清潔香港運動［形象大使］

清潔香港運動，係香港全港性嘅公眾教育同宣傳活動，由政府通過唔同嘅渠道宣傳清潔環境信息，包括：電視宣傳短片、電台聲帶、海報同橫額、報章特稿同報道、潔淨比賽、巡迴展覽、重有多種語言嘅小冊子等。香港社會將亂丟垃圾嘅人叫［垃圾蟲］，亦係沿自呢個宣傳活動。另外，有唔少當時受歡迎嘅明星藝人亦都有協助宣傳清潔香港，先至引起比較多市民注意。

圖片：70- 90年代，無線電視皇牌長壽綜合性節目《歡樂今宵》為宣傳［清潔運動］而舉辦嘅特輯。

＊＊

清潔香港宣傳人物：

1959年至1969年，政府曾經舉行過連串嘅地區清潔運動，［平安小姐］呢個宣傳人物，就係喺六十年代嘅清潔運動之中推出。［1959年平安小姐宣傳海報］





＊＊

其他宣布海報：1969年

＊＊



1972年8月，政府又展開宣傳同教育，呢段期間設計嘅唔少海報同象徵標誌，畀市民留下比較深刻嘅印象。

一雙怒目而視嘅［雙眼］



＊＊

人見人憎嘅［垃圾蟲］





＊＊

嬌俏可人嘅［清潔小姐］






＊＊

1981年，垃圾蟲又出現喺淺水灣嘅海灘清潔運動入面。

＊＊

其他：

＊＊

1990年代，委任咗形象正義嘅清潔龍家族，分別係［清潔龍］、［沙灘龍］、［郊野龍］同兩條小龍［小清］同埋［小潔］。



＊＊

2016年，食物環境衞生署委任咗清潔龍［阿德］為清潔香港大使，重設立清潔龍阿德個人 Facebook 專頁、電視宣傳短片、海報等。

　　　　　　　　　　　

＊＊

清潔香港運動形象大使



。平安小姐　　　　。垃圾蟲　　　　　。清潔小姐　　　　。清潔龍

 ＊＊

宣傳歌曲：

1970年代，清潔香港宣傳物［垃圾蟲］嘅宣傳告歌曲［葉麗儀］



垃圾最可怕，垃圾最討厭，
人人都憎佢，呢個垃圾蟲。
垃圾蟲，垃圾蟲，製造垃圾損市容，
垃圾蟲，垃圾蟲，協力消除垃圾蟲。

＊＊

1981年，清潔香港宣傳歌曲［關正傑］

　步步是美景，地方清潔無限美
　東方之珠顯光輝，推廣好風氣
　善用垃圾箱，垃圾不可以隨地棄
　今天香港的清潔，真的有賴你
　將手裡的廢物，通通拋進垃圾箱
　香港清潔顯新姿，人人好首尾
　香港變清潔地，家家安康笑嘻嘻
　香港清潔好安居，人人都鍾意
　香港清潔好安居，人人都鍾意

＊＊

1987年，清潔香港宣傳歌曲［譚詠麟］

你與我與香港　創出美好印象　
維繫理想　清潔香港（許冠文：有冇人響應吖？我有吖！）
你與我兩手牽　叫香港添美善
群力眾心　響應欣賞
一起響應　盡力盡本份
一於響應　清潔香港
趕走污穢　盡力盡本份
香港清潔　理想家鄉
家家響應　衷心響應
悉心響應　清潔香港
一於響應

＊＊

他來自江湖外傳［清潔版］

演出：周星馳、萬梓良、梅小惠、恬妞、毛舜筠、劉德華

＊＊

廣東話生活雜記

灣仔石水渠街［藍屋］灣仔街坊醫院

藍屋，其實係香港一列唐樓，喺灣仔石水渠街 72 號至 74A 號雙數門牌，依家已經列為香港一級歷史建築。其中 72 號、72 號 A 同 74 號三幢樓嘅外牆都塗上藍色，因為咁就畀人稱為［藍屋］；而 74 號 A 喺2010年前仍然係由私人擁有，一直維持係灰色嘅外牆。



藍屋原址曾經係一間醫院，樓高兩層，喺1872年政府差餉徵收冊入面名為［華佗醫院］，亦稱為［灣仔街坊醫院］。



1886年，醫院關閉之後，變咗畀人用來供奉神醫華陀嘅［華陀廟］。

＊＊

1920年代，［華陀廟］拆咗之後，就喺原址要起一棟四層高嘅屋。座樓喺1922年起好，樓梯之間嘅牆壁、單位入面嘅窗同樣由木材造嘅，而露台部分就係用鋼筋水泥造嘅，係香港少數剩餘有露台嘅唐樓。



＊＊

72號地下，原址以前就係［華佗廟］。

。1950年代，由黃飛鴻徒弟林世榮嘅姪林祖喺度開咗間武館。
。1960年代，林祖嘅武館再改由佢個仔林鎮顯開嘅醫館。

72號一樓，曾經開辦過專為街坊子弟提供免費教育嘅［鏡涵義學］。
72號二樓同三樓，就係戰前灣仔唯一嘅英文學校［一中書院］嘅校址。

＊＊

72號A地下，以前係［廣和號］雜貨鋪。

＊＊

74號地下，係［聯興酒莊］，大約喺80年代結業。
74號二樓，曾經係［鮮魚商會］嘅會址，而同座三樓就係商會嘅會議室。



＊＊

74號A地下，原本係一間雜貨鋪，戰後改為做住宅。

＊＊

點解會有藍屋呢？
喺1990年代，香港政府為藍屋外牆做油漆時，因為物料庫只剩低水務署用開嘅藍色油漆，所以成座樓就油成藍色。

＊＊

2007年，灣仔聖雅各福群會喺藍屋地下嘅地鋪開設［灣仔民間生活館］，以［從民間出發。匯多元文化］為宗旨，展出舊時灣仔民間嘅生活用品，重透過好多唔同嘅方式，希望引起公眾人士對灣仔地區文化保育嘅關注。



＊＊

2012年3月開始，［灣仔民間生活館］得到［滙豐銀行慈善基金］贊助變身成為［香港故事館］，希望關注社區文化議題由灣仔社區拉闊至全個香港。

＊＊ 廣東話生活雜記

九龍皇帝．曾灶財

曾灶財［真名：曾財］生於1921年11月12日，於2007年7月17日離世，相信新一代嘅年輕人可能對曾灶財有啲陌生，但係佢昔日遺下來嘅筆迹、塗鴉已成為我哋嘅藝術同香港文化嘅一部分。



曾灶財〔1921年11月12號—2007年7月17號〕。
曾灶財叫自己做〔九龍皇帝〕，真名叫〔曾財〕，畀人稱為［係香港一個塗鴉藝術家］。



曾灶財雖然跛跛哋，但都成日喺街上面寫大字，觀塘區、尖沙咀天星碼頭一帶都搵到佢嘅筆跡，佢寫嘅大字多數講返自己同佢家族嘅舊時嘅嘢、根據佢自己聲稱份族譜，以前皇帝曾經御賜九龍畀佢祖先做食邑；所以佢就係〔九龍皇帝〕，因為咁佢成日喺街寫大字，〔宣示〕佢對九龍嘅〔主權〕，又鬧英國佬非法佔領咗佢嘅土地。



曾灶財成日因為周街寫大字畀人拉上差館，但係佢上到法庭次次都唔認罪嘅。喺2004年10月有人拎佢嘅作品去拍賣行拍賣，賣到五萬五千蚊。二十世紀九十年代後期，有香港設計師攞曾灶財寫嘅嘢做時裝設計，確立曾灶財作為香港文化嘅代表人物之一。



曾灶財雖然患有精神病，但係佢都塗鴉咗超過50年，筆跡遍及港九各區，而且啲內容異常，畀香港人留低好深刻嘅印象。



曾灶財．九龍皇帝。



曾灶財話，佢喺廣東肇慶蓮塘村出世，16歲時由鄉下走嚟香港投靠佢舅父，當年佢喺建築地盤同垃圾站度做嘢，好衰唔衰有次開工畀重嘢壓傷隻腳，之後就要靠柺杖行路。



曾灶財周圍塗鴉係有一段故事嘅。聽講話當年曾灶財整理祖先嘅遺物時，發現九龍部份土地〔九龍城〕割讓畀英國之前，曾經獲御賜為佢祖先嘅食邑〔封地〕。香港成為咗英國屬地之後，佢哋就唔再係九龍嘅地主。曾灶財唔滿意政府〔霸佔〕咗佢嘅土地，所以就開始四處稟狀，經常喺屋企附近塗鴉〔宣示主權〕。



外國傳媒都係用〔Kowloon Emperor〕來稱呼佢〔曾灶財〕。



曾灶財．九龍皇帝。



曾灶財．九龍皇帝。



曾灶財．九龍皇帝。



曾灶財．九龍皇帝。



曾灶財嘅塗鴉作品都係用毛筆寫嘅中文字，內容通常係講述自己同埋家族嘅過往事蹟，重有〔宣示〕喺九龍嘅〔主權〕，所以就有〔九龍皇帝〕呢個稱號。



曾灶財雖然行路唔方便，但係喺九龍嘅唔同區包括觀塘、尖沙咀天星碼頭等，至班九龍以外嘅香港島中環同西環等地方都可見到佢嘅筆跡。



曾灶財．九龍皇帝。



曾灶財．九龍皇帝。



曾灶財．九龍皇帝。



尖沙咀天星碼頭搵到曾灶財嘅〔墨寶〕。



曾灶財．九龍皇帝。



曾灶財．九龍皇帝。





曾灶財．九龍皇帝。



曾灶財．九龍皇帝。



曾灶財．九龍皇帝。



曾灶財喺尖沙咀天星碼頭度即席揮毫。



曾灶財〔墨寶〕受到透明膠片保護。



曾灶財喺尖沙咀天星碼頭嘅〔墨寶〕，政府加上保護設施。

＊＊

1980年代。香港［當年的社會］

小莫小於水滴，匯成大海汪洋；細莫細於沙粒，聚成大地四方。

＊＊

廣東話生活雜記