《點指兵兵》1979年作品

點指兵兵，係香港喺1979年新浪潮電影時期嘅一部電影，由章國明導演，陳欣健策劃，王鍾（辣雞）、金興賢（周Sir）,、張國強（阿榮）同劉詩棣（珍妮）主演。而《點指兵兵》嘅主題曲係由泰迪羅賓主唱。

＊＊

點指兵兵，係一個兵捉賊嘅故事，三個警察角色性格分明，辣雞處事衝動，有勇無謀，唔理後果；周Sir身為警察為傲，即使女朋友唔鍾意佢嘅職業亦堅持到底；阿榮係新入行伙記，品性純良怕見血又騰雞，好多人都覺得佢根本唔適合當差。

＊＊

鏡頭一開始，就係辣雞個仔［阿牛］同一班細孥玩經典嘅點題遊戲［點指兵兵］，呢班細孥認真夠火爆，竟然玩兵捉賊都可以玩到爆樽，阿牛擦損手肘，返到屋企嫲嫲就幫佢搽紅藥水，阿牛仍然好倔強話唔痛.........

＊＊

曲︰泰迪羅賓　詞︰泰迪羅賓／鄭國江

一個走　一個追　兵賊仿似早分配
今天的你像那當初的我
他朝對錯變幻多　難測彼我
不會少　不會多　恩怨仿似早分妥
他朝的你或似今天的我
當初遠景難分清楚　不知不覺

［莫奈何］是否有因果
［莫奈何］難道無對錯
［莫奈何］一生福與禍　人人必經過
［點指兵兵　點指賊賊］一點中你　怎去躲
［點指兵兵　點指賊賊］一點中你　怎去躲　莫奈何

怎去擋　怎去阻　打算周到偏出錯
幾多苦困又會偏偏闖過
不到終點安知結果　怎分功過

［莫奈何］是否有因果
［莫奈何］難道無對錯
［莫奈何］一生福與禍　人人必經過
［點指兵兵　點指賊賊］一點中你　怎去躲
［點指兵兵　點指賊賊］一點中你　怎去躲　莫奈何
［點指兵兵　點指賊賊］一點中你　怎去躲
［點指兵兵　點指賊賊］一點中你　怎去躲
［點指兵兵　點指賊賊］一點中你　怎去躲
［點指兵兵　點指賊賊］一點中你　怎去躲

＊＊

順便介紹下幾位主人翁

＊＊

章國明
1973年進入電視圈，拍攝實驗電影《異世之所》、《齊齊來》。曾經喺香港無線電視、香港電台電視部、麗的電視（亞洲電視前身）拍攝宣傳片。1979年執導第一部電影《點指兵兵》。1982年以《邊緣人》獲得金馬獎最佳導演獎。1996年加入香港廉政公署推廣廉潔教育，而幫助建立廉署人員形象。整整17年喺廉政公署工作，到2015年8月2日喺TVB星期日早晨節目松拍真情節目入面宣佈從廉署退休，之後計劃重投電影行業。

＊＊

泰迪羅賓
1960年代帶領嘅 Teddy Robin and the Playboys 係當時嘅頂尖樂隊，亦係全香港第一位華人rockgroup 嘅主音歌手。1970年代末從事電影音樂、電影演員，後來轉居幕後成為導演、監製、電影製作、出品人，但仍然參與唱歌表演，主唱電影主題曲《點指兵兵》，喺香港電影界累積唔少經歷。喺1990年代後淡出；直至2010年復出幕前，更憑《打擂台》獲得第30屆香港電影金像獎最佳男配角獎和最佳配樂獎，亦獲得香港電影評論學會大獎最佳男演員獎，第二年再憑《東風破》獲得金考拉國際華語電影節影帝殊榮。

＊＊

陳欣健 
香港電影工作者，編劇、製片、演員、歌手、公司管理層。加入娛樂圈之前係香港警隊警司。1975年以業餘身份為電影《跳灰》（糶灰）編劇，並參與埋製作，配音樂嘅幕後工作。1976年辭退警隊嘅高職而全職喺演藝事業發展。佢經常以主持人、嘉賓評委嘅身份活躍喺香港同內地嘅大型企業同選美等活動。

＊＊

王　鍾 
原名姜佩君，香港演員同導演。1969年加入邵氏電影公司，初期為武師，後轉職演員。1973年《警察》你佢嘅代表作，佢嘅警察形象深入人心。1970年代至1980年代初，為麗的電視主演過《大丈夫》、《大控訴》等劇。1980年更自編自導自演影片《金手指》。1990年代淡出電影圈，又喺2005年由杜琪峯導演嘅電影［黑社會］客串演出，飾演因拒捕而畀車撞死嘅「和聯勝」坐館「吹雞」。

＊＊

金興賢
1972年無綫電視藝員訓練班第一期而出道，1970年代一直喺TVB演出，演過《民間傳奇》系列、《春暉》、《家變》、《奮鬥》、《千王之王》等經典電視劇。1980年代中期轉到亞洲電視繼續演出，直至到1995年重返無綫電視。1982年憑《邊緣人》演出獲第19屆金馬獎最佳男配角提名。1988年金興賢同周潤發、杜琪峯等人創立藝進同學會。1996-1999年再次加盟無綫拍多部經典劇集《刑事偵緝檔案III》、《天地豪情》等。2000年之後淡出影視圈。依家係高爾夫球教練，偶爾客串演出電視劇或電影等。

＊＊

張國強 
香港男演員兼退役職業足球員，無綫電視基本藝人合約藝員。1970年代後期加入無綫電視，喺球壇同電視圈雙棲發展，退役後成為全職演員，曾經擔任兒童節目《430穿梭機》第一代節目主持。

＊＊

《點指兵兵》章國明．1979年作品

＊＊

香港粵語電影。廣東話資料館

鏞記舊書攤［射鵰英雄傳］武功秘笈

射鵰英雄傳［1957年–1959年］香港商報

南宋寧宗慶元五年（公元1199年）歲末，全真教道士丘處機刺殺私通金人嘅大宋奸臣王道乾後，路過臨安郊外嘅牛家村，結識咗隱居當地嘅忠良之後郭嘯天同埋楊鐵心，剛啱郭夫人李萍、楊夫人包惜弱均懷有身孕，丘處機為兩個未出世嘅細孥分別取名為郭靖同楊康。

金國六王爺完顏洪烈迷戀包惜弱美色，勾結南宋官府迫害郭楊兩家，結果郭嘯天被殺，而楊鐵心、包惜弱同李萍亦不知所蹤。噩耗傳來，郭嘯天、楊鐵心嘅好友丘處機怒不可遏，決心要對殺害郭嘯天同楊鐵心嘅兇手進行報復。跟着又因為受奸人段天德矇騙喺嘉興同江南七怪發生衝突，兩敗俱傷。

事後，丘處機同江南七怪識破奸人陰謀，釋兵言和，但係比武重未分勝負，丘處機相約江南七怪一齊去尋人，由自己去救助楊鐵心妻子包惜弱，江南七怪就去救助郭嘯天妻子李萍，又各自將兩家嘅後人教養成人，十八年後重會嘉興，由郭楊後人代為比武再分勝負。

—————————————————————————————————

九陰真經
創始人黃裳。北宋宋神宗年間文官黃裳編寫嘅武學經典，天下武學無所不包，分成上下兩冊，載有易筋鍛骨篇、療傷篇、解穴秘訣、收筋縮骨法、移魂大法、蛇行狸翻、閉氣秘訣、飛絮勁、摧心掌、白蟒鞭法、大伏魔拳、手揮五弦、摧堅神爪等招式。下冊最後一篇係真經嘅總綱，喺通篇內功修練嘅要旨，曾經幫助洪七公快速練成被重創後散失嘅功力，同埋俾一燈大師迅速恢復醫治黃蓉時耗損嘅內功。

摧心掌
雖名［摧心］，但中者五臟六腑都會被震爛，骨骼就唔會折斷。喺《射鵰英雄傳》入面，銅屍［陳玄風］、鐵屍［梅超風］夫妻偷咗師父黃藥師嘅《九陰真經》，練成經上嘅九陰白骨爪、白蟒鞭法、橫練功夫之外同埋呢套絕技。但因為黑風雙煞夫妻多用白骨爪同白蟒鞭法而少用摧心掌，摧心掌嘅知名度遠遜於以上功夫。
後來，銅屍鐵屍先後伏誅，九陰真經嘅正本又被毀，郭靖夫妻同楊過夫妻亦未曾練就呢套功夫，相信摧心掌就係咁失傳。
而喺《笑傲江湖》入面，青城派掌門余滄海亦有同名而相似嘅武功。

摧堅神爪
《九陰真經》入面嘅武功，又稱［九陰神爪］，五指發勁，無堅不破，摧毀大岩，如穿腐土，出爪時爪心有強大嘅吸力可隔空取物或吸取其他人嘅功力，指爪有強大嘅透勁可以隔空傷人，係一收一放，一開一合，合乎武學大道之理嘅功夫。梅超風同周芷若都未得呢招完整練法而斷章取義偏成九陰白骨爪，周芷若亦慘敗俾完整修練摧堅爪嘅黃衫女子，可以見到兩者嘅威力差別。

—————————————————————————————————

楊家槍法
楊鐵心家傳絕技，北宋初年楊家將嘅槍法。 最大絕學係七十二路「楊家槍法」，出槍大開大合，而且有虛實，有奇正，進其銳，退其速，其勢險，其節短，不動如山，動如雷震。
招式：毒龍出洞　鳳點頭　白虹經天　春雷震怒　回馬槍

岳家槍法
南宋時軍隊入面流行嘅槍法之一。

—————————————————————————————————

伏魔杖法
江南七怪老大飛天蝙蝠［柯鎮惡］嘅成名武功，杖下威力，十分鋼猛。

分筋錯骨手
江湖常見嘅武技，但係江南七怪中嘅［朱聰］自有創見，另外變出好多奧妙招數。

空空拳
江南七怪中［朱聰］所擅長嘅拳技，招式巧妙，朱聰除咗教畀郭靖之外，亦教過拖雷三招。

妙手空空
江南七怪中［朱聰］嘅絕技，幾次由對手身上偷到物品，臨死前由楊康身上摸出繡花鞋就係佢最好嘅證明。

南山刀法
江南七怪中南山樵子［南希仁］嘅武功，由於猜測丘處機會教授楊康［楊家槍法］，曾經特別指導郭靖刀法入面單刀破槍嘅法門。

開山掌法
江南七怪中南山樵子［南希仁］傳授畀郭靖嘅掌法。

南山掌法
江南七怪中南山樵子［南希仁］傳授畀郭靖嘅掌法，施展開時雙掌翻合，虎虎生風。

鐵布衫
江南七怪中笑彌陀［張阿生］練有嘅橫練功夫。

金龍鞭法
江南七怪中馬王神［韓寶駒］嘅成名武功，招式注重巧勁，練習時若勁力用錯，反先傷己身，由於韓寶駒身材偏矮，所以專研攻敵下盤嘅法門，曾經傳畀徒弟郭靖，倚之力鬥黃河四鬼。

地堂鞭法
江南七怪中馬王神［韓寶駒］嘅武功，着地滾進，專向對方下盤急攻。

鴛鴦連環腿
江南七怪中馬王神［韓寶駒］嘅生平絕學，左起右落，左落右起，倏忽之間接連踢出九腳，腳下曾經踢倒無數南北好漢。

呼延槍法
江南七怪中鬧市俠隱［全金發］傳畀郭靖嘅槍法，係軍隊入面流傳嘅槍法，而全金發秤桿嘅打法原本就係由槍中脫胎而來。

越女劍法
江南七怪中越女劍［韓小瑩］嘅劍法，係《越女劍》書中劍神越女［阿青］遺留嘅劍招，喺唐末時一名劍法名家依據自古流傳嘅劍招重新去蕪存菁、另生變化而成。韓小瑩將呢套劍法教畀郭靖後，郭靖又傳畀郭芙同武氏兄弟。

—————————————————————————————————

二郎拳
一版中，黃蓉同彭連虎試招時所用嘅武功，出自山東濟州盧家，盧家武功講究小巧縱躍之技。

八極式
一版中，黃蓉同彭連虎試招時所用嘅武功，出自江北六合，腰定掌穩，係內家手法，同二郎拳理岡岡相反。

出雲手
一版中，黃蓉同彭連虎試招時所用嘅武功，出自太原帥家。

潭腿
一版中，黃蓉同彭連虎試招時所用嘅武功，黃蓉曾經用繩掛一條鞭呢招。

哪吒式
一版中，黃蓉同彭連虎試招時所用嘅武功，出自嵩陽派，黃蓉曾經用金釣掛玉呢招。

關東長拳
一版中，黃蓉同彭連虎試招時所用嘅武功，係參仙梁公一派。

子午代藥劍
一版中，黃蓉同彭連虎試招時所用嘅武功，出自江南，黃蓉用過一招大三拍、金絞剪。

雪山八套
一版中，黃蓉同彭連虎試招時所用嘅武功，出自西域，黃蓉曾經用寒冰暴至呢招精妙家數。

—————————————————————————————————

靈鰲步

黃藥師所創嘅輕功身法，黃蓉曾經用來躲開彭連虎嘅攻擊，俾佢以為黃蓉係黑風雙煞嘅弟子。

蘭花拂穴手
黃藥師所創嘅點穴手法，十指靈巧輕柔，運勁若有若無，扣指如蘭花，出手優雅，與桃華落英掌合使更顯精妙。講究［快、準、奇、清］，務須出手優雅，氣度閒逸，輕描淡寫，行若無事，才算得到家，出招緊迫狠辣，難免落手下乘，配唔上［蘭花］嘅高雅之名。

劈空掌
黃藥師嘅一門絕技，喺一瞬間運轉體內嘅氣通過手掌發出來，攻擊對方，可以直接隔着空氣傷人。曾裂傳授畀徒弟陸乘風同曲靈風，黃蓉雖然都知悉修練法門，但係修為比較淺，只能隔空打滅燭火，未能傷敵。
黃藥師正係用［劈空掌］同［彈指神通］與西毒、南帝、北丐打成平手。洪七公等人亦會［劈空掌］。但有可能桃花島嘅劈空掌係自成一派嘅武功絕技。練習劈空掌要用［鐵八卦］，重要手掌浸過醋。小說入面，黃蓉重講過：手掌浸過醋，如果重未散功，俾大石頭壓得耐咗，手掌就會廢咗。

落英神劍掌［桃華落英掌］
黃藥師早年由劍法另行悟創嘅掌法，同［旋風掃葉腿］一齊使出就即為［東風絕技］，掌法奇巧多變，或五虛一實或八虛一實，招式飄逸若仙，但又能夠將虛招全變成實招，掌勁凌厲，所以招式名稱先至添上［神劍］兩字，另又可衍生出落英劍法，喺第三版入面改稱［桃華落英掌］。喺神鵰俠侶入面，黃藥師嘅小徒弟程英都會用呢招，功力僅略遜於師姐黃蓉。

旋風掃葉腿
黃藥師早年悟創嘅腿功，同［桃華落英掌］一齊使出就即為［東風絕技］，六個弟子無一得傳，之後因自惱重罰咗四名無辜弟子，另行創出同旋風掃葉腿配合嘅內功心法，每日打坐練氣，進境若快，可使傷殘者逐漸恢復行走。

狂風絕技［東風絕技］
桃華落英掌同旋風掃葉腿齊施，共六六三十六招，招術以六招為一輪，速度愈來愈快。喺第三版入面改稱［東風絕技］。

奇門五轉
黃藥師以十幾年功力由奇門五術中演變出來嘅絕學。使出時掌影飄飄，快捷無倫，猶如一座大山重重壓向敵人，招數更加越出越快，攻勢又隨之大盛，可逼得敵人隨自己急速旋轉，從而轉得頭暈眼花，極難抵擋得住。喺第二次華山論劍同郭靖交手最後使出嘅絕招。

碧波掌法

桃花島入門武功，傻姑偷睇曲靈風練功時學到一招半式，曾經用來攻擊梁子翁，又因為使用呢招掌法被黃蓉同黃藥師認出佢係曲靈風嘅後人。

彈指神通
黃藥師嘅一門絕技，透過指頭彈出暗器或石仔，可發揮極強嘅破壞力。
喺《射鵰英雄傳》入面，黃藥師同周伯通比玩石彈、喺歸雲莊彈石指點梅超風，都係使出呢門功夫。
喺《神鵰俠侶》入面，黃蓉亦用呢招彈酒杯。黃藥師更將呢扣同玉簫劍法傳畀楊過嚟剋制李莫愁嘅五毒神掌同拂塵。
黃藥師亦曾經用呢套絕技同楊過嘅黯然消魂掌打成平手。
另外，喺《天龍八部》嘅天山童姥同虛竹、《倚天屠龍記》嘅明教「光明左使」楊逍同《俠客行》嘅「摩天居士」謝煙客都識得呢套功夫。

碧海潮生曲
黃藥師嘅一門絕技，簫聲有如海潮變幻，以上層內力惑人心志、亂其內息，黃藥師曾經用呢門功夫對付老頑童周伯通，同歐陽鋒嘅鐵箏、洪七公嘅嘯聲相抗。

—————————————————————————————————

打狗棒法
丐幫兩大鎮幫絕技之一，又係丐幫幫主嘅象徵，可搭配打狗棒施展，洪七公因為將幫主之位傳畀黃蓉，所以呢路棒法亦悉數相授。
除咗歷代丐幫幫主之外，楊過係唯一學得打狗棒法嘅人。喺神鵰俠侶中，楊過喺因緣際會下遇到洪七公同義父歐陽鋒，洪七公只教授要式同招數，並未傳授過口訣；歐陽鋒就係傳授反製法，最後洪七公同歐陽鋒含笑過世，楊過將佢哋葬埋一齊。到同郭靖、黃蓉再度碰面時，聽到黃蓉傳授魯有腳口訣時，完全領悟。

降龍十八掌
丐幫兩大鎮幫絕技之一，係天下第一掌法，但唔一定只有幫主能夠修煉，丐幫蕭峰以降龍十八掌威震武林，少林寺一役技冠群雄，被洪七公修傳畀郭靖之後，係郭靖最主要同最厲害嘅武學。喺神鵰俠侶中，郭靖喺歸雲莊時，喺無着力點嘅情況下用降龍十八掌同金輪法王嘅掌力打成平手。後來喺蒙古大營時，亦用左右互搏同降龍十八掌同金輪法王等人交手，而且絲毫冇落於下風。

逍遙遊拳法
洪七公傳授黃蓉同穆念慈嘅拳法，招式路數同桃花島武功頗相似，係洪七公少年所學嘅武技，已經棄用多年。

破玉拳
一版中，洪七公傳授穆念慈嘅獨門拳法，包含［石破天驚］同［開天闢地］等招式，黃蓉因久隨洪七公亦學得。

滿天花雨擲金針
洪七公創嘅功夫，為應付歐陽鋒、歐陽克叔姪所訓練嘅蛇陣，洪七公由黃蓉縫製衣服嘅舉動聯想到可用滿天花雨嘅手法擲針刺蛇，進而創出呢套暗器手法，就將功夫教畀黃蓉。

蓮花掌
洪七公隨意傳畀黃蓉嘅武功之一，黃蓉曾經喺丐幫大會上使出。

銅錘手
洪七公隨意傳畀黃蓉嘅武功之一，黃蓉曾經喺丐幫大會上使出。

混天功
洪七公隨意傳畀黃蓉嘅武功之一，黃蓉曾經喺丐幫大會上使出。

鐵帚腿法
洪七公隨意傳畀黃蓉嘅武功之一，黃蓉曾經喺丐幫大會上使出。

燕雙飛
一版中洪七公傳畀黃蓉嘅輕功身法，喺君山大會時曾經使出過，身法靈動有如玉燕。

伏虎拳
洪七公喺重傷之後領會九陰真經之意，起身所演練嘅拳法。呢套為真實武術，係洪門啤山嘅拳技，以黃麒英、黃飛鴻父子使得最為傑出。

堅壁陣

丐幫陣法，由十幾名幫眾排成前後兩列，各人手臂相挽，結成一堵堅壁猛衝，合十幾人嘅體重，再加上疾衝之勢襲擊敵人。

瘋魔杖法

丐幫簡長老嘅武功，係梁山泊好漢魯智深傳落嚟嘅杖法，套路極為威猛，但仍然不敵黃蓉嘅打狗棒法。

大力金剛杖法
丐幫簡長老嘅武功，招式走剛猛一路，但仍魚不敵黃蓉嘅打狗棒法。

—————————————————————————————————

空明拳
老頑童［周伯通］被困桃花島時，由老子道德經嘅意義中悟出嘅拳技，拳訣共十六字：［空朦洞鬆、風通容夢、沖窮中弄、童庸弓蟲］，曾經傳畀義弟郭靖同徒弟耶律齊。總共有七十二路。

雙手互搏
又稱［左右互搏之術］，老頑童周伯通被困桃花島時，窮極無聊自創嘅遊戲，俾自己嘅左手同右手各用唔同嘅武功對打，經郭靖點破之後方知可分使兩種唔同嘅武功抗敵，自身武功斗然增強一倍。開始修練嘅法門係一手劃方、一手劃圓，關鍵訣竅全喺［分心二用］四字，只有思想單純嘅人先可以理解，心思縝密太過聰明嘅人容易多想反而無法領會，所以除咗周伯通之外，島只有郭靖同小龍女兩人學會。

—————————————————————————————————

先天功
全真教鎮教絕學，係中神通［王重陽］喺第一次華山論劍時力壓其餘四絕嘅絕頂功夫，徒弟全真七子同師弟周伯通都未獲得傳授，僅與「南帝」段智興交換過一陽指，用意係要［南帝］擁有剋制［西毒］歐陽鋒之能。先天功配合一陽指，除咗可以完全對付歐陽鋒之外，又可以治療沉重嘅內傷。

金雁功
全真派極精深嘅輕功，馬鈺曾經喺蒙古俾郭靖每日上崖落崖而修練到嘅。

三花聚頂掌法
全真教最強嘅掌法，馬鈺被彭連虎用毒針偷襲後，迅速反擊嘅招式，第三版中改為［履霜破冰掌法］。

全真劍法
全真劍法係全真教嘅武學。劍法變化精微，威力極盛，包含定陽針、天紳倒懸、揩磨塵垢、探海屠龍、罡風掃葉、雁行斜擊、浪跡天涯，一劍化三清等招式。其中一劍化三清，更係每一招都可化為三招，十分厲害。
古墓派亦有一套玉女劍法專係克制全真劍法，但係當雙劍合壁，一個使玉女劍法，一個使全真劍法，就會變成威力極大嘅玉女素心劍法。但呢招只有楊過或小龍女使用。

同歸劍法
全真教劍法之一，劍法只攻不守，招招力求同歸於盡，所以名［同歸劍法］，係全真七子怕落單遇上西毒歐陽鋒而創出，意在犧牲一人保全同門，丘處機曾經用呢套劍法同江南七怪及焦木大師交手。

指筆功
全真教武學，喺江南七怪同馬鈺故佈疑陣欺騙梅超風時，曾經提及譚處瑞練就呢門武功。

金關玉鎖二十四訣
全真教武學，馬鈺所修練嘅內功。

天罡北斗陣
王重陽替全真七子新創嘅陣法，以北斗七星運轉為原理，可以聯手對抗四絕等級嘅高手，陣法同九陰真經嘅北斗大法相呼應，係道家至高之學。全真七子佈陣時馬鈺位當天樞，譚處端位當天璇，劉處玄位當天璣，丘處機位當天權，四人組成斗魁；王處一位當玉衡，郝大通位當開陽，孫不二位當搖光，三人組成斗柄。北斗七星中以天權光度最暗，但係位居魁柄相接之處，最重要位置，因為咁由七子中武功最強嘅丘處機承當，斗柄中以玉衡為主，由武功次強嘅王處一承當。
天罡北斗陣可以將七人之力合而為一，王重陽昔年曾經為呢個陣花過無數心血。小則以之聯手搏擊，化而為大，可用於戰陣。如敵人來攻時，正面首當其衝者唔使出力招架，而係由身邊道侶側擊反攻，好似一人身兼幾人嘅武功，確係威不可當。七子就係以靜制動，盤膝而坐，擊首則尾應，擊尾則首應，擊腰則首尾皆應，堅固將敵人困喺陣入面。
但天罡北斗陣嘅缺陷就喺「北極星位」，一旦呢個位置被佔，反而七人都係門戶洞開，互相唔能夠聯防，每人都暴露於敵人攻勢之下。因為北斗星宿中「天樞」、「天璇」兩星聯一直線，向北伸展，即遇北極星。呢粒星永居正北，北斗七星每晚環之而轉。只須要搶到北極星嘅方位，北斗陣就會散，否則就更能坐鎮中央，帶動陣法，嗰時就以逸待勞，自會立於不敗之地。

—————————————————————————————————

一陽指
大理皇家段氏一族嘅成名絕技，喺招式上可以剋制西毒歐陽鋒。南帝段智興曾經以一陽指同王重陽交換先天功，又喺出家之後將一陽指武功傳畀門下弟子［漁樵耕讀］。一陽指使出時，可近戰可遠攻，同高手爭搏之時，近斗凶險，若用呢門手法，既可克敵，又足保身。搶攻固然神妙，尤難嘅就係喺一攻而退，魚逝兔脫，無比靈動。

—————————————————————————————————

蛤蟆功
西毒歐陽鋒嘅絕技，發功時踎喺地下，雙手彎與肩齊，嘴裏發出咕咕叫聲，好似一隻大蠄蟝作勢相撲，雙手平推，吐氣揚眉，威力十足。武學要旨就在於以靜制動，全身蓄勁涵勢，只要敵人一施攻擊，立時便有猛烈無比嘅勁道反擊，但係一陽指同先天功都可剋制蛤蟆功。由於呢門武功需要有相當嘅內力為基礎，所以並未有教畀佢嘅私生子歐陽克，但喺佢癲咗之後就順手傳授咗畀楊過。
蛤蟆冬眠時期極耐，喺地下隱藏多時，蓄積體力，一出土便精神百倍。歐陽鋒所練嘅蛤蟆功，主要係與此同仿，平時練功，長期蓄力，臨敵時一鼓使出。又月中蟾蜍，俗稱蛤蟆，呢門功夫要喺夜中對住月光黑影而練，所以有呢個稱呼。
現實之中，確實有呢套功夫，又叫做［金雞喝水功］，相傳係岳飛所創。

透骨打穴法
只有歐陽鋒同黃藥師可以解嘅陰毒點穴手法，需要用獨特方式先至能夠解開。

神駝雪山掌
白駝山莊嘅家傳武藝，歐陽克曾經同梅超風交手時使出。

靈蛇拳

第一次華山論劍之後，歐陽鋒為咗喺下次論劍時出奇制勝，參考毒蛇動作創出嘅拳技，施展時宛若無骨，可以突然變換方向攻擊敵手，歐陽克喺對上郭靖時為求勝逞快使出，令旁觀嘅洪七公進而推敲出應付之道。

靈蛇杖法
歐陽鋒嘅兵器招數，杖法中夾雜棒法、棍法嘅套路，杖頭所雕人頭口中嘅兩排利齒餵有劇毒，杖上機括按動可發出歹毒暗器，杖尖重纏盤著兩條毒蛇令人難以防範。後來亦傳授畀楊過。

瞬息千里
白駝山莊嘅家傳輕功，歐陽克曾經同梅超風交手時使出。

飛燕銀梭
歐陽克喺桃花島上試圖暗算郭靖嘅暗器。

—————————————————————————————————

毒蛇尋穴手
楊康喺參加比武招親時，同楊鐵心交手所用嘅武功。

—————————————————————————————————

羅漢伏虎拳
陸冠英學自仙霞派嘅拳招，拳法中將猛虎羅漢雙形，同時喺一套拳法中顯示出來。

羅漢刀法
仙霞派枯木禪師傳授陸冠英嘅刀法，招式刀沉力猛。

懷心腿
陸冠英自幼苦練嘅絕技，練時用繩縛住腳眼，然後將繩繞過屋樑，逐日拉扯懸吊，臨敵時一腿飛出，倏忽過頂，令人防不勝防。

—————————————————————————————————

鐵掌［鐵砂掌］
鐵掌水上飄［裘千仞］嘅成名絕技，修練時需用雙掌喺鐵沙中熬煉，又名［鐵砂掌］，威力雖略遜降龍十八掌，但掌法精奇巧妙，猶喺降龍十八掌之上，喺武學諸派掌法之中向稱剛猛第一，裘千仞曾經用鐵掌重創瑛姑同老頑童［同伯通］嘅私生子，同埋黃蓉，一旦俾鐵掌擊成嚴重內傷，就需要一陽指搭配先天功先至可以治癒。

通臂六合掌
裘千丈喺歸雲莊炫耀嘅武功，係由通臂五行掌中變化出來。招數雖然普通，要旨喺雙臂貫為一勁，雙手確有相互應援，發揮連環不斷之巧。

—————————————————————————————————

野狐拳法

參仙老怪［梁子翁］喺長白山採參時，偶見野狐鬥野犬從狐狸動作中領悟嘅拳法，招式以靈、閃、撲、跌四字為要訣，專門對付比較自己更強嘅勁敵，曾經憑住呢門功夫力鬥練成降龍十八掌嘅郭靖，梁子翁未攻先閃、跌中藏撲，但仍然被郭靖實打實擊落海面。

關外大力擒拿手法
參仙老怪［梁子翁］傳授畀弟子嘅武功，曾經用來對付郭靖。

—————————————————————————————————

泥鰍功
瑛姑由泥鰍穿泥遊行領悟嘅武功要訣，身上好似塗上一層油脂，溜滑異常，將敵人嘅攻擊滑卸開來。

七絕針
瑛姑由女工針線中研究嘅暗器招式，佢嘅右手食指戴有突出金針嘅金環，金針上具有劇毒。

—————————————————————————————————

移形換位
沙通天嘅輕功身法，曾經用來攔截黃蓉逃走。

斷魂刀法
沙通天傳畀徒弟沈青剛嘅武功。

奪魄鞭法
沙通天傳畀徒弟馬青雄嘅武功。

追命槍法
沙通天傳給徒弟吳青烈的武功。

喪門斧法
沙通天傳給徒弟錢青健的武功。

—————————————————————————————————

毒砂掌
武林中常見嘅毒掌功夫，但靈智上人嘅修為之深就係武林少見，連王處一都曾經同佢對上一掌亦蝕低唔小，需要用血竭、田七、沒藥、熊膽四味藥祛除毒氣。

大手印
靈智上人喺藏邊修練多年嘅絕技，掌勁沉雄，但威力同歐陽鋒、周伯通等人仍差上好大一截，喺第三版中，改為青海手印宗嘅五指秘刀。

錢鏢
彭連虎以銅錢打出嘅暗器，曾經用來攔阻黃蓉。

燕青拳
梁子翁喺眾人面，佢喺筷子上施展嘅輕巧拳術。

哀牢山三十六劍

朱子柳啳武學，上下前後左右各刺六劍，連刺六六三十六劍，稱為天下劍法中攻勢凌厲第一。

—————————————————————————————————
＊＊［金庸世界］
—————————————————————————————————



—————————————————————————————————

鏞記舊書攤。廣東話資料館

鏞記舊書攤［飛狐外傳］武功秘笈

飛狐外傳［1960年–1961年］武俠與歷史

故事開始於胡一刀夫婦死後十幾年。胡一刀之子胡斐，由平阿四撫養，四處漂泊，依着胡一刀留下嘅胡家拳譜，自學胡家刀法。胡斐先後大戰大內十八高手同埋喺胡一刀墓前大戰田歸農同佢邀來嘅二十幾位好手，贏得「雪山飛狐」之外號。

—————————————————————————————————

主要人物：

胡　斐：胡一刀之子，主要武功為家傳［胡家刀法］。

　　　　曾經先後大戰大內十八高手同喺胡一刀墓前大戰田歸農同佢邀來嘅廿幾位好手。

程靈素：毒手藥王徒弟，之後因為幫胡斐解毒而死。

袁紫衣：鳳天南之女，法號圓性。

苗人鳳：外號［金面佛］、［打遍天下無敵手］，闖王四大護衛苗姓護衛後代。

田歸農：闖王四大護衛田姓護衛後裔，為咗爭奪闖王寶藏而暗算苗人鳳。

趙半山：外號［千手如來］，紅花會三當家，胡斐武學啟蒙恩師，又同胡斐結拜為兄弟。

文四嬸：姓駱名冰，人稱［鴛鴦刀］，紅花會十一當家，奔雷手文泰來妻子。

陳家洛：紅花會總舵主，因相貌與福康安幾乎一樣，胡斐初遇時誤認為福康安而出手攻擊。

鳳天南：袁紫衣之父，五虎門掌門人，外號［南霸天］。

　　　　因殺害鍾阿四一家，被胡斐以天龍寶刀劈死。

—————————————————————————————————

查拳
查拳、潭腿、花拳、洪拳，並稱北拳四大家拳法。

呢套拳法喺北方廣泛流傳，係練武者嘅都會略知一二。

—————————————————————————————————

燕青拳
梁山泊上好漢燕青傳下嘅拳法。

講究縱躍起伏、盤拗挑打，馬行空曾經用來同閻基交手。

—————————————————————————————————

四門刀法
閻基同商老太交手時用嘅刀法。

—————————————————————————————————

毒砂掌
藥王莊門下人人都會用。出現喺《飛狐外傳》入面。
中咗掌嘅人傷處隱隱似有一層黑氣。需要放血同埋喺傷口擦上黃色解藥先至可能解毒。



—————————————————————————————————

四象步
胡斐家傳武藝之一，但只係習練拳腳器械嘅入門基礎。

—————————————————————————————————

鷹爪功
鷹爪雁行門兩大絕技之一。

—————————————————————————————————

雁行輕功
鷹爪雁行門絕技之一。

—————————————————————————————————

雁行刀
鷹爪雁行門兩大絕技之一。

—————————————————————————————————

八極拳
清雍乾年間，武林中名堂好響嘅拳術。聲勢僅次太極、八卦諸門，秦耐之曾經同胡斐交流商研，拳法有翻手、揉腕、 寸懇、抖展八極，摟、打、騰、封、踢、蹬、掃、卦八 式，變化為［閃、長、躍、躲、拗、切、閉、撥］八法，四十九路八極拳，講究嘅係小巧騰挪之道。

—————————————————————————————————

六十四路轟天雷震擋法
雷電門的絕招，若與閃電椎嘅功夫雙手齊使，合稱雷電交作，威力甚大。

—————————————————————————————————

八卦游身刀法
八卦門刀法，施展時滿室遊走，刀中夾掌，掌中夾刀，越打越快。

—————————————————————————————————

游身八卦掌
八卦門掌法，一施展出時就唔會停，腳下每一步都按著先天八卦嘅圖式，轉折如意，四梢歸一，繞住對方急速奔跑，一掌一掌越打越快。商寶震曾經用來同王劍傑過招。

—————————————————————————————————

內八卦掌法
八卦門最精深的掌法，非將外八卦練至登峰造極，決不能動，但只要一練成，出招雖然極短，但以靜制動，威力強勁。招式施展時腳下亦按著先天八卦的圖式，但雙掌或揮或按，就好似係獨自練拳一樣。

—————————————————————————————————

八陣八卦掌
威震河朔王維揚嘅最強家傳絕技，只傳畀王劍英同王劍傑兩個仔，掌法施展時腳步錯亂，手掌歪斜，喺平地上施展威力最強，外姓弟子如商劍鳴等亦都唔傳。

八陣［八卦掌中夾八陣圖之法］
天陣居乾為天門，地陣居坤為地門，風陣居巽為風門，雲陣居震為雲門，飛龍居坎為飛龍門，武翼居兌為武翼門，鳥翔居離為鳥翔門，蜿盤居艮為蜿盤門；天地風云為四正門，龍虎鳥蜿為四奇門；乾坤艮巽為闔門，坎離震兌為開門。四正四奇，四開四闔，用到武學之上變化奇幻，隱有佈陣而戰之意。

—————————————————————————————————

天龍劍法
天龍門嘅劍法，田歸農曾經喺掌門人大會施展力鬥其他武師。

—————————————————————————————————

六合拳
韋陀門開山祖師［無相大師］所精研嘅武功。

—————————————————————————————————

韋陀杵
韋陀門開山祖師［無相大師］所精研嘅武功。

—————————————————————————————————

六和刀法
少林旁支韋陀門嘅武功，全守六合之法。所謂六合，即係［精氣神］為內三合，［手眼身］為外三合，其用為［眼與心合］，［心與氣合］，［氣與身合］，［身與手合］，［手與腳合］，［腳與胯合］。全身內外，渾然一體。

—————————————————————————————————

六和槍法
少林旁支韋陀門嘅武功，共有二十四式，最精妙嘅一招就係［四夷賓服］。

—————————————————————————————————

赤尻連拳
少林旁支韋陀門嘅武功，以六合拳為根基以猴拳為形。係一套近身纏鬥嘅小擒拿手法，每一招唔係拿抓勾鎖，就係點穴打穴。

—————————————————————————————————

八仙劍法
八仙劍一門嘅鎮派絕技。

—————————————————————————————————

先天拳
由唐朝流傳至清朝嘅拳法，但係歷代拳師傳技時各自留招，已經式微好耐。

—————————————————————————————————

鴨形拳
鴨形門嘅拳法，招式姿勢雖然唔多好睇，但係馬步低、下盤穩，水面上嘅功夫特別好。

—————————————————————————————————

五郎棍法
五台派弟子，五郎鏢局李廷豹嘅成名武功。

招式圈、點、劈、軋、挑、撞、撒、殺，招熟力猛，極有威勢。

—————————————————————————————————

二郎擔山掌
二郎拳一派嘅絕技。

—————————————————————————————————

蓋馬三拳
二郎拳一派嘅絕技。

—————————————————————————————————

金剛拳
山西大同府興隆鏢局總鏢頭周隆嘅絕技。

—————————————————————————————————

胡家快刀
胡一刀家傳嘅刀法之一。胡家刀法：八方藏刀式、穿手藏刀式、進步連環刀、纏身摘心刀、閉門鐵扇刀。

—————————————————————————————————

西嶽華拳
西嶽華拳門，係昔年名門大派［華山派］旁支嘅著名外門武功。華拳四十八，藝成行天涯，華拳門共有四十八路拳腳器械，又分成藝、成、行、天、涯五個支派。共分為一十八路登堂拳，一十二路入室拳，重有一十八路刀槍劍棍嘅器械功夫。

—————————————————————————————————

一路華拳
西嶽華拳門嘅基本功夫。

—————————————————————————————————

鐵蓮功
鳳陽府五湖門最擅長嘅武功，鞋尖上包以尖鐵，只要踢中要害，立可取人性命，施展開時鴛鴦腿、拐子腿、圈彈腿、鈎掃腿、穿心腿、撞心腿、單飛腿、雙飛腿，層出不窮，越來越快。

—————————————————————————————————
＊＊［金庸世界］
—————————————————————————————————



—————————————————————————————————

鏞記舊書攤。廣東話資料館

鏞記舊書攤［笑傲江湖］武功秘笈

笑傲江湖［1967年–1969年］明報

笑傲江湖嘅故事，係圍繞住搶奪武學至寶《辟邪劍譜》而展開。《辟邪劍譜》係喺福州經營福威鏢局林家嘅家傳劍譜，相傳福威鏢局嘅創辦人林遠圖，當年就係以辟邪劍法揚名武林，但係到咗福威鏢局嘅第三代傳人，林震南就武功平庸。而四川青城派掌門余滄海認為林震南唔識得練劍嘅方法，意圖侵佔《辟邪劍譜》，結果將福威鏢局滅門，之後仍然搵唔到劍譜。福威鏢局嘅唯一倖存林家少爺林平之，得到五嶽劍派之一嘅華山派掌門岳不群所救，重收埋林平之做徒弟，教佢華山劍法。

—————————————————————————————————

笑傲江湖
笑傲江湖琴簫合訂本
。琴譜：日月神教（魔教）長老曲洋所作。
。簫譜：衡山派劉正風所作。

—————————————————————————————————

葵花寶典
葵花寶典秘笈傳說
１］傳說係一對夫婦所創嘅武功秘笈。［葵：王重陽，花：林朝英］
２］相傳係三百年前一個太監所創嘅［銹花秘笈］。
小說入面對寶典嘅來歷着墨唔多，只係提過作者係前朝太監，為何太監武功會咁高強、但又身居大內，就不得而知。寶典殘本所錄嘅係以［快］為主，令對手睇唔出破綻，冇還擊嘅機會，抑或係快到就算被對手睇出招式中嘅破綻，對方都來唔切反擊，破綻一閃即逝。
葵花寶典嘅來歷
相傳係三百年前一個太監所創嘅，之後流傳到莆田少林寺，由當時方丈紅葉禪師保管。曾經遇到華山派門人岳肅同蔡子峰偷睇寶典，匆匆之際兩人來唔切同時閱遍全書，當時兩人分讀，一人讀一半，紅葉禪師發現之後認為呢本係害人之物，唔可以留喺世上，於是就將寶典焚毀。岳、蔡二人返到華山之後，彼此將各自抄寫嘅部分攞出來比對，居然完全合唔上，於是互相懷疑，以至兄弟反目。從此兩人文爭武鬥，激起華山劍宗同氣宗之爭。小說入面，風清揚屬劍宗、岳不群屬氣宗。後來，日月神教大舉攻入華山派，為嘅就係奪取當年岳肅同蔡子峰兩人所筆錄嘅《葵花寶典》殘本，激鬥之後［日月神教十長老］戰死於華山派，但殘本亦被日月神教奪去，輾轉由東方不敗習得。
上述嘅一段，係令狐沖同少林寺方證大師、武當派沖虛道長密會時，由方證同沖虛所講嘅事。葵花寶典嘅第一頁註明［欲練神功，引刀自宮。］意思係修練前必須先行自宮，否則修煉時會立即慾火如焚，即時走火入魔，僵癱而死。東方不敗曾經講：［我初當教主，那可意氣風發，講咩嘢文成武德，中興聖教，當真係唔要面嘅胡吹法螺。直到後來修習《葵花寶典》，先至慢慢悟到人生妙諦。後來勤修內功，幾年之後，終於明白天人化生、萬物滋長嘅要道。］
葵花寶典實戰嘅紀載只有一次，亦即喺黑木崖上令狐沖、任我行、向問天合攻東方不敗，三人之力仍然不敵東方不敗，而且任我行喺戰鬥中重失去一眼。喺對峙前，東方不敗曾經用繡花針攻擊令狐沖，令狐沖用獨孤九劍對應，直擊東方不敗要害嘅兩敗俱傷打法，逼退咗東方不敗，東方不敗曾姮稱讚［好高嘅劍法！］



—————————————————————————————————

辟邪劍譜
辟邪劍譜秘笈傳說
１］華山派門人岳肅同蔡子峰偷錄《葵花寶典》嘅殘本。
２］渡元和尚領悟《葵花寶典》自創出七十二路辟邪劍法。
　　還俗改名為林遠圖，開設福威鏢局，名震江湖。
辟邪劍法同《葵花寶典》嘅修行方法一樣，練辟邪劍法者必先自宮，否則修練內功時必定走火入魔而亡。劍法共有七十二路，威力奇大，劍法嘅厲害在於一個［快］字，令人睇唔出破綻。林遠圖喺聽聞葵花寶典部分內容之後自創嘅一門劍法，施展開來令人眼花撩亂，頭暈目眩，完全睇唔出施招者嘅身法。
辟邪劍譜嘅來歷
福建少林寺嘅和尚渡元奉命去華山討要葵花寶典殘本，岳、蔡兩人直承不諱，兩人又向渡元禪師請教寶典殘本裏面嘅武學，認為渡元禪師係紅葉禪師高徒，必有蒙紅葉禪師傳授寶典裏面武學，而渡元靠自身領悟力解釋一番，憑着記憶將自己領悟到嘅記低寫喺袈裟上面，自創出七十二路［辟邪劍法］，後來又唔返去福建少林寺，重還俗自稱為林遠圖，開設鏢局。方證大師認為當時岳蔡兩人所記低嘅，基本嘅已經唔多，再經過渡元嘅轉述，難免又打咗折扣，但係佢哋嘅手錄本殘缺不全，本上所錄，只怕都係唔及林遠圖所悟。

—————————————————————————————————

獨孤九劍
獨孤九劍分做九大部分
總訣式、破劍式、破刀式、破槍式、破鞭式、破索式、破掌式、破箭式、破氣式
劍招分別係依據唔同兵器而產生嘅對招方式，而就劍招嘅本質來講，係可以理解為［如何破解八種不同技擊］。其中最需要注意嘅，係使用掌法或其它拳腳功夫嘅對手，原因係呢一類嘅對手唔用兵刃，自然喺拳腳同內力上有高超之處，而且武學修為亦已到另一境界，有無兵器已經相差唔多。呢套劍法係傳自劍魔獨孤求敗。
喺《笑傲江湖》入面，令狐沖喺思過崖遭遇強敵田伯光，而喺背後嘅風清揚又唔願意出手，於是就用咗一晚嘅時間，傳授令狐沖呢套劍法。
喺《神鵰俠侶》入面曾經提到，劍魔晚年埋劍荒谷，與雕為伍，並無劍經劍譜留低，獨孤九劍如何流傳至風清揚，作者並無交代。而獨孤九劍又同楊過所學到嘅玄鐵劍法，本質上喺截然相反嘅，一種重內力而招式簡樸，另一種就重招式而對內力無甚要求，兩者都係由劍魔獨孤求敗而來，而劍魔其人劍法修為之高，已達登峰造極之境。

—————————————————————————————————
少林派武功
—————————————————————————————————

易筋經
少林派當中最上乘內功，易筋經初為達摩所著。達摩涅盤之後，遺下易筋經。
二祖慧可帶住仍然唔理解嘅易筋經群訪高僧，當中嘅佛理同梵僧般剌密諦共同研讀四十九日終明白，但武學仍然無法透徹。之後喺隋末唐初喺長安道上，遭遇一個武功高強嘅後生暢談三天三夜，終於明白箇中道理。後來嗰位後生成為唐朝開國將領衞國公李靖，而易筋經亦由此發揚光大。
令狐沖曾經先後因為拒投其他門派而拒絕方證大師嘅傳授、黃鐘公同沖虛道長轉介學習易筋經。最終方證大師稱桃谷六仙受到風清揚之命將［華山內功心法］授予令狐沖，再由方證大師傳授畀令狐沖，所謂嘅華山內功心法其實就係易筋經。令狐沖嘅內傷因亦而得到治療。
呢套武功亦係少數非虛構嘅武學，喺現實生活裏面確實有呢套武功。

千手如來掌
少林七十二絕技之一，方證大師曾經用來跟任我行交手，呢門掌法變幻莫測，每一掌擊出，甫到中途，已另變換幾個方位，一掌變兩掌，兩掌變四掌，四掌變八掌，掌法雖繁，功力不散，威力極強。

金剛禪獅子吼
丹田內氣外發，發聲吐氣之功法，發功呼嘯，又猶如迅雷疾瀉傳出數里之外，令敵肝膽劇烈，心驚膽顫，毛骨悚然，心肺撕裂，往往一聲長嘯即使對手不戰而敗。

—————————————————————————————————
武當派武功
—————————————————————————————————

八卦劍陣
喺第一版入面，武當派嘅劍陣。

兩儀劍法
武當派絕技之一，一陰一陽，一剛一柔，但劍分陰陽，未能混一，五十幾年前，武當派有兩位道長，喺呢套兩儀劍法上花咗幾十年心血，自覺劍法之中有陰有陽，亦剛亦柔，但仍然敗喺令狐沖手下。

太極劍法
劍上孕有一股綿勁，以圓為形，出招時無數大圈小圈，正圈斜圈，閃爍不已。光圈一個未消，另一個再生，長劍雖然使得極快，但又聽唔到絲毫金刃劈風之聲，可見劍勁之柔韌已達到化境。若劍法純採守勢，完全絕無破綻。焦係呢座劍鋒所組成嘅堡壘就能夠移動，千百個光圈猶如浪潮一樣，緩緩湧來。以幾十招劍法混成嘅守勢，同時化為攻勢。令狐沖一度無法抵禦，只得退步相避。最後令狐沖悟出敵人招數之中嘅最強處，竟然便係最弱之處，最強處都能擊破，其餘就係迎刃而解，之後破解咗太極劍法。呢套武功亦係少數非虛構嘅武學，喺現實生活裏面確實有呢套武功。

屁股向後平沙落雁式
呢個名係令狐沖用來嘲笑羅人傑被踢飛時嘅姿勢。

—————————————————————————————————
華山派武功
—————————————————————————————————

紫霞秘笈
華山派武功當中最上乘嘅內功，素有［華山九功，第一紫霞］嘅美譽。初發時若有若無，綿如雲霞，然而蓄勁極韌，到後來更舖天蓋地，勢不可當，由於練成呢套內功嘅人，喺運行紫霞功時，面皮上會佈滿紫氣，故得［紫霞］之稱。喺第一版之中，呢套內功更有［王者功］之稱，喺武林之中享譽盛名，係至高無上嘅絕學。
紫霞神功記載喺紫霞秘笈上，被岳不群收喺一個方型鐵盒裏面，喺書入面可以知道練過紫霞神功嘅人只有岳不群同佢嘅師傅，根據寧中則所講，當年玉女峰上華山派劍宗、氣宗大比劍時，岳不群嘅師傅就用紫霞功以拙勝巧，打敗十幾位劍宗高手。而岳不群亦利用過紫霞神功擊退木高峰救返林平之，重有提高聽力、又助令狐沖調和體內諸般真氣等效用，甚至喺同左冷禪鬥劍時運使紫霞神功抵禦左冷禪嘅寒冰神掌內勁侵體。
岳不群曾經想將紫霞神功傳畀首徒令狐沖，但因為令狐沖學得思過崖石洞裏面破解華山劍法招式嘅法門，被岳不群認為誤入歧途而暫緩教授。後來令狐沖被桃谷六仙強灌真氣之後，岳靈珊跟陸大有盜出秘笈要俾令狐沖練功療傷，結果令狐沖堅唔肯聽將陸大有點倒後離開，點知就俾嵩山派遣來華山臥底嘅勞德諾伺機殺死陸大有奪走秘笈。



華山劍法
華山派劍法，包含白雲出岫、有鳳來儀、天紳倒懸、白虹貫日、蒼松迎客、金雁橫空、無邊落木、青山隱隱、古柏森森、鐘鼓齊鳴、截劍式、詩劍會友等招數。

太岳三青峰
出自華山派岳不群嘅凌厲劍法，係第二劍比第一劍嘅勁道狠，第三劍又勝過第二劍，招式偏向進攻敵手上盤。

玉女劍十九式
華山派劍法，雖然噴得十九式，但係每式變化都頗為繁複，劍法要旨在於變幻奇妙，因為女弟子膂力較弱，遇上勁敵之時，可以憑呢套劍法以巧勝拙。

無雙無對，寧氏一劍
華山派劍法，係寧中則自創嘅招式，包含咗華山派嘅內功、劍法嘅絕詣，但係同華山派失傳嘅劍招頗為雷同，但喺思過崖石洞裏面紀錄嘅失傳劍招就更加渾厚有力。

淑女劍
華山派劍法之一，是寧中則的拿手劍法。

養吾劍
華山派劍法之一。

希夷劍
華山派劍法之一。

豹尾腳
係華山派嘅腿招。

狂風快劍
係華山派劍宗封不平喺中條山隱居十五年所創嘅劍法，共有一百零八式。狂風快劍威力奇大，使出劍招時劍鋒所發出嘅勁氣可使旁人覺得寒氣逼人。但都係敗咗畀令狐沖。

奪命連環三仙劍
係華山派劍宗嘅絕技之一，劍招三式連環擊出。起始當頭直劈；若對方斜身閃開，就圈轉長劍，攔腰橫削；如果對方能夠避開，勢必縱身上躍避開劍鋒，就長劍反撩，疾刺對方後心，對方背後冇生眼睛，勢難躲避。當年華山派劍宗同氣宗之爭，幾名氣宗好手亦死於呢三招劍法之下。氣宗奪得華山派掌門一職之後，氣宗好手參詳呢三招劍法時，指呢三招劍法入咗魔道，但求劍法精妙，就忘記咗本派［以氣馭劍］嘅至理。岳不群同令狐沖喺少林寺比試時亦曾經用呢三招劍法。

—————————————————————————————————
嵩山派武功
—————————————————————————————————

寒冰真氣
左冷禪喺同任我行第一次比試之後，用咗十幾年時間修練而成嘅內功，係至陰至寒嘅內力。左冷禪同任我行喺第二次比試時，任我行想用吸星大法吸取左冷禪嘅內力，但左冷禪反利用寒冰真氣畀任我行吸取，使任我行全身凍僵，封住任我行嘅穴道。喺第一版入面，本名為［寒玉真氣］。

嵩山劍法
嵩山派劍法，分成內八路，外九路，再被左冷禪去蕪存菁，一一修改之後，一十七路劍招更加狠辣，而且氣勢堂皇，包含萬岳朝宗、千古人龍、疊翠浮青、玉井天池等招式。

大嵩陽神掌
係嵩山派掌法，左冷禪喺同任我行第一次比試時，亦曾經使用大嵩陽神掌。左冷禪喺觀探任我行同方證大師對掌時感到大嵩陽神掌同任我行囓似拙實巧嘅掌法相比顯得招數太繁，變化太多，不如任我行掌法嘅攻其一點。

大陰陽手
由左冷禪嘅五師弟，嵩山十三太保之一嘅樂厚使用。雙掌嘅左右掌力唔同，一陰一陽，雙掌凌空推出，陽掌先出，但陰力就先行着體，一股寒氣襲上對手，然後一股炙熱嘅掌風跟住撲到，陰陽雙掌掌力同時著體，威力強大。

寒冰神掌
嵩山派掌法，係左冷禪結合［大嵩陽掌］同［寒冰真氣］施展嘅掌法。

—————————————————————————————————
泰山派武功
—————————————————————————————————

泰山劍法
泰山派劍法，包含朗月無雲、峻岭橫空、來鶴清泉、快活三、石關回馬等招數。

泰山十八盤
昔年泰山派名宿所創嘅劍法，佢眼觀泰山三門下十八盤處，五步一轉、十步一回嘅地勢極為險峻，將地勢融入劍法之中，越盤越高，越行越險，呢套劍招亦係越轉越加狠辣，泰山［十八盤］，有［緩十八、緊十八］之分，十八處盤旋較緩，另外十八處盤旋比較緊，一步高一步，所謂［後人見前人履底，前人見後人發頂］。泰山派呢套路劍法，純從泰山呢條陡道嘅地勢中化出，亦係忽緩忽緊，迴旋曲折。

五大夫劍
泰山派劍法，玉磬子、玉音子嘅師伯祖，由五大夫松悟出嘅一套劍法，招數古樸，內藏奇變。

岱宗如何
泰山派劍法之中最高深嘅絕藝，要旨在於左手嘅算術，精密分析各種要素之後，挺劍擊出，無不中的。泰山派入面，已經無人練成。

—————————————————————————————————
衡山派武功
—————————————————————————————————

衡山五神劍
係衡山派最強嘅劍法，共有五招，包含泉鳴芙蓉、鶴翔紫蓋、石廩書聲、天柱雲氣、雁迴祝融五招。衡山七十二峰，以芙蓉、紫蓋、石廩、天柱、祝融五峰最高。衡山派劍法之中，亦有五路劍法，分別以呢五座高峰為名。所謂衡山五神劍就係一招包一路，喺一招之中，包含咗一路劍法中幾十招嘅精要，幾十招中嘅精奧之處，融會簡化而入一招，一招之中有攻有守，威力之強，係衡山劍法之冠，係以呢五招劍法，合稱衡山五神劍。
［天柱雲氣］呢一招主要係由雲霧中變化出來，極盡詭奇之能事，動向無定，不可捉摸。衡山五高峰之中，以祝融峰最高，所以［雁回祝融］一招，喺衡山五神劍中亦係最為精深嘅一招。
當初莫大先生嘅師祖同師叔祖，喺華山絕頂同日月神教十長老交戰斃命。莫大先生嘅師父年紀較輕，雖然練就芙蓉、紫蓋、石廩、天柱、祝融五路劍法，但衡山五神劍，就只係知到大概。所以莫大先生都未得到師父傳授指點，喺嵩山比劍時，一度被重現五神劍嘅岳靈珊驚嚇到。

迴風落雁劍
係衡山派劍招之一，共有三十六路，其中第十七招為［一劍落九雁］。

百變千幻衡山雲霧十三式
衡山派三大絕技之一，係由衡山派一位昔日賣藝為生嘅高手所創，嗰位高手將變戲法嘅本領滲入咗呢套武功。百變千幻衡山雲霧十三式變化古怪，五花八門，層出不窮。
衡山派嘅劉正風同莫大先生先後利用過呢招擊倒費彬。

—————————————————————————————————
恆山派武功
—————————————————————————————————

恆山劍法
恆山派嘅劍法，係一種破綻極少嘅劍法，守御之嚴僅遜於武當派嘅太極劍法，偶爾忽出攻招，另有奧妙。

萬花劍法
恆山派嘅劍法，定靜師太曾經用來對付敵人，將飛來嘅十幾枚暗器盡數擊落。

七星劍法
喺第一版入面，恆山派嘅劍法。

天長掌法
係恆山派掌法之一。

—————————————————————————————————
青城派武功
—————————————————————————————————

松風劍法
青城派聞名武林嘅一門劍法，剛勁輕靈兼而有之，被稱譽為如松之勁、如風之輕。

摧心掌
係青城派入面嘅一門好殘酷同厲害嘅掌法。青城派掌門余滄海為咗為自己嘅兒子報仇，使用呢套掌法殺咗福威鏢局好多鏢師。而中掌嘅人死後會冇傷痕，全身冰冷，唔會流血，但係心臟就會被震得碎裂。

無影幻腿
係青城派嘅腿法招式。

鶴唳九霄神功
喺初版入面，青城派威力奇大嘅武功，幾百年來冇聽人練成過，重話早已失傳，而余滄海就暗中痛下苦功修煉，但重係差咗三分火候先至功德圓滿之境。

—————————————————————————————————
日月神教［明教］武功
—————————————————————————————————

吸星大法
任我行縱橫江湖嘅絕技，可以吸收人嘅真氣，化成自己嘅內力，疑似係結合逍遙派［北冥神功］同［化功大法］兩路功夫而成，但係內功之中存有重大缺陷，就係吸返來嘅功力超過自身負荷之後，就會產生反噬作用。



吸功入地小法
向問天模仿吸星大法創出嘅武功，可以將敵手攻來嘅內力由手臂傳至腰脅，再導引至腿腳進入地底消散，呢招曾經幫助令狐沖應付峨嵋派道士嘅攻擊，所以被圍攻嘅一班敵手誤認為任我行嘅吸星大法，向問天亦自認只係嚇人嘅伎倆，素來好少使用。

百鳥朝鳳
喺小說嘅第一版入面，係日月神教嘅武學，可以喺一招之間，用暗器或毒砂同時殺傷十個八個人，招數毒辣，實係好難閃避。

急風驟雨掌
喺小說嘅第一版入面，任我行同左冷禪交手時所使嘅掌法，招式狂砍狠劈，威猛無儔。

七煞掌
喺小說嘅第一版入面，任我行同向問天震死少林僧人嘅掌法。

—————————————————————————————————

其他武功
—————————————————————————————————

翻天掌
福威鏢局林家嘅家傳掌法，共一百單八式，係林遠圖馳名中原嘅武功之一，喺在笑傲江湖第一回，林平之［林震南之子］曾經喺小店使過一次，係為咗教訓調戲岳靈珊［岳不群之女］嘅餘人彥［余滄海之子］。 林平之用翻天掌巧妙打咗餘人彥幾掌之後，因經驗尚淺，被餘人彥反擊制住，之後林平之先王用刀仔偷襲殺死餘人彥。

銀羽箭
喺初版入面，福威鏢局林家嘅家傳暗器招式，林遠圖曾以一十八枝［銀羽箭］馳名中原。

飛沙走石十三式
係小說入面，田伯光嘅快刀招式。

倒踩三疊雲
係小說入面，田伯光施展嘅輕功。

一字電劍
丁堅所用嘅劍法，劍招隱含懾人威勢，使敵手未戰先怯，但喺同令狐沖交手時，就俾佢用獨孤九劍輕易打敗。。

潑墨披麻劍法
丹青生嘅劍法絕技，最登峰造極嘅一招，係將幾十招劍法合而為一，每一招都有變化，繁複無比。

石鼓打穴筆法
禿筆翁修練多年嘅判官筆法，但佢因為喜好書法，將興趣化入武功，威力降低唔少。

裴將軍詩筆法
禿筆翁由顏真卿所書嘅詩帖中變化出來嘅招式，一共二十三字，每字三招至十六招不等。

八蒙山銘
禿筆翁由蜀漢大將張飛所書嘅［八蒙山銘］中變化出來嘅招式，筆法凝重，但鋒芒角出，劍拔弩張，大有波磔意態。

懷素自敘帖
禿筆翁由懷素自敘帖中變化出來嘅招式，融合禿筆翁自創嘅狂草，筆路草中加草，招式縱橫飄忽，流轉無方。

寒冰掌、陰風爪
純陰功夫，根據向問天所講，呢兩招具有凝水成冰嘅威力。

玄天指
黑白子凝水成冰嘅內功，兩隻手指上注以內勁，實在不下於另有一件厲害嘅兵刃。

黑風指
失傳多年嘅武林絕技，有凝水成冰之效，同和玄天指形似而神非，威力較為霸道。

棋子暗器
黑白子嘅成名絕技，三百六十一枚黑白棋子射將出去，無人能擋。

七弦無形劍
黃鐘公苦練多年嘅絕招，招名有劍卻非劍，佢喺琴音中灌註上乘內力，唔只可以亂敵人心神，對方內力同琴音共鳴，就會不知不覺間為琴音所控制，而最高境界嘅［六丁開山］，六下琴音連續狠打猛擊，威力無疇。

虎爪擒拿手、龍爪功、小十八拿
黃鐘公替令狐沖把脈時，為防有變而暗中預備嘅擒拿手法。

磁峰千斤力
小說第一版入面，塞北明駝［木高峰］所擅長嘅武功。

—————————————————————————————————
金庸世界
—————————————————————————————————



—————————————————————————————————

鏞記舊書攤。廣東話資料館

鏞記舊書攤［鹿鼎記］武功秘笈

鹿鼎記［1969年–1972年］明報

清朝康熙初年，浙江富紳莊允誠遭革職知縣吳之榮舉報，告發佢個仔所編嘅《明史》裡面使用前明朝年號。權臣鰲拜即大興文字獄，莊家遭全家抄斬，更加牽連有份編修，以至買賣呢本書籍嘅民眾，呢個就係轟動全國嘅［莊廷鑨明史案］。

韋小寶成長於揚州妓院麗春院，母親韋春花係院入面嘅一名妓女。十二三歲嘅韋小寶救咗越獄犯茅十八一命，茅十八誇口要上京同［滿洲第一勇士］鰲拜決鬥，韋小寶就跟住佢北上。

—————————————————————————————————

神行百變
喺碧血劍、鹿鼎記裏面有記載，由鐵劍門木桑道人所創，後來又傳咗畀阿九［九難，長平公主］，九難再傳畀韋小寶。

—————————————————————————————————

五虎斷門刀
江洋大盜茅十八嘅成名刀法，招式狠辣。

—————————————————————————————————

沐家拳
沐王府成名江湖嘅拳術，喺武林中流傳廣泛，練就者眾。

—————————————————————————————————

回風劍
沐王府成名江湖嘅劍法，喺武林中流傳頗廣，練者眾多。

—————————————————————————————————

小擒拿手
武當派嘅基礎擒拿手法，假太后曾教畀康熙。

—————————————————————————————————

八卦游龍掌
武當派嘅武學之一，只有八八六十四式，但係反覆變化自有巧妙，假太后曾經教畀康熙同韋小寶交手之用。

—————————————————————————————————

大擒拿手
少林寺嘅基礎擒拿手法，海大富曾經教畀韋小寶，共有十八式，每式都各有七八種變化。

—————————————————————————————————

大慈大悲千葉手
少林寺武學之一，係天下最仁善嘅武功，招式變化多端，頗為難練，海大富雖然教咗畀韋小寶，但係佢就練得唔係好精通。

—————————————————————————————————

虎爪手
十八羅漢要擒抓九難時，所使出嘅擒拿手法。

—————————————————————————————————

龍爪手
十八羅漢要擒抓九難時，所使出嘅擒拿手法。

—————————————————————————————————

擒龍功
十八羅漢要擒抓九難時，所使出嘅擒拿手法。

—————————————————————————————————

化骨綿掌
神龍教嘅陰狠掌功，中掌者喺一年半載之後，骨骼慢慢折斷碎裂致人於死，假太后曾經用來害死貞妃同康熙嘅生母孝康皇后。

—————————————————————————————————

陰陽磨
崆峒派嘅厲害掌功，雙手掌力分為陰陽兩種，倒轉運使起來，可以消磨對手功力，修習呢套功夫好傷身，海大富同假太后交手時，最後利用呢套技化去假太后大量功力。

—————————————————————————————————

飛鳳手
崆峒派嘅武功，阿珂曾經用來打傷少林弟子。

—————————————————————————————————

落雁掌
崑崙派嘅武功，阿珂曾經用來打傷少林弟子。

—————————————————————————————————

回風掌
武當派嘅武功，阿珂曾經用來打傷少林弟子。

—————————————————————————————————

太極刀
武當派嘅武功，阿珂想用來對付澄觀嘅刀法之一。

—————————————————————————————————

少林長拳
少林寺嘅入門功夫，係入門嘅第一套武功。

—————————————————————————————————

羅漢拳
少林寺入門武學，學完少林長拳後，再進階嘅拳法。

—————————————————————————————————

伏虎拳
少林寺入門武學，練成羅漢拳之後，再進一步修練嘅武功。待練就伏虎拳，內外功已有相當根底，之後先至能夠修練更高深嘅少林寺武功。

—————————————————————————————————

韋陀掌
少林寺嘅武學，喺練成伏虎拳之後循序漸進修練嘅掌法，若果唔學韋陀掌，又可修練大慈大悲千葉手。

—————————————————————————————————

散花掌
少林寺武學，學完韋陀掌同大慈大悲千葉手之後，更深一層嘅武技。根據澄觀所講，練到散花掌之後，其他派別嘅弟子已經少有能敵。

—————————————————————————————————

波羅蜜手
少林寺嘅武學，練成散花掌先至可以再更上層樓嘅武功，但能否跨過呢個門檻，就要睇各人嘅悟性如何。

—————————————————————————————————

金剛神掌
少林寺嘅武學，寺僧練成波羅蜜手之後，先至能夠再進階修練嘅掌法。

—————————————————————————————————

拈花擒拿手
少林寺武學，寺僧練成金剛神掌之後，方可以修練嘅擒拿手法。純以渾厚內力為基礎，出手平淡沖雅，唔會夾雜絲毫霸氣。人以［拈花］兩字為呢路擒拿之名，自然每一招都係姿式高雅，同尋常擒拿手嘅扳手攀腿，大異其趣。

—————————————————————————————————

般若掌
少林寺七十二絕技之一，需要練就呢門掌法，先至能夠依據掌力深淺傳授易筋經內功。

—————————————————————————————————

一指禪
少林寺七十二絕技之一，需要先修練易筋經內力先可以驅使運用，澄觀至五十三歲時先至略通呢門指法。

—————————————————————————————————

破衲功
少林寺七十二絕技之一，少林方丈晦聰曾經用衣袖使出接去敵手擲發嘅暗器。

—————————————————————————————————

凝血神爪
天地會總舵主陳近南嘅成名招式，爪勁異常陰毒，中招者三日後全身血液慢慢凝結而死，無藥可治。唯有喺泥地掘洞將全身埋入，只露出口鼻呼吸，每日埋四個時辰，一共掩埋七日方能化解。

—————————————————————————————————

雞爪功
西藏拉薩大喇嘛巴顏法師所擅長嘅擒拿手法，曾經同清涼寺主持澄光力鬥一場。

—————————————————————————————————

大手印神功
西藏密宗第一高手桑結練至登峰造極嘅武功。

—————————————————————————————————

兩指禪
密宗高手桑結左右齊發嘅強悍指功，自認武功天下無雙，自從十隻手指中毒截去之後，手指短咗一段，出手已經唔及先前靈活，但正因為短咗一段，若係點中喺敵人身上，力道又比以前強咗三分。

—————————————————————————————————

金剛護體神功
少林派內功嘅最高境界，故老相傳，呢套［金剛護體神功］練到登峰造極之時，週身有一層無形罡氣​​，敵人襲來嘅兵刃暗器尚未埋身，就已經被震開。

—————————————————————————————————

紅砂掌
崑崙派嘅獨門掌法，馮錫範曾經用來擊殺關安基，中掌處會留有血紅色嘅手印。

—————————————————————————————————

美人三招
洪夫人蘇荃嘅功夫，曾經傳畀韋小寶，招式分別係［貴妃回眸］、［小憐橫陳］、［飛燕迴翔］。

—————————————————————————————————

燕青十八翻
地堂門身法，可以滾到敵人身前，用單刀擘佢哋嘅腳。

—————————————————————————————————

松鼠草上飛
地堂門嘅武功身法，可以滾到敵人身前，再用單刀擘佢哋嘅腳。

—————————————————————————————————

地堂刀法
地堂門武功，倘若上陣打仗，可以滾過去砍馬腳，林興珠曾經傳授士兵喺攻打台灣時使用。

—————————————————————————————————

—————————————————————————————————
＊＊［金庸世界］
—————————————————————————————————



—————————————————————————————————

鏞記舊書攤。廣東話資料館

鏞記舊書攤［書劍恩仇錄］武功秘笈

書劍恩仇錄［1955年–1956年］新晚報

故事係講述喺大清乾隆年間，江湖上勢力最雄厚嘅反清幫會係［紅花會］，當時嘅總舵主于萬亭身故，遺命係立天池怪俠袁士霄嘅弟子，亦係自己嘅義子陳家洛接任。紅花會內外香堂十三位當家受命，又遠赴到回疆迎接陳家洛，其間四當家奔雷手文泰來因為掌有皇帝身世嘅秘密，而遭遇到朝廷一眾高手追捕，喺連番力戰之下不敵被擒。陳家洛同其餘當家合力營救，而喺營救過程之中，又認識一班為咗攞返回部聖物而同朝廷對抗嘅英雄，佢哋彼此互助，結成生死之盟。另外，又巧遇武當高手陸菲青［綿裏針］、周仲英［鐵膽莊主］等英雄，相互結交，終於喺連番波折之後，成功救出四當家文泰來，重知道一個皇帝身世嘅秘密。

—————————————————————————————————

紅花會當家武功

—————————————————————————————————

于萬亭［總舵主］

少林天字輩俗家弟子，武功蓋世，好友為［天池怪俠］袁士霄。

陳家洛［少舵主］

于萬亭義子，師承［天池怪俠］袁士霄，授予百家武藝兼獨門［百花錯拳］嘅上乘拳法。喺于萬亭死後當上總舵主。

無塵道人［二當家］

綽號［追魂奪命劍］，只有一隻手臂，擅使上盤無塵劍法［七十二路追魂奪命劍］、［連環迷蹤腿］，武功喺紅花會之中數一數二。

趙半山［三當家］

綽號［千臂如來］，溫州太極門南宗掌門大弟子，暗器天下第一高手，擅太極拳、太極劍，係內家武學第一高手。

文泰來［四當家］

綽號［奔雷手］，擅霹靂掌、奔雷刀法，駱冰嘅丈夫，武功絕頂。

常赫志［五當家］

綽號［黑無常］，江湖人稱［西山雙俠］之一，同常伯志係兩兄弟，師承青城派慧侶道人，擅黑沙掌，武功卓絕。

常伯志［六當家］

綽號［白無常］，江湖人稱［西山雙俠］之一，同常赫志係兩兄弟，師承青城派慧侶道人，擅黑沙掌，武功卓絕。

徐天宏［七當家］

綽號［武諸葛］，後娶周老英雄獨女周綺為妻，入贅周家，育有一子。

楊成協［八當家］

綽號［鐵塔］，原為青旗幫幫主，因為敗喺無塵道人腿下而入會，武器為鐵鞭。

衛春華［九當家］

綽號［九命錦豹子］，凡逢江湖上兇毆爭鬥、對抗官兵時總係唔要命咁勇往直前，一生所遇嘅兇險不計其數，不過又連重傷都未受過一次，所以就俾人話佢有九條命。

章進［十當家］

綽號［石敢當］，自稱為［章駝子］，性格古怪，念在駱冰曾對佢有恩，所以最聽駱冰話，唔鍾意人哋叫佢做［駝背佬］。

駱冰［十一當家］

綽號［鴛鴦刀］，係神刀駱元通之女，文泰來嘅老婆。

石雙英［十二當家］

綽號［鬼見愁］，執掌刑堂，鐵面無私、心狠手辣，犯咗戒條就算係走到天涯海角，佢都必派人搵返來處刑，擅於內家拳法。

蔣四根［十三當家］

綽號［銅頭鱷魚］，武器係一支鐵槳，使嘅係［魯智深瘋魔杖］，佢係將鐵槳當做禪杖來使。佢同楊成協、章進三人稱做［三大力士］。

余魚同［十四當家］

綽號［金笛秀才］，非常愛慕駱冰，甚至曾經做出逾矩嘅事，後來因而自稱［天下第一喪心病狂無情無義之人］，武器係［金笛］，曾經考上秀才，最後同愛慕佢嘅李沅芷成婚。

心硯［十五當家］

原本係陳家洛嘅書僮，後來升為當家。

—————————————————————————————————

＊＊

—————————————————————————————————

五行拳
鐵臂羅漢［羅信］嘅絕招，［一招甫發，次招又到，一刻也不容緩］，金、木、水、火、土五行相生相剋，連續不絕。

—————————————————————————————————

沾衣十八跌
係一種內家拳術，［千跌張］傳下嘅秘術，陸菲青曾經用來對付羅信，招式係借勢用勁之法，功力深嘅，敵人只要一碰到衣物，就會直跌出去。

—————————————————————————————————

鐵琵琶手
洛陽韓家嘅絕技，係關東六魔排第三嘅焦文期曾經學藝，兼有［鐵沙掌］同［鷹爪功］兩家之長。韓家鐵琵琶手至韓五娘而達大成，除掌法之外，兵器用嘅係一對精鐵打成嘅琵琶。呢個琵琶兩邊鋒利，攻時有如板斧，守時可以做盾牌，琵琶入面中空，收埋咗十二枚琵琶釘，一物三用認真厲害。

—————————————————————————————————

吳鈎劍
貝人龍［玉判官］嘅隨身兵器，吳鈎劍名雖然叫做劍，其實係一對鈎，不過鈎頭上多咗一個劍尖，除咗鈎法中嘅勾、拉、鎖、帶之外，亦夾住雙劍嘅套路。雙鈎唔屬於十八般武器之內，極為陰狠難練，如果鴞初學時稍有疏虞，唔係俾月牙護手所傷，就係拗勁掣肘，出唔到招，但係練成之後，威力就好大。

—————————————————————————————————

柔雲劍法
武當派嘅上乘劍法，一招之後，無論對方點樣招架都好難退避，第二招順勢跟住就出，有如柔絲不斷，春雲綿綿。張召重［火手判官］都會用呢套劍法，而佢用兵器就係凝碧劍。

—————————————————————————————————

芙蓉金針
武當派嘅暗器招式，用金針發出。

—————————————————————————————————

點穴手
武當派嘅獨門點穴功夫。

—————————————————————————————————

大摔碑手
武當派嘅掌法，陸菲青曾經用來對付貝人龍。

—————————————————————————————————

三十二勢長拳
武當派嘅入門功夫，可以培力練拳。

—————————————————————————————————

十段錦
武當派嘅入門功夫，可以培力練拳。

—————————————————————————————————

無極玄功拳
武當派嘅上乘拳掌招式。

—————————————————————————————————

甩手箭
武當派嘅暗器套路之一。

—————————————————————————————————

破金錘
武當派嘅雙錘功夫，一共有二十四路招式。

—————————————————————————————————

六合槍
李可秀參將曾圖南嘅槍法。

—————————————————————————————————

齊眉棍法
九門提督府記名總兵成璜同余魚同交手時施展嘅棍法。

—————————————————————————————————

八卦掌
威鎮河朔王維揚成名武林嘅絕技，分［遊身八卦掌］同最厲害嘅［內八卦掌］同獨門絕學［八陣八卦掌］。呢啲係真實存在嘅武功，係內家功法之一，同八卦拳一樣。

—————————————————————————————————

八卦刀
威鎮河朔王維揚成名武林嘅絕技，曾經傳畀兩個仔王劍英、王劍傑同商劍鳴等弟子，商劍鳴嘅老婆商老太同個仔商寶震亦得傳承，含有大架、小架、內架、外架多項變形。起手第一招為［上勢左手抱刀］，包含回身劈山刀、上步劈山等招式。

—————————————————————————————————

大力鷹爪功
嵩陽派嘅武學，金爪鐵鈎白振以呢套功夫馳名江湖。

—————————————————————————————————

醉拳
福建少林寺嘅拳法，雖魚只有十六路，但係下盤若虛而穩，拳招似懈實精，翻滾跌扑，顧盼生姿，監寺大苦大師曾經用來同陳家洛交手。呢套係真實存在嘅武功，但口訣已失落。

—————————————————————————————————

瘋魔杖法
福建少林寺嘅武學，威猛如虎，驟若天魔，杖法脫胎於少林寺緊羅那王所傳嘅一百零八路棍法，又摘取大細［夜叉棍］、［取經棍法］等嘅精華，招招狠毒，好似發癲入魔咁。戒持院首座大癲大師曾經用來同陳家洛交手。

—————————————————————————————————

五行連環拳
少林寺嘅拳術，一施開崩、鑽、劈、炮、橫五趟拳術，威力都頗為驚人。

—————————————————————————————————
陳家洛武功

—————————————————————————————————

游身八卦掌
陳家洛用來同周仲英交手嘅拳法之一。

—————————————————————————————————

金剛伏虎刀法
陳家洛同張召重交手時施展嘅刀法。

—————————————————————————————————

武當長拳
陳家洛用來同周仲英交手嘅拳法之一。

—————————————————————————————————

查拳
陳家洛用來同周仲英交手嘅拳法之一。

—————————————————————————————————

綿掌
陳家洛用來同周仲英交手嘅拳法之一。

—————————————————————————————————

三十六路大擒拿手
陳家洛用來同周仲英交手嘅拳法之一。

—————————————————————————————————

分筋錯骨手
陳家洛用來同周仲英交手嘅拳法之一。

—————————————————————————————————

岳家散手
陳家洛用來同周仲英交手嘅拳法之一。

—————————————————————————————————

庖丁解牛功
陳家洛喺迷宮入面藉由莊子所悟出嘅武學，同維吾兒族一派武學淵源極深，呢套功夫需要配合音樂施展。

—————————————————————————————————

百花錯拳
天池怪俠［袁士霄］所創嘅獨門拳術，佢或明或暗將各家拳術幾乎學齊晒，隱居天池之後，融會貫通百家所長，別走蹊徑，創出咗呢套拳法，套路精義不但止無所不包，其妙之處尤在於一個［錯］字，每一招都同各派祖傳正宗手法相似而實非，一出手對方以為就係出某一招，舉手迎敵嘅時候，才至知道打出來嘅方位手法完全唔同，佢嘅精微要旨在於［似是而非，出其不意］八個字。旁人只係知道拳腳出招完全打錯，但唔知道正因為係全部打錯，對方先至防不勝防。

—————————————————————————————————

連環迷蹤腿
紅花會二當家無塵道人［追魂奪命劍］因為失去咗一隻手臂，所以佢嘅腿上功夫就比較練得出神入化，以補手臂不足。

—————————————————————————————————

追魂奪命劍
無塵道長嘅成名劍法，包含［大五鬼劍法］等套路。

—————————————————————————————————

回龍璧
紅花會三當家趙半山［千臂如來］參照南洋獵戶嘅［飛去來器］所製嘅暗器，經過無數次試制習練，製成一種曲尺形精鋼彎鏢。

—————————————————————————————————

飛燕銀梭
趙半山獨創嘅暗器，燕尾跌落，梭中彈簧機括彈動燕頭，銀梭突然喺空中轉彎，向上激射，令人防不勝防。

—————————————————————————————————

玄玄刀法
太極門嘅刀法，趙半山曾經傳授畀石雙英。

—————————————————————————————————

霹靂掌
紅花會四當家文泰來［奔雷手］嘅成名武功，每一拳掌出招都會猛喝一聲，或先呼喝而掌隨至，或拳先出而聲後發，或拳聲齊作，或有聲無拳，喝聲同掌法拳招搓揉一起，身法愈快，喝聲愈響，神威逼人。

—————————————————————————————————

黑沙掌
青城派慧侶道長傳畀徒弟常赫志、常伯志嘅武功，喺慧侶道長死後，江湖上黑沙掌嘅功夫已冇人喺常氏兄弟之上。

—————————————————————————————————

無極拳
紅花會十二當家石雙英［鬼見愁］嘅獨門武藝。

—————————————————————————————————

刀中夾鏢
王維揚嘅絕技，左手刀法同尋常嘅刀法啱啱相反，敵人招架已經好難，再加金鏢順住刀勢發出，敵人避得開飛鏢，都避唔開把刀，避開把刀，又避唔開飛鏢，認真厲害非常。

—————————————————————————————————

七步追魂
瑞大林嘅輕功身法。

—————————————————————————————————

八步趕蟾
瑞大林嘅輕功身法。

—————————————————————————————————

六合拳
乾隆手下太監遲玄學嘅武功。

—————————————————————————————————

通臂拳
乾隆手下太監武銘夫專精嘅武功。

—————————————————————————————————

殭屍拳
言家拳中嘅一路奇門武功，混合咗辰州祝由科嘅［懾心術］而成，兩臂直上直落嘅亂打，膝頭雖然唔彎曲，但係縱跳又極為靈便。

—————————————————————————————————

三分劍術
苗部女子霍青桐［翠羽黃衫］嘅絕技，佢師從［天山雙鷹］之一關明梅［雪鵰］。三分劍術係天山派劍術嘅絕詣，所以叫做［三分］，係因為呢套劍術之中，每一手都只使到三分之一為止，敵人剛要招架，劍法已變。一招之中蘊涵三招，最為繁複狠辣。呢套劍術並無守勢，全部都係進攻殺着，要旨係以快打慢，以變擾敵。

—————————————————————————————————

瞬息千里
傳說係西毒歐陽鋒嘅輕功身法。

—————————————————————————————————

子母鐵膽
周仲英嘅成名武功，之後傳畀女婿徐天宏。

—————————————————————————————————

大洪拳
袁士霄同張召重談論武功時提到嘅招式。

—————————————————————————————————
＊＊［金庸世界］
—————————————————————————————————



—————————————————————————————————

鏞記舊書攤。廣東話資料館