞，老鼠出來叫求饒！
＊＊
〔小雪人〕
白雪紛飛，實在有趣，做雪公仔，堆堆砌砌，身體砌起相當健美。做了小嘴，又做對耳，做下砌下，稱心滿意，嘴巴眼睛配得別緻。最可愛是個大鼻，眼仔細望你地，笑瞇瞇企o係地上，令你睇見都鐘意。實在趣緻，實在趣緻，活活潑潑，得得意意，煙斗咬起相當傲氣。最可愛是個大鼻，眼仔細望你地，笑瞇瞇企o係地上，令你睇見都鐘意。實在趣緻，實在趣緻，活活潑潑，得得意意，煙斗咬起相當傲氣。煙斗咬起相當傲氣。
＊＊
〔在森林和原野〕
在森林和原野是多麼自由逍遙，親愛的朋友啊你在想什麼？種一顆樹苗每一年鮮花盛放，這是多麼美麗啊多麼美麗啊！小鳥輕輕在歌唱小鳥輕輕在舞蹈，朋友啊你為什麼苦惱又悲傷。那年那月那天那個時辰，親愛的朋友啊你來猜猜看。那年那月那天那個時候，煩惱苦悶都消除快樂又逍遙。
＊＊
〔有隻雀仔跌落水〕
有隻雀仔跌落水，跌落水，有隻雀仔跌落水，被水沖去。
＊＊
〔我是個茶壺〕
我是個茶壺肥又矮，我是個茶壺肥又矮，這是耳，這是嘴，這是耳，這是嘴，水滾啦，水滾啦，沖茶啦，沖茶啦！
＊＊
〔姑丈擔櫈〕
姑丈擔櫈孩兒坐，孩兒坐落就劏隻鷄。鷄會在門前喔喔啼，不如劏隻鴨；鴨又嫌鴨毛多，不如劏隻鵝；鵝又嫌鵝頸長，不如劏隻羊；羊又嫌羊腳叉，不如劏隻馬；馬又會送加出步頭，不如劏隻牛；牛會耕田養人口，不如劏隻狗；狗會東西方有人嚟都知，不如劏隻大貓兒；貓兒又會捉老鼠，不如劏隻大肥豬；肥豬食主人三斗祿，主人食佢三塊肥豬肉。
＊＊
〔條街黑咪蚊〕
條街黑咪蚊，條街黑咪蚊，條街黑到鬼都怕。道路飛石走沙，臭到金羅殿下，係人係鬼都怕，嚇走個摩羅差。
＊＊
〔落雨大〕
落雨大，水浸街，亞哥擔柴上街賣，亞妹出街着花鞋，花鞋花襪花腰帶，珍珠蝴蝶兩邊排，有錢打對鈴琳鼓，冇錢打個石榴牌。
＊＊
［何家公雞何家猜］童謠 1976年
＊＊
〔氹氹轉〕童謠 1976 - 1978年
氹氹轉，菊花園，炒米餅，糯米糰。啊媽叫我睇龍船，我唔去睇，睇鷄仔。鷄仔大，捉去賣。賣得幾多錢？賣得三百六十錢。
＊＊
〔氹氹轉〕童謠 1976 - 1978年
氹氹轉，菊花園，炒米餅，糯米糰。阿媽叫我睇龍船，我唔睇，睇雞仔．雞仔大，捉去賣，賣到幾多錢？賣到三百錢。一百打金釵，二百打銀牌，今朝戴，明朝戴，請個婆婆出嚟拜，拜得多，冇奈何，三酲酒，兩隻鵝，鵝頭鵝尾送俾大妗婆。大妗婆唔起屋，送俾三叔。三叔騎膊馬，老鼠拉冬瓜．．．
＊＊
〔月光光〕童謠 1976 - 1978年
月光光，照地堂，蝦仔你乖乖瞓落床。聽朝阿媽要趕插秧咯，阿爺睇牛佢要上山崗。蝦仔你快高長大咯，幫手阿爺去睇牛羊。月光光，照地堂，蝦仔你乖乖瞓落床。聽朝阿爸要捕魚蝦囉，阿嫲織網要織到天光。蝦仔你快高長大囉，划艇撒網就更在行。月光光，照地堂，年三十晚，摘檳榔，五穀都豐收堆滿倉囉，老老嫩嫩都喜喜洋洋。蝦仔你快啲眯埋眼囉，一覺瞓到大天光。
＊＊
〔鷄公仔〕 童謠 1976 - 1978年
鷄公仔，尾彎彎，做人新婦甚艱難！早早起身都話晏，眼淚唔乾入下間，下間有個冬瓜仔，問安人老爺煮定蒸，安人又話煮，老爺又話蒸，蒸蒸煮煮唔中安人老爺意，大把拉鹽又話淡，手甲挑鹽又話鹹，三朝打爛三條夾木棍，四朝跪爛四條裙！咁好花裙畀你跪爛，咁好石頭畀你跪崩！橫又難，直又難，不如捨命落陰間！人話陰間條路好，我話陰間條路好艱難！
＊＊
〔洗白白〕1979年
洗白白呀洗白白，倒開盆水咯，快洗白白。乖豬咪亂郁喳，聽話唔好曳咯，倒開盆水咯，快洗白白。乾淨既細蚊仔呢人人都鍾意，倒開盆水咯，快洗白白。汚糟辣撻有問題，汚糟辣撻有問題，汚糟既細蚊仔呢冇人歡喜你架。洗吓對腳，洗吓個頭，洗吓塊面，洗吓對手，肥嘟嘟既細蚊仔，真係得人錫架咯，肥嘟嘟又白雪雪重係度玩番梘泡。洗白白呀洗白白，倒開盆水咯，快洗白白。乖豬咪亂郁喳，聽話唔好曳咯，倒開盆水咯，快洗白白。洗吓對腳，聽日嫲嫲買對新鞋比你著，洗吓個頭，長大做個建築師，畫則起高樓嗚。洗白白呀洗白白，倒開盆水咯，快洗白白。
＊＊
〔除夕〕
朋友快快高歌，慶祝今晚除夕晚餐。歡笑共度良辰，過左今晚就係元旦。出年不應懶散，完成功課慢慢再玩。應要反省再三，有新的計劃賀元旦。
＊＊
修：蕭藍仁．2019年10月24日
＊＊
我愛廣東歌。廣東話資料館